4TamilMedia செய்திகள்

இலங்கையின் இறுதி மோதல்களில் இடம்பெற்ற போர்க்குற்றங்கள் மற்றும் மனித உரிமைகள் தொடர்பில் உள்ளகப் பொறிமுறையூடான விசாரணைக்கு அமெரிக்கா தன்னுடைய ஆதரவினை வெளியிட்டுள்ளது. எதிர்வரும் செம்படம்பர் மாதம் ஐக்கிய நாடுகளின் மனித உரிமைகள் பேரவைக் கூட்டத் தொடரில் இலங்கை மீதான விசாரணை அறிக்கை சமர்ப்பிக்கப்பட்டதும், இலங்கைக்கு ஆதரவு வழங்கும் பிரேரணையொன்றைக் கொண்டு வருவது தொடர்பிலும் அமெரிக்கா தீர்மானத்துக்கு வந்துள்ளது.

இதனை, இலங்கைக்கு இந்த வருடத்திலேயே இரண்டாவது தடவையாக வந்து சென்ற தெற்கு மற்றும் மத்திய ஆசியாவுக்கான அமெரிக்காவின் உதவி இராஜாங்கச் செயலாளர் நிஷா தேசாய் பிஸ்வால், ஜனாதிபதி மைத்திரிபால சிறிசேன உள்ளிட்ட அரசாங்கத்தின் முக்கியஸ்தர்களிடம் வெளியிட்டுச் சென்றிருக்கின்றார். தமிழ்த் தேசியக் கூட்டமைப்பினருடனான சந்திப்பின் போதும், இந்த விடயத்தையே அவர் வலியுறுத்தியதாகவும் கூறப்படுகின்றது.

நிஷா தேசாய் பிஸ்வால் தலைமையிலான அமெரிக்கத் தூதுக்குழுவினருக்கும், தமிழ்த் தேசியக் கூட்டமைப்பினருக்கும் இடையிலான சந்திப்பின் வெளியிடப்பட்ட (புகைப்)படத்தில் இருதரப்பும் பெரும் புன்னகையோடு காட்சியளித்தையும்  இங்கு நினைவு படுத்தலாம்.

சர்வதேச விசாரணையொன்றுக்கான தேவை பற்றியே மக்கள் பெரும் ஆர்வம் கொண்டுள்ள போதிலும், அதன் சாத்தியப்பாடுகள் தொடர்பில் மக்கள் அறியாமலும் இல்லை. ஆனால், தமிழ்த் தேசியக் கூட்டமைப்பு தமிழ் மக்களை பிரதானமாக பிரதிநிதித்துவப் படுத்தும் தரப்பு என்கிற ரீதியில் உள்ளக பொறிமுறையினூடான விசாரணையில் நியாயத்தன்மை எவ்வளவு சாத்தியம் என்பது தொடர்பில் பெரும் அழுத்தங்களை வழங்கியிருக்கலாம். அதற்கு, குறைந்த பட்சம் சர்வதேச கண்காணிப்பையாவது கோரியிருக்கலாம்.

இப்போதிருக்கும் நிலையைப் பார்க்கும் போது, வெறுமனே இலங்கையின் உள்ளக சட்ட வரையறைக்குள் மாத்திரமே விசாரணை முன்னெடுக்கப்படும் என்பது எந்தவித நியாயத்தையும் வழங்காது என்கிற நிலையின் பக்கம் மக்கள் நகர்வதற்கான சாத்தியப்பாடுகளை அதிகமாக்கியிருக்கின்றது. ஏனெனில், இலங்கையின் கடந்த கால அரசாங்கங்கள் மேற்கொண்ட விசாரணைகள், ஆணைக்குழு அமைப்புக்களின் செயற்பாட்டுத் தன்மை என்பது போலியானதாகவே இருந்து வந்திருக்கின்றது. அதன் தொடர்ச்சியாக, இறுதி மோதல் கோரங்கள் தொடர்பிலான விசாரணைகளும் மாறிவிடுமே என்கிற எரிச்சல் ஏற்பட்டிருக்கின்றது.

மஹிந்த ராஜபக்ஷ ஆட்சியை அகற்றுவது தொடர்பில் சில காலமாகவே ஆர்வம் கொண்டிருந்த அமெரிக்கா உள்ளிட்ட மேற்கு நாடுகள் அதனை வெற்றிகரமாக செயற்படுத்திவிட்டன. மைத்திரிபால சிறிசேனவை ஜனாதிபதியாக்கியதனூடு இலங்கை அரசாங்கத்தின் மீதான அதீத அன்பினை வெளியிட்ட அமெரிக்கா, இராஜாங்கச் செயலாளர் ஜோன் கெரி வந்து ஆசிர்வாதம் அளவுக்கு சென்றது. ஜனாதிபதித் தேர்தலோடு ஏற்பட்ட ஆட்சி மாற்றம் பொதுத் தேர்தலோடு உறுதி செய்யப்பட்டவுடன் மீண்டும் நிஷா தேசாய் பிஸ்வால் இலங்கை வந்து அமெரிக்காவின் ஆசிர்வாதத்தை வழங்கிச் சென்றிருக்கின்றார்.

சர்வதேச விசாரணையொன்றுக்கான உறுதிப்பாடு தொடர்பில் ஐக்கிய நாடுகளின் மனித உரிமைப் பேரவைத் தொடரில் கடந்த சில வருடங்களாக தீர்மானங்களை நிறைவேற்றி வந்த அமெரிக்கா உள்ளிட்ட மேற்கு நாடுகள், ஆட்சி மாற்றத்துக்குப் பின்னரான சூழ்நிலைகள் தமக்கு சாதகமானவுடன் அதிலிருந்து விலகி இலங்கை அரசாங்கத்துக்கு ஒத்துழைத்திருக்கின்றன.

 இது, தமிழ்த் தரப்பினை கருவியாக தொடர்ந்தும் கையாண்டு வந்த அமெரிக்கா உள்ளிட்ட நாடுகளின் வெளிவேசத்திலானது. ஆனால், இவற்றை உணராமல் தமிழ் மக்கள் இல்லை. அதுபோல, இவ்வாறான மாற்றங்கள் ஏற்படும் என்று தெரியாமல் ஜனாதிபதித் தேர்தலிலும், பொதுத் தேர்தலிலும் தமது வாக்களிப்பினை செய்யவில்லை.

எதிர்காலத்தில் நியாயமான தீர்வுகளைப் பெற்றுக் கொள்வதற்கான நீங்காத அழுத்தத்தைக் கொடுக்கும் தரப்பாக தன்னை முன்னிறுத்துவது தொடர்பிலும், கருவி நிலையிலிருந்து நகர்வதற்கான புத்திசாதுரிய போக்கிலும் செயற்படுவது தொடர்பில் தமிழ் மக்கள் அக்கறை கொள்ள வேண்டும். ஏனெனில். அதுதான் தமிழ் மக்களை தொடர்ந்தும் தக்க வைப்பதற்கான சூழ்நிலைகளை ஏற்படுத்தும்.

இந்த இடத்தில் தமிழ்த் தேசியக் கூட்டமைப்புக்கு பெரும் பொறுப்புண்டு உண்டு. அது, தமிழ் மக்களின் ஏக பிரதிநிதிகள் என்ற தோற்றப்பாடு ஏற்படுமளவுக்கான ஆணை பெற்ற தரப்பு என்கிற நிலையில், தமிழ் மக்களின் எதிர்பார்ப்புக்களின் பக்கம் ஆணித்தரமாக இயங்க வேண்டியது அவசியம். அதாவது, வடக்கு மாகாண சபை இன்னமும் கோரிவருகின்றது போல, சர்வதேச விசாரணையொன்று தொடர்பிலான உறுதிப்பாடு தொடர்பிலும், இன அழிப்பு ஒன்று தமிழ் மக்களுக்கு எதிராக நிகழ்த்தப்பட்டது என்பதை வரையறை செய்வதற்குமானதாக இருக்க வேண்டும்!

நமது பிரபஞ்சத்திலுள்ள பல கூறுகள் இன்றும் பூரணமாக விளக்கப் படுத்தப் படாது மனிதனை வியப்பில் ஆழ்த்துபவையாகவே இருந்து வருகின்றன.

தினந்தினம் மனம் வசப்பட எம்முடன் பேஸ்புக்கில் இணையுங்கள்  : Facebook/ManameVasappadu

மேலும் மனம் வசப்பட இங்கே : மனமே வசப்படு

பிரான்ஸிடம் இருந்து விடுதலை பெற்ற 70 ஆவது சுதந்திர தினத்தை எதிர்வரும் செப்டம்பர் 2 ஆம் திகதி கொண்டாடவுள்ள வியட்நாம் அரசு இச்சுதந்திர தினத்தை முன்னிட்டு தமது சிறைகளில் உள்ள சுமார் 18 200 இற்கும் அதிகமான கைதிகளுக்குப் பொது மன்னிப்பு அளித்து விடுவிக்கவுள்ளதாக அறிவித்துள்ளது.