Tamil News | Online Tamil News

புதுடில்லி: கால்நடை தீவன ஊழல் தொடர்பான வழக்குகளில் இருந்து, ராஷ்ட்ரீய ஜனதா தள தலைவர் லாலு பிரசாத் யாதவை விடுவித்து, ஜார்க்கண்ட் ஐகோர்ட் பிறப்பித்த உத்தரவை, சுப்ரீம் கோர்ட், நேற்று ரத்து செய்தது. 'அனைத்து வழக்குகளிலும், லாலு பிரசாத் யாதவ், சட்டப்படி விசாரணையை எதிர்கொள்ள வேண்டும்' என்றும், சுப்ரீம் கோர்ட் உத்தரவிட்டுள்ளது. இதனால், லாலுவின் அரசியல் வாழ்வு கேள்விக்குறியாகி உள்ளது.

புதுடில்லி : ''முந்தைய காங்கிரஸ் ஆட்சியில் நடந்த, 400 கோடி ரூபாய் ஊழல் வழக்கின் விசாரணையை, முதல்வர் அரவிந்த் கெஜ்ரிவால் வேண்டுமென்றே தாமதப்படுத்தினார்,'' என, குற்றஞ்சாட்டியுள்ள, டில்லி முன்னாள் அமைச்சர் கபில் மிஸ்ரா, இது தொடர்பான ஆதாரங்களை, ஊழல் தடுப்பு அமைப்பிடம் அளித்துள்ளதாக தெரிவித்தார்.

கோல்கட்டா: ''எஸ்.சி., - எஸ்.டி., வன்கொடுமை சட்டத்தின் கீழ் குற்றம் செய்துள்ள, சுப்ரீம் கோர்ட் தலைமை நீதிபதி, ஜே.எஸ்.கேஹர் மற்றும், ஏழு நீதிபதிகளுக்கு, தலா, ஐந்து ஆண்டு கடுங்காவல் தண்டனை விதிக்கப்படுகிறது,'' என, கோல்கட்டா ஐகோர்ட் நீதிபதி, சி.எஸ்.கர்ணன், நேற்று அதிரடி தீர்ப்பு அளித்துள்ளார்.

ஜனாதிபதி தேர்தல் குறித்து, குட்டி கட்சிகள் கூட முக்கியத்துவம் பெற்று, தீவிர ஆலோசனை வளையத்திற்குள் கொண்டு வரப்பட்டுள்ள நிலையில், பலம் வாய்ந்த, அ.தி.மு.க.,வை எவ்வாறு அணுகுவது என்ற குழப்பத்தில், தேசிய கட்சிகள் சிக்கித் தவிக்கின்றன.

சென்னை: 'மதுக் கடைகள் திறக்கக் கூடாது என, எங்கெல்லாம் கிராம சபை தீர்மானம் நிறைவேற்றியதோ, அங்கெல்லாம், மதுக் கடைகளை திறக்கக் கூடாது' என, சென்னை உயர் நீதிமன்றம் அதிரடி உத்தரவு பிறப்பித்துள்ளது. அத்துடன், குடியிருப்பு பகுதிகளில் மதுக் கடைகளை திறக்கவும், பொது மக்களுக்கு இடையூறு செய்யாமல், போராட்டம் நடத்துபவர்களை கைது செய்யவும், உயர் நீதிமன்றம் தடை விதித்துள்ளது.

தமிழக சுகாதாரத்துறை அமைச்சர் விஜயபாஸ்கரின் நண்பரும் கட்டட ஒப்பந்ததாரருமான நாமக்கல் சுப்ரமணியம், மர்மமான முறையில் பிணமாகக் கிடந்தார். விஜயபாஸ்கர் நண்பர் என்பதால் சென்னை வருமான வரித்துறை அலுவலகத்தில் ஆஜராகி வந்த நிலையில் நாமக்கல் அருகே பண்ணை வீட்டில் அவர் இறந்து கிடந்தது பல்வேறு சந்தேகங்களை ஏற்படுத்தி உள்ளது.

கருணாநிதியின், 94வது பிறந்த நாள் மற்றும் சட்டசபை வைர விழாவில் பங்கேற்க, ஜூன், 3ல், சென்னை வரும், காங்., தலைவர் சோனியா, கோபாலபுரம் வீட்டில், கருணாநிதியை சந்திக்கிறார்.

தமிழக அரசின் சாதனைகளை மலர்களாக வெளியிட்டு வந்த, மாநில செய்தி மக்கள் தொடர்பு துறை, மத்திய பா.ஜ., அரசின் மூன்றாண்டு சாதனைகளை, மலராக வெளியிட முடிவு செய்து இருப்பது, அரசியல் வட்டாரத்தில் ஆச்சரியத்தை ஏற்படுத்தியுள்ளது.

திருவனந்தபுரம்: கேரள மாநிலம், கண்ணுாரில், 'நீட்' தேர்வு எழுதச் சென்ற பெண்ணின், மேல் உள்ளாடையை அகற்றும்படி, அதிகாரிகள் கூறியது, அதிர்ச்சியை ஏற்படுத்தியுள்ளது.

ஆமதாபாத்: குஜராத் துணை முதல்வர் மகன் அளவுக்கு அதிகமான மது அருந்தியிருந்ததால் விமானத்தில் ஏற அனுமதி மறுக்கப்பட்டது.

இதையடுத்து நேற்று இரவு ஆமதாபாத் சர்வதேச விமான நிலையத்திற்கு குடும்பத்தினருடன் வந்திருந்தார். . அப்போது ...

ஸ்ரீநகர்: காஷ்மீர் பள்ளத்தாக்கு பகுதியில் 200 பயங்கரவாதிகள் இயங்கி வருகின்றனர் என அம்மாநில ஐ.ஜி. தெரிவித்துள்ளார்.ஸ்ரீநகரில் காஷ்மீர் மாநில ஐ.ஜி. எஸ்.ஜே. எம்.கிலானி கூறியது, கடந்த ஒரு வருடத்தில் 95 இளைஞர்கள் பயங்கராத அமைப்பில் இணைந்து விட்டனர். தற்போது காஷ்மீரில் 200 பயங்கரவாதிகள் இயங்கி கொண்டிருக்கின்றனர். இவர்களின் 110 பேர் உள்ளூர்வாசிகள். மீதமுள்ளவர்கள் வெளிநாட்டினர். இதற்கு காரணம் பணத்தட்டுப்பாடு, வேலைவாய்ப்பின்மை ஆகும். கடந்த டிசம்பர் 8-ம்தேதி முதல் கடந்த மே.-1 2007-ம் ஆண்டு இடைவெளியில் காஷ்மீரில் பல்வறு இடங்களில் 13 வங்கி கொள்ளை சம்பவங்களும், 9 வங்கி ...

கோவை : கோடநாடு எஸ்டேட் காவலாளி கொலை தொடர்பாக, காயமடைந்த மற்றொரு காவலாளி மூலம், கோவை சிறையில், அடையாள அணிவகுப்பு நடத்தப்பட உள்ளது.

கோடநாடு எஸ்டேட் உள்ளே புகுந்த, 11 பேர் கும்பல், காவலாளி ஓம் பகதுாரை கொலை செய்தது; மற்றொரு காவலாளி கிருஷ்ண பகதுாரை சரமாரியாக தாக்கியது. இதில், காயங்களுடன் உயிர் தப்பியவர், தற்போது, பணிக்கு திரும்பியுள்ளார். இவ்வழக்கு தொடர்பாக, கேரளாவில் உள்ள ஹவாலா கும்பலைச் சேர்ந்த மனோஜ், சந்தோஷ், தீபு, சதீசன், உதயகுமார், சங்கனாசேரியைச் சேர்ந்த சாமி ஆகியோர் கைது செய்யப்பட்டு, கோவை மத்திய சிறையில் அடைக்கப்பட்டு ...