Tamil Star

ஸ்பைஸ் நிறுவனம் ஸ்டெல்லர் 524 ஸ்மார்ட்போனை விரைவில் அறிவிக்கும் என்று எதிர்பார்க்கப்படுகிறது. இந்த ஸ்மார்ட்போன் அதன் குறிப்புகள் உடன் இணைந்து இ-காமர்ஸ் வலைத்தளத்தில் ரூ. 8,899 (எம்ஆர்பி ரூ. 10,799) தள்ளுபடி விலையில் பட்டியலிடப்பட்ட வருகிறது. ஸ்பைஸ் ஸ்டெல்லர் 524 ஸ்மார்ட்போன் இரட்டை சிம் (ஜிஎஸ்எம் + ஜிஎஸ்எம்) கொண்ட ஆண்ட்ராய்டு 4.4 கிட்கேட் இயங்குகிறது. இதில் 720x1280 பிக்சல்கள் தீர்மானம் கொண்ட 5 இன்ச் எல்சிடி ஐபிஎஸ் டிஸ்ப்ளே கொண்டுள்ளது. இது ரேம் 1GB உடன் இணைந்து 1.3GHz குவாட் கோர் (தெரியாத சிப்செட்) ப்ராசசர் மூலம் இயக்கப்படுகிறது. ஸ்மார்ட்போனில் எல்இடி ப்ளாஷ் கொண்ட ஒரு 13 மெகாபிக்சல் பின்புற கேமரா, மற்றும் 3.2 மெகாபிக்சல் முன் எதிர்கொள்ளும் கேமரா அம்சங்களை கொண்டுள்ளது. மேலும் கைபேசியில், பனோரமா, HDR, வாய்ஸ் ஃபோட்டோ கேப்சர், ஸ்மைல் ஷாட் உட்பட முழு HD வீடியோக்களை படம்பிடிக்கவும் முடியும். இந்த கைபேசியில் microSD அட்டை வழியாக 32 ஜிபி வரை மேலும் விரிவாக்கக்கூடிய 8GB உள்ளடிக்கிய சேமிப்பு, வருகிறது. ஸ்பைஸ் ஸ்டெல்லர் 524 ஸ்மார்ட்போனில் இணைப்பு விருப்பங்கள் 3ஜி, Wi-Fi, ப்ளூடூத், ஜிபிஎஸ்/ எ-ஜிபிஎஸ் மற்றும் USB 2.0 ஆகியவை அடங்கும். ஸ்பைஸ் ஸ்டெல்லர் 524 ஸ்மார்ட்போன் பற்றி Saholic வலைத்தளத்தில் 2000mAh பேட்டரி திறன் கொண்டுள்ளது என்று பட்டியலிடப்பட்டுள்ளது. நிறுவனம் கடந்த வாரம் அதன் 'எம்ஐ' பிராண்ட் கீழ் மூன்று புதிய ஸ்மார்ட்போன்கள் தொடங்கியது, அதாவது ஸ்டெல்லர் எம்ஐ-503, ஸ்டெல்லர் எம்ஐ-507 மற்றும் ஸ்டெல்லர் எம்ஐ-516 - அனைத்தும் இரட்டை சிம் ஆதரவை கொண்டுள்ளது. புதிய ஸ்டெல்லர் தொடர் ஸ்மார்ட்போன்கள் விலை நிறுவனத்தின் வலைத்தளத்தில் பட்டியலிடப்பட்டுள்ளது. ஸ்பைஸ் ஸ்டெல்லர் எம்ஐ-503 ரூ.6,249 விலையிலும், ஸ்பைஸ் ஸ்டெல்லர் எம்ஐ-507 ரூ. 6,999 விலையிலும், மற்றும் ஸ்பைஸ் ஸ்டெல்லர் எம்ஐ-516 ரூ.7,999 விலையிலும் பட்டியலிடப்பட்டுள்ளது. இப்போது, புதிய ஸ்மார்ட்போன்கள் கிடைக்கக்கூடிய விவரங்கள் பற்றிய தகவல் எதுவும் இல்லை. எனினும், ஸ்பைஸ் வரவிருக்கும் நாட்களில் அறிவிக்கும் என்று எதிர்பார்க்கப்படுகிறது. மூன்று புதிய ஸ்டெல்லர் ஸ்மார்ட்போன் அனைத்து குறிப்புகளும் ஒரே மாதிரி அடிப்படையில் இருக்கம், அதாவது அனைத்தும் 480x854 பிக்சல்கள் தீர்மானம் கொண்ட 5 இன்ச் FWVGA டிஸ்ப்ளே கொண்டுள்ளது. ஸ்பைஸ் ஸ்டெல்லர் 524 ஸ்மார்ட்போன் விவரங்கள்: இரட்டை சிம் (ஜிஎஸ்எம் + ஜிஎஸ்எம்), 720x1280 பிக்சல்கள் தீர்மானம் கொண்ட 5 இன்ச் எல்சிடி ஐபிஎஸ் டிஸ்ப்ளே, ரேம் 1GB, 1.3GHz குவாட் கோர் (தெரியாத சிப்செட்) ப்ராசசர், 13 மெகாபிக்சல் பின்புற கேமரா, 3.2 மெகாபிக்சல் முன் எதிர்கொள்ளும் கேமரா, microSD அட்டை வழியாக 32 ஜிபி வரை மேலும் விரிவாக்கக்கூடிய 8GB உள்ளடிக்கிய சேமிப்பு, 3ஜி, Wi-Fi, ப்ளூடூத், ஜிபிஎஸ்/ எ-ஜிபிஎஸ், USB 2.0, ஆண்ட்ராய்டு 4.4 கிட்கேட், 2000mAh பேட்டரி.

This posting includes an audio/video/photo media file: Download Now

டபிள்யு.டி.ஏ. பைனல்ஸ் டென்னிஸ் தொடரில் குவித்தோவா அசத்தலாக ஆடி ஷரபோவாவை வீழ்த்தினார். இதன் மூலம் அவர் அரை இறுதிக்கு தகுதி பெறும் வாய்ப்பை இழந்துள்ளார். உலகின் டாப்,8 வீராங்கனைகள் பங்கேற்கும் டபிள்யுடிஏ பைனல்ஸ் டென்னிஸ் தொடர் சிங்கப்பூரில் நடக்கிறது. ரவுண்ட் ராபின் சுற்று முறையில் நடக்கும் இப்போட்டியின் 2வது லீக் சுற்றில், நம்பர்,1 வீராங்கனையான அமெரிக்காவின் செரினா வில்லியம்ஸ், ரோமானியாவின் சிமோனா ஹாலெப்பை எதிர்த்து விளையாடினார். இதில், செரினா 0,6, 2,6 என நேர்செட்களில் படுதோல்வியை சந்தித்தார். 16 ஆண்டுக்கு பிறகு செரினா பெறும் மோசமான தோல்வி இது. இதற்கு முன், 1998ல் அமெரிக்காவின் ஓக்லமா நகரில் நடந்த போட்டியில் தென் ஆப்ரிக்காவின் குருகெர்ரிடம் 6,1, 6,1 என்ற செட்களில் செரினா தோல்வி அடைந்தார். இதன் பிறகு 2 கேம்களுக்கு அதிகமாக வெற்றி பெற முடியாமல் படுதோல்வியை சந்திப்பது இதுவே முதல் முறை என அவர் மிகவும் வருத்தம் அடைந்துள்ளார். நேற்று நடந்த மற்றொரு லீக் போட்டியில் ரஷ்யாவின் மரியா ஷரபோவா 3,6, 2,6 என்ற செட்களில் செக் குடியரசின் பெட்ரா குவித்தோவாவிடம் தோல்வி அடைந்தார். ஏற்கனவே வோஸ்னியாக்கிடம் தோற்றுள்ள ஷரபோவா 2வது போட்டியிலும் தோல்வி அடைந்துள்ளதால், அவர் அரை இறுதிக்கு முன்னேறும் வாய்ப்பை இழந்துள்ளார். டென்மார்க்கின் கரோலின் வோஸ்னியாக்கி 7,5, 6,3 என்ற செட்களில் போலந்தின் ரத்வன்ஸ்காவை வென்றார்.

This posting includes an audio/video/photo media file: Download Now

இந்திய தொடருக்கான இலங்கை அணி அறிவிக்கப்பட்டுள்ளது. இந்தியாவில் சுற்றுப்பயணம் மேற்கொண்ட வெஸ்ட் இண்டீஸ் அணி, ஊதிய ஒப்பந்தம் தொடர்பாக அந்நாட்டு கிரிக்கெட் வாரியத்துடன் மோதல் ஏற்பட்டதை அடுத்து பாதியிலேயே நாடு திரும்பியது. இதனால், கடும் அதிருப்தி அடைந்த இந்திய கிரிக்கெட் வாரியம், உடனடியாக இலங்கை அணிக்கு அவசர அழைப்பு விடுத்தது. இதையடுத்து, 5 போட்டிகள் கொண்ட ஒருநாள் போட்டி தொடருக்கு ஏற்பாடு செய்யப்பட்டது. இந்த போட்டிகள் கட்டாக், கொல்கத்தா, ராஞ்சி, அகமதாபாத், ஐதராபாத் மைதானங்களில் நடைபெறும். போட்டிகளுக்கான தேதிகள் இன்னும் முடிவாகவில்லை. இதையடுத்து, 5 போட்டிக்கான 15 பேர் கொண்ட இலங்கை அணி தற்போது அறிவிக்கப்பட்டுள்ளது. காயம் காரணமாக முன்னணி வேகப்பந்து வீச்சாளர் மலிங்கா இடம் பெறவில்லை. இவருக்கு பதிலாக லஹிரு காமேஜ் அறிமுக வீரராக களமிறங்க உள்ளார். இடது கை சுழற்பந்து வீச்சாளர் ரங்கனா ஹெராத்துக்கு ஓய்வு அளிக்கப்பட்டுள்ளது. அவருக்கு பதிலாக சுராஜ் ரன்தீவ் மீண்டும் அணியில் சேர்க்கப்பட்டுள்ளார். மேலும் திரிமனே, விக்கெட் கீப்பர் சண்டிமால் ஆகியோருக்கு ஓய்வு அளிக்கப்பட்டுள்ளது. இலங்கை அணி: மாத்யூஸ் (கேப்டன்), குஷல் பெரேரா, தில்ஷான், உபல் தரங்கா, குமார் சங்கக்கரா, ஜெயவர்த்தனே, பிரியஞ்சன், டிக்வெல்லா, திஷாரா பெரேரா, குலசேகரா, தம்மிகா பிரசாத், லஹிரு காமேஜ், சத்ருங்கா டி சில்வா, சீக்குஜ் பிரசன்னா மற்றும் சுராஜ் ரன்தீவ்.

This posting includes an audio/video/photo media file: Download Now

உலகை கடுமையாக அச்சுறுத்தி வரும் எபோலா வைரஸ் வேகமாக பரவி வருகிறது. அமெரிக்காவில் மருத்துவர் ஒருவர் பாதிக்கப்பட்டுள்ளார். இது தவிர அமெரிக்காவில் ஒருவர் உயிரிழந்துள்ளார். மேற்கு ஆப்பிரிக்கா நாடுகளான கினியா, லைபீரியா, சியர்ரா லியோன் உள்ளிட்ட‌ நாடுகள் எபோலா வைரஸால் கடுமையாக பாதிக்கப்பட்டுள்ளன. இந்த மூன்று நாடுகளில் மட்டும் 9,936 பேர் எபோலா வைரஸால் பாதிக்கப்பட்டுள்ளனர். இதுவரை 4,877 பேர் எபோலா வைரஸ் தாக்குதலால் உயிரிழந்துள்ளனர். இது குறித்து அமெரிக்கா ஆராய்ச்சியாளர்கள் வெளியிட்டுள்ள ஆய்வு ஒன்றில் , தற்போது மிக அதிக பாதிப்புக்குள்ளாகி இருப்பது லைபீரியாவாகும் இந்நாட்டின் மக்கள் தொகையில் 12 சதவீதம் பேர் வரும் டிசம்பர் 15க்குள் பாதிப்புக்குள்ளாகும் வாய்ப்புள்ளது என்றும், 90,000 ஆயிரம் பேர் உயிரிழக்கும் அபாயம் நிலவுகிறது என்றும தெரிவித்துள்ளனர். எபோலா வைரஸுக்கு இதுவரை உரிய அங்கீகாரம் பெற்ற மருந்துகளோ, தடுப்பு மருந்துகளோ இல்லை என்பது குறிப்பிடத்தக்கது. இதனிடையே ஆர்விஎஸ்வி எனும் பரிசோதனை அடிப் படையிலான தடுப்பு மருந்து கனடாவிலிருந்து ஜெனீவா பல்கலைக்கழக மருத்துவமனைக்கு அனுப்பப்பட்டுள்ளது. வின்னிபெக்கிலுள்ள தேசிய நுண்ணுயிரியல் ஆய்வகத்தில் இந்த தடுப்பு மருந்து உருவாக்கப்பட்டுள்ளது. இம்மருந்து குரங்குகளின் மீது பரிசோதிக்கப்பட்டதில், ஓரளவு பயனளிக்கத்தக்க வகையில் இருந்ததாக, உலக சுகாதார அமைப்பால் அடையாளம் காணப்பட்டுள்ளது. 'வரும் 2015-ம் ஆண்டு தொடக்கத்துக்குள் போதுமான மருந்துகளை ஆப்பிரிக்காவுக்கு அனுப்பி வைப்பதுதான் இலக்கு' என உலக சுகாதார அமைப்பின் துணைத் தலைவர் மேரி பால் கியெனி தெரிவித்துள்ளார். ஆனால் உலகில் தற்போது பரவிவரும் எபோலவை கட்டுப்படுத்த போதுமான மருத்துவ திட்டங்கள் சர்வதேச அளவில் இது வரை ஏற்படுத்தபடவில்லை எனவும் உடனடியாக அதிகபடியான ஆய்வு கூடங்களை சிறப்பு மருத்துவமனைகளையும் ஏற்படுத்த வேண்டும் என மருத்துவ ஆய்வாளர்கள் தெரிவித்துள்ளனர்.

This posting includes an audio/video/photo media file: Download Now

தென் அமெரிக்காவின் சதுப்புநில காடுகளில் வசிக்கும் ஒரு வகை ராட்சத சிலந்திகள் மரங்களில் வசிக்கும் சிறு பறவைகளை அப்படியே கடித்து விழுங்கிவிடுகின்றன என்று அமெரிக்க விலங்கியல் ஆராய்ச்சியாளர்கள் தெரிவித்துள்ளனர். அமெரிக்காவில் கலிபோர்னியா மாகாணத்தில் வசிப்பவர் பியோடர் நாஸ்கிரக்கி. இவர் பல்வேறு காடுகளில் உள்ள விலங்குகளைப் பற்றி ஆய்வு மேற்கொண்டு வருகிறார். கடந்த சில தினங்களுக்கு முன் இவர் தென் அமெரிக்காவில் உள்ள மழைக் கால சதுப்புநில காடுகளில் ஆய்வு மேற்கொண்டார். அப்போது ஒரு மரத்தின் அருகே நிலம் அதிருவதை உணர்ந்தார். உடனே அப்பகுதிக்கு ஓடிச்சென்று பார்த்தார். அங்கே நாய்க்குட்டி சைஸில் ஒரு ராட்சத சிலந்தி ஊர்ந்து வருவதைக் கண்டார். அந்த விஷ சிலந்தியின் கால்கள் ஒவ்வொன்றும் சிறு குழந்தையின் முழங்கை அளவுக்கு இருந்தன. அந்த சிலந்தியின் நடமாட்டத்தை பியோடர் கண்காணித்தார். அந்த சிலந்தி, மரத்தின் மீதிருந்த ஒரு பறவையை தனது ராட்சத கால்களால் பிடித்து, தனது கால்கள் மூலம் அதன் கழுத்தை முறித்து அப்படியே உண்பதைக் கண்டு அதிர்ச்சி அடைந்தார். இது குறித்து நாஸ்கிரக்கி கூறுகையில், மழை காடுகளில் இரவு நேரத்தில் அந்த சிலந்தியைப் பார்த்ததும் அதிர்ச்சி அடைந்தேன். அதன் கால்கள் நடக்கும்போது குதிரையின் குளம்புகளை போல் பெரும் சத்தத்தை எழுப்பின. சிறு பறவை, தவளை, தேரை பல்லி மற்றும் பாம்புகளை பிடித்து தின்னும் அந்த சிலந்தி, காடு முழுவதும் நிறைந்து காணப்படுகின்றன. எங்களது குழுவினர் நேற்று முன்தினம் அந்த சிலந்தியை பிடித்து ஆய்வுக்கு கொண்டு வந்தனர். தெராபோசா பிளான்டி எனும் அறிவியல் பெயர் கொண்ட அந்த சிலந்தியை தற்போது ஆய்வு செய்து வருகிறோம் என்றார்.

This posting includes an audio/video/photo media file: Download Now

ஜனநாயகக் கட்சியின் தலைவரான முன்னாள் இராணுவத் தளபதி சரத் பொன்சேகாவின் பறிக்கப்பட்ட குடியுரிமையை மீண்டும் வழங்குமாறு கோரி 10 லட்சம் பேரிடம் கையெழுத்து பெறும் நடவடிக்கை இன்று ஆரம்பிக்கப்பட்டது. கம்பஹா மாவட்டம் கிரிந்திவளை நகரில் பொதுமக்களிடம் கையெழுத்துக்கள் பெறப்பட்டன. நாடு முழுவதிலும் பல பிரதேசங்களில் பொதுமக்களிடம் கையெழுத்துக்களை பெற்று அதனை சர்வதேசத்திற்கு அனுப்பி வைக்க ஜனநாயகக் கட்சி திட்டமிட்டுள்ளது. சரத் பொன்சேகாவுக்கு மீண்டும் குடியுரிமை வழங்க வேண்டும் என்பதற்காக கிரிந்திவல நகருக்கு பெரும் எண்ணிக்கையிலான மக்கள் வருகை தந்து மகஜரில் கையெழுத்திட்டதாக ஜனநாயகக் கட்சியின் மேல் மாகாண சபை உறுப்பினர் ரஜித ஹப்புவாராச்சி தெரிவித்துள்ளார்.

This posting includes an audio/video/photo media file: Download Now

ஆளும் ஐக்கிய மக்கள் சுதந்திர முன்னணி அரசாங்கத்தின் 2015ம் ஆண்டிற்கான வரவு செலவுத் திட்டம் ஜனாதிபதியும் நிதியமைச்சருமான மஹிந்த ராஜபக்ஷவினால் பாராளுமன்றத்தில் சமர்ப்பிக்கப்பட்டதோடு, தற்போது அதன் மீதான வாசிப்பை ஜனாதிபதி மேற்கொண்டுள்ளார். இது இலங்கையின் 69 வது வரவு செலவுத் திட்டம் என்பதோடு, நிதி அமைச்சர் என்ற வகையில் ஜனாதிபதி மஹிந்த ராஜபக்ஷவினால் முன்வைக்கப்படும் 10வது வரவு செலவுத்திட்டம் என்பதும் குறிப்பிடத்தக்கது. வரவு செலவுத் திட்ட வாசிப்பின்போது, சுற்றுலா மற்றும் முதலீடுகளின் அபிவிருத்திகளினால் பொருளாதாரம் 8 சதவீதத்தினால் வளர்ச்சியடைந்துள்ளதாகவும், 5.5 சதவீதமாக இருந்த பாதுகாப்பு செலவீனங்களை 3 சதவீதமாகக் குறைத்து அதனை உட்கட்டமைப்பு வசதிகளுக்கு பயன்படுத்தியுள்ளதாகவும் ஜனாதிபதி தெரிவித்துள்ளார். அரசாங்கத்துடன் இணைந்து பிரச்சினைகளுக்கு தீர்வு காண்பதற்கு முன்வருமாறு தமிழ் அரசியல் கட்சிகளுக்கு, நான் மீண்டும் அழைப்பு விடுக்கின்றேன் என இதன்போது குறிப்பிட்டுள்ளார். நாட்டில் நிலவிய தீவிரவாதத்தை முற்றாக ஒழித்துக் கட்டுவதற்கு மேற்கொள்ளப்பட்ட நடவடிக்கையானது தீவிரவாதத்திற்கு எதிரான நடவடிக்கையே தவிர குறிப்பிட்ட ஒரு இனத்திற்கு எதிரான நடவடிக்கை அல்ல எனவும் அவர் இங்கு சுட்டிக்காட்டினார். மேலும் நாட்டில் பயங்கரவாதத்தை ஒழித்து அபிவிருத்தி மற்றும் உட்கட்டமைப்பு வசதிகளை ஏற்படுத்தியதாகவும் அவர் குறிப்பிட்டார். பல்கலைக்கழக மாணவர்கள் 25,000 பேருக்கு விடுதி வசதிகளை பெற்றுகொடுக்க நடவடிக்கை எடுப்பதாக ஜனாதிபதி தெரிவித்தார். நடப்பு வருடத்தில் ஏற்றுமதி வருவாய் 11,500 மில்லியன் அமெரிக்க டொலரை தாண்டவுள்ளதாகவும், இலவச சுகாதார சேவை செலவீனங்களுக்காக 150 பில்லியன் ரூபாய் ஓதுக்கீடு செய்யப்பட்டுள்ளதாகவும், 18 -30 வயதுக்கு இடைப்பட்ட வேலைவாய்ப்பற்ற இளைஞர்களின் எண்ணிக்கை 15 சதவீதத்திலிருந்து 13.1சதவீதமாக குறைவடைந்துள்ளதாகவும் தெரிவித்தார். இலங்கையின் கிராமப் புறங்களில் கடமைபுரியும் அரச வெளிக்கள உத்தியோகத்தர்களுக்கு 100,000 மோட்டார் சைக்கிள்கள் வழங்கியுள்ளதோடு, நாடளாவிய ரீதியில் நிலவிய பிரச்சினைகளுக்கு தீர்வு காணப்பட்டு வருவதாகவும், விடுதலைப் புலிகள் அழித்த பொதுமக்களின் வீடுகளில் 100,000 வீடுகளை மீண்டும் கட்டிக்கொடுத்துள்ளதாகவும் கூறியுள்ளார். மேலும், குடியிருப்புகளுக்கான நீர் வழங்கள் திட்டத்தில், முதல் 25 அலகுகளுக்கு அறவிடும் கட்டணத்தை 10 வீதத்தால் குறைக்கவுள்ளதாகம் ஜனாதிபதி குறிப்பிட்டுள்ளார். இறக்குமதி செய்யப்படும் வாகனங்களுக்கு விசேட வரி ஒன்றை அறிமுகப்படுத்தவுள்ளதாகவும், சினோ சூதாட்ட விடுதிக்குள் பிரவேசிப்பதற்கான கட்டணமாக ஒருவருக்கு தலா 100 அமெரிக்க டொலர்களை அறவிட தீர்மானித்துள்ளதாகவும் குறிப்பிட்டுள்ளார். தனிநபர் வருமானத்தை 2015ம் ஆண்டில் 4000 அமெரிக்க டொலராகவும் 2020இல் 7500 அமெரிக்க டொலராகவும் அதிகரிக்க எதிர்பார்த்துள்ளதாகவும் தெரிவித்தார். ஆடைத் தொழிற்சாலையில் கடமையாற்றும் ஊழியர்களுக்கு ஓய்வூதியம் வழங்கவும் விவசாயிகளுக்கு வழங்கப்படும் உரமானியமான 350 ரூபா தொடர்ந்தும் அமுலில் இருக்கும் எனவும், ஒரு கிலோ நெல்வின் உத்தரவாத விலையை 34இல் இருந்து 40 ஆக உயர்த்த எதிர்பார்த்துள்ளதாவும் அவர் குறிப்பிட்டுள்ளார். உள்நாட்டில் தயாரிக்கப்படும் பால் மாவின் விலையை 100 ரூபாவால் குறைக்கவும், யோகட்டின் விலையை 3 ரூபாவால் குறைக்கவும் அவர் இதன்போது யோசனை முன்வைத்தார். மேலும் பசும்பாலை 60 ரூபா வரை விற்பனை செய்யவும் நடவடிக்கை எடுப்பதாக குறிப்பிட்டார். ரயில்வே ஊழியர்களின் சம்பள முரண்பாட்டை தீர்ப்பதற்கென 2,000 மில்லியன் ரூபா மேலதிகமாக ஒதுக்கப்படவுள்ளதாகவும், கடன் வாங்குவது குறைக்கப்படுமென்றும் வரவு – செலவுத் திட்ட பற்றாக்குறை 2017ஆம் ஆண்டு 3 வீதம் குறையுமென்றும் ஜனாதிபதி தெரிவித்தார். அரசாங்கத்தின் அடுத்த வருட திட்டங்களில் நெடுஞ்சாலைகள் அபிவிருத்திக்கு முக்கியத்துவம் அளிக்கப்பட்டிருப்பதை அவர் வலியுறுத்தியுள்ளார். 2015ம் ஆண்டின் இறுதிக்குள் நாட்டில் அனைத்து அதிவேகப் பாதைகளின் நிர்மாணப் பணிகளும் முற்றுப் பெற்றிருக்கும் என்று வரவுசெலவுத் திட்ட உரையின் போது ஜனாதிபதி மஹிந்த தெரிவித்துள்ளார். தென்னிலங்கையில் கதிர்காமம் வரையான புகையிரதப் போக்குவரத்தை ஆரம்பிப்பதற்கு நடவடிக்கை எடுக்கப்படும் என்றும் அடுத்த வருட இறுதிக்குள் இது சாத்தியப்படும் என்றும் அறிவித்துள்ளார். தற்போது மாத்தறை வரையுள்ள புகையிரதப் பாதை கதிர்காமம் வரை நீடிப்பதற்கான நிர்மாணப் பணிகள் ஆரம்பிக்கப்பட்டுள்ளதாகவும் ஜனாதிபதி குறிப்பிட்டுள்ளார். முன்பள்ளி ஆசிரியர்களுக்கு 2500 ரூபாவும், ஆயுர்வேத வைத்தியர்களுக்கு 5000 ரூபாவும் விஷேட கொடுப்பனவும், சிறுநீரக பாதிப்புள்ள நோயாளர்களுக்கு மாதாந்தம் 3000 ரூபா வழங்கவுள்ளதாவும் தெரிவித்துள்ளார். மேலும், பல்கலைக்கழகத்திற்குச் செல்ல முடியாத மிக குறைந்த வருமானம் பெறும் மாணவர்களுக்கு 50ஆயிரம் ரூபா புலமைப்பரிசில், மஹாபொல புலமைப்பரிசில் கொடுப்பனவு மாதாந்தம் 4ஆயிரம் ரூபாவால் அதிகரிக்கவுள்ளதாகவும் ஜனாதிபதி குறிப்பிட்டார். இதன்படி ஏற்கனவே கொடுக்கப்பட்ட தொகையுடன் 1500 ரூபாவினால் மகாபொல புலமைப்பரிசில் கொடுப்பனவு அதிகரிக்கப்பட்டுள்ளது. இந்த அதிகரிப்பு 2015 ஆம் ஆண்டு ஜனவரி முதல் அமுல்படுத்தப்படும் எனவும் குறிப்பிட்டார். வற் வரியை 11 வீதமாக குறைக்க ஜனாதிபதி தீர்மானித்துள்ளார். மேலும் நாட்டிலுள்ள அனைத்துப் பிரஜைகளின் வைத்தியப் பரிசோதனைகளுக்காக 500 மில்லியன் ரூபாவும் ஒதுக்கப்படவுள்ளதாகவும் தெரிவித்தார். இலங்கையில் முதியவர்களுக்கு வழங்கப்படும் கொடுப்பனவு 2015 ஜனவரி முதல் 1000த்தில் இருந்து 2000 ரூபா வரை அதிகரிக்கப்படவுள்ளது. வெளிநாட்டில் பணி புரியும் இலங்கையர்களுக்கு விசேட ஓய்வூதியத்திட்டம் ஒன்றை வழங்கவும் இதன்போது ஜனாதிபதி யோசனை முன்வைத்துள்ளார்.

This posting includes an audio/video/photo media file: Download Now

எதிர்வரும் மாநகராட்சி தேர்தலில் போட்டியிடும் ஜோன் டோறி (John Tory) அவர்களுக்கு தமிழ் சமூகத்தின் சார்பாக ஒரு மாபெரும் பொதுக்கூட்டம் ஒன்று 26-10-2014 ஞாயிறு அன்று ஏற்பாடு செய்யப்பட்டுள்ளது. ஜோன் டோறி அவர்கள் தமிழ் சமூகத்துடன் மிக நெருங்கியவரும் இவரின் வெற்றி தமிழ் சமூகத்திற்கு பல நன்மைகளை கொண்டுவரும் என்பதில் அய்யம் இல்லை. அந்தவகையில், இந்த கூட்டம் வெற்றியாக அமைய அனைவரின் ஆதரவை நாடி நிற்கிறோம்

This posting includes an audio/video/photo media file: Download Now

ஆஸ்திரேலியாவில் இருந்து வீட்டை விட்டு ஓடிப்போய் ஐ.எஸ்.ஐ.எஸ் இயக்கத்தில் சேர்ந்த 17 வயது இளைஞர் ஒருவர் வெளியிட்டுள்ள மிரட்டல் வீடியோ ஒன்றில் அமெரிக்காவில் உள்ள வெள்ளை மாளிகையிலும், பிரிட்டனில் உள்ள பக்கிங்காம் அரண்மனையிலும், ஐ.எஸ்.ஐ.எஸ் கொடி பறக்கும் வரை எங்கள் போராட்டம் ஓயாது என்று மிரட்டியுள்ளார். இந்த மிரட்டல் வீடியோவால் பெரும் பரபரப்பு ஏற்பட்டுள்ளது. ஆஸ்திரேலியாவில் இருந்து வீட்டை விட்டு வெளியேறிய 17 வயது அப்துல்லா எலிமிர் என்ற இளைஞர் ஐ.எஸ்.ஐ.எஸ் இயக்கத்தில் சேர்ந்து மூளைச்சலவை செய்யப்பட்டுள்ளதாக கூறப்படுகிறது. அவர் மிகவும் உணர்ச்சிவசப்பட்டு பேசும் வீடியோ ஒன்று நேற்று வெளியாகியுள்ளது. இந்தவீடியோவில் அப்துல்லா எலிமிர் அருகில் பல ஐ.எஸ்.ஐ.எஸ் தீவிரவாதிகள் உள்ளனர். இந்த வீடியோவில் எலிமிர் பேசியதாவது, "ஐரோப்ப்ய நாட்டு தலைவர்களுக்கும், அமெரிக்க அதிபர் ஓபாமா மற்றும் இங்கிலநது பிரதமர் ஆகியோர்களுக்கும் தெரிவித்துக்கொள்வது என்னவென்றால், நாங்கள் வேண்டும் என்று இந்த ஆயுதங்களை கையேந்தவில்லை, நாங்கள் இந்த புனிதப்போரைநிறுத்தப்போவது இல்லை. எங்களுக்குரிய நிலங்களை நாங்கள்அடையும் வரை எங்கள் ஆயுதங்களை கீழே போடப்போவது இல்லை. ஒவ்வொரு கொடுங்கோலனின் தலையை எடுக்கும் வரை மற்றும் ஓவ்வொரு தேசத்திலும் உயரே கறுப்புக்கொடி பறக்கும் வரை நாங்கள் சண்டையை நிறுத்தப் போவது இல்லை நாங்கள் உங்களுடன் போரிடுவோம். உங்களை தோற்கடிப்போம் இந்த கூட்டணியை ஆதரிக்கும் நாடுகளின் எண்ணிக்கையை பொருட்படுத்தாமல் பக்கிங்காம் அரண்மனை மற்றும் வெள்ளை மாளிகையின் மேல் எங்கள் கொடி பறக்கும் வரை ஐ.எஸ்.ஐ.எஸ் ஓயாது என்று கூறியுள்ளார்.இவன் அவுஸ்ரேலியாவை விட்டு வெளியேறியதில் இருந்து இவனது குடும்பத்தினர் மனமுடைந்துள்ளதாக கூறப்படுகிறது. இதுகுறித்து அவுஸ்ரேலியாவின் அரசு செய்தி தொடர்பாளர் கூறுகையில், இது போன்ற சம்பவங்களினால் தான் அவுஸ்திரேலியா மற்ற நாடுகளுடன் சேர்ந்து ஈராக்கின் ஐ.எஸ்.ஐ.எஸ்-யை அழித்து நாட்டை பாதுகாக்க போராடுகிறது என தெரிவித்துள்ளார்.

This posting includes an audio/video/photo media file: Download Now