4TamilMedia செய்திகள்

இலங்கை- இந்திய மீனவர்களுக்கிடையிலான பிரச்சினை என்பது காலங்கள் கடந்து கடல் நீரோட்டம் போல முடிவின்றி ஓடிக்கொண்டிருக்கின்றது. இந்த விடயம் தொடர்பில் இரு நாட்டு அரசாங்கங்களுக்கும் இடையில் பேச்சுவார்த்தைகள் மற்றும் நல்லெண்ண நடவடிக்கைகள் கடந்த காலங்களில் முன்னெடுக்கப்பட்டுள்ள போதிலும், தீர்வொன்றுக்கான சாத்தியப்பாடுகள் இன்னமும் எட்டப்படவில்லை.

இவ்வாறான நிலையில், இந்திய (தமிழக) மீனவர்கள் இலங்கைக் கடற்பரப்புக்குள் அத்துமீறி மீன்பிடிப்பதனால் வடக்கு மீனவர்களின் வாழ்வாதாரம் பாரிய அச்சுறுத்தலைச் சந்தித்துள்ளதாக வடக்கு மீனவர்கள் குற்றஞ்சாட்டுகின்றனர்.

இலங்கையில் ஆயுத மோதல்கள் நீண்டிருந்த காலங்களில் வடக்கு மீனவர்களுக்கு தமது தொழிலை முற்றாகவோ- பகுதியளவிலோ கைவிட வேண்டியிருந்தது. அப்படிப்பட்ட நிலையில், 2009 மோதல்களின் முடிவின் பின்னர் ஆழ்கடல் மீன்பிடிக்கான வாய்ப்புக்கள் ஏற்பட்டன. அதன்போக்கில் தமது வாழ்வாதாரத்தை முன்னோக்கி நகர்த்துவதற்கான முனைப்புக்களின் அந்த மீனவர்கள் ஈடுபடலாயினர்.

ஆனால், வடக்கு மீனவர்களின் தொழில் முனைப்புக்களை முடக்கும் அளவுக்கான முனைப்புக்களை இந்திய மீனவர்கள் மேற்கொள்ள ஆரம்பித்தனர். இந்திய மீனவர்களின் எல்லை தாண்டுதலோடு, தடைசெய்யப்பட்ட  ஆழ்கடல் அடி மடிகளைக் கொண்டு மீன்பிடிக்கும் இழுவைப் படகு (bottom trawling) முறையை பெரும் அச்சுறுத்தலாக மாறியிருக்கின்றது.

கடல் வளங்களினைப் பாதுகாக்கும் நோக்கில் இலங்கை அரசாங்கத்தின் ஒப்புதலோடு வடக்கு மீனவர்கள் தமது கடற்பரப்பில் அடி மடிகளைக் கொண்டு மீன்பிடிக்கும் இழுவைப் படகு முறைமையை தடை செய்துள்ளனர். இந்த நிலையில், அவர்களின் பாரம்பரிய கடல் எல்லைக்குள் இந்திய மீனவர்கள் எல்லை தாண்டி, தடைசெய்யப்பட்ட முறையிலான மீன்பிடியை முன்னெடுப்பது ஏற்றுக் கொள்ளக் கூடியதல்ல.

அப்படிப்பட்ட நிலையில்தான், வடக்கு மீனவர்கள் இந்திய மீனவர்கள் எல்லை தாண்டி மீன்பிடித்தலை தடுக்க வேண்டும் என்கிற கோரிக்கையை இலங்கை அரசாங்கத்திடம் முன்வைத்தனர்.

அதேநேரம், இந்திய மீனவர்களில் சாதாரண வகுப்பினர் எல்லை தாண்டுவதில் அதிக பங்கெடுப்பதில்லை. மாறாக, பெரிய நிறுவனங்களின் ரோலர்களே இலங்கைக் கடற்பரப்புக்குள் அத்துமீறி நுழைகின்றன. இவர்களாலேயே வடக்கு மீனவர்களுக்கும் அச்சுறுத்தல் பாரியளவில் ஏற்பட்டுள்ளது.

பாரிய நிறுவனங்களின் ரோலர்களில் நாட்கூலியா வேலைக்கு வரும் இந்திய மீனவர்களை இலங்கைக் கடற்படை கைது செய்து சிறையில் வைக்கின்றது. அதனால், அவர்களின் குடும்பங்களும் பாரிய பாதிப்புக்கு உள்ளாகின்றன. இந்த நிலையில், இந்தியாவின் பாரிய நிறுவனங்கள் மீதான ஒழுங்கமைக்கப்பட்ட நடவடிக்கைகள் என்பது இந்திய- இலங்கை மீனவர்களுக்கிடையிலான பிரச்சினைகளைக் குறைப்பதுடன், நல்லிணக்கத்தையும் அதிகரிப்பதற்கு உதவும்.

எல்லை தாண்டும் இந்திய மீனவர்கள் கைது செய்யப்படுவதுடன், அவர்களிடம் ஒரு மில்லியன் (பத்து இலட்சம்) ரூபாய் தண்டமாக அறவிடப்படும் என்றும், தொடர்ந்தும் அத்துமீறல்களில் ஈடுபட்டால், படகுகள்- வலைகள் பறிமுதல் செய்யப்படும் அல்லது அழிக்கப்படும் என்றும் இலங்கை அரசாங்கம் அறிவித்திருக்கின்றது.

அத்தோடு, எதிர்காலத்தில் தமிழ்நாட்டு அரசாங்கத்துடன் எந்தவித பேச்சுவார்த்தைகளையும் மீனவர் பிரச்சினை தொடர்பில் முன்னெடுக்கப் போவதில்லை என்று அறிவித்துள்ள இலங்கை அரசாங்கம், இந்தப் பிரச்சினைகள் தொடர்பில் இந்திய மத்திய அரசாங்கத்துடனேயே பேச்சுவார்த்தை நடத்தப்படும் என்று கூறியுள்ளது.

இதனிடையே, இலங்கை அரசாங்கத்தின் நடவடிக்கைகளுக்கு எதிராக ஐக்கிய நாடுகளிடம் முறையிடப்போவதாக இந்திய மீனவர்கள் அறிவித்துள்ளனர். தமது தொழில் உரிமைகளை மீறும் நடவடிக்கைகளில் இலங்கை அரசாங்கம் ஈடுபடுவதாகவும் குற்றஞ்சாட்டியுள்ளனர். இந்த விடயம் தொடர்பில் பதிலுரைத்துள்ள இலங்கை மீன்பிடித்துறை அமைச்சர் மஹிந்த அமரவீர, “குற்றமிழைத்தவர்களே நியாயம் கோரி நீதிமன்றத்தினை நாடும் நிலைக்கு ஒப்பானது இது” என்றுள்ளார்.

கடல் நிரோட்டங்கள், இயற்கைச் சீற்றங்களின் போக்கில் மீனவர்கள் எல்லை தாண்டுவது இயல்பு. ஆனால், திட்டமிட்ட ரீதியில் அடுத்தவரின் பாரம்பரிய தொழில் எல்லைகளுக்குள் நுழைவதும், கடல்வளங்களை கொள்ளையிடுவதும் தடுக்கப்பட வேண்டும். அதனை, இரு நாட்டு அரசாங்கங்களும், மீனவர்களும் கவனத்தில் கொள்ள வேண்டும்.

நல்லிணக்க ரீதியில் இவை சாத்தியப்படாமல் போனால், இரு நாட்டு அரசுகளும் கடலோர காவற்படைகளை கடமையில் ஈடுபடுத்தியாவது பிரச்சினைகளை முடிவுக்கு கொண்டுவர வேண்டும். ஏனெனில், இரு தரப்பிலும் பிரச்சினைகளுக்குள் சிக்கி பாதிக்கப்படுவது  அப்பாவி ஏழை மீனவக் குடும்பங்களே!

பாகிஸ்தான் பாடகர் குலாம் அலி மும்பையில் கச்சேரி செய்தால் தகுந்த பாதுகாப்பு வழங்கப்படும் என்று, மகாராஷ்டிர முதல்வர் தேவேந்திர ஃபட்நாவிஸ் தெரிவித்துள்ளார்.

உயர்கல்வியில் இட ஒதுக்கீடு அவசியமில்லை என்கிற உச்ச நீதிமன்ற நீதிபதிகள் கருத்துக்கு தலைவர்கள் கண்டனம் தெரிவித்துள்ளனர்.

கேளிக்கை வரிவிலக்கு மூலம் பார்வையாளர்களே பயனடைய வேண்டும் என்று சென்னை உயர் நீதிமன்றம் தெரிவித்துள்ளது.

மகாராஷ்டிராவில் அடிக்கடி சர்ச்சைக்கு உள்ளாகும் மகாராஷ்டிர நவநிர்மான் சேனா அமைப்பின் தலைவர் ராஜ் தாக்கரேவை, நடிகர் சந்தித்துள்ளார்.

ஊழல் மோசடி விசாரணைகளை எதிர்கொள்வது துன்புறுத்தலாக உள்ளதாக முன்னாள் ஜனாதிபதியும், ஐக்கிய மக்கள் சுதந்திரக் கூட்டமைப்பின் பாராளுமன்ற உறுப்பினருமான மஹிந்த ராஜபக்ஷ தெரிவித்துள்ளார். 

ஒரு தம்பதிக்கு ஒரு குழந்தை என்கிற சட்டத்தை சீனா நாடு தளர்த்தி உள்ளதாகத் தகவல் வெளியாகி உள்ளது.

இது நடிகை சமந்தாவுக்கான சர்ச்சைக் காலம் என்பது போலத்தான் சமீபத்தில் அவர் குறித்த தகவல்கள் வெளியாகி வருகின்றன.

சென்னையை அடுத்த புறநகர்களில் டெங்கு காய்ச்சல் தடுப்புக் குறித்து சுகாதாரத்துறை அமைச்சர் விஜயபாஸ்கர் ஆய்வு நடத்தி வருகிறார்.

அலைக்கற்றை முறைகேடு வழக்கிலிருந்து விடுவிக்க கோரிய கனிமொழியின் மனு விசாரணையை உச்ச நீதிமன்றம் ஒத்திவைத்துள்ளது.

சச்சின் தமது அறிவு, திறமையை பயன்படுத்தி கிரிக்கெட் விளையாடி இருந்தால் இரட்டை சதம், மூன்று சதம் என்று அடித்திருக்கலாம் என்று, முன்னால் கிரிக்கெட் வீரர் கபில் தேவ் கூறியுள்ளார்.

நரேந்திர மோடி கொடுத்த வாக்குறுதிகள் எதையும் நிறைவேற்றவில்லை என்று, காங்கிரஸ் துணைத் தலைவர் ராகுல் பீகார் தேர்தல் பிரச்சாரத்தில் கூறியுள்ளார்.

போரால் பாதிக்கப்பட்ட வடக்கு மக்களுக்கு இலங்கை அரசாங்கத்தினூடே உதவிகளை வழங்க முடியும். வடக்கு மாகாண சபையினூடாக உதவிகளை வழங்குவது சாத்தியமாகாது என்று அமெரிக்க தூதுக்குழுவினர் தெரிவித்துள்ளனர். 

தமிழ் மக்கள் தமது அரசியல் உரிமைகளுக்காக தொடர்ந்தும் போராட வேண்டும் என்று வலியுறுத்தியுள்ள நோர்வேயின் இலங்கைக்கான முன்னாள் சமாதானத் தூதர் எரிக் சொல்ஹெய்ம், சிங்களப் பெரும்பான்மை மக்கள் தமிழ் மக்களுக்கான அரசியல் உரிமைகளை அன்பளிப்பாக வழங்கிவிட மாட்டார்கள் என்றும் தெரிவித்துள்ளார். 

தேசிய சுதந்திர முன்னணியின் தலைவரும், ஐக்கிய மக்கள் சுதந்திரக் கூட்டமைப்பின் பாராளுமன்ற உறுப்பினருமான விமல் வீரவங்ச அரசியல் பழிவாங்கல் காரணமாக கைது செய்யப்படவில்லை என்று அமைச்சரமைப் பேச்சாளரும், ஊடகத்துறை அமைச்சருமான கயந்த கருணாதிலக தெரிவித்துள்ளார். 

உள்நாட்டிலேயே பல ஆயிரக் கணக்கான டன் பருப்பு வகைகளை மத்திய அரசு பறிமுதல் செய்துள்ளதாகத் தகவல் வெளியாகியுள்ளது. 

உங்கள் பிள்ளைகள் மீதும், பிற சிறார்கள் மீதும் நீங்கள் நேரடியாக பிரயோகிக்கும் அழுத்தமான எதிர்மறையான சொற்கள் எப்படி அவர்களது வாழ்க்கையையே சீரழிக்கும் கூரிய ஆயுதங்களாக மாறிவிடுகின்றது என்பதை ஆதாரங்களுடன் காண்பிக்கிறது இவ்வீடியோ! 

உலகப் பொருளாதாரத்தின் நம்பிக்கையாக இந்தியா மற்றும் ஆப்பிரிக்கா நாடுகள் உள்ளன என்று, பிரதமர் நரேந்திர மோடி தெரிவித்துள்ளார்.

பிரபல நகைச்சுவை நடிகர் விவேக் மகன் பிரசன்னா குமார் இன்று மாலை உயிரிழந்தார்.