Tamil Star

வடமாகாண சபை உறுப்பினர்கள் 07 பேர் இந்தியத் துணைத்தூதுவர் மகாலிங்கத்தைச் சந்தித்தனர்.

This posting includes an audio/video/photo media file: Download Now

இந்திய தண்டனை சட்டம் 377-வது பிரிவின்படி ஓரினச் சேர்க்கையானது குற்றம் என்று நேற்று உச்ச நீதிமன்றம் உறுதிபடுத்தியது. இந்த தீர்ப்பு முரண்பாடாக உள்ளது என்று காங்கிரஸ் கட்சி தலைவர் சோனியாகாந்தி, நிதியமைச்சர் ப. சிதம்பரம், சட்ட அமைச்சர் கபில் சிபல் ஆகியோர் கருத்து தெரிவித்துள்ளனர். ஓரினச்சேர்க்கை சட்டவிரோதமானது என்று கூறும் உச்ச நீதிமன்றத்தின் தீர்ப்பை மறுபரிசீலனை செய்ய வேண்டும் என்று எதிர்ப்பும் கிளம்பியுள்ளது. இதனால், இப்பிரச்சினை குறித்து மத்திய அரசு ஆராயவுள்ளது. இதுகுறித்து சோனியா காந்தி வெளியிட்டுள்ள அறிக்கையில் கூறியிருப்பதாவது:- டெல்லி உயர்நீதிமன்றத்தின் உத்தரவுக்கு எதிராக ஓரின சேர்க்கை சட்டவிரோதமானது என்று உச்ச நீதிமன்றம் கூறியுள்ளது ஏமாற்றமளிக்கிறது. பாராளுமன்றம் இப்பிரச்சினை குறித்து பேசும் என்று நான் நம்புகிறேன். இந்த உத்தரவால் பாதிக்கப்பட்டுள்ளவர்கள் உட்பட அனைத்து இந்திய குடிமக்களின் வாழ்வையும் சுதந்திரத்தையும் அரசியலமைப்பு பாதுகாக்கும். இவ்வாறு அவர் கூறியுள்ளார். ப. சிதம்பரம் கூறுகையில், இந்த தீர்ப்பானது நம்மை 1860-ம் ஆண்டுக்கு அழைத்து சென்றுள்ளது. இதை எதிர்க்கும் அரசியல்வாதிகளின் பெயர்களை கூற நான் விரும்பவில்லை. இது துரதிர்ஷ்டவசமானது. அரசு இப்பிரச்சினை குறித்து மறு ஆய்வு செய்ய வேண்டும். சட்ட அமைச்சர் கபில் சிபல் கூறுகையில், 377-வது பிரிவு குறித்து டெல்லி உச்சநீதிமன்ற தீர்ப்பை மாற்றியமைக்க அனைத்து நடவடிக்கைகளையும் எடுக்க அரசு ஆலோசிக்கும்.

This posting includes an audio/video/photo media file: Download Now

சாம்பியன்ஸ் லீக் போட்டியில் கிறிஸ்டியானோ ரொனால்டோ புதிய சாதனை படைத்துள்ளார்.

கோபன்ஹேகனில் நடந்த சாம்பியன்ஸ் லீக் போட்டியில் ரியல் மாட்ரிட் ஸ்டிரைக்கர் கிறிஸ்டியானோ ரொனால்டோ, தனது அணியை 2-0 என்ற விகிதத்தில் வெற்றி பெறச்செய்தார்.

இவரது கோல் தான் ரியல் மாட்ரிட் அணியை வெற்றி பெறச் செய்தது.

இதன் மூலம் போட்டியில் அதிக கோல் அடித்த நபர் என்ற புதிய சாதனையை நிகழ்த்தி உள்ளார்.

இநத் சீசனில் அவர் 9 கோல்கள் அடித்து உள்ளார், இதற்கு முன் சீசனில் 8 கோல்கள் அடித்ததே சாதனையாக இருந்தது.

இதுகுறித்து அவர் கூறுகையில், நான் எனது கோல்கள் கணக்கின் மூலம் மிகவும் சந்தோஷமாக இருக்கிறேன்.

அணியின் வெற்றிக்கு உதவ முடிந்ததை எண்ணி மகிழ்ச்சி அடைகிறேன்.

நான் அதிக கோல்கள் அடிக்க விரும்பினேன், அது சாதனையாக அமைந்தது.

ஆனால் நான் சாதனைகளை முறியடிக்க விரும்பவில்லை என்று தெரிவித்துள்ளார்.

This posting includes an audio/video/photo media file: Download Now

வன்னியில் நிலங்களை மட்டுமல்லாது மாடுகளையும் அபகரித்து வைத்திருக்கும் படையினர் அந்த மாடுகளிலிருந்து பால் கறந்து கொழும்பிலுள்ள நிறுவனம் ஒன்றிற்கு ஏற்றுமதி செய்கின்றனர்' என வட மாகாண விவசாய அமைச்சர் பொன்னுத்துரை ஐங்கரநேசன் தெரிவித்தார்.

வட மாகாண சபையின் வரவு – செலவுத் திட்டத்தின் குழுநிலை விவாதம் இன்று (12) நடைபெற்று வருகின்றது. இதில் உரையாற்றும் போதே அவர் மேற்கண்டவாறு தெரிவித்தார்.

அங்கு தொடர்ந்து உரையாற்றிய அவர், 'யுத்தம் முடிவடைந்த பின்னர் வட பகுதியிலுள்ள இராணுவத்தினருக்கு என்ன வேலை கொடுப்பது என்று தெரியாமல் அரசாங்கம் அவர்களை விவசாயம் செய்வதற்கும் கடை நடத்துவதற்கும் பால் கறப்பதற்கும் ஈடுபடுத்தி வருகின்றது.

வட மாகாணத்தில் கிணற்றிலிருந்து அதிகளவான குடிநீர் எடுக்கின்றமையால் நிலத்தடிநீர் மாசடைகின்றது. அத்துடன் இலங்கையிலுள்ள புற்றுநோயாளர்களில் அதிகமானவர்கள் யாழ். மாவட்டத்தைச் சேர்ந்தவர்கள். இதற்கான காரணம் அவர்களின் உணவுகளில் இரசாயனப் பதார்த்தங்கள் கலக்கப்பட்டிருப்பதாகும்.

விவசாயிகள் தங்களால் உற்பத்தி செய்யப்படுகின்ற பொருட்களை தாங்களாகவே சென்று சந்தையில் விற்பனை செய்ய வேண்டும் என்றும் அவர்கள் தங்களின் விவசாய நடவடிக்கையில் புதிய நுட்பங்களைப் பயன்படுத்தி உற்பத்திகளை தரமுயர்த்த வேண்டுமென்றும்' கூறினார்.

'2014ஆம் ஆண்டிலிருந்து விவசாயிகளால் உற்பத்தி செய்யப்படுகின்ற பொருட்களை சந்தையில் விற்பனை செய்கின்ற போது 10 வீதத்திற்குள் கொடுக்கும் கழிவு அமைய வேண்டும்.

அத்துடன் வெளி மாவட்டங்களிலிருந்து இங்கு பரீட்சார்த்தமாக நடப்படும் மரங்களான சந்தன மரம், இறப்பர் மரம் போன்ற மரங்கன்று மூலம் புதிய தொற்றுக்கிருமிகள் இங்கு வருகின்றன.

வட பகுதிக்குரிய மரங்களாக கறுத்தக்கொழும்பான் மா மரம், அம்பலவி மா மரம் போன்றன காணப்படுகின்றன. ஆனால் தற்போது இம்மா மரங்கள் குறைவாகவே காய்க்கின்றன.

ஏனெனில் ஆரம்பத்தில் நாங்கள் இலிங்க முறையில் மா மரத்தை நட்டோம். ஆனால் தற்போது மரங்களை செயற்கை முறை மூலம் ஒட்டி இனப்பெருக்கம் செய்கின்றோம். இதனால் ஒரே மரபுரிமை காணப்படாமல் மா மரங்களுக்கு தொற்று நோய்கள் ஏற்படுகின்றன' எனவும் அவர் மேலும் தெரிவித்தார்.

This posting includes an audio/video/photo media file: Download Now

ஒருநாள் போட்டியில் வெற்றியை பறிகொடுத்தாலும், டெஸ்ட் போட்டியில் சிறப்பான ஆட்டத்தை வெளிப்படுத்துவோம் என அணித்தலைவர் டோனி தெரிவித்துள்ளார்.

தென் ஆப்ரிக்காவுக்கு சுற்றுப்பயணம் மேற்கொண்டு இந்திய அணி விளையாடி வருகிறது.

ஒருநாள் போட்டியில் 2 ஆட்டத்தில் மோசமான தோல்வியை தழுவி தொடரை இழந்தது.

இந்நிலையில் இவ்விரு அணிகள் மோதும் மூன்றாவது ஒருநாள் போட்டி செஞ்சூரியன் பார்க் மைதானத்தில் நேற்று நடந்தது.

முதலில் விளையாடிய தென் ஆப்ரிக்கா நிர்ணயிக்கப்பட்ட 50 ஓவர்களில் 8 விக்கெட் இழப்புக்கு 301 ஓட்டங்கள் குவித்தது.

பின்னர் இந்திய அணி விளையாட ஆரம்பித்த போது மழையால் பாதிக்கப்பட்டது, மழை தொடர்ந்து பெய்ததால் ஆட்டம் ரத்து செய்யப்பட்டது.

இதனால் 3 போட்டி கொண்ட தொடரை தென் ஆப்ரிக்கா 2–0 என்ற கணக்கில் கைப்பற்றியது.

இந்நிலையில் இதுகுறித்து அணித்தலைவர் டோனி கூறுகையில், ஒருநாள் தொடரை இழந்ததன் மூலம் நிறைய பாடங்களை கற்றுக் கொண்டோம்.

வேகப்பந்து, பவுன்சை எப்படி எதிர்கொள்வது என்பதை ஒருநாள் தொடரில் அறிந்தோம்.

இதனால் டெஸ்ட் தொடரில் சிறப்பாக விளையாட முடியும் என்ற நம்பிக்கை எங்களுக்கு உள்ளது.

விக்கெட்டுகளை கைப்பற்ற முடியாமல் திணறிய இஷாந்த்சர்மா கடைசி போட்டியில் சிறப்பாக பந்து வீசினார்கள் என்றும், தென் ஆப்ரிக்க அணியில் சிறந்த ஆல்ரவுண்டர்கள் உள்ளனர் என்றும் தெரிவித்துள்ளார்.

This posting includes an audio/video/photo media file: Download Now

This posting includes an audio/video/photo media file: Download Now

ஜேர்மனியில் கிரேன் ஒன்று கூரையை பிய்த்து கொண்டு விழுந்ததில் பெண் ஒருவர் பரிதாபமாக பலியானார். ஜேர்மனியின் பேட் ஹோம்பர்க் மாகாணத்தில் உள்ள மளிகை கடையில் இன்று காலை 11.30 மணியளவில் 20 டன் எடையுள்ள கிரேன் கடையின் மீது விழுந்தது.

அப்போது கடைக்குள் 74 வயது பெண், அவரின் மகள், 40 வாடிக்கையாளர்கள் உட்பட 7 பணியாளர்கள் இருந்தனர்.

விபரம் அறிந்தவுடன் விரைந்து சென்ற தீயணைப்பு படையினர் மீட்புப் பணியில் ஈடுபட்டனர்.

இந்த விபத்தில் 42 வயது மதிக்கத்தக்க பெண் பரிதாபமாக பலியானார், காயமடைந்தவர்களை மருத்துவமனையில் அனுமதித்துள்ளனர்.

இன்னும் பலர் விபத்தில் சிக்கியிருக்கலாம் என வீரர்கள் சந்தேகிக்கின்றனர்

This posting includes an audio/video/photo media file: Download Now

This posting includes an audio/video/photo media file: Download Now