Tamil Star

காணி அதிகாரம் குறித்த தமிழ்த் தேசியக் கூட்டமைப்பின் கோரிக்கை நியாயமற்றது என சிரேஸ்ட சட்டத்தரணி கொமின் தயாசிறி தெரிவித்துள்ளார்.

இந்திய இலங்கை உடன்படிக்கையில் சிக்கல்கள் காண்ப்படுகின்றது. நாட்டின் அரசியல் அமைப்பை கவனத்திற் கொள்ளாது உடன்படிக்கை தயாரிக்கப்பட்டுள்ளது,

அண்மையில் காணி அதிகாரங்கள் மத்திய அரசாங்கத்திற்கே உரியது என்ற உயர் நீதிமன்றத் தீர்ப்பு இதனை உறுதி செய்கின்றது என அவர் சுட்டிக்காட்டியுள்ளார்.

இலங்கையின் அரசியல் அமைப்பு குறித்து போதிய விளக்கமற்ற இந்தியர்களினால் 13ம் திருத்தச் சட்டம் தயாரிக்கப்பட்டுள்ளது. எனவே தமிழ்த் தேசியக் கூட்டமைப்பின் காணி அதிகாரக் கோரிக்கை ஏற்றுக்கொள்ளக் கூடியதல்ல.

மேலும், தமிழ்த் தேசியக் கூட்டமைப்பின் பொலிஸ் அதிகார கோரிக்கைகளுக்கும் சட்ட ரீதியான பதிலளிக்க விரைவில் நடவடிக்கை எடுக்கப்படும் என அவர் குறிப்பிட்டுள்ளார்.

This posting includes an audio/video/photo media file: Download Now

வடமாகாண சபைத் தேர்தலில் தமிழ்த் தேசியக் கூட்டமைப்பின் சார்பில் போட்டியிட்ட வேட்பாளர்களில் பலரை சில வெளிநாடுகளே தெரிவு செய்திருந்தன என  இலங்கை பொருளாதார அபிவிருத்தி அமைச்சரான பசில் ராஜபக்ச தெரிவித்துள்ளார்.

This posting includes an audio/video/photo media file: Download Now

காணி மற்றும் பொலிஸ் அதிகாரங்கள் பெற்றுக்கொள்ளப்படும் என வட மாகாண முதலமைச்சர் சீ.வி. விக்னேஸ்வரன் தெரவித்துள்ளார்.

This posting includes an audio/video/photo media file: Download Now

ஈரானில் 1979 ஆம் ஆண்டு இஸ்லாமியப் புரட்சி ஏற்பட்டதைத் தொடர்ந்து உலக நாடுகள் அந்நாட்டிற்குப் பொருளாதாரத் தடைகளை விதித்தன. ஈரானின் அணுசக்தி உற்பத்தி குறித்தும் எதிர்ப்பு கிளம்பியது. தற்போது ஈரான் அதிபராக ஹசன் ருஹானி பதவியேற்றதைத் தொடர்ந்து நிலைமை மாறத் தொடங்கியுள்ளது. இந்த வார ஆரம்பத்தில் அமெரிக்காவின் நியூயார்க் நகரில் நடைபெற்ற ஐ.நா பொதுக்குழு கூட்டத்தில் கலந்துகொண்டு ருஹானி தனது முதல் உரையை ஆற்றினார்.அப்போதே ருஹானி அமெரிக்க அதிபரைச் சந்திப்பார் என்று எதிர்பார்க்கப்பட்டது.ஆயினும் இது சிக்கலான விஷயம் என்பதால் தவிர்க்கப்பட்டதாக ஈரானிய அதிகாரிகள் தெரிவித்தனர். அதன்பின்னர் பிரான்ஸ் தேசத்து அதிபர் ஹாலன்டேயையும் அவர் சந்தித்துப் பேசினார்.வியாழன் அன்று அமெரிக்க வெளியுறவுத்துறை அமைச்சர் ஜான் கெர்ரியும், ஈரானின் வெளியுறவுத்துறை அமைச்சர் முகமது ஜாவத் சரிபும் ஆறு வருடங்களுக்குப்பின் நேரிடையாக சந்தித்து உரையாடினர்.

This posting includes an audio/video/photo media file: Download Now

உத்தரபிரதேச மாநிலம் கான்பூரில் அடுத்த மாதம் (அக்டோபர்) 20-ந்தேதி பா.ஜனதா பிரதமர் வேட்பாளர் நரேந்திரமோடி மற்றும் தலைவர் ராஜ்நாத் சிங் ஆகியோர் கலந்து கொள்ளும் பேரணிக்கு ஏற்பாடு செய்யப்பட்டு இருந்தது. பேரணியை தொடர்ந்து கான்பூர் அருகே நிரலாநகர் பகுதியில் ரெயில்வேக்கு சொந்தமான இடத்தில் பொதுக்கூட்டம் நடத்தவும் முடிவு செய்யப்பட்டது. இந்த பேரணி மற்றும் பொதுக்கூட்டத்துக்கு அனுமதி அளிக்க முடியாது என ரெயில்வே நிர்வாகம் கூறியுள்ளது. இது தொடர்பாக கான்பூர் மாவட்ட பா.ஜனதா தலைவர் சுரேந்திர மைதானிக்கு ரெயில்வே முதன்மை என்ஜினீயர் நேற்று கடிதம் அனுப்பியுள்ளார். இதைத்தொடர்ந்து இந்த பேரணிக்கு மாற்று இடம் ஏற்பாடு செய்யப்படும் என்று உத்தரபிரதேச பா.ஜனதா செய்தித்தொடர்பாளர் விஜய் பகதூர் பதக் கூறினார். மேலும், நரேந்திரமோடியின் பொதுக்கூட்டத்துக்கு தடை விதிக்க மத்திய, மாநில அரசுகள் முயன்று வருவதாக அவர் குற்றம் சாட்டினார்.

This posting includes an audio/video/photo media file: Download Now

நியூயோர்க்கில் நேற்று வெள்ளிக்கிழமை நடைபெற்ற பொதுநலவாய அமைச்சர் மட்ட நடவடிக்கை குழு கூட்டத்தில் இலங்கை பங்கேற்கவில்லை.

This posting includes an audio/video/photo media file: Download Now

இந்தியா-அமெரிக்கா இடையே அணுசக்தி துறையில் முதல் வர்த்தக ஒப்பந்தம் கையெழுத்தானது. இந்தியா-அமெரிக்கா இடையே கடந்த 5 ஆண்டுகளுக்கு முன்பு அணுசக்தி ஒத்துழைப்பு ஒப்பந்தம் கையெழுத்தானது. அதன்பிறகு முதன் முறையாக இந்த துறையில் வர்த்தக ரீதியிலான முதல் ஒப்பந்தம் நேற்று கையெழுத்தானது. அமெரிக்கா சென்றுள்ள பிரதமர் மன்மோகன் சிங், வெள்ளை மாளிகையில் ஜனாதிபதி ஒபாமாவை நேற்று சந்தித்து பேசினார். பின்னர் அவர்கள் இருவரும் கூட்டாக நிருபர்களுக்கு பேட்டி அளித்தனர். அப்போது, கடந்த சில நாட்களில் நடைபெற்ற பேச்சுவார்த்தையின்போது, இந்திய அணுசக்தி கழகத்திற்கும், அமெரிக்க நிறுவனம் ஒன்றுக்கும் இடையே இந்தியாவில் அணுசக்தி மின் திட்டம் அமைப்பது தொடர்பாக முதல் வர்த்தக ஒப்பந்தம் கையெழுத்தானதாக ஒபாமா தெரிவித்தார். அதே நேரத்தில், இந்தியா நிறைவேற்றியுள்ள அணுமின் திட்ட விபத்து இழப்பீடு சட்டத்திற்கு அமெரிக்கா எதிர்ப்பு தெரிவித்து வருவது குறித்து, ஒபாமா தனது பேட்டியில் எதுவும் குறிப்பிடவில்லை. மேலும் இந்தியாவுடனான நல்லுறவை வலுப்படுத்த தான் உறுதி பூண்டு இருப்பதை மீண்டும் வலியுறுத்திய அவர், இந்தியா ஆசிய அளவில் மட்டுமின்றி உலக அளவிலும் பெரிய சக்தியாக விளங்கி வருவதாக கூறினார். பிரதமர் மன்மோகன் சிங்கும் இரு நாட்டு நல்லுறவு மேம்பாட்டில் ஒபாமாவின் கருத்தை பிரதிபலித்தார். பிரதமர் மன்மோகன்சிங், தனது பேட்டியின்போது பாகிஸ்தான் பயங்கரவாதத்தின் மையப்பகுதியாக தொடர்ந்து திகழ்ந்து வருவதாக தாக்குதல் தொடுத்தார். இருப்பினும், பாகிஸ்தான் பிரதமர் நவாஸ் ஷெரீப்புடனான சந்திப்பை எதிர்நோக்கி இருப்பதாக தெரிவித்தார். முன்னதாக பாகிஸ்தான் பிரதமர் நவாஸ் ஷெரீப் அளித்த பேட்டியிலும் பிரதமர் மன்மோகன் சிங்கை சந்திக்க ஆவலுடன் காத்திருப்பதாக தெரிவித்தார்.

This posting includes an audio/video/photo media file: Download Now

அவுஸ்திரேலியாவுக்கு அகதிகளை ஏற்றிச் சென்றதாகக் கருதப்படும் படகு ஒன்று ஜாவா தீவுகளுக்கு தெற்கே கடலில் மூழ்கியதாக இந்தோனேசிய அதிகாரிகள் தெரிவித்துள்ளனர்.

This posting includes an audio/video/photo media file: Download Now

வடக்கு மாகாண முதல்வராக தெரிவு செய்யப்பட்டுள்ள, சி.வி.விக்னேஸ்வரன், சிறிலங்கா அதிபருக்கு முன்பாக பதவிப் பிரமாண உறுதிமொழி எடுத்துக் கொள்ள மாட்டார் என்று தகவல்கள் தெரிவிக்கின்றன.

தமிழ்த் தேசியக் கூட்டமைப்பின் தலைவர் இரா.சம்பந்தன் முன்னிலையிலேயே அவர் பதவியேற்றுக் கொள்வார் என்று தமிழ்த் தேசியக் கூட்டமைப்பின் வட்டாரங்கள் தகவல் வெளியிட்டுள்ளன.

சிறிலங்காவில் இதுவரை பெரும்பாலான மாகாண முதல்வர்கள் சிறிலங்கா அதிபர் முன்னிலையிலேயே பதவியேற்று வந்துள்ளனர்.

எனினும், மாகாண முதலமைச்சர்கள், சிறிலங்கா அதிபரின் முன்னிலையிலேயே பதவியேற்க வேண்டும் என்ற சட்டரீதியான கட்டாயம் இல்லாத நிலையில், மகிந்த ராஜபக்ச முன்னிலையில், பதவியேற்பதை, தமிழ்த் தேசியக் கூட்டமைப்பு விரும்பவில்லை என்று தெரியவருகிறது.

ஏற்கனவே, கிழக்கு மாகாணசபை உறுப்பினர்களும், கிழக்கு மாகாண ஆளுனர் முன்பாக பதவியேற்கவில்லை. இரா.சம்பந்தன் முன்னிலையிலேயே அவர்கள் பதவியேற்றனர் என்பது குறிப்பிடத்தக்கது.

This posting includes an audio/video/photo media file: Download Now

பாகிஸ்தானில் பலுசிஸ்தான் மாகாணத்திலுள்ள ஆவாரான், குஜ்தார் பகுதியில் கடந்த 24-ந்தேதி பயங்கர பூகம்பம் தாக்கியதில் 350 பேர் இறந்தனர். தற்போது சாவு எண்ணிக்கை 357 ஆக உயர்ந்திருப்பதாக பலுசிஸ்தான் அரசாங்கம் அறிவித்தது. இதில் ஆவாரான் பகுதியில் மட்டும் 300 பேர் இறந்தனர். மேலும் 620 பேருக்கு காயம் ஏற்பட்டது. மீட்பு நடவடிக்கையில் 1,000 ராணுவத்தினரும், 10 ஹெலிகாப்டர்களும் ஈடுபட்டு வருகிறது.

என்றாலும் இந்த பூகம்பம் தாக்கிய பகுதியில் சுமார் 1 லட்சம் மக்கள் உணவு, குடிநீர், மருத்துவ வசதிகள் இன்றி வெட்டவெளியிலேயே தங்கியிருக்கிறார்கள். இவர்களை மீட்டு அழைத்து வர போதிய ஹெலிகாப்டர்கள் இல்லாததே காரணம் என்று கூறப்படுகிறது. இதனால் கூடுதலாக நவீன சி-130 ரக ஹெலிகாப்டர்களை அனுப்பி வைக்க பிரதமர் நவாஸ் ஷெரீப் உத்தரவிட்டார். பூகம்பம் பாதித்த பகுதிக்கு 2,600 கூடாரங்கள் மற்றும் உணவு பொட்டலங்கள், குடிநீர் பாக்கெட்டுகளை அனுப்பி மீட்பு நடவடிக்கை இரவு, பகலாக நடக்கிறது என்று பலுசிஸ்தான் அதிகாரிகள் கூறினர்.

This posting includes an audio/video/photo media file: Download Now