Tamil Star

இந்தியாவின் 67ஆவது சுதந்திர தினத்தைப் போற்றும் வகையில் கனடா நாட்டில் தெரு ஒன்றிற்கு இந்தியாவின் தேசத் தந்தை மகாத்மா காந்தியின் பெயர் சூட்டப்பட்டுள்ளது. வின்னிபெக் என்ற நகரத்தில் மனித உரிமைகளுக்கான அருங்காட்சியகம் ஒன்று இயங்கி வருகின்றது. கடந்த வியாழன் அன்று இந்திய சுதந்திர தினத்தை ஒட்டிய ஒரு சிறப்பு நிகழ்ச்சி அங்கு நடைபெற்றது. அதில் நகர மேயர் சாம் கட்ஸ் கலந்துகொண்டார். அப்போது மனித உரிமைகளுக்காகப்பாடுபட்ட தனிமனிதத் தலைவரான காந்தியின் பெயரை அருங்காட்சியகம் செயல்படும் தெருவிற்கு சூட்டுவதாக அவர் அறிவித்தார். ஆன்மிகம் மற்றும் அரசியல் தலைவராக காந்தியின் செல்வாக்கு இன்றளவும் உணரப்படுவதாக இந்திய மற்றும் பழங்குடி சமூகத்தின் பிரதிநிதிகள் கலந்துகொண்ட அந்தக் கூட்டத்தில் கட்ஸ் கூறினார். அகிம்சை மற்றும் சமூக மாற்றத்தைக் குறித்த அவரது போதனைகள் உலகம் முழுவதும் அடக்குமுறையை எதிர்கொள்ளும் லட்சக்கணக்கான மக்களுக்கு நம்பிக்கை அளிப்பவையாக உள்ளன. மற்றவர்களின் சுதந்திரத்தை உறுதி செய்வதற்காக தன்னுடைய வாழ்வை அர்ப்பணித்த தன்னலமில்லாத் தலைவர் காந்தி என்று கட்ஸ் தெரிவித்தார். மனித உரிமைப் போராட்டத்தில் குறிப்பிடத்ததக்க தலைவர் காந்தி என்று கனடா மகாத்மா காந்தி மையத்தின் தலைவர் கிருஷ்ணமூர்த்தி தக்ஷிணாமூர்த்தி கூறினார். கனடாவின் டிரான்ஸ்கோனா பகுதியின் புதிய தெருவிற்கு காந்தியின் பெயரை வைப்பதாக நகராட்சி முடிவு செய்திருந்தது. ஆனால் மனித உரிமை அருங்காட்சியகத்தின் அருகே அவரது பெயர் வைக்கப்படவேண்டும் என்று மகாத்மா காந்தி மையம் எழுப்பிய கோரிக்கையை அடுத்து குடிமை அதிகாரிகள் கடந்த 2010ல் தங்களது முடிவை மாற்றி இந்தத் தெருவைத் தேர்ந்தெடுத்தனர் என்று பத்திரிகை செய்தி தெரிவித்துள்ளது.

This posting includes an audio/video/photo media file: Download Now

ஒரு நாட்டின் அதிபர் தீர்க்கவேண்டிய அத்தியாவசியப் பிரச்சினைகள் எத்தனையோ இருக்க, வெனிசுலா அதிபரான நிக்கோலஸ் மதுரோ முன் ஒரு வித்தியாசமான பிரச்சினை வைக்கப்பட்டுள்ளது. நாட்டில் நீளக் கூந்தல் உள்ள பெண்களின் முடி தொடர்ந்து திருடப்படுகிறது. அதுவும் சில நேரங்களில் கத்தி முனையில் பெண்களை மிரட்டும் திருடர்கள், அவர்களின் கூந்தலைக் கத்தரித்து எடுத்துச் செல்கிறார்கள். பின்னர் இதனை செயற்கை முடி தயாரிப்பவர்களிடம் விற்று பணமாக்கி விடுகின்றார்கள். இத்தகைய திருட்டு அதிகரித்து வருவதாகவும், குறிப்பாக நாட்டின் இரண்டாவது பெரிய நகரமான மரகைபோவில் இத்தகைய திருடர்கள் அதிகரித்துள்ளதாகவும் தகவல்கள் தெரிவிகின்றன. இதில் விசித்திரம் என்னவென்றால், முடி வளர்க்கும் பல்வேறு பெண்களிடம், அவர்களின் முடியை குதிரைவால் போல் கட்டிக்கொண்டு வரும்படி திருடர்கள் கூறுகிறார்களாம். அப்போதுதான் அவர்களுக்கு கத்தரிக்க எளிதாக இருக்குமாம். எனினும், இதுவரை எந்த புகாரும் பெறப்படவில்லை. காவல்துறையிடம் புகார் அளிப்பது குறித்து ஒரு பெண்ணிடம் கேட்டபோது, தன்னை கேலி செய்வார்கள் என்ற காரணத்தினால் தான் புகார் தர மறுத்து விட்டதாக கூறியுள்ளார். இந்நிலையில், தலைநகர் காரகாசில் நேற்று ஒரு ரெயில் நிலையத் திறப்பு விழாவிற்குத் தலைமை தாங்க அதிபர் மதுரோ வந்திருந்தார். அவர் தனது சிறப்புரையில், இந்த முடித் திருடர்களை பெண்களின் முடியைக் கத்தரிக்கும் மாபியா கும்பல் என்று குறிப்பிட்டார். இவர்கள் அனைவரும் கைது செய்யப்படுவார்கள் என்றும் அவர் உறுதியளித்தார்.

This posting includes an audio/video/photo media file: Download Now

நடிகர் விஜய் நடித்துள்ள 'தலைவா', படத்தை தியேட்டர்களில் திரையிடுவதில் தொடர்ந்து சிக்கல் நீடித்து வருகிறது. இந்த நிலையில் இந்த படத்தின் தயாரிப்பாளர் சந்திரபிரகாஷ் ஜெயின், படத்தின் டைரக்டர் விஜய், இசை அமைப்பாளர் ஜி.வி.பிரகாஷ் ஆகியோர் வக்கீல் ராஜசேகருடன், நேற்று பகல் 11 மணி அளவில், சென்னை போலீஸ் கமிஷனர் அலுவலகம் வந்தனர். அவர்கள் கூடுதல் கமிஷனர் நல்லசிவத்தை சந்தித்து மனு ஒன்றை கொடுத்தனர். மனு கொடுத்துவிட்டு வெளியில் வந்த அவர்கள், பத்திரிகையாளர்கள் மத்தியில் எதுவும் பேசாமல் சென்றுவிட்டனர். பின்னர் அவர்கள் கூடுதல் கமிஷனரை சந்தித்து கொடுத்த மனு, இ-மெயில் மூலம் அனைத்து பத்திரிகை அலுவலகங்களுக்கும் அனுப்பிவைக்கப்பட்டது. அவர்கள் கொடுத்த மனுவில் கூறி இருப்பதாவது:- 'தலைவா' திரைப்படம், கடந்த 9-ந் தேதி அன்று, உலகமெங்கும் வெளியாகி இருந்தது. ஆனால் திரையரங்குகளுக்கு வந்த மொட்டை கடிதங்களாலும், தொலைபேசி மிரட்டல்களாலும், தமிழகத்தில் திரையரங்கு உரிமையாளர்கள், 'தலைவா' படத்தினை வெளியிட மறுத்து வருகிறார்கள். இதனால் இந்த படத்தின் தயாரிப்பாளருக்கும், விநியோகஸ்தர்களுக்கும் மிகுந்த பொருள் நஷ்டம் ஏற்பட்டுவிட்டது. இந்த நிலையில் தலைவா படம் இணையதளம் வாயிலாகவும், வி.சி.டி வழியாகவும் தமிழகத்தில் புற்றீசல் போல பரவி வருகிறது. 'தலைவா' படத்தை, திரையரங்கு உரிமையாளர்கள் தொடர்ந்து திரையிட மறுத்து வருகிறார்கள். இதனால் 'தலைவா' படத்தை உடனடியாக திரையிட கோரிக்கை வைத்து, நடிகர் விஜய், நடிகர் சத்யராஜ், நடிகை அமலாபால், தயாரிப்பாளர் சந்திரபிரகாஷ் ஜெயின், இயக்குனர் விஜய், இசை அமைப்பாளர் ஜி.வி.பிரகாஷ், ஒளிப்பதிவாளர் நீரவ்ஷா, பாடல் ஆசிரியர் நா.முத்துக்குமார் மற்றும் அனைத்து நடிகர், நடிகைகள், தொழில்நுட்ப கலைஞர்கள், 16-ந் தேதி அல்லது 17-ந் தேதி (இன்று) அன்று அரசு அனுமதி கொடுக்கும் இடத்தில் ஒருநாள் அடையாள உண்ணாவிரதம் இருக்க முடிவு செய்யப்பட்டுள்ளது. இதற்கு அனுமதி வழங்க வேண்டும். இவ்வாறு மனுவில் தெரிவிக்கப்பட்டுள்ளது. இதற்கிடையில், நடிகர் விஜய் நடத்தப்போவதாக அறிவித்துள்ள உண்ணாவிரத போராட்டத்துக்கு அனுமதி கொடுக்கப்படமாட்டாது என்று போலீஸ் தரப்பில் நேற்று மாலை தெரிவிக்கப்பட்டது. உண்ணாவிரத போராட்டத்துக்கு அனுமதி கோரி கொடுக்கப்பட்ட மனு, 5 நாட்களுக்கு முன்னதாக கொடுக்கப்படாததால், அந்த மனு நிராகரிக்கப்பட்டதாகவும், மனு கொடுத்தவர்களுக்கு இந்த தகவல் தபால் மூலம் தெரிவிக்கப்படும் என்றும் போலீஸ் தரப்பில் கூறினார்கள்.

This posting includes an audio/video/photo media file: Download Now

யுத்தத்தின் இறுதிக் கட்டத்தில் பொது மக்கள் காணாமல் போனதாக கூறப்படும் குற்றச்சாட்டுக்களை இலங்கை அரசாங்கம் முற்றாக மறுக்கின்றது என்று அமைச்சரவை பேச்சாளரும் அமைச்சருமான கெஹெலிய ரம்புக்வெல தெரிவித்துள்ளார்.

This posting includes an audio/video/photo media file: Download Now

அவுஸ்திரேலியாவில் தஞ்சக் கோரிக்கையாளர்கள் தொடர்பில் கடுமையான புதிய குடிவரவுக் கொள்கைகளை கன்சர்வேடிவ் கட்சித் தலைவரான டோனி அப்பாட் பிரேரித்துள்ளார்.

This posting includes an audio/video/photo media file: Download Now

இந்தோனேசிய படகு விபத்தில் உயிரிழந்த இலங்கையர்களின் விபரங்களை இலங்கை வெளிவிவகார அமைச்சு வெளியிட்டுள்ளது. இறந்தவர்களின் உறவினர்களைக் கண்டறிவதற்கு பொது மக்களின் உதவியை வெளிவிவகார அமைச்சு கோரியுள்ளது.

This posting includes an audio/video/photo media file: Download Now

நிர்வாண கோலத்தில் யோகா செய்தபடி தனது குழந்தைக்குப் பால் கொடுத்த பெண், பிரசுரித்த புகைப்படத்தால் பலத்த சர்ச்சை எழுந்துள்ளது. ஆடைகளின்றி வசிக்கும் சுதந்திரத்துடன் கூடிய ஹவாய் தீவில்தான் இந்த கூத்து நடந்துள்ளது. அந்தப் பெண் இந்தப் புகைப்படத்தால் சமூக வலைத்தளங்களில் மிகவும் பிரபலமாகி விட்டார்.

அவரது பெயர் அமி உட்ரப். இவர் ஹவாய் தீவில் தனது குடும்பத்துடன் வசிக்கிறார். ஹவாய் தீவில் ஆடைகளின்றியும் சுதந்திரமாக வசிக்கலாம்.அமி ஒரு யோகாசனப் பிரியை ஆவார். யோகாசனம் செய்யாமல் அவரது எந்த நாளும் தொடங்காது, முடியாது.

இந்த நிலையில் கடந்த 2011ம் ஆண்டு இவர் தனது தோட்டத்தில் நிர்வாண நிலையில் யோகாசனம் செய்தார்.

உடலில் ஒட்டுத் துணி இல்லாமல் நின்ற நிலையில் தனது பெண் குழந்தை நையாவுக்கும் பாலூட்டினார். இதை அவரது கணவர் புகைப்படம் எடுத்தார்.

 இந்தப் புகைப்படம் தற்போது சமூக வலைத்தளங்களில் வலம் வர ஆரம்பித்துள்ளது. இதுகுறித்து அமி கூறுகையில், எனக்கு யோகாசனம் முக்கியம். அதேசமயம், எனது குழந்தைக்குப் பாலூட்டுவதும் முக்கியம். நான் யோகா செய்து கொண்டிருந்தபோது என் குழந்தை பசியெடுத்து என் மார்பருகே வந்தபோது அப்படியே அதற்குப் பாலூட்டினேன். இதில் தவறேதும் இல்லை என்றார்.

மேலும் அவர் கூறுகையில், பெரும்பாலும் நையா இப்படித்தான் பால் குடிக்கிறாள். நான் புல்வெளியில் நிர்வாண கோலத்தில் யோகா செய்வதும், அவள் தவழ்ந்து வந்து பாலருந்துவதும் எங்கள் வீட்டில் சகஜம் என்கிறார் அமி.

 ஆனால் அமியின் செயலுக்கு எதிர்ப்புகளும், ஆட்சேபனைகளும் வராமல் இல்லை. பலர் இது தாய்மையை இழிவுபடுத்துவது என்று கருத்து தெரிவித்துள்ளனர். ஆனால் அதை அமி பொருட்படுத்தவில்லையாம்.

This posting includes an audio/video/photo media file: Download Now

This posting includes an audio/video/photo media file: Download Now

This posting includes an audio/video/photo media file: Download Now