Tamil Star

கனடா- ஒன்ராறியோவின் தென்பகுதி நகரங்கள் ரொறொன்ரோ உட்பட்ட பெரும்பாலானவற்றிற்கு கனடா சுற்றச்சூழல் பிரிவு விசேட காலநிலை அறிக்கையை வெளியிட்டுள்ளது. 5-சென்ரிமீற்றர்கள் வரையிலான பனி பெய்யலாம் என எதிர்பார்க்கப் படுகின்றது. ஹமில்ரன், ஒட்டாவா, கோன்வால், ஹால்ரன், கிங்ஸ்ரன், லண்டன், நயாகரா, ஒக்ஸ்வோட்-பிரான்ட், பீற்றபொறோ, சானியா, வாட்டலூ, வின்சர் மற்றும் யோர்க் பிரதேசம் போன்றன இதில் அடங்குகின்றன. புதன்கிழமை பிற்பகல் ஆரம்பித்த பனி பொழிவு ரொறொன்ரோ பெரும்பாக முழவதிலும் அவசர நேர போக்குவரத்தை மந்தகதிக்கு தள்ளியுள்ளது. நியு யோர்க்கின் பல மாநிலங்கள் 5-அடிகளிற்கும் மேலான பனியினால் போர்த்தப்பட்டுள்ளது. பவ்வலோ நகரம் உட்பட்ட எறிக் கவுன்ரி பகுதிகளில் பெருந்தொகை பனி காரணமாக அவசர காலநிலை பிரகடனப்படுத்தப் பட்டுள்ளது.

This posting includes an audio/video/photo media file: Download Now

ஐ.எஸ்ஐ.எஸ் இஸ்லாமிய தீவிரவாத அமைப்பினர் குண்டுகளை தயாரிக்க பயன்படுத்தி வந்த தொழிற்சாலை கட்டிடத் தொகுதி ஒன்றின் மீது கனேடிய யுத்த விமானங்கள் குண்டுவீச்சினை மேற்கொண்டுள்ளன. ஈராக்கின் வட பகுதியில் அமைந்துள்ள இந்த தொழிற்சாலை மீது கனேடிய போர் விமானங்களுடன், ஏனைய அங்கத்துவ நாடுகளின் விமானங்களும் இணைந்து மேற்கொண்ட தாக்குதலில் அந்த ஆயுத தொழிற்சாலை தரைமட்டமானதாக கூறப்படுகின்றது. ஈராக்கிய படையினர் மீது தாக்குதலை நடாத்துவதற்கான கண்ணிவெடிகள், வீதியோர குண்டுகள், பொறி வெடிகள் போன்றவற்றை தயாரிப்பதற்கு அந்த தொழிற்சாலை பயன்பட்டு வந்ததாக தெரிவிக்கப்படுகிறது. ஈராக்கின் இரண்டாவது பெரிய நகரமான மோசூல் நகரில் இந்த தாக்குதல் இடம்பெற்றமை தொடர்பான தகவலை கனேடிய பாதுகாப்பு அமைச்சர் ரொப் நிக்கோல்சனின் அலுவலகம் இன்று வெளியிட்டுள்ளது. கனடாவின் CF-18 வகை போர் விமானங்கள் நான்கு குறித்த அந்த இலக்கின் மீது எட்டு குண்டுகளை துல்லியமாக வீசியதாக கூறப்படுகிறது. இந்த தாக்குதல் நடவடிக்கை வெற்றிகரமாக மேற்கொள்ளப்பட்டதனை அடுத்து தாக்குதலில் ஈடுபட்ட அனைத்து விமானங்களும் பாதுகாப்பாக தமது தளங்களுக்கு திரும்பியுள்ளதாக அறிவிக்கப்பட்டுள்ளது. இந்த தாக்குதல் தொடர்பிலான விபரங்களை நாடாளுமன்றத்திலும் பாதுகாப்பு அமைச்சர் வெளியிட்டுள்ள போதிலும், தாக்குதல் தொடர்பிலான மேலதிக விபரங்கள் எதனையும் அவர் தெரிவிக்கவில்லை.

This posting includes an audio/video/photo media file: Download Now

ரஷ்யா ரகசியமான முறையில் விண்கலன் போன்ற மர்ம எந்திரத்தை விண்ணில் செலுத்தியது அம்பலமாகியுள்ளது. கடந்த மே மாதம் இந்த இயந்திரம் விண்ணில் செலுத்தப்பட்டுள்ளது. இது குறித்த தகவல்கள் இரகசியமாக பேணப்பட்டு வந்தது. இந்த நிலையில் தற்போது அது விண்ணில் பறப்பதை சில நாடுகளின் விண்வெளி நிறுவனங்கள் கண்டுபிடித்துள்ளன. தெற்கு பசிபிக் கடலின் மீது பறந்த போது இது கண்டறியப்பட்டது. தொடக்கத்தில் இது விண்ணில் சுற்றி வரும் விண்கலன்களை கண்காணிக்கவும், விண்வெளியில் உடைந்து மிதக்கும் விண்கலன் இடிபாடுகளை அகற்றவும் உதவும் என கருதப்பட்டது. தற்போது அது எதிரி நாட்டு விண்கலன்களை அழிப்பதற்காக அனுப்பப்பட்டதாக இருக்கலாம் என்ற அச்சம் ஏற்பட்டுள்ளது. விண்கலன் போன்ற மர்ம எந்திரத்துக்கு 2014–28 இ என பெயரிடப்பட்டுள்ளது.

This posting includes an audio/video/photo media file: Download Now

அமெரிக்க பிணைக்கைதி பீட்டர் காசிக்கின் தலைத் துண்டிப்பு காணொளியில் மேற்கத்திய நாட்டை சேர்ந்த தீவிரவாதிகள் இருப்பது கண்டுபிடிக்கப்பட்டுள்ளது.

ஐ.எஸ்.ஐ.எஸ் தீவிரவாதிகளால் பிணைக்கைதியாக பிடிக்கப்பட்ட அமெரிக்க சமூக தொண்டு நிறுவன ஊழியர் பீட்டர் காசிக் (Pater kassig Age-26) சமீபத்தில் தலைத் துண்டித்து கொடூரமாக படுகொலை செய்யப்பட்டார்.

இவருடன் பிணைக்கைதிகளாக பிடிபட்ட 18 சிரியா ராணுவ வீரர்களும் தலைத் துண்டித்து கொல்லப்பட்டனர்.

இந்த படுகொலை காணொளியில் பிணைக்கைதிகளின் தலைத் துண்டிக்க, அவர்களின் பின்புறம் கத்தியுடன் நிற்கும் தீவிரவாதிகள் பிரான்ஸ், இங்கிலாந்து, அவுஸ்திரேலியா உள்ளிட்ட மேற்கத்திய நாடுகளை சேர்ந்தவர்கள் என்பது தற்போது தெரியவந்துள்ளது.

இதில் மேக்ஸிம் ஹவுசார்ட் (Maxime Hauchard Age-22) மற்றும் மைக்கில் டோஸ் சாண்டோஸ் (Michael Dos Santos) என்ற பிரான்சை சேர்ந்த இரு நபர்கள் இருப்பதாக பிரான்ஸ் அதிகாரி பிரான்கோயிஸ் மொலின்ஸ் (Francois Molins) கூறியுள்ளார்.

மேலும் இங்கிலாந்தின் கார்டிப் மருத்துவக்கல்லூரியில் (Cardiff University) பயின்ற நசீர் முத்தன்னா (Nasser Muthana Age-20) என்பவனும் காணொளியில் இருப்பதாக தெரிவிக்கப்பட்டுள்ளது.

This posting includes an audio/video/photo media file: Download Now

குழந்தைப் பேறு இல்லாதவர்கள் குழந்தையை பெறுவதற்காக நவீன மருத்துவத்தில் பல்வேறு வழிகள் உள்ளன.

அதில் ஒன்று வாடகைத் தாய் முறை. குறிப்பிட்ட தொகையை வாங்கிக்கொண்டு தனது கருப்பையில் குழந்தை வளர்த்து, பெற்றுத்தருபவரே வாடகைத்தாய்.

பல நாடுகள் இம்முறைக்கு தடை விதித்திருக்கின்றன. என்றாலும் இந்தியாவில் இதற்கு தடை இல்லை. பணத்துக்காக மற்றொருவரின் கர்ப்பத்தை தாங்குவதற்கு ஏராளமான வாடகைத்தாய்கள் இங்கு முன் வருகின்றனர்.

வெளிநாட்டு தம்பதிகள் இந்திய வாடகைத்தாய்களிடம் இருந்து தங்கள் குழந்தைகளை பெற்றெடுத்து செல்கின்றனர்.

இந்தியாவில் இரண்டரை கோடி கருத்தரிக்க இயலாத தம்பதிகள் உள்ளதாக கணக்கிடப்பட்டுள்ளது.

இதில் பலர் வாடகைத்தாய்கள் மூலம் தங்களுக்கு குழந்தைகளை உருவாக்கிக் கொள்கின்றனர்.

குழந்தை பேறு இல்லாத வெளிநாட்டு தம்பதிகளும் வெளிநாடு வாழ் இந்திய தம்பதிகளும் இந்தியா வந்து வாடகைத்தாய் மூலம் குழந்தை பெற்றுக்கொள்ளவே விரும்புகின்றனர்.

மற்ற நாடுகளுடன் ஒப்பிட்டு பார்க்கையில், இந்தியாவில் இதற்கான செலவு குறைவு என்பது முக்கிய காரணம்.

எல்லாமே மலிவாக கிடைப்பது போல வாடகைத்தாயும் இங்கு மலிவாக கிடைக்கிறார்கள் என்பதே வெளிநாட்டினரின் அதிக அளவிலான வரவுக்கு காரணம்.

டெல்லி செயற்கை கருத்தரிப்பு மையம் ஒன்றில், வாடகைத்தாய் மூலம் குழந்தை பெற்றுக்கொள்ள வருபவர்களில் 40 சதவீதத்தினர் வெளிநாட்டினர்.

30 சதவீதத்தினர் வெளிநாடு வாழ் இந்தியர்கள். ஏனைய சதவீதத்தினர் மட்டுமே இந்தியர்கள் என தகவல்கள் தெரிவிக்கின்றன.

This posting includes an audio/video/photo media file: Download Now

தமிழக அரசின் இணையதளங்களில் ஜெயலலிதாவின் படங்கள் முழுமையாக அகற்றப்படவில்லை.

செய்தித்துறை தளத்தில் முதல்வர் ஜெயலலிதா என்றுதான் போடப்பட்டுள்ளது. ஜெயலலிதா தொடர்பான செய்திகளும், படங்களுமே இடம் பெற்றுள்ளன.

பல்வேறு திட்டங்களைத் தொடங்கி வைத்தது, நிதியுதவி அளித்தது உள்ளிட்ட படங்கள்தான் இடம் பெற்றுள்ளன. முதல்வர் ஓ.பன்னீர் செல்வத்தின் பெயரோ, படமோ, அவர் குறித்த செய்திகளோ இல்லை.

அரசின் திட்டங்களையும், செயல்பாடுகளையும் மக்களிடம் கொண்டு செல்லும் முக்கியப் பணி இந்தத் துறையிடம் உள்ளது.

ஆனால் அந்தத் துறையோ தவறான தகவல்களுடன் காணப்பட்டது. இந்த துறைதான் முதல்வர், அமைச்சர்களின் அதிகாரப்பூர்வ படங்களை அனுப்பி வைக்க வேண்டும்.

ஆனால் இத்துறையின் இணையதளத்திலேயே இவ்வாறு தவறான படங்கள் இடம் பெற்றிருந்தது ஆச்சரியமாக உள்ளது.

This posting includes an audio/video/photo media file: Download Now

மீன்பிடி, நீரியல்வளத்துறை அமைச்சர் ராஜித சேனாரத்ன தனது அமைச்சுப் பதவியிலிருந்து ராஜினாமாச் செய்வதற்கான தீர்மானம் எடுத்துள்ளதாக தகவல்கள் தெரிவிக்கின்றன. இன்று காலை தொடக்கம் கொழும்பு மாளிகாவத்தையில் உள்ள அமைச்சர் ராஜித சேனாரத்னவின் அலுவலகத்தில் இருந்து அவரது பைல்கள் மற்றும் உடைமைகள் ஒதுக்கிக் கொள்ளப்பட்டுக் கொண்டிருப்பதாக நம்பகமான தகவல் வட்டாரங்களிலிருந்து தெரிய வந்துள்ளது. அலுவலகம் காலி செய்யப்பட்டதன் பின்னர் பெரும்பாலும் இன்று மாலைக்குள் அமைச்சர் ராஜித சேனாரத்ன தனது ராஜினாமாக் கடிதத்தை ஜனாதிபதிக்கு அனுப்பி வைக்கக் கூடும் என்று எதிர்பார்ப்பதாகவும் குறித்த தகவல் வட்டாரங்களிலிருந்து தெரியவந்துள்ளது. இதற்கிடையே அமைச்சர் பதவியிலிருந்து ராஜித சேனாரத்ன விலகினால், அவருக்கு எதிரான பழைய வழக்குகள் தூசு தட்டப்பட்டு, இரண்டொரு நாட்களுக்குள் அவர் கைது செய்யப்படலாம் என்றும் தெரிய வந்துள்ளது. சந்திரிக்காவின் ஆட்சிக்காலத்தில் நாடாளுமன்ற கடிதத் தலைப்பை தனது வர்த்தக நடவடிக்கைகளுக்காக பயன்படுத்திய குற்றச்சாட்டில் உறுப்பினர் பதவி ராஜிதவிடமிருந்து பறிபோனது. அக்காலகட்டத்தில் அவர் எதிர்க்கட்சி நாடாளுமன்ற உறுப்பினராக இருந்தார் என்பது குறிப்பிடத்தக்கது. அமைச்சை காலி செய்த ராஜித சேனாரத்ன மீன்பிடி மற்றும் நீரியல்வளத்துறை அமைச்சர் ராஜித சேனாரத்ன, அமைச்சில் இருந்து தனது பொருட்களை எடுத்துச் சென்று விட்டதாக தகவல்கள் தெரிவிக்கின்றன. ராஜித சேனாரத்னவுடன் தொடர்புகளை கொண்டுள்ள எதிர்க்கட்சியின் பிரதிநிதி ஒருவர் இதனை உறுதிப்படுத்தியுள்ளார். ராஜித சேனாரத்னவின் புதல்வர் கொழும்பு முத்தையா மைதானத்தில் அண்மையில் நடைபெற்ற தூய்மைக்கான நாளை அமைப்பு நடத்திய பொதுக் கூட்டத்திற்கான ஏற்பாட்டு நடவடிக்கைகளை மேற்கொண்டிருந்தார். இந்த நிலையில், ராஜித சேனாரத்ன அரசாங்கத்தில் இருந்து விலக உள்ளதாக தகவல்கள் தெரிவிக்கின்றன. அதேபோல் சிரேஷ்ட அமைச்சர்களில் ஒருவரான மில்ரோய் பெர்ணான்டோ தனது வலது காலை எடுத்து வைத்து ராஜபக்ஷ எதிர்ப்பு முகாமுக்கு செல்ல தயாராகி வருவதாக அரசியல் வட்டாரங்கள் தெரிவிக்கின்றன. இதனிடையே சுகாதார அமைச்சர் மைத்திரிபால சிறிசேன அமைச்சில் இருந்து தனது பொருட்களை அப்புறப்படுத்த தயாராகி வருவதாக அந்த வட்டாரங்கள் குறிப்பிட்டுள்ளன. அரசாங்கத்திற்கு ஏற்பட்டுள்ள நெருக்கடியை சமாளிக்க ஜனாதிபதி, அமைச்சர் மைத்திரிபால சிறிசேனவுக்கு பிரதமர் பதவியை வழங்க நேற்று கடும் பிரயத்தனங்களை மேற்கொண்ட போதிலும் அதனை அவர் நிராகரித்து விட்டதாக தெரியவருகிறது.

This posting includes an audio/video/photo media file: Download Now

அமைச்சர் மைத்திரபால சிரிசேனவுக்கு தங்கத் தாம்பாளத்தில் வைத்து பிரதமர் பதவி வழகங்ப்பட்ட நிலையில், அதனை அவர் ஏற்றுக் கொள்ள மறுத்துள்ளார். நேற்றிரவு ஜனாதிபதி செயலகத்தில் நடைபெற்ற ஸ்ரீலங்கா சுதந்திரக் கட்சியின் மத்திய குழு கூட்டத்தின் போது இந்த சம்பவம் நடைபெற்றுள்ளது. மத்திய செயற்குழு கூட்டத்தின் இடைநடுவில் பிரதமர் பதவியைப் பொறுப்பேற்குமாறு அமைச்சர் மைத்திரிபால சிறிசேனவிடம் வேண்டுகோள் விடுக்கப்பட்டுள்ளது. எனினும் அவர் அதனை மறுத்து, தனக்கு பிரதமர் பதவியில் நாட்டமில்லை என்று முகத்திலடித்தாற் போன்று பதிலளித்துள்ளார். இந்தச் சம்பவம் ஜனாதிபதி தரப்பினரை பெரும் அதிர்ச்சிக்குள்ளாக்கி இருப்பதாக தகவல்கள் தெரிவிக்கின்றன. ஜனாதிபதி கையெழுத்திட்டார்: மைத்திரிபால வெளியேறுகின்றார்? அமைச்சர் மைத்திரிபால சிரிசேன தற்போது தனது உத்தியோகபூர்வ இல்லத்திலிருந்து வெளியேறுவதற்கான நடவடிக்கைகளில் ஈடுபட்டிருப்பதாக தகவல்கள் கிடைத்துள்ளன. ஜனாதிபதித் தேர்தல் தொடர்பான வர்த்தமானி அறிவித்தலில் மஹிந்த ராஜபக்ஷ கையெழுத்திட்டதை அடுத்து அமைச்சர் மைத்திரிபால சிரிசேன இந்த நடவடிக்கையை மேற்கொண்டுள்ளார். கொழும்பு-07 ல் உள்ள மகாவெலி திணைக்களத்தின் உத்தியோகபூர்வ வாசஸ்தலம் ஒன்றிலேயே அமைச்சர் மைத்திரிபால சிரிசேன நீண்டகாலமாக வசித்து வந்திருந்தார். இந்நிலையில் அமைச்சு பதவியை துறந்து ஆளுங்கட்சியிலிருந்து வெளியேறும் முடிவில் உள்ள அவர் முதற்கட்டமாக உத்தியோகபூர்வ இல்லத்தை காலிசெய்யும் முயற்சியை மேற்கொண்டுள்ளார். தற்போது அவரது உத்தியோகபூர்வ இல்லத்தில் இருந்து பெறுமதியான பொருட்கள் எடுத்துச் செல்லப்படும் பணிகள் ஆரம்பிக்கப்பட்டுள்ளன. பெரும்பாலும் நாளை மத்தியானத்துக்குள் அவர் உத்தியோகபூர்வ இல்லத்தை காலி செய்வதற்கு திட்டமிட்டுள்ளார். அதன்பின் அமைச்சுப் பதவியில் இருந்து ராஜினாமா செய்யும் முடிவை அறிவிக்கவுள்ளதாக தகவல்கள் தெரிவிக்கின்றன.

This posting includes an audio/video/photo media file: Download Now