Tamil Star

This posting includes an audio/video/photo media file: Download Now

This posting includes an audio/video/photo media file: Download Now

வீடியோகான் நிறுவனம் அதன் சமீபத்திய இன்பினியும் தொடர் ஸ்மார்ட்போனான இன்பினியும் கிராஃபைட் ஸ்மார்ட்போனை இந்திய சந்தையில் ரூ.10,499 விலையில் அறிமுகப்படுத்தியுள்ளது. வீடியோகான் இன்பினியும் கிராஃபைட் ஸ்மார்ட்போனில் ஆண்ட்ராய்டு 4.4 கிட்கேட் இயங்குகிறது மற்றும் இரட்டை சிம் ஆதரவு வழங்குகிறது. ஸ்மார்ட்போனில் அதன் முன் மற்றும் பின் பேனல்களில் கார்னிங் கொரில்லா கிளாஸ் 3 பாதுகாப்பு கொண்டுள்ளது. இதில் 720x1280 பிக்சல்கள் தீரமானம் கொண்ட 4.7inch எச்டி LTPS OGS டிஸ்ப்ளே வருகிறது. இது ரேம் 1GB உடன் இணைந்து 1.3GHz குவாட் கோர் ப்ராசசர் மூலம் இயக்கப்படுகிறது. இந்த ஸ்மார்ட்போனில் microSD அட்டை வழியாக 32 ஜிபி வரை விரிவாக்கக்கூடிய 16ஜிபி உள்ளடங்கிய சேமிப்பு வருகிறது. வீடியோகான் இன்பினியும் கிராஃபைட் ஸ்மார்ட்போனில் எல்இடி ப்ளாஷ் கொண்ட 8 மெகாபிக்சல் பின்புற கேமரா மற்றும் 5 மெகாபிக்சல் முன் எதிர்கொள்ளும் கேமரா உள்ளது. இந்த ஸ்மார்ட்போனில் 1800mAh பேட்டரி மூலம் இயக்கப்படுகிறது. ஸ்மார்ட்போன் இணைப்பு விருப்பங்கள் 3ஜி, ஜிபிஆர்எஸ்/எட்ஜ், Wi-Fi, மைக்ரோ-USB, மற்றும் ப்ளூடூத் 4.0 ஆகியவை அடங்கும். வீடியோகான் இன்பினியும் கிராஃபைட் ஸ்மார்ட்போன் குறிப்புகள்: இரட்டை சிம், 720x1280 பிக்சல்கள் தீரமானம் கொண்ட 4.7inch எச்டி LTPS OGS டிஸ்ப்ளே, ரேம் 1GB, 1.3GHz குவாட் கோர் ப்ராசசர், microSD அட்டை வழியாக 32 ஜிபி வரை விரிவாக்கக்கூடிய 16ஜிபி உள்ளடங்கிய சேமிப்பு, 8 மெகாபிக்சல் பின்புற கேமரா, 5 மெகாபிக்சல் முன் எதிர்கொள்ளும் கேமரா, 3ஜி, ஜிபிஆர்எஸ்/எட்ஜ், Wi-Fi, மைக்ரோ-USB, ப்ளூடூத் 4.0, ஆண்ட்ராய்டு 4.4 கிட்கேட். 1800mAh பேட்டரி.

This posting includes an audio/video/photo media file: Download Now

இந்தியன் சூப்பர் லீக் கால்பந்து போட்டித் தொடரில், அத்லெடிகோ டி கொல்கத்தா - டெல்லி டைனமோஸ் அணிகளிடையே நேற்று நடந்த ஆட்டம் டிராவில் முடிந்தது. கொல்கத்தா, சால்ட் லேக் ஸ்டேடியத்தில் நேற்று மாலை நடந்த இப்போட்டியில், இடைவேளையின்போது இரு அணிகளும் கோல் ஏதும் அடிக்காமல் 0-0 என சமநிலை வகித்தன. இரண்டாவது பாதியில் இரு அணிகளும் தீவிர தாக்குதலில் இறங்க, ஆட்டத்தில் அனல் பறந்தது. 49வது நிமிடத்தில் டெல்லி டைனமோஸ் வீரர்கள் தவறிழைத்ததால் கொல்கத்தா அணிக்கு பெனால்டி கிக் வாய்ப்பு வழங்கப்பட்டது. இதைப் பயன்படுத்தி ஜோப்ரே அபாரமாக கோல் அடிக்க, கொல்கத்தா அணி 1-0 என முன்னிலை பெற்றது. ஆட்டத்தின் 73வது நிமிடத்தில் டைனமோஸ் அணி நட்சத்திர வீரர் அலெசாண்ட்ரோ டெல் பியரோ துல்லியமாகக் கடத்திக் கொடுத்த பந்தை பாவெல் இலியாஸ் நீண்ட தூரத்தில் இருந்து மின்னல் வேக ஷாட் அடித்து கோலாக்கினார். மேற்கொண்டு கோல் அடிக்க இரு அணி வீரர்களும் மேற்கொண்ட முயற்சிகள் பலனளிக்கவில்லை. இதையடுத்து, விறுவிறுப்பான இப்போட்டி 1-1 என்ற கோல் கணக்கில் டிரா ஆனது.

This posting includes an audio/video/photo media file: Download Now

மலேசியாவில் நடந்த சுல்தான் ஆப் ஜொகோர் கோப்பை ஹாக்கி போட்டித் தொடரில் (யு-21), இந்திய அணி மீண்டும் சாம்பியன் பட்டம் வென்று கோப்பையை தக்கவைத்துக் கொண்டது. இந்தியா, பாகிஸ்தான் உள்பட மொத்தம் 6 அணிகள் பங்கேற்ற இந்த தொடரில், லீக் ஆட்டங்களின் முடிவில் 12 புள்ளிகளுடன் 2வது இடம் பிடித்த நடப்பு சாம்பியன் இந்தியஅணி (5 போட்டியில் 4 வெற்றி, 1 தோல்வி) இறுதிப் போட்டிக்கு தகுதி பெற்றது. இங்கிலாந்து அணி 5 லீக் ஆட்டங்களிலும் அமர்க்களமாக வென்று 15 புள்ளிகளுடன் முதலிடம் பிடித்து பைனலுக்கு முன்னேறியது. இந்த நிலையில், பரபரப்பான பைனலில் இந்தியா - இங்கிலாந்து அணிகள் நேற்று மோதின. லீக் சுற்றில் அடைந்த தோல்விக்கு (0-2) பழிதீர்க்கும் முனைப்புடன் இந்திய வீரர்கள் கடுமையாகப் போராடினர். ஆட்டத்தின் 45வது நிமிடத்தில் கிடைத்த பெனால்டி கார்னர் வாய்ப்பில் இந்திய வீரர் ஹர்மான்பிரீத் சிங் அபாரமாக கோல் அடித்தார். இந்த தொடரில் அவர் அடிக்கும் 7வது கோல் இது என்பது குறிப்பிடத்தக்கது. 55வது நிமிடத்தில் கிடைத்த பெனால்டி கார்னர் வாய்ப்பில் இங்கிலாந்தின் சாமுவேல் பிரெஞ்ச் கோல் அடிக்க 1-1 என சமநிலை ஏற்பட்டது. ஆட்டம் முடிய 45 விநாடிகளே எஞ்சியிருந்த நிலையில், ஹர்மான்பிரீத் சிங் பெனால்டி கார்னர் வாய்ப்பில் மின்னல் வேக கோல் அடித்து அசத்தினார். விறுவிறுப்பான ஆட்டத்தின் முடிவில் இந்தியா 2-1 என்ற கணக்கில் வென்று சாம்பியன் பட்டத்தையும் கோப்பையையும் தக்கவைத்துக் கொண்டது.

This posting includes an audio/video/photo media file: Download Now

சீனாவில் 15வது மாடியில் உள்ள குடியிருக்கும் பிளாட் ஒன்றில் தங்களது லில்லி என்ற‌ 5 வயது மகளை மட்டும் தனியே விட்டு பெற்றோர்கள் வெளியே சென்றுள்ளனர். அப்போது தனியே இருந்த சிறுமியுடன் விளையாடவும் யாருமில்லை, பேசவும்ஆளில்லை இந்நிலையில் ஜன்னல் வழியாக மாடியில் வெளிப்புறம் இறங்குவதற்கான விபரீத முயற்சியில் ஈடுபட்டு உள்ளார். சிறுமியின் உடல் பகுதி ஜன்னலுக்கு வெளியே வந்த நிலையில் அதிர்ஷ்டவசமாக தலை ஜன்னல் கம்பிகளுக்கு இடையே சிக்கி கொண்டது. இதனால் 15வது மாடிக்கு வெளியே தொங்கிய நிலையில் சிறுமியை கண்டவர்கள் உடனடியாக மீட்பு படையினருக்கு தகவல் தெரிவித்தனர். சம்பவ இடத்திற்கு வந்த மீட்பு படையினர் தொங்கி கொண்டிருந்த சிறுமியை ஆபத்திலிருந்து காப்பாற்றி உயிர் காத்தனர்.

This posting includes an audio/video/photo media file: Download Now

ஐரோப்பிய யூனியனைச் சேர்ந்த 25 நாடுகளுக்கும், உறுப்பினரல்லாத ஐஸ்லாந்து, நார்வே மற்றும் சுவிட்சர்லாந்து ஆகிய மூன்று நாடுகளுக்கும் சேர்த்து தற்போது 'செங்கன் விசா' என்ற நடைமுறை பயன்படுத்தப்பட்டு வருகிறது. இதன்மூலம், இந்த நாடுகளுக்குப் பயணம் செய்ய விரும்புவோர் ஒரு விசா அனுமதி பெறுவதன்மூலம் அனைத்து நாடுகளுக்கும் சென்றுவர முடியும். இதே போன்றதொரு பொதுவான ஒரே விசா என்ற நடைமுறையை பஹ்ரைன், குவைத், ஓமன், கத்தார், சவூதி அரேபியா, ஐக்கிய அரபு எமிரேட்ஸ்(யுஏஇ) உள்ளிட்ட (ஜிசிசி)வளைகுடா நாடுகளை உள்ளடக்கி இந்த ஒருங்கிணைந்த விசா திட்டத்தை அமல்படுத்த சம்பந்தப்பட்ட நாடுகள் திட்டமிட்டு வருவதாக குவைத் நாட்டின் வர்த்தகதுறை உயர் அதிகாரி சமீரா அல் கரீப் தெரிவித்துள்ளார். மேலும் அவர் கூறியதாவது , ஒருங்கிணைந்த சுற்றுலா விசாவை வழங்கி முதல் கட்டமாக 35 நாட்டினருக்கு மட்டும் இவ்விசாவை தருவதற்கு திட்டமிடப்பட்டு வருகிறது. இதன் மூலம் வர்த்தகமும் சுற்றுலாதுறைக்கான வாய்ப்புகள் பெருகும் என‌ அவர் கூறியுள்ளார். ஆனால் 35 நாடுகள் எது என்பதை அவர் தெரிவிக்கவில்லை. தற்போது சவூதி அரேபியா, ஓமன், ஐக்கிய அரபு அமீரகம், கத்தார், பஹ்ரைன், குவைத் ஆகிய நாடுகளுக்கு ஒரு நாட்டிலிருந்து இன்னொரு நாட்டிற்கு செல்ல வேண்டுமாயின் தனி விசா பெற்றே செல்ல வேண்டும். இச்சூழலில் பொதுவான விசா கொண்டு வருவது வளைகுடா செல்வோருக்கு வரப்பிரசாதம் என்றே சொல்ல வேண்டும். வளைகுடாவில் உள்ள மொத்த மக்கள் தொகையில் 31 சதவிகிதத்தினர் வெளிநாட்டவர்கள் என்பது குறிப்பிடத்தக்கது. பொதுவான விசா அமல்படுத்தப்பட்டால் வர்த்தகம் வளர்ச்சியுறும் என்று எதிர்பார்க்கப்படுகிறது. அதே சமயம் ஏதேனும் ஒரு நாட்டில் வெளிநாட்டவர் யாருக்கேனும் தடை விதிக்கப்பட்டால் ஒட்டு மொத்த வளைகுடா நாடுகளிலும் அது எதிரொலிக்க வாய்ப்புள்ளது என்பதும் குறிப்பிடத்தக்கது.

This posting includes an audio/video/photo media file: Download Now