Tamil News | Online Tamil News

அண்ணா பல்கலைக்கு உட்பட்ட இன்ஜி., கல்லுாரிகளில் உள்ள, 1.92 லட்சம் இடங்களுக்கான ஒற்றை சாளர கவுன்சிலிங், துவங்கியது.

முதல் மாணவி கம்ப்யூட்டர் சயின்ஸ் படிப்பை தேர்வு செய்தார். தமிழகத்தில் உள்ள இன்ஜி., கல்லுாரிகள் அண்ணா பல்கலையின் இணைப் புடன் செயல்படுகின்றன. மொத்தம், 524 கல்லுாரிகள் இந்த முறை பி.இ., - பி.டெக்., அட்மிஷன் நடத்துகின்றன. இவற்றில், 13 கல்லுாரிகள் தன்னாட்சி அந்தஸ்து பெற்றவை.

மேட்டூர்:மேட்டூரில், அரசு தலைமை மருத்துவமனையில், கண் புரை நீக்கும் அறுவை சிகிச்சை செய்த, 16 பேருக்கு கண்களில் சீழ் பிடித்து பார்வை பாதிக்கப்பட்டுள்ளது. டாக்டர்களின் கவனக்குறைவா அல்லது கிருமி தொற்று காரணமா என்பது குறித்து, தீவிர விசாரணை நடந்து வருகிறது.

சேலம் மாவட்டம், மேட்டூரில், அரசு தலைமை மருத்துவமனையில் கண் சிகிச்சை பிரிவு உள்ளது. இந்த பிரிவில் ஆண்டுதோறும், 1,000க்கும் மேற்பட்டோருக்கு, கண் அறுவை சிகிச்சை செய்யப்படுகிறது.இம்மாதம், 14ம் தேதி, ஏழு பேர்; 15ம் தேதி, எட்டு பேர்; 16ம் தேதி, எட்டு பேர் என, மொத்தம், 23 பேருக்கு டாக்டர்கள் ராஜேந்திரன், ...

ஸ்ரீநகர்: இந்திய யாத்திரீகர்கள் லடாக் வழியாக கைலாஷ் மானசரோவர் யாத்திரை செல்ல சீனா அனுமதிக்க வேண்டும் என பா.ஜ.மூத்த தலைவர் அத்வானி வலியுறுத்தியுள்ளார்.

லண்டன் : மக்களிடம் நடத்தப்பட்ட கருத்து ஓட்டெடுப்பில், அமோக ஆதரவு கிடைத்ததைத் தொடர்ந்து, ஐரோப்பிய கூட்டமைப்பில் இருந்து பிரிட்டன் வெளியேறுகிறது. இதையடுத்து, பிரதமர் பதவியில் இருந்து விலகுவதாக டேவிட் கேமரூன் அறிவித்துள்ளார்.

சியோல் : என்.எஸ்.ஜி., எனப்படும் அணுசக்தி வினியோக நாடுகள் குழுமத்தில், இந்தியாவை உறுப்பினராக்குவது தொடர்பாக எந்த முடிவும் எடுக்கப்படவில்லை.

அணுசக்தி தொடர்பான ஒப்பந்தங்கள், தொழில் நுட்பங்களை பகிர்ந்து கொள்ளும், என்.எஸ்.ஜி., அமைப்பில், 48 நாடுகள் உறுப்பினராக உள்ளன. இந்த அமைப்பில் உறுப்பினராக பிரதமர் நரேந்திர மோடி தலைமையிலான இந்திய அரசு விண்ணப்பித்திருந்தது. அமெரிக்கா உள்ளிட்ட நாடுகள் இந்தியாவுக்கு ஆதரவு தெரிவித்திருந்தன.

சென்னை:தி.மு.க., பொருளாளர் ஸ்டாலின், நேற்று வெளியிட்ட அறிக்கை:சென்னையில், அடுத்தடுத்து நடக்கும் கொலைகள், அனைத்து தரப்பு மக்களுக்கும் அதிர்ச்சியை ஏற்படுத்தி உள்ளது. குறிப்பாக, நேற்று இரவு முதல் இதுவரை, ஆறு பெண்கள் கொலை செய்யப் பட்டுள்ளனர். இது, தாய்மார்களை நிலை குலையச் செய்துள்ளது.

கூலிப் படையினரின் அட்டகாசம் தொடர்பாக, தொடர்ந்து அறிக்கை விட்டு வருகிறேன். எதிர்க்கட்சித் தலைவர் என்ற முறையில், சட்டசபையிலும் இது தொடர்பாக பேசினேன். ஆனால், என் குற்றச் சாட்டுக்கு நேரடியாக பதில்அளிக்காத முதல்வர் ஜெயலலிதா, முழுப் பூசணிக்காயை ஒரு பிடி ...

சென்னை: அமெரிக்காவின் நியூயார்க் நகரைச் சேர்ந்த, 'ரோச்சஸ்டன்' நிறுவனத்தின் சார்பில், 'தனிச் சிறப்பு மிக்க அரசியல் தலைவர்' என்ற விருது, தி.மு.க., தலைவர் கருணாநிதிக்கு வழங்கப்பட்டுள்ளது.

ஆண்டு தோறும், உலகில் உள்ள சிறந்த சிந்த னையாளர்களுக்கும், அரசியல் கட்சிகளை நடத்தி வரும் மக்கள் தலைவர்களுக்கும், 'தனிச் சிறப்பு மிக்க அரசியல் தலைவர்' என்ற விருதை, அமெரிக்காவின் ரோச்சஸ்டன் நிறுவனம் வழங்கி வருகிறது. இந்த ஆண்டுக்கானவிருதை, தி.மு.க., தலைவர் கருணாநிதிக்கு வழங்க, தேர்வு செய்துள்ளது.கடந்த, 50 ஆண்டுகளுக்கும் மேலாக, உலகமெங்கும் உள்ள மக்களுக்கு ஊக்கம் ...

புதுடில்லி:'ஐரோப்பிய கூட்டமைப்பில் இருந்து பிரிட்டன் வெளியேற உள்ளதால், அங்கு உருக்கு, வாகனம், மருந்து உள்ளிட்ட தொழில்களில் ஈடுபட்டுள்ள இந்திய நிறுவனங்களுக்கு பாதிப்பு ஏற்படும்' என, வல்லுனர்கள் தெரிவித்துள்ளனர்.

பிரிட்டனில் நடைபெற்ற கருத்து ஓட்டெடுப்பின் முடிவு, நேற்று வெளியானது. அதில், ஐரோப்பிய கூட்டமைப்பில் இருந்து வெளியேற, பெரும்பான்மையானோர் ஆதரவு தெரிவித்துள்ளனர்.இதையடுத்து, ஐரோப்பிய கூட்டமைப்பில் இருந்து விலக, பிரிட்டன் முடிவெடுத்து உள்ளது. இதனால், பிரிட்டனில் செயல்பட்டு வரும், டாடா மோட்டார்ஸ், டாடா ஸ்டீல், சன் பார்மா, மதர்சன் சுமி ...

ஐரோப்பிய யூனியனில் இருந்து, பிரிட்டன் வெளியேற வேண்டும் என்ற பொது ஓட்டெடுப்பின் முடிவு, உள்நாட்டு அரசியலிலும், உலக அளவில் பொருளாதார குறியீடுகளிலும், அதீத தாக்கத்தை ஏற்படுத்தி உள்ளது.

உடனடியாக இந்திய பங்கு மற்றும் பணச் சந்தைகளிலும் இது எதிரொலிக்கிறது. என்றாலும், இரு நாட்டு பொருளாதார உறவுகளை மேம்படுத்தவும், இது உதவலாம்.பிரிட்டன் மக்களின் இந்த முடிவு, எதிர்பார்க்காதது அல்ல; மாறாக, பொது ஓட்டெடுப்பிற்கான பிரசாரம் துவங்கிய நாளில் இருந்தே வெளிவந்த கருத்து கணிப்புகள், மாறி மாறி ஆதரவு- மற்றும் எதிர்ப்பு நிலைகளையே, தொடர்ந்து பிரதிபலித்து வந்துள்ளன. ...

புதுடில்லி:சென்னை, கோவை உட்பட, 20நகரங்களில், 'ஸ்மார்ட் சிட்டி' அமைக்கும் திட்டம் இன்று அதிகாரப்பூர்வமாக துவங்கி வைக்கப்படுகிறது.

நகர் பகுதிகளில் அனைத்து வசதிகளுடன் கூடிய, 100 ஸ்மார்ட் சிட்டிகளை உருவாக்கும் திட்டத்தை மத்திய அரசு அறிவித்திருந்தது. அதன்படி, முதல்கட்ட மாக, 20 நகரங்கள் தேர்ந்தெடுக்கப்பட்டன. மஹாராஷ்டிர மாநிலம் புனேயில் இன்று நடக்கும் நிகழ்ச்சியில், முதற்கட்டமாக, 20 நகரங்களில், 1,770 கோடி ரூபாய் மதிப்பிலான, 82 திட்டங்களை பிரதமர்நரேந்திர மோடிதுவக்கி வைக்கிறார்.இந்த நகரங்களில், ஸ்மார்ட் சிட்டி திட்டத்துக்கான கட்டமைப்பு வசதிகள் ...

தமிழகத்தில் அதல பாதாளத்தில் விழுந்து கிடந்த சாப்ட்வேர் ஏற்றுமதி, கடந்த நிதியாண்டில் கணிசமாக உயர்ந்து, 95 ஆயிரம் கோடி ரூபாயை நெருங்கியுள்ளது.

தமிழகத்தில், ஐ.டி., என்னும் தகவல் தொழில் நுட்ப நிறுவனங்களின் முதலீடுகளை அதிகரிக்க, பல நடவடிக்கைகள் எடுக்கப்பட்டு வருகின்றன. மாநிலத்தில், ஏழு இடங்களில், 'எல்கோசெஸ்' எனப்படும் ஐ.டி., சார்ந்த சிறப்பு மண்டலங்களை, 'எல்காட்' எனப்படும் தமிழக மின்னணு நிறுவனம் உருவாக்கியுள்ளது. அவற்றில், பல நுாறு சாப்ட்வேர் நிறுவனங்கள் இடம் பெற்றுள்ளன. சாப்ட்வேர் ஏற்றுமதியில், நாட்டில், தொடர்ந்து மூன்று இடங்களுக்குள், தமிழகம் ...