Tamil Star

மைக்ரோசொப்ட் நிறுவனம் கடந்த வருடம் முதன் முறையாக மெட்ரொ பயனர் இடைமுகத்துடன் கூடிய விண்டோஸ் 8 இயங்குதளத்தினை அறிமுகம் செய்திருந்தது.

இதனைத் தொடர்ந்து விண்டோஸ் 8.1 பதிப்பினையும் வெளியிட்டு மக்கள் மத்தியில் பலத்த வரவேற்பைப் பெற்றிருந்தது.

இதற்கிடையில் அடுத்த வருடம் ஏப்ரல் மாதமளவில் விண்டோஸ் 9 இயங்குதளத்தினை அறிமுகம் செய்யவுள்ளதாக அறிவிப்பினை வெளியிட்டுள்ளது.

இதில் மேலும் பல புதிய அம்சங்கள் உள்ளடக்கப்பட்டிருக்கும் என எதிர்பார்க்கப்படுகின்றது.

This posting includes an audio/video/photo media file: Download Now

கார் உற்பத்தியில் முன்னணியில் திகழும் நிறுவனங்களுள் ஒன்றான Toyota ஆனது FT-1 எனும் காரினை விரைவில் விற்பனைக்கு விடவுள்ளது.

இந்த வருடம் இடம்பெற்று வருகின்ற Detroit Motor Show வில் இதன் மாதிரி வடிவமைப்பினை அறிமுகம் செய்துள்ள அந்நிறுவனம் இரண்டு வருடங்களுக்கு முன்பே இக்காரின் மாதிரியினை வடிவமைக்கும் பணியில் இறங்கியிருந்ததாக தெரிவிக்கப்படுகின்றது.

மிகவும் கவர்ச்சிகரமான வடிவமைப்பினைக் கொண்ட இக்கார் தொடர்பான மேலதிகள தவல்களை காணொளியில் காணலாம்.

This posting includes an audio/video/photo media file: Download Now

முதன் முறையாக வளையும் தன்மை கொண்ட ஸ்மார்ட் கைப்பேசியினை LG நிறுவனம் அறிமுகப்படுத்தியிருந்தது.

தற்போது LG Flex எனும் இக்கைப்பேசியினை ஐரோப்பிய நாடான பிரித்தானியாவில் அன்லாக் செய்யப்பட்ட நிலையில் 690 யூரோவிற்கு கொள்வனவு செய்ய முடியும்.

6 அங்குல அளவுடைய தொடுதிரையினைக் கொண்டுள்ள இக்கைப்பேசியானது 2.26GHz வேகத்தில் செயலாற்றக்கூடிய Snapdragon 800 Processor மற்றும் பிரதான நினைவகமாக 2GB RAM ஆகியவற்றினைக் கொண்டுள்ளது.

மேலும் 13 மெகாபிக்சல்களை உடைய பிரதான கமெரா மற்றும் 2 மெகாபிக்சல்களை உடைய துணையான கமெரா என்பவற்றினையும் கொண்டுள்ளமை குறிப்பிடத்தக்கது.

This posting includes an audio/video/photo media file: Download Now

This posting includes an audio/video/photo media file: Download Now

தகவல் அறியும் உரிமை இலங்கைக்கு இன்று அவசியமாகவுள்ளது. தெற்காசியாவிலுள்ள பல நாடுகளில் இந்த உரிமை சட்டமாக்கப்பட்டுள்ளது. இதனால் இலங்கையில் இந்த உரிமையை சட்டமாக்க வேண்டும். சுயாதீன நீதித்துறையும் எமக்கு அவசியமாகும் என கொழும்பு பல்கலைக்கழகத்தின் முன்னாள் உப வேந்தரும் சட்டத்துறைப் பேராசியருமான சாவித்திரி குணசேகர தெரிவித்தார்.

This posting includes an audio/video/photo media file: Download Now

இராணுவத்திடம் சரணடைந்து புனர்வாழ்வு பெறுவதாக நல்லிணக்க ஆணைக்குழுவின் அறிக்கையில் ஆதாரத்துடன் காட்டப்பட்ட ஒருவரை தற்போது இல்லை எனக் கூறுவது நல்லிணக்க ஆணைக்குழுவின் பரிந்துரைகள் தொடர்பாக சந்தேகத்தை ஏற்படுத்துவதுடன் வேடிக்கையானது என வடமாகாணசபை உறுப்பினர் வைத்தியகலாநிதி சி.சிவமோகன் தெரிவித்துள்ளார்.

பாதிக்கப்பட்ட குடும்பத்தினருடனான சந்திப்பு தொடர்பில் அவர் தெரிவிக்கையில்,

இலங்கையில் இறுதி யுத்தகாலப்பகுதியில் இடம்பெற்ற மனித உரிமை மீறல்கள், போர்குற்றங்கள் தொடர்பாக விசாரணை நடத்தப்படவேண்டும் என சர்வதேச மனித உரிமை அமைப்புக்கள் கோரி வந்த நிலையில் இலங்கை அரசாங்கத்தால் கடந்த 2010 ஆண்டு முன்னாள் நீதியரசரான சி.ஆர்.டீ.சில்வா தலைமையில் ஆறு பேர் கொண்ட கற்றுக் கொண்ட பாடங்களும் நல்லிணக்கமும் என்னும் ஆணைக்குழு(எல்எல்ஆர்சி) நியமிக்கப்பட்டது.

அந்த குழு பரவலாக வாக்கு மூலங்களைப் பதிவு செய்து தனது பரிந்துரைகளை வெளியிட்டது. அவ்வாறு வெளியிடப்பட்ட பரிந்துரைகள் தொடர்பான புத்தகத்தின் 41 ஆம் பக்கத்தில் வட்டக்கச்சியில் வசித்து வந்த பாலேந்திரன் ஜெயக்குமாரி என்ற தாயினுடைய மகன் மகிந்தன்(வயது 16) இராணுவத்திடம் சரணடைந்து புனர்வாழ்வு பெறுவதாக போட்டோவில் காட்டப்பட்டுள்ளது. லங்கா புவத்திலும் அப் படம் வெளியிடப்பட்டுள்ளது.

இதையறிந்து குறித்த தாய் தனது மகனைப் பார்பதற்கு சென்ற போது அப்படியான ஒருவர் தம்மிடம் இல்லை எனக் கூறியுள்ளார்கள். இன்றும் அவர்கள் மனித உரிமை அமைப்புக்கள், அரச அதிகாரிகள் என பலரிடம் சென்று தமது மகனை மீட்டுத் தருமாறு கோரிவருகின்றனர்.

இன்று கணவன், பிள்ளைகள் என யாரும் அற்ற நிலையில் அந்த தாய் தனது 13 வயது மகளுடன் மிகவும் கஸ்ரப்பட்டுக் கொண்டிருக்கிறார். இந்த அரசாங்கம் நியமித்த நல்லிணக்க ஆணைக்குழுவின் போட்டோவில் இருந்த ஒருவரை தற்போது இல்லை எனக் கூறுவது நல்லிணக்க ஆணைக்குழுவின் பரிந்துரைகள் தொடர்பாக சந்தேகத்தை ஏற்படுத்துகின்றது எனவும் தெரிவித்தார்.

This posting includes an audio/video/photo media file: Download Now

பொங்கல் பண்டிகையானது நாட்டில் சமாதானத்திற்காகவும், மக்கள் மத்தியிலான நல்லிணக்கத்திற்காகவும் நன்றி செலுத்தும் சந்தர்ப்பம் என ஜனாதிபதி மஹிந்த ராஜபக்ஸ தெரிவித்துள்ளார்.

This posting includes an audio/video/photo media file: Download Now

This posting includes an audio/video/photo media file: Download Now

ஓவியக் கலைஞர்கள் தமது கைவண்ணத்தில் பல வியக்க வைக்கும் ஓவியங்களை வரைந்து அசத்துவது வழமை.

ஆனால் பிரித்தானியாவை சேர்ந்த 26 வயதான Cheshire என்பவர் வழமைக்கு மாறாக ஐ பேட்டினை பயன்படுத்தி ஹோலிவுட் ஸ்டார் மேர்கன் ப்ரிமானின் ஓவியத்தை மிகவும் தத்துரூபமாக வரைந்து அசத்தியுள்ளார்.

This posting includes an audio/video/photo media file: Download Now

This posting includes an audio/video/photo media file: Download Now

நியூசிலாந்தின் Mahurangi பீச் ஓரமாக தரையிறக்கப்பட்ட சிறியரக விமானம் ஒன்று மீண்டும் பறப்பதற்கு தயாரான போது இயந்திரக் கோளாறு காரணமாக அடுத்தடுத்து இரு தடவைகள் விபத்துக்குள்ளாகியுள்ளது.

இந்த விபத்தின்போது விமானி டென்னிஸ் கோர்ன் என்பவருக்கு எவ்விதமான ஆபத்தும் ஏற்படவில்லை.

This posting includes an audio/video/photo media file: Download Now

This posting includes an audio/video/photo media file: Download Now

40-வது தேசிய ஜூனியர் கைப்பந்து சாம்பியன்ஷிப் போட்டி உத்தரகாண்ட் மாநிலம் டேராடூனில் நடந்து வருகிறது. இதில் ஆண்கள் பிரிவில் நேற்று நடந்த அரை இறுதி ஆட்டம் ஒன்றில் தமிழக அணி, உத்தரகாண்ட்டை சந்தித்தது. உள்ளூர் ரசிகர்களின் ஆதரவுடன் ஆடிய உத்தரகாண்ட் அணியை தமிழக அணி நேர்செட்டில் வீழ்த்தியது. விறுவிறுப்பான இந்த ஆட்டத்தில் தமிழக அணி 25-16, 25-17, 25-12 என்ற நேர்செட்டில் உத்தரகாண்ட்டை சாய்த்து இறுதிப்போட்டிக்கு முன்னேறியது. தமிழக அணியில் ஹரிகரன், வெங்கடேஷ், செல்வபாண்டி ஆகியோர் ஆட்டம் சிறப்பாக இருந்தது. மற்றொரு அரை இறுதியில் சாய் அணி 25-23, 25-19, 25-23 என்ற நேர்செட்டில் ராஜஸ்தானை தோற்கடித்து இறுதிப்போட்டிக்குள் நுழைந்தது. இன்று (செவ்வாய்க்கிழமை) நடைபெறும் இறுதிப்போட்டியில் தமிழ்நாடு-சாய் அணிகள் பலப்பரீட்சை நடத்துகின்றன. பெண்கள் பிரிவில் அரை இறுதி ஆட்டத்தில் தமிழக அணி 21-25, 18-25, 14-25 என்ற நேர்செட்டில் அரியானா அணியிடம் தோல்வி கண்டது. மற்றொரு அரை இறுதியில் கேரள அணி 25-21, 25-23, 25-16 என்ற நேர்செட்டில் மராட்டியத்தை தோற்கடித்து இறுதிப்போட்டிக்கு தகுதி பெற்றது. இறுதிப்போட்டியில் அரியானா-கேரளா அணிகள் மோதுகின்றன. வெண்கலப்பதக்கத்துக்கான ஆட்டத்தில் தமிழக பெண்கள் அணி, மராட்டியத்தை சந்திக்கிறது.

This posting includes an audio/video/photo media file: Download Now

வீட்டுப்பாடம் செய்யாமல் வந்த காரணத்திற்காக அனைத்து மாணவர்களின் முன்பு அம்மாணவனின் பேண்ட் கழற்றி அசிங்கப்படுத்தும் காட்சியே இதுவாகும்.

This posting includes an audio/video/photo media file: Download Now

7–வது ஐ.பி.எல். 20 ஓவர் கிரிக்கெட் போட்டிக்கான வீரர்கள் ஏலம் பிப்ரவரி 12–ந் தேதி நடக்கிறது.

இந்தப் போட்டியில் ஒவ்வொரு அணியில் 5 வீரர்களை தக்க வைத்துக் கொள்ளலாம் என்று அறிவிக்கப்பட்டது. இதன்படி டெல்லி டேர்டெவில்ஸ் அணியை தவிர மற்ற 7 அணிகளும் 24 வீரர்களை நீட்டித்து உள்ளது.

சென்னை சூப்பர்கிங்ஸ், மும்பை இந்தியன்ஸ், ராஜஸ்தான் ராயல்ஸ் ஆகிய 3 அணிகள் மட்டும் தான் 5 வீரர்களை தக்க வைத்துக் கொண்டது.

டோனி, ரெய்னா, ஜடேஜா, அஸ்வின், பிராவோ, (சென்னை) ரோகித்சர்மா, ஹர்பஜன்சிங், அம்பதி ராயுடு, போலார்ட், மலிங்கா, (மும்பை), ரகானே, ஸ்டுவர்ட் பின்னி, சஞ்சு சாம்சன், வாட்சன், பில்க்னெர், (ராஜஸ்தான்), கோலி, கெய்ல், டிவில்லியம்ஸ் (பெங்களூர்), டேவிட் மில்லர், (பஞ்சாப்) காம்பீர், சுனில் நரின் (கொல்கத்தா) ஹிகார் தவான், ஸ்டெயன் (ஐதராபாத்) ஆகிய வீரர்கள் நீட்டிக்கப்பட்டுள்ளனர்.

அணியில் நீட்டிக்கப்படாத பல முன்னணி வீரர்கள் ஏலப் பட்டியலில் இடம் பெற்றுள்ளனர். முதல்நிலை பட்டியலில் டேவிட் வார்னர், பீட்டர்சன், ஆரான் பிஞ்ச், ஜான்சன், ஷார்மார்ஷ், குயின்டன் காக், கோரி ஆண்டர்சன், ஸ்டீவ் சுமித், டுபெலிசிஸ், மார்னே மார்கல், வெயன் சுமித், போன்ற வீரர்கள் இடம் பெறுவார்கள் என்று எதிர்பார்க்க படுகிறது.

இந்திய வீரர்களில் ஷேவாக், யுவராஜ்சிங், முரளி விஜய் ஆகியோரும் முதல் நிலையில் இருப்பார்கள்.

36 பந்தில் சதம் அடித்து உலக சாதனை படைத்த நியூசிலாந்து வீரர் கோரி ஆண்டர்சனை ஏலம் எடுக்க கடும் போட்டி நிலவலாம் என்று எதிர்பார்க்கப்படுகிறது.

டெல்லி அணி எந்த வீரரையும் தக்க வைத்து கொள்ளாததால் ஏலத்தில் ரூ.60 கோடி செலவிடலாம். இதனால் அந்த அணி எந்த விலை கொடுத்தாலும் முன்னணி வீரர்களை வாங்க போராடும்.

இதே போல, 20 ஓவர் போட்டிக்கான எஸ்பெ சலிஸ்ட் வீரர்களான ஆரோன் பிஞ்ச் (ஆஸ்திரேலியா), குயிண்டன் காக் (தென் ஆப்பிரிக்கா), ஆகியோருக்கும் அதிக மவுசு இருக்கலாம் என்று கருதப்படுகிறது.

தமிழகத்தை சேர்ந்த முரளிவிஜயை சென்னை சூப்பர் கிங்ஸ் ஏலத்தில் எடுத்து தக்க வைத்துக் கொள்ளலாம். இல்லையென்றால் ஜோகர் கார்டை பயன்படுத்தும்.

This posting includes an audio/video/photo media file: Download Now

This posting includes an audio/video/photo media file: Download Now

This posting includes an audio/video/photo media file: Download Now

5 ஒருநாள் மற்றும் 2 டெஸ்ட் போட்டி கொண்ட தொடரில் விளையாட இந்திய கிரிக்கெட் அணி, நியூசிலாந்து சென்றுள்ளது. இதில் முதலாவது ஒருநாள் போட்டி நேப்பியரில் 19-ந் தேதி நடக்கிறது. இந்த நிலையில் ஆக்லாந்தில் நேற்று இந்திய அணி கேப்டன் டோனி அளித்த பேட்டியில் கூறியதாவது:- நியூசிலாந்து சிறப்பான அணியாகும். நியூசிலாந்து அணியில் சிறந்த பந்து வீச்சாளர்கள் உள்ளனர். சமீபகாலங்களில் நியூசிலாந்து அணியின் செயல்பாடுகள் சிறப்பாக உள்ளது. குறிப்பாக உள்ளூரில் அவர்கள் எங்களை விட சூழ்நிலையை நன்கு அறிந்து இருப்பார்கள். சில வீரர்கள் இங்கு இதற்கு முன்பு விளையாடியது கிடையாது என்பதால் இந்த பயணம் சவாலாக இருக்கும். நியூசிலாந்து அணியை நாங்கள் எளிதாக எடுத்துக்கொள்ளமாட்டோம். வெற்றியை தேடிக்கொடுக்கும் அளவுக்கு அபாயகரமான சீனியர் வீரர்கள் நியூசிலாந்து அணியில் இருக்கிறார்கள் என்பது எங்களுக்கு தெரியும். உலக கோப்பை போட்டி அடுத்த ஆண்டு ஆஸ்திரேலியா மற்றும் நியூசிலாந்தில் நடைபெற இருக்கும் நிலையில் அதற்கு தயாராக இந்த போட்டி தொடர் எங்கள் அணி வீரர்களுக்கு நல்ல அனுபவமாக இருக்கும். இங்குள்ள மைதானங்கள் வித்தியாசமானதாக இருக்கும். இதில் சரியான முறையில் பீல்டிங் அமைப்பது கடினமான காரியமாகும். மொத்தத்தில் இந்த தொடர் எல்லா வீரர்களுக்கும் சிறப்பு வாய்ந்ததாகும். ஒட்டுமொத்தத்தில் பந்து வீச்சாளர்கள் செயல்பாடு எனக்கு மகிழ்ச்சிகரமாக இருக்கிறது. பிட்ச் தன்மையை பொறுத்து பந்து வீச்சு இருக்கும். வேகப்பந்து வீச்சுக்கு சாதகமாக ஆடுகளம் இருந்தாலும் நம்மிடம் நல்ல பந்து வீச்சாளர்கள் உள்ளனர். புதிய பந்தில் விக்கெட்டுகளை வீழ்த்த முடியும். இவ்வாறு டோனி கூறினார்.

This posting includes an audio/video/photo media file: Download Now

இலங்கைப் பணியாளர்களை பாதுகாக்கும் வகையில் சவூதி அரேபியாவுடன் அரசாங்கம் ஒப்பந்தம் ஒன்றை கைச்சாத்திட்டுள்ளது.

இந்த ஒப்பந்தத்தின் மூலம் வெளிநாட்டு வேலை வாய்ப்புப் பெற்று சவூதி அரேபியாவிற்கு செல்லும் இலங்கையர்களின் பாதுகாப்பு உறுதிப்படுத்தப்படும் என அறிவிக்கப்பட்டுள்ளது. வீட்டுப் பணிப் பெண்கள்  உள்ளிட்ட பலதுறையைச் சேர்ந்தவர்கள் இதன் மூலம் நன்மை அடைவார்கள் எனக் குறிப்பிடப்பட்டுள்ளது.

இலங்கைப் பணியாளர்கள் எதிர்வரும் காலங்களில் எஜமானரிடம் தங்களது கடவுச் சீட்டுக்களை ஒப்படைக்க வேண்டியதில்லை என தெரிவிக்கப்படுகிறது.

மேலும் சம்பளப் பணத்தை, ரொக்கமாக கையில் வழங்காது பணியாளர்களின் வங்கிக் கணக்கில் வைப்பிலிடும் வசதிகள் செய்து கொடுக்கப்பட்டுள்ளன. எஜமானருக்கும் பணியாளர்களுக்கும் நன்மை ஏற்படும் என தெரிவிக்கப்படுகிறது.

இலங்கை வெளிநாட்டு வேலை வாய்ப்பு ஊக்குவிப்பு அமைச்சர் டிலான் பெரேராவிற்கும், சவூதி அரேபியாவின் தொழில் அமைச்சர் அடெல் பகீயாவிற்கும் இடையில் இந்த ஒப்பந்தம் கைச்சாத்திடப்பட்டுள்ளது.

சவூதி அரேபியாவின் தலைநகர் ரியாத்தில் இந்த ஒப்பந்தம் கைச்சாத்திடப்பட்டுள்ளது. பல்வேறு நிபந்தனைகளை உள்ளடக்கிய தொழில் ஒப்பந்தமொன்று கைச்சாத்திடப்பட்டுள்ளது.

This posting includes an audio/video/photo media file: Download Now

மகாராஷ்டிர மாநிலம் புனே-சத்தாரா தேசிய நெடுஞ்சாலையில் கண்டாலா என்னுமிடத்தில் இன்று அதிகாலை சென்றுகொண்டிருந்த கண்டெய்னர் லாரி கவிழ்ந்து விபத்துக்குள்ளானது. அப்போது பின்னே வந்த ஒரு ஜீப் அந்த லாரியில் சிக்கிக்கொண்டது. உடனே சம்பவ இடத்திற்கு வந்த போலீசார் மீட்புப்பணிகளை மேற்கொண்டனர். அப்போது விபத்தில் பலியான 9 பேரின் சடலங்களை வெளியே எடுத்தனர். மற்ற படுகாயமடைந்த 3 பேருக்கு அருகிலுள்ள மருத்துவமனையில் சிகிச்சை அளிக்கப்படுகிறது. இறந்தவர்கள் யார் என்பது இன்னும் உறுதிசெய்யப்படவில்லை. இந்த விபத்து குறித்து போலீசார் விசாரணை நடத்தி வருகின்றனர்.

This posting includes an audio/video/photo media file: Download Now