Daily Thanthi

முதல்-அமைச்சர் ஜெயலலிதா கடலூர் வருகையையட்டி மஞ்சைநகர் மைதானம் அ.தி.மு.க கொடி தோரணங்களால் அலங்கரிக்கப்பட்டுள்ளதை படத்தில் காணலாம்.

கொடைக்கானல் பிரையண்ட் பூங்காவுக்கு  வந்திருந்த சுற்றுலா பயணிகள்.

உலக தண்ணீர் தினம்  கொண்டாடப்பட்டது. இதையட்டி, உத்தரகாண்ட் மாநிலம் ரிஷிகேஷில், தண்ணீரின் முக்கியத்துவத்தை விளக்கும் வகையில் நடந்த நிகழ்ச்சியில், வெளிநாட்டினர் பங்கேற்ற காட்சி.
 

 சென்னை அண்ணாநகர் பெல்லிஏரியாவில் கிருஷ்ண சாமி பெண்கள் கல்லூரி மாணவிகள் வீடு வீடாக சென்று தேர்தலில்ஓட்டு போடும்படி நோட்சு வினியோகித்து விழிப்புணர்வு பிரசாரம் செய்தனர்.
 

காங்கிரஸ் துணைத்தலைவர் ராகுல் காந்தி உத்தரபிரதேச மாநிலம் பிரதாப்காரில் தேர்தல் பிரசாரத்தில் ஈடுபட்டார். அப்போது தனக்கு வழங்கப்பட்ட வாளை அவர் உயர்த்திக் காட்டுகிறார்.
 

உத்தரபிரதேச மாநிலம் பிரதாப்கார் என்ற இடத்தில் புல்புர் தொகுதி காங்கிரஸ் வேட்பாளர் (முன்னாள் கிரிக்கெட் வீரர்) முகமது கைப், மூத்த காங்கிரஸ் தலைவர் பிரமோத் திவாரி, போஜ்புரி சினிமா நடிகர் ரவிகிஷண் ஆகியோர் கை சின்னத்திற்கு ஓட்டு கேட்டு தேர்தல் பிரசாரம் செய்த காட்சி.
 

தூத்துக்குடி செல்வநாயகபுரம் பகுதியில் திரண்டு இருந்த மக்களிடையே தே.மு.தி.க. தலைவர் விஜயகாந்த் வாக்கு சேகரித்த போது எடுத்த படம்.

தஞ்சை மாவட்டம், பாபநாசம் அண்ணாசிலை அருகே மயிலாடுதுறை பாராளுமன்ற தொகுதி மனிதநேய மக்கள் கட்சி வேட்பாளர் ஹைதர் அலியை ஆதரித்து தி.மு.க. பொருளாளர் மு.க.ஸ்டாலின் பேசிய போது எடுத்தபடம்.
 

சென்னை,

விரும்பிய கூட்டணி அமைந்ததால், திருப்பதி கோவிலில் பா.ஜ.க. மாநில தலைவர் பொன்.ராதாகிருஷ்ணன் மொட்டை அடித்து முடி காணிக்கை செலுத்தினார்.

தமிழகத்தில், விரும்பிய கூட்டணியை தற்போது பா.ஜ.க. அறிவித்துள்ளது. இந்த நிலையில், நேற்று முன்தினம் இரவு தமிழக பா.ஜ.க. தலைவர் பொன்.ராதாகிருஷ்ணன் கட்சி நிர்வாகிகளுடன் காரில் திருப்பதி புறப்பட்டார். நேற்று காலை ஏழுமலையான் கோவிலில் முடி காணிக்கை செலுத்தி சாமி தரிசனம் செய்தார்.

இது குறித்து பொன்.ராதாகிருஷ்ணன் கூறியதாவது;

தமிழகத்தில் வெற்றிக்கூட்டணியை அமைத்துள்ளோம். அதற்காக திருப்பதி சென்று ஏழுமலையானை தரிசித்து வந்தேன். பாராளுமன்ற தேர்தலில் தமிழக அரசியலில் ஒரு மாற்றத்தை ஏற்படுத்துவோம்.நாளை முதல் மக்களவை தேர்தலுக்கான பிரச்சாரத்தில் ஈடுபடபோவதாக பொன்.ராதாகிருஷ்ணன் தெரிவித்தார்.
 

புதுடெல்லி,

பிரபல எழுத்தாளரும், மூத்த பத்திரிகையாளருமான எம்.ஜே.அக்பர், கடந்த 1989–ம் ஆண்டு பீகார் மாநிலம் கிருஷ்ணன்கஞ்ச் தொகுதியில் இருந்து காங்கிரஸ் சார்பில் தேர்ந்தெடுக்கப்பட்டார். அப்போது காங்கிரஸ் கட்சியின் செய்தி தொடர்பாளராகவும் செயல்பட்டு வந்த அக்பர், முன்னாள் பிரதமர் ராஜீவ்காந்திக்கு மிக நெருக்கமான நண்பராக விளங்கி வந்தார்.

அரசியலில் இருந்து சில காலம் விலகியிருந்த அக்பர், நேற்று பா.ஜனதா தேசிய தலைவர் ராஜ்நாத் சிங்கை சந்தித்து, அக்கட்சியில் இணைந்தார்.

பின்னர் அவர் செய்தியாளர்களிடம் கூறும்போது, 'நாடு எத்தகைய நெருக்கடியில் இருக்கிறது என்பது அனைவருக்கும் தெரியும். இந்த நெருக்கடியில் இருந்து நாட்டை மீட்பதற்கு ஒரு வாய்ப்பு கிடைத்துள்ளது. இதற்காக நான் பா.ஜனதாவில் இணைந்துள்ளேன். கடந்த 10 ஆண்டுகளில் நரேந்திர மோடியைப்போல ஒரு சிறந்த தலைவரை பார்க்க முடியவில்லை. அவரது தலைமை நாட்டுக்கு இன்றியமையாதது ஆகும்' என்றார்.