Tamil Star

கடந்த நவம்பர் மாதம் இலங்கையில் நடைபெற்ற பொதுநலவாய நாடுகள் தலைவர்கள் அமர்வுகளின் போது உரிமை மீறல்கள் இடம்பெற்றதாக பிரித்தானியா குற்றம் சுமத்தியுள்ளது. அமர்வுகள் நடைபெற்ற காலத்திலும் இலங்கையில் மனித உரிமை மீறல்கள் இடம்பெற்றதாகத் தெரிவித்துள்ளது.

பிரித்தானிய வெளிவிவகார அமைச்சினால் வெளியிடப்பட்டுள்ள மனித உரிமை மற்றும் ஜனநாயகம் தொடர்பிலான அறிக்கையில் இந்த விடயம் குறிப்பிடப்பட்டுள்ளது. பொதுநலவாய நாடுகள் தலைவர்கள் அமர்வு நடைபெற்ற காலத்திலும் இலங்கையில் மனித உரிமை நிலைமைகள் மேம்படவில்லை என சுட்டிக்காட்டியுள்ளது.

யுத்த காலத்தில் கடத்தப்பட்ட மற்றும் காணாமல் போனோரின் குடும்ப உறுப்பினர்கள் கொழும்பிற்கு பயணம் செய்ய பாதுகாப்புத் தரப்பினர் அனுமதியளிக்கவில்லை என தெரிவித்துள்ளது. அமர்வுகள் நடைபெற்ற காலத்தில் போராட்டங்கள் பேரணிகள் நடத்தப்படுவதற்கு தடை விதிக்கப்பட்டிருந்தது எனக் குறிப்பிட்டுள்ளது.

This posting includes an audio/video/photo media file: Download Now

வன்னி இறுதிப்போர் நடைபெற்ற முள்ளிவாய்க்கால் பகுதியை பார்வையிட்ட பொழுது அங்கு ஒரு உக்கிரமான போர் நடைபெற்றுள்ளது என்பது தெட்டத்தெளிவாக உணரக்கூடியதாகவுள்ளது என அண்மையில் இலங்கைக்கு விஜயம் செய்திருந்த கனேடிய எம்.பி ராதிகா சிற்சபேசன் தெவித்தார்.

தமிழக ஊடகமான புதியதலைமுறை தொலைக்காட்சியில் ஒளிபரப்பாகும் அக்னிபரீட்சை நிகழ்ச்சிக்கு வழங்கிய செவ்வியிலேயே அவர் மேற்கண்டவாறு தெரிவித்தார்.

மேலும் தொடர்ந்து தெரிவிக்கையில்,

இலங்கையில் தமிழர்கள் வாழும் பகுதியில் ஜனநாயகம் என்பது துளியளவும் கிடையாது. அங்குள்ள மக்கள் ஒரு இராணுவ அடக்குமுறையின் கீழேயே வாழ்ந்துகொண்டிருக்கின்றனர்.

வடக்கு கிழக்கு மாகாண சபை தேர்தல் சர்வதேச அழுத்தங்களின் காரணமாகவே நடைபெற்றது என தெரியவருகின்றது. எனினும் அங்குள்ள மக்கள் ஒரு தெளிவான முடிவையே தேர்தலின் மூலம் தெரிவித்துள்ளனர்.

வடக்கு கிழக்கு மாகாண சபையில் மக்களால் தெரிவுசெய்யப்பட்ட முதலமைச்சரோ, உறுப்பினர்களோ அங்கு சக்தியற்றவர்களாகவே உள்ளனர். ஏனெனில் வட மாகாண சபையில் சகல அதிகாரங்களும் ஜனாதிபதியால் நியமிக்கப்பட்ட ஆளுநருக்கே உள்ளது தெட்டத் தெளிவாக புலப்படுகின்றது.

வட பகுதியில் தற்போது முகாம்களிலுள்ள தமிழ் மக்கள் சாப்பிட கூட உணவற்ற நிலையிலேயே தமது வாழ்க்கையை கழித்துக்கொண்டிருப்பதை நான் நேரில் கண்டு வேதனைப்பட்டேன்.

அங்குள்ள மக்களின் தேவைகளை அறிந்து அவர்களின் தேவைகளை உடனே நிவர்த்தி செய்வதே தற்போது புலம்பெயர்நாடுகளில் வசிக்கும் மக்களின் கடமை என நான் நினைக்கின்றேன் என மேலும் தெரிவித்துள்ளார்.

This posting includes an audio/video/photo media file: Download Now

அதிக சொக்லேட் சாப்பிட்டாலும், சிவப்பு ஒயின் குடித்தாலும் நீரிழிவு நோய் தாக்காது என நிபுணர்கள் தெரிவித்துள்ளனர்.

நீரிழிவு நோய் குறித்து கிழக்கு ஏஞ்சலியா பல்கலைகழகம் மற்றும் லண்டன் கிங்ஸ் கல்லூரியை சேர்ந்த நிபுணர்கள் ஆய்வு மேற்கொண்டனர்.

சுமார் 2 ஆயிரம் பேரிடம் நடத்தப்பட்ட ஆய்வில், சொக்லேட் மற்றும் சிவப்பு ஒயின் குடிப்பவர்களுக்கு 2வது வகை நீரிழிவு நோய் தாக்குதல் குறைவாக இருந்தது கண்டுபிடிக்கப்பட்டது.

சொக்லேட் மற்றும் சிவப்பு ஒயினில் உள்ள ஆந்தோசியானின்ஸ் உள்ளிட்ட சில மூலக்கூறுகள் இன்சுலினை போதிய அளவு சுரக்க செய்து ரத்தத்தில் குளுகோஸ் அளவை சீராக வைக்க உதவுகிறது, அதனால்தான் நீரிழிவு நோய் தாக்குதல் குறைவாக உள்ளது என்று தெரிவிக்கப்பட்டுள்ளது.

இம் மூலக்கூறுகள் காபி கொட்டைகள், சிவப்பு திராட்சை, ஒயின் மற்றும் சிவப்பு அல்லது நீல நிற பழங்கள் மற்றும் காய்கறிகளில் அதிகம் உள்ளது. அவற்றை சாப்பிட்டாலும் நீரிழிவு நோய் தாக்காது என்றும் நிபுணர்கள் கூறியுள்ளனர்.

This posting includes an audio/video/photo media file: Download Now

ஆவா குரூப்  வடக்கு ஊடகவியலாளர்களுக்கு அச்சுறுத்தல் விடுத்துள்ளதாக சிங்கள ஊடகமொன்று செய்தி வெளியிட்டுள்ளது.

This posting includes an audio/video/photo media file: Download Now

Samsung நிறுவனம் அறிமுகம் செய்யவுள்ள Galaxy S5 ஸ்மார்ட் கைப்பேசிகள் தொடர்பான மேலும் சில தகவல்கள் கசிந்துள்ளன.

அதன்படி அடுத்த மாதமளவில் இக்கைப்பேசி வெளியிடப்படவுள்ளதாகவும், இவற்றில் 20MP கொண்ட அதி துல்லியமான கமெரா உள்ளடக்கப்பட்டிருக்கும் எனவும் தெரிவிக்கப்பட்டுள்ளன.

இவற்றுடன் QHD எனும் நவீன தொழில்நுட்பதினைக் கொண்ட திரையினையும் 2,900 mAh மின்கலத்தினை உள்ளடக்கியதாகவும் வெளியிடப்படவுள்ளதாக அத்தகவல்களில் மேலும் தெரிவிக்கப்பட்டுள்ளது.

This posting includes an audio/video/photo media file: Download Now

This posting includes an audio/video/photo media file: Download Now

பாகிஸ்தானின் வடக்கு மாகாணமான வஜிரிஸ்தானில் பாதுகாப்பு படை விமானங்கள் நடத்திய தாக்குதலில் 25 தலிபான் தீவிரவாதிகள் கொல்லப்பட்டனர். ஏராளமானோர் காயம் அடைந்தனர். உளவுத்துறை கொடுத்த உறுதியான ரகசிய தகவலின் அடிப்படையில் தீவிரவாதிகள் பதுங்கியிருந்த இடத்தின் மீது ராணுவத்தினர் நேற்று இரவு விமான தாக்குதல் நடத்தினர். இதில் கொல்லப்பட்ட 25 தீவிரவாதிகளும், பசார் மற்றும் ஞாயிற்றுக்கிழமை பன்னு பகுதியில் நடைபெற்ற குண்டுவெடிப்பு சம்பவங்களில் தொடர்புள்ளவர்கள் என்று ராணுவ வட்டாரங்கள் தெரிவிக்கின்றன. 2007ஆம் ஆண்டில் தலிபான் தலைவர்களுடன் ஏற்பட்ட உடன்படிக்கைக்குப் பிறகு தீவிரவாதிகள் மீது விமான தாக்குதல் நடத்துவது இதுவே முதல் முறையாகும்.

This posting includes an audio/video/photo media file: Download Now

This posting includes an audio/video/photo media file: Download Now

ராஜீவ் காந்தி கொலை வழக்கில் மரண தண்டனை விதிக்கப்பட்ட  பேரறிவாளன், முருகன், சாந்தன் ஆகிய மூவரினது மரண தண்டனையும் உறுதியாக ரத்து செய்யப்படும் என்ற நம்பிக்கை ஏற்பட்டு உள்ளது. என ம.தி.மு.க. பொதுச் செயலாளர் வைகோ தெரிவித்தார்.

This posting includes an audio/video/photo media file: Download Now

This posting includes an audio/video/photo media file: Download Now

அமெரிக்காவில் 7 வருடங்களுக்கு முன்பு பெற்றோரை பறிகொடுத்த இந்திய-அமெரிக்க மாணவர் புல்கித் சிங்(20), தற்போது அவரது பள்ளி வளாகத்திலேயே சடலமாக கண்டெடுக்கப்பட்டுள்ளது பரபரப்பை ஏற்படுத்தியுள்ளது. இதுகுறித்து பிலடெல்பியா காவல்துறையினர் கூறுகையில், "இந்த மரணத்தில் குற்ற முகாந்திரம் எதுவுமில்லை. இதுபற்றி விசாரித்து வருகிறோம்" என்றனர். புல்கித்தின் சித்தப்பா ஜோகிந்தர் சிங் கூறுகையில், "புல்கித் எங்கள் குடும்பத்தின் நட்சத்திரம். அவன் மிகுந்த தொலைநோக்கு பார்வையுடையவன், சிந்திக்ககூடியவன்" என்று குறிப்பிட்டார். கடந்த 2007ஆம் ஆண்டு புல்கித்தும் அவரது சகோதரரும் பள்ளியில் இருந்து வீடு திரும்புகையில், அவரது பெற்றோர்கள் ஜஸ்பால் (46), கீதா (38) ஆகியோர் துப்பாக்கியால் சுடப்பட்டு இறந்து கிடந்தனர். தற்போது புல்கித்தும் அதேபோன்று இறந்திருப்பது அவரது குடும்பத்தினருக்கு சோகத்தை ஏற்படுத்தியுள்ளது.

This posting includes an audio/video/photo media file: Download Now

This posting includes an audio/video/photo media file: Download Now

சிரியாவில் ஷியா பிரிவு அதிபர் பஷர் அல் ஆசாத் குடும்பத்திற்கு எதிராக போராளி குழுக்கள் 3 வருடங்களாக சண்டையிட்டு வருகின்றன. இதில் 1 லட்சத்திற்கும் மேற்பட்டோர் கொல்லப்பட்டுள்ளனர். 25 லட்சத்திற்கும் மேற்பட்டோர் அகதிகளாகியுள்ளனர். இந்த சண்டையின் போது பிடிபட்ட 11 ஆயிரம் போராளிகளை சிரியா அரசாங்கம் கொடுமை படுத்தி மரணதண்டனை நிறைவேற்றியுள்ளது என்று அமெரிக்கா மற்றும் ஐ.நா. திகிலான அறிவிப்பை வெளியிட்டுள்ளன. சுவிட்சர்லாந்தில் ஜெனிவா II அமைதி பேச்சுவார்த்தை இன்று நடக்கவுள்ள நிலையில் இந்த அறிவிப்பு வெளியாகியுள்ளது. இது, அதிபர் பஷர் அல் ஆசாத்தின் 40 வருடகால ஆட்சியை முடிவிற்கு கொண்டுவர தேவையான முக்கிய குற்றச்சாட்டாக இருக்கும் என்றும் கூறப்படுகிறது. அமெரிக்கா, ஐ.நா.வின் குற்றச்சாட்டை, நம்பத்தகுந்ததில்லை என்று மறுத்துள்ள சிரியா அரசு, போராளிகளுக்கு நிதி உதவி அளித்துவரும் கதார் நாடு தயாரித்துள்ள அறிக்கை இது என்று குற்றம் சாட்டியுள்ளது.

This posting includes an audio/video/photo media file: Download Now

இலங்கையிலுள்ள என்றும் இதுவரை நடத்தப்பட்ட தாக்குதல்களுடன் தொடர்புடைய குற்றவாளிகள் தண்டிக்கப்படாமல் இருப்பதற்கு முடிவு கட்டப்பட வேண்டுமென்றும் இலங்கைக்கான அமெரிக்க தூதுவர் மிச்சேல் சிஸன் கூறியதாக கொழும்பிலுள்ள அமெரிக்கத் தூதரகம் இன்று (21) தெரிவித்துள்ளது.

தேசிய கிறிஸ்தவ போதகர் கூட்டமைப்புடனான சந்திப்பைத் தொடர்ந்து  வணக்கஸ்தலங்களில் மேற்கொள்ளப்படும் தாக்குதல்கள் தண்டிக்கப்படாமல் இருப்பதுக்கு முடிவு கட்டப்பட வேண்டுமென்று மிச்சேல் சிஸன் கூறியதாக அமெரிக்க தூதரகம் ருவிட் செய்துள்ளது.

அமெரிக்க தூதரகத்தில் இன்று தேசிய கிறிஸ்தவ போதகர் கூட்டமைப்பை  தூதுவர் சந்தித்து கலந்துரையாடியுள்ளதாக அமெரிக்கத் தூதரக பேச்சாளர் ஜுலியானா ஸ்பவென் தெரிவித்துள்ளார்.

This posting includes an audio/video/photo media file: Download Now

This posting includes an audio/video/photo media file: Download Now

குற்றச் செயல்களுக்கு தண்டனை விதிப்பதில் இலங்கை அரசாங்கம் உரிய முனைப்ப காட்டவில்லை என மனித உரிமை கண்காணிப்பகம் அறிவித்துள்ளது.

2013ம் ஆண்டில் பாரியளவிலான மனித உரிமை மீறல்களில் ஈடுபட்ட தரப்பினருக்கு எதிராக நடவடிக்கை எடுப்பதில் போதியளவு முனைப்பு காட்டப்படவில்லை என தெரிவித்துள்ளது.

மனித உரிமை செயற்பாட்டாளர்கள், ஊடகவியலாளர்கள் தொடர்ந்தும் அடக்குமுறைகளையும் அச்சுறுத்தல்களையும் எதிர்நோக்கி வருவதாகத் தெரிவித்துள்ளார்.

ஐக்கிய நாடுகள் அமைப்பும், சர்வதேசமும் மனித உரிமை மீறல்கள் தொடர்பில் கேள்வி எழுப்பி வருவதாகக் குறிப்பிட்டுள்ளார்.

யுத்தம் இடம்பெற்ற காலத்திலான குற்றச் செயல்களுக்கு தண்டனை விதிப்பதில் அரசாங்கம் முனைப்பு காட்டி வருவதாக அரசாங்கம் அறிவித்த போதிலும், உலகம் குற்றச் செயல்களுக்கு தண்டனை விதித்தல் தொடர்பிலான பெறுபேறுகளுக்காக காத்திருப்பதாக மனித உரிமை கண்காணிப்பகத்தின் ஆசிய பிராந்தியப் பணிப்பாளர் பிரட் அடம்ஸ் தெரிவித்துள்ளார்.

மெய்யான வகையில் பாதிக்கப்பட்டவர்களுக்கு நீதி வழங்கப்பட வேண்டுமாயின் சர்வதேச சுயாதீன விசாரணைகள் மேற்கொள்ளப்பட வேண்டியது மிகவும் அவசியமானது என அவர் குறிப்பிட்டுள்ளார்.

2014ம் ஆண்டுக்கான மனித உரிமை கண்காணிப்பகத்தின் அறிக்கையில் இந்த விடயம் குறிப்பிடப்பட்டுள்ளது.

எதிர்வரும் மார்ச் மாதம் ஐக்கிய நாடுகள் மனித உரிமைப் பேரவை அமர்வுகளை இலக்கு வைத்து இலங்கை அரசாங்கம் சில நடவடிக்கைகளை எடுத்து வருவதாகத் தெரிவித்துள்ளார்.

உண்மையைக் கண்டறியும் ஆணைக்குழுவின் இறுதி அறிக்கைப் பரிந்துரைகளின் அடிப்படையில் சில நடவடிக்கைகள் எடுக்கப்பட்டுள்ளன.

2006ம் ஆண்டு திருகோணமலை மாணவர் படுகொலையுடன் தொடர்புடைய சந்தேக நபர்களை கைது செய்தல் உள்ளிட்ட சில அரசாங்கத்தின் நடவடிக்கைகளில் முன்னேற்றம் ஏற்பட்டுள்ளது.

அரசாங்கத்தை விமர்சனம் செய்யும் இலங்கையர்கள் பல்வேறு வழிகளில் தண்டிக்கப்படுவதாகத் தெரிவித்துள்ளார்.

இலங்கையில் சட்டம் ஒழுங்கு ஆபாயத்தை எதிர்நோக்கி வருவதாகவும் ஜனநாயகத்தை நிலைநாட்ட நடவடிக்கை எடுக்க வேண்டியது அவசியமானது எனவும் அவர் சுட்டிக்காட்டியுள்ளார்.

This posting includes an audio/video/photo media file: Download Now

மோசமான பார்ம் காரணமாக இந்திய கிரிக்கெட் அணியின் அதிரடி ஆட்டக்காரர் ஷேவாக் தொடர்ந்து ஓரங்கட்டப்பட்டு வருகிறார்.

இந்த நிலையில் ஷேவாக் தனியார் டெலிவிஷனுக்கு அளித்த பேட்டியில், '7-வது ஐ.பி.எல். போட்டி ஏலத்தில் காலிஸ், யுவராஜ்சிங் போன்ற சிறந்த வீரர்களை வாங்க அணிகளுக்கு வாய்ப்பு இருக்கிறது.

டெல்லி டேர்டெவில்ஸ் அணி என்னை மீண்டும் ஏலத்தில் எடுக்கும் என்று நம்புகிறேன். நானும், கம்பீரும் தொடக்க ஆட்டக்காரர்களாக நீண்ட நாட்கள் சிறப்பாக செயல்பட்டு இருக்கிறோம். இந்திய அணிக்காக மீண்டும் தொடக்க வீரராக விளையாட முடியும் என்று நம்புகிறேன். ' என்று தெரிவித்தார்.

This posting includes an audio/video/photo media file: Download Now

மன்னார் திருக்கேதீஸ்வரம் பகுதியில் உள்ள மனித புதைகுழி மீண்டும் இன்று காலை 8.30 மணி தொடக்கம் மதியம் 2 மணிவரை மன்னார் நீதவான் முன்னிலையில் 10வது தடவையாக தோண்டப்பட்டது.

இதுவரை 40 மனித எலும்புக்கூடுகள் முழுமையாகவும், துண்டுகளாகவும் மீட்கப்பட்டுள்ளன. இந்த நிலையில் மன்னார் நீதவானின் உத்தரவிற்கமைவாக நேற்று திங்கட்கிழமை மற்றும் இன்று செவ்வாய்க்கிழமை குறித்த பகுதியில் உள்ள வீதி உடைக்கப்பட்டு மனித எலும்புக்கூடுகள் மீட்கும் பணிகள் இடம்பெற்றன.

இதன் போது இன்று செவ்வாய்க்கிழமை புதிதாக தோண்டப்பட்ட பகுதியில் மனித எலும்புத்துண்டுகள் சில கண்டு பிடிக்கப்பட்டன.

எனினும் முழுமையான மனித எலும்புக்கூடுகள் எவையும் கண்டு பிடிக்கப்படவில்லை.

இதேவேளை நாளை மீண்டும் மன்னார் நீதவான் ஆனந்தி கனகரட்ணம் முன்னிலையில் குறித்த மனித புதைகுழி தோண்டப்படவுள்ளது.

மனித புதைகுழி தொடர்பாக அனுராதபுர சட்ட வைத்திய நிபுணர் டி.எல்.வைத்தியரெட்ன கருத்து தெரிவிக்கையில்,

மன்னார் திருக்கேதீஸ்வரம் மனித புதைகுழியில் இருந்து மீட்கப்பட்டு வரும் மனித எலும்புக்கூடுகள் அதன் மரணம் சம்பவித்த விதத்தினை அறிந்து கொள்ள நீண்ட நாட்கள் எடுக்கும்.

குறித்த மனித புதைகுழியில் இருந்து தொடர்சசியாக மனித எழும்புக்கூடுகள் மாத்திரமே மீட்கப்பட்டு வருகின்றன.

பாரியளவிலான தடயப் பொருட்கள் எவையும் இதுவரை மீட்கப்படவில்லை.

குறித்த மனித புதைகுழியின் எல்லை எதுவரை உள்ளது என்பதனை கண்டுபிடிக்க முடியாத நிலையில் உள்ளோம் என்றார்.

This posting includes an audio/video/photo media file: Download Now

ஏமன் நாட்டில் தீவிரவாதிகளின் தாக்குதல் மற்றும் வன்முறை சம்பவங்கள் தலைதூக்கி வருகிறது. இந்நிலையில் சானா நகரில் நேற்று சமாதான பேச்சுவார்த்தை நடைபெற்றது. அதில் பங்கேற்க ஹோயுதி அமைப்பின் தலைவர் அகமது ஷராபுதீன் காரில் சென்று கொண்டிருந்தார். அப்போது மற்றொரு காரில் வந்த மர்ம நபர் துப்பாக்கியால் அவரை சரமாரியாக சுட்டான். அதில் அகமது ஷராபுதீன் சம்பவ இடத்திலேயே உயிரிழந்தார். தாக்குதல் நடத்திய மர்ம நபர் தப்பி சென்று விட்டான்.

This posting includes an audio/video/photo media file: Download Now

இலங்கையில் கடந்த மூன்று மாதங்களில் மனித உரிமை நிலவரங்கள் எந்த வகையிலும் மேம்படவில்லை என்று பிரிட்டனின் வெளியுறவு மற்றும் கொமன்வெல்த் நாடுகளுக்கான அமைச்சகம் தனது அறிக்கையொன்றில் சுட்டிக்காட்டியுள்ளது.

உலகளவில் 27 நாடுகளிலுள்ள மனித உரிமைகள் நிலவரம் குறித்து நேற்றிரவு வெளியிடப்பட்டுள்ள அறிக்கை, கடந்த அக்டோபர் மாதம் முதல் டிசம்பர் மாதம் வரையிலான காலப்பகுதியில் அந்த நாடுகளில் மனித உரிமைகள் நிலவரம் எப்படியிருந்தது என்பதை விபரிக்கிறது. கடந்த ஆண்டு இலங்கையில் கொமன்வெல்த் மாநாடு நடைபெற்ற போது, மனித உரிமைகள் தொடர்பில் சர்வதேச சமூகத்தின் பார்வை அதன் மீது கூடுதலாக இருந்த போதிலும், அதில் முன்னேற்றத்தை காண முடியவில்லை என்று பிரிட்டிஷ் அரசின் அறிக்கை தெரிவிக்கிறது.

தமது இந்தக் கருத்துக்கு ஆதாராமாக சில விடயங்களை அந்த அறிக்கை சுட்டிக்காட்டுகிறது. கொழும்பில் கடந்த நவம்பர் மாதம் நடைபெற்ற மனித உரிமைகள் தொடர்பான ஒரு நிகழ்வில் பங்குபெற வடபகுதியைச் சேர்ந்த, காணாமல் போனோரின் உறவினர்கள் கொழும்பு போக முற்பட்ட வேளையில், இராணுவத்தினரால் அவர்கள் தடுக்கப்பட்டனர் என்று கூறும் அந்த அறிக்கை, நவம்பர் மாதம் 14 ம் தேதி அந்த நிகழ்வின் மீதே தாக்குதல் நடத்தப்பட்டது எனவும் கூறுகிறது.

அந்த நிகழ்வுக்கு சென்ற ஒரு தமிழ் இளைஞர் காவல்துறையால் தற்காலிகமாக தடுத்து வைக்கப்பட்டார் என்றும், தாக்குதலுக்கு உள்ளானார் எனவும் அந்த அறிக்கை தெரிவிக்கிறது. அதேபோல கொழும்பில் அதேமாதம் 15 மற்றும் 16 ம் தேதிகளில் மனித உரிமை ஆர்வலர்கள் மெழுகுவர்த்திகளை ஏந்தியபடி முன்னெடுத்த விழிப்புணர்வு நடவடிக்கையை தடுக்கும் நோக்கில் நீதிமன்றத்திலிருந்து ஒரு தடையாணையை பெற்றனர் என்றும் அந்த அறிக்கை கூறுகிறது.

அதேபோல கொமன்வெல்த் மாநாட்டின் போது ஊடகவியலாளர்கள் அச்சுறுத்துப்பட்டு பவேறு பிரச்சினைகளை எதிர்கொண்டதாகவும் இந்த அறிக்கையில் தெரிவிக்கப்பட்டுள்ளது. எனினும் இலங்கையின் வெளியுறவு அமைச்சர், சாட்சிகளுக்கான பாதுகாப்புச் சட்டம் நாட்டில் முன்னெடுக்கப்படுவதையும் அதற்கு நாடாளுமன்றம் ஒப்புதல் அளிக்கும் நிலை ஏற்பட்டுள்ளது என கடந்த டிசம்பரில் தெரிவித்திருப்பது ஒரு ஆக்கபூர்வமான நடவடிக்கை என்றும் பிரிட்டிஷ் அரசின் வெளியுறவு மற்றும் கொமன்வெல்த் அமைச்சம் வெளியிட்டுள்ள அறிக்கையில் கூறப்பட்டுள்ளது.

This posting includes an audio/video/photo media file: Download Now