Tamil Star

Celkon நிறுவனம் இந்த வார தொடக்கத்தில் அதன் இணையதளத்தில் கேம்பஸ் நோவா A352E ஸ்மார்ட்போன் பற்றி பட்டியலிடப்பட்டதுக்கு பிறகு, இந்திய சந்தையில் வியாழக்கிழமை அன்று தொடங்கியுள்ளது. இந்த ஸ்மார்ட்போன் தீபாவளியை முன்னிட்டு அக்டோபர் 23ம் தேதி வரை Snapdeal-ல் பிரத்தியேகமாக ரூ.1,999 விலையில் கிடைக்கும். டூயல் சிம் கொண்ட Celkon கேம்பஸ் நோவா A352E ஸ்மார்ட்போனில் ஆண்ட்ராய்டு ஜெல்லி பீன் 4.2.2 இயங்குகிறது. ஸ்மார்ட்ஃபோனில் 320x480 பிக்சல்கள் தீர்மானம் கொண்ட 3.5 இன்ச் HVGA TFT டிஸ்ப்ளே இடம்பெறுகிறது. இதில் ரேம் 256MB உடன் இணைந்து 1GHz (குறிப்பிடப்படாத) ப்ராசசர் மூலம் இயக்கப்படுகிறது. ஸ்மார்ட்ஃபோனில் 2 மெகாபிக்சல் பின்புற கேமரா கொண்டுள்ளது. கேம்பஸ் நோவா A352E ஸ்மார்ட்ஃபோனில் microSD அட்டை வழியாக 32 ஜிபி வரை விரிவாக்கக்கூடிய 512MB உள்ளடங்கிய சேமிப்பு வருகிறது. இதில் ப்ளூடூத் 4.0, Wi-Fi 802.11 b/g/n, Wi-Fi ஹாட்ஸ்பாட், மற்றும் ஜிபிஆர்எஸ்/எட்ஜ் இணைப்பு விருப்பங்களை கொண்டுள்ளது. ஸ்மார்ட்ஃபோனில் ஒரு 1400mAh லி அயன் பேட்டரி கொண்டுள்ளது. புதன்கிழமை அன்று நிறுவனம் விலை மற்றும் கிடைக்கும் தகவல் பற்றி எந்தவொரு விவரங்கள் இல்லாமல் அதன் வலைத்தளத்தில் தனது புதிய Celkon Q40+ ஸ்மார்ட்போன் பட்டியலிடப்பட்டது. Celkon Q40+ ஸ்மார்ட்ஃபோன் முக்கிய அம்சங்கள் சில, டூயல் சிம் (ஜிஎஸ்எம் + ஜிஎஸ்எம்) செயல்பாடு கொண்ட ஆண்ட்ராய்டு 4.4.2 கிட்கேட் இயங்குகிறது. ஸ்மார்ட்ஃபோனில் 480x800 பிக்சல்கள் தீர்மானம் கொண்ட 4 இன்ச் WVGA ஐபிஎஸ் டிஸ்ப்ளே இடம்பெறுகிறது. இதில் ரேம் 1GB உடன் இணைந்து 1.3GHz குவாட் கோர் (குறிப்பிடப்படாத சிப்செட்) பிராசசர் மூலம் இயக்கப்படுகிறது. இந்த ஸ்மார்ட்ஃபோனில் microSD அட்டை வழியாக 32 ஜிபி வரை விரிவாக்கக்கூடிய 8GB உள்ளடங்கிய சேமிப்பு வருகிறது. Celkon Q40+ ஸ்மார்ட்ஃபோனில் LED ஃபிளாஷ் கொண்ட 5 மெகாபிக்சல் பின்புற கேமரா மற்றும் ஒரு 1500mAh பேட்டரி கொண்டுள்ளது. Celkon கேம்பஸ் நோவா A352E ஸ்மார்ட்போன் அம்சங்கள்: டூயல் சிம், 320x480 பிக்சல்கள் தீர்மானம் கொண்ட 3.5 இன்ச் HVGA TFT டிஸ்ப்ளே, ரேம் 256MB, 1GHz (குறிப்பிடப்படாத) ப்ராசசர், 2 மெகாபிக்சல் பின்புற கேமரா, microSD அட்டை வழியாக 32 ஜிபி வரை விரிவாக்கக்கூடிய 512MB உள்ளடங்கிய சேமிப்பு, ப்ளூடூத் 4.0, Wi-Fi 802.11 b/g/n, Wi-Fi ஹாட்ஸ்பாட், ஜிபிஆர்எஸ்/எட்ஜ், ஆண்ட்ராய்டு ஜெல்லி பீன் 4.2.2, 1400mAh லி அயன் பேட்டரி.

This posting includes an audio/video/photo media file: Download Now

இந்தியா  வெஸ்ட் இண்டீஸ் அணிகளிடையே விசாகப்பட்டினத்தில் நாளை நடைபெற இருந்த 3வது ஒருநாள் போட்டி, ஹூட் ஹூட் புயல் காரணமாக ரத்து செய்யப்படுவதாக கிரிக்கெட் வாரியம் நேற்று அறிவித்துள்ளது. இரு அணிகளும் 11 என சமநிலை வகிக்க, 4வது ஒருநாள் போட்டி இமாச்சல பிரதேச மாநிலம் தர்மசாலாவில் 17ம் தேதி நடைபெறுகிறது.

This posting includes an audio/video/photo media file: Download Now

ஜப்பான் ஓபன் மகளிர் டென்னிஸ் தொடரின் ஒற்றையர் பிரிவில், ஆஸ்திரேலிய வீராங்கனை சமந்தா ஸ்டோசர் சாம்பியன் பட்டம் வென்றார். இறுதிப் போட்டியில் கஜகஸ்தான் வீராங்கனை ஜரினா தியாசுடன் நேற்று மோதிய சமந்தா 7-6 (9-7), 6-3 என்ற நேர் செட்களில் வென்று கோப்பையை கைப்பற்றினார்.

This posting includes an audio/video/photo media file: Download Now

ஜனாதிபதி மஹிந்த ராஜபக்சவின் வடக்கு விஜயம் தமிழ் மக்களின் வாக்குகளை பெறுவதை முக்கிய நோக்காக கொண்டிருக்கவில்லை. மாறாக சிங்கள மக்களின் வாக்குகளை பெறுவதற்காகவே என்று அரசியல் ஆய்வாளர்கள் கூறுகின்றனர். வடக்கு மாகாணசபை தொடர்பில் சிங்கள மக்கள் மத்தியில் தப்பான அபிப்பிராயம் ஒன்றை அரசாங்கம் ஏற்கனவே ஏற்படுத்தியுள்ளது. காணி மற்றும் பொலிஸ் அதிகாரங்களை அந்த சபைக்கு வழங்கினால் அது தனி மாகாணமாக பிரிந்து செல்லக் கூடும் என்ற அச்சத்தை அரசாங்கம் சிங்கள மக்கள் மத்தியில் பரப்பியுள்ளது. எனவே அதனைத் தடுக்கும் வகையிலும், வடமாகாணசபைக்கு காணி அதிகாரம் இல்லை என்பதை காட்டுவதற்காகவுமே கிளிநொச்சியில் வடமாகாணசபைக்கு தெரியாமலேயே ஜனாதிபதியினால் காணிகள் வழங்கப்பட்டன. அத்துடன் தமிழ்ஈழம் கைவிடப்படுமானால் நிறைவேற்று ஜனாதிபதி முறை கைவிடப்படும் என்ற ஜனாதிபதியின் வாக்குறுதி தமிழ் மக்கள்தான் நிறைவேற்று அதிகாரத்தை இல்லாமல் ஒழிப்பதற்கு தடையாக இருக்கிறார்கள் என்பதை சிங்கள மக்களுக்கு காட்டுவதாக அமைந்திருக்கிறது. தமிழ் மக்கள் அரசாங்கத்துக்கு வாக்களிக்க மாட்டார்கள் என்பதும் அரசாங்கத்தின் மீது சிங்கள மக்களுக்கு அனுதாபத்தை ஏற்படுத்தும் கருத்தாகவே கொள்ளப்படுகிறது. இந்தநிலையில் இது உள்ளுர் மட்டத்தில் இலங்கை அரசாங்கத்துக்கு செல்வாக்கை தேடித்தரும் விஜயமாக அமைந்தாலும், இந்தியாவுக்கு தெளிவான செய்தி ஒன்றை கூறுவதாக அமைந்திருக்கிறது. 13வது அரசியல் அமைப்பை முழுமையாக நடைமுறைப்படுத்த வேண்டும் என்று இந்திய பிரதமர், இலங்கை ஜனாதிபதியிடம் வெட்டு ஒன்று துண்டு இரண்டு என்ற அடிப்படையில் கூறிவிட்டார் என்று செய்திகள் வெளியாகியிருந்தன. ஆனால் பொலிஸ் அதிகாரத்தை வழங்கமாட்டோம் என்று ஆணித்தரமாக கூறிவந்த இலங்கை அரசாங்கம், தற்போது காணி அதிகாரமும் வடமாகாணசபைக்கு இல்லை என்பதை இந்தியாவுக்கு நடைமுறையில் கூறியுள்ளது. யாழ்ப்பாணத்துக்காக தாம் அமைத்து கொடுத்துள்ள ரயில் பாதையில் ரயில் ஓடும் ஆரம்ப நிகழ்வை வடக்கு மாகாண சபையினர் புறக்கணித்துள்ள நிலையில், இந்தியாவினால் எவ்வாறு தமிழ் மக்களுக்கான பாதுகாப்பை நிர்வாக பாதுகாப்பையும் உறுதிசெய்ய முடியும் என்ற கேள்வி பலர் மத்தியில் எழுந்துள்ளது. எனவே இங்கு இந்தியா, மிகவும் தாம் செல்வாக்கு செலுத்துவதாக நம்பிக் கொண்டிருக்கும் வடக்கு மாகாணசபையின் நிர்வாகம் மற்றும் பாதுகாப்பு தொடர்பில் பொறுப்புக்கூற வேண்டிய சிக்கலுக்குள் முன்னெப்போதும் இல்லாதவகையில் தள்ளப்பட்டுள்ளது. இந்தியாவின் மோடி அரசாங்கம், சோனியா அரசாங்கத்தை போன்ற கொள்கையை தொடர்ந்தும் கடைப்பிடிக்கப் போகிறதா? அல்லது இந்திரா காந்தி அரசாங்கம் போன்று விழித்துக் கொள்ளப் போகிறதா?

This posting includes an audio/video/photo media file: Download Now

ஜனாதிபதித் தேர்தல் தொடர்பாக எவ்விதமான முடிவுகளும் கூட்டமைப்பு இதுவரையில் மேற்கொள்ளவில்லை என்று தெரிவித்துள்ள தமிழ்த் தேசியக் கூட்டமைப்பின் தலைவர் இரா.சம்பந்தன் எம்.பி., உரிய காலத்தில் மக்கள் கருத்துக்களைப் பெற்று அதன் அடிப்படையில் அடுத்தகட்ட நகர்வுகள் மேற்கொள்ளப்படும் என்றும் கூறினார். அடுத்த வருட முற்பகுதியில் ஜனாதிபதித் தேர்தல் இடம்பெறவுள்ளது என்று அரசின் நம்பகரமான வட்டாரங்கள் தகவல் வெளியிட்டுள்ளன. இந்நிலையில், ஆளும் ஐக்கிய மக்கள் சுதந்திரக் கூட்டமைப்பின் சார்பில் ஸ்ரீலங்கா சுதந்திரக் கட்சியின் தலைவரும் தற்போதைய ஜனாதிபதியுமான மஹிந்த ராஜபக்‌ச, தான் மூன்றாவது தடவையாகவும் போட்டியிடுவார் என்று அறிவித்துள்ளார். மறுபுறத்தில் ஜனாதிபதி மஹிந்த ராஜபக்‌ச மூன்றாவது தடவையாக தேர்தலில் போட்டியிடுவது அரசியல் சாசனத்திற்கு முரணானது எனவும், அதற்கான ஆலோசனையை நீதிமன்றிடம் பெறமுடியாது எனவும் குறிப்பிட்டுள்ள முன்னாள் பிரதம நீதியரசர் சரத் என்.சில்வா, 2016ம் ஆண்டுக்கு முன்னர் ஜனாதிபதித் தேர்தலை நடத்துவதால் நாட்டில் சர்வாதிகார ஆட்சியே ஏற்படும் எனவும் சுட்டிக்காட்டியுள்ளார். இதேவேளை, எதிர்க்கட்சிகளின் சார்பில் பொதுவேட்பாளராக ஐக்கிய தேசியக் கட்சியின் தலைவர் ரணில் விக்கிரமசிங்க போட்டியிடுவார் என்று அறிவித்துள்ளதோடு ஏனைய கட்சிகளை பொது அணியில் ஒன்றிணைக்கும் முனைப்புக்களும் முடுக்கிவிடப்பட்டுள்ளன. குறிப்பாக நியாயமான சமூகத்திற்கான தேசிய அமைப்பின் தலைவர் மாதுளுவாவே சோபித தேரர், ரணில் விக்கிரசிங்க பொதுவேட்பாளராக போட்டியிடுவது தொடர்பில் ஆட்சேபனை இல்லையெனத் தெரிவித்துள்ளார். அதேநேரம், ஜனநாயக மக்கள் முன்னணியின் தலைவர் மனோ கணேசன் மற்றும் ஜனநாயகக் கட்சியின் தலைவர் சரத் பொன்சேகா ஆகியோரும் பிரத்தியேக சந்திப்பொன்றை நடத்தியுள்ளனர். மேலும், மக்கள் விடுதலை முன்னணி (ஜே.வி.பி.) ரணில் விக்கிரமசிங்க ஐக்கிய தேசியக் கட்சியின் வேட்பாளரே தவிர பொதுவேட்பாளர் அல்லர் எனக் குறிப்பிட்டுள்ளது. ஆளும், எதிர்த் தரப்புக்களின் இவ்வாறான நிலைப்பாடுகளுக்கும் நகர்வுகளுக்கும் மத்தியிலேயே தமிழ்த் தேசியக் கூட்டமைப்பின் தலைவர் இரா.சம்பந்தன் எம்.பி. மேற்கண்டவாறு தெரிவித்துள்ளார். இது விடயம் தொடர்பில் அவர் மேலும் தெரிவித்தவை வருமாறு:- ஜனாதிபதித் தேர்தல் குறித்த உத்தியோக அறிவிப்பு இன்னமும் வெளியிடப்படவில்லை. அவ்வாறிருக்கையில் நாம் ஜனாதிபதித் தேர்தல் தொடர்பாக இதுவரையில் எவ்விதமான முடிவுகளையும் எடுக்கவில்லை. எனினும், ஜனாதிபதி தேர்தல் தொடர்பில் நாம் பொதுமக்களின் கருத்துக்களைப் பெறவுள்ளோம். அத்தோடு ஜனாதிபதித் தேர்தல் தொடர்பாக உத்தியோபூர்வமான நடவடிக்கைகளை விரைவில் ஆரம்பிக்கவுள்ளோம். இதற்காக கூட்டமைப்பு விசேட கலந்துரையாடலையும் மேற்கொள்ளும். எவ்வாறாயினும் எமது இறுதி முடிவு உரிய காலத்தில் அறிவிக்கப்படும் என்பதுடன் தமிழ் மக்களின் நலன்களையும் எதிர்காலத்தையும் பாதிக்காதவாறு அது அமைந்திருக்கும். குறிப்பாக தமிழர் தாயகமான வடக்கு, கிழக்கில் காணப்படும் தற்போதைய நிலைமைகள், இனப்பிரச்சினைக்கான நிரந்தர தீர்வு தொடர்பில் அதிகூடிய கவனத்தையும் கருத்தில் கொண்டதாக எமது இறுதி முடிவு அமையும்" - என்று கூறியுள்ளார் சம்பந்தன் எம்.பி.

This posting includes an audio/video/photo media file: Download Now

கனடா டொரண்டோவில் சனிக்கிழமை நடந்த இரண்டு வெவ்வேறு பாலியல் பலாத்கார சம்பவத்திற்கு காரணமான குற்றவாளிகளை டொரண்டோ போலீஸார் வலைவீசி தேடி வருகின்றனர். டொரண்டோவில் உள்ள St. Patrick TTC subway station, என்ற பகுதியில் கடந்த சனிக்கிழமை மாலை 5.45 மணிக்கு நடந்து சென்று கொண்டிருந்த ஒரு இளம்பெண்ணை பாலியல் பலாத்காரம் செய்ய முயன்றதாக ஒருவரை போலீஸார் தேடி வருகின்றனர். இந்த நபர் 18 முதல் 25 வயதுக்குள் இருப்பார் என்றும், அழுக்கு நிறைந்த முடியுடன், டார்க் கலரில் ஸ்வட்டர் அணிந்திருந்தார் என்றும் அடையாளம் கூறப்பட்டுள்ளது. மேலும் இரண்டாவது சம்பவமாக Rogers Centre, near Front Street West and Spadina Avenue என்ற இடத்தில் மற்றொரு பாலியல் பலாத்கார முயற்சி அதே சனிக்கிழமையில் நடந்துள்ளது. 22 வயது இளம்பெண் ஒருவர் சுரங்கப்பாதை ஒன்றின் படிக்கட்டில் நடந்து சென்று கொண்டிருந்தபோது மர்ம நபர் ஒருவர் அவரிடம் பாலியல் பலாத்கார முயற்சியில் ஈடுபட்டுள்ளதாக தெரிகிறது. இரண்டு நபர்கள் குறித்தும் ஏதேனும் தகவல் தெரிந்தால் உடனடியாக 416-808-5204 அல்லது 416-222-8477 என்ற எண்களுக்கு தொடர்பு கொள்ள டொரண்டோ போலீஸார் பொதுமக்கள் கேட்டுக்கொண்டுள்ளனர்.

This posting includes an audio/video/photo media file: Download Now

புலம்பெயர் தமிழர்கள் செறிந்த வாழும் நாடுகளில் முதன்மையான கனடாவில் சிறிலங்கா தொடர்பிலான ஐ.நா விசாரணைக்கான சாட்சியங்களைத் திரட்டும் பணி தீவிரப்படுத்தப்பட்டுள்ளது. நாடுகடந்த தமிழீழ அரசாங்கத்தின் செயல்முனைப்பில் இதற்கான பணிகளை இனஅழிப்புத் தடுப்பும், விசாரணை முயற்சிகளுக்கான மையம் (ICPPG) இது தொடர்பிலான விழிப்பூட்டல்களை தீவிரப்படுத்தியுள்ளது. கனடாவினைச் சேர்ந்த பன்முகத்தளங்களில் பங்காற்றுகின்ற பிரமுகர்கள் பலரும் இதற்கான பிரச்சார பணியில் ஈடுபட்டுவருகின்றனர். சாட்சியங்களின் இரகசியத்தன்மை உத்தரவாதப்படுத்தப்பட்டுள்ள நிலையில், அச்சமின்றி அனைவரும் சாட்சியம் வழங்கலாம் என கனேடிய ஒருங்கிணைப்பாளர் ஜோ அன்ரனி தெரிவித்துள்ளதோடு, ஒக்ரோபர் 30ம் திகதிக்கு முன்னராக சாட்சியங்களை வழங்கவேண்டியுள்ள நிலையில், தாமதமின்றி அனைவரும் பங்கெடுக்க முன்வரவேண்டுமென அவர் கேட்டுக்கொண்டுள்ளார். குறித்த Scarborough, 1231 Ellesemers Road இந்த முகவரியில் சாட்சியங்களை வழங்கவோ அல்லது மேலதிக விபரங்களை பெற்றுக் கொள்ளவோ முடியும் எனத் தெரிவிக்கப்பட்டுள்ளதோடு, 416 751 8483இந்த தொடர்பிலக்கம் மூலம் தகவல்களை பெற்றுக் கொள்ள முடியும். 21 பெப்வரி 2002ம் ஆண்டில் இருந்து 15 நொவெம்பர் 2011ம் ஆண்டுக்குள் பாதிப்புக்குள்ளானவர்களும், இந்த காலப்பகுதியோடு ஒட்டிய சம்பவங்களோடு தொடர்புடைய முந்திய அல்லது பிந்திய காலச்சம்பவங்களையும் ஐ.நா விசாரணைக்கு சாட்சியங்களாக வழங்கமுடியும். தமிழினஅழிப்பில் ஈடுபட்டவர்களை பொறுப்புக் கூற வைப்பதோடு, தமிழர்களுக்கான பரிகார நீதியினை அனைத்துலக சட்ட வழிமுறைகள் ஊடாக கோருவதற்கு எட்டியுள்ள வாய்ப்பாக ஐ.நா விசாரணையினை ஈழத் தமிழர்கள் கருதுகின்றனர்.  

This posting includes an audio/video/photo media file: Download Now

ஐ.எஸ் தீவிரவாதக் குழுவிற்கு எதிராகப் போராடுவதற்காக கனடா இணையவுள்ள நிலையில் அடுத்த வாரம் கனேடிய இராணுவத்தினர் மத்திய கிழக்கிற்கு செல்லவுள்ளனர். சுமார் 120 பேரைக் கொண்ட கனேடிய இராணுவத்தினர் அடுத்த வாரம் புறப்படவுள்ளனர். தீவிரவாதிகளுக்கு எதிராக வான் தாக்குதல்களை நடத்துவதற்குத் தேவையான கட்டமைப்புப் பணிகளை மேற்கொள்ளும் வகையில் இந்தக் குழுவினர் செல்லவுள்ளதாக பாதுகாப்பு அமைச்சர் றொப் நிக்கல்சன் நேற்று அறிவித்தார். Trenton ஒன்ராறியோவிலிருந்து இந்தக் குழுவினர் செல்லவுள்ளனர். Operation IMPACT ( ஆபரேஷன் தாக்கம்) என்ற நடவடிக்கையின் அங்கமாக கனேடியப் படையினர் இணையவுள்ளனர் எனவும், ஐ.எஸ் தீவிரவாதிகளுக்கு எதிராக அமெரிக்கா மேற்கொள்ளும் வான் தாக்குதல்களில் கனடாவும் இணைந்துகொள்ளும் பிரேரணை கனேடிய நாடாளுமன்றத்தில் கடந்த வாரம் அங்கீகரிக்கப்பட்டதுடன், கனடாவின் செயற்பாடுகள் ஆறு மாதங்கள் வரை மேற்கொள்ளப்படுமென்றும் தெரிவிக்கப்பட்டுள்ளது.

This posting includes an audio/video/photo media file: Download Now

ஜனாதிபதி மகிந்த ராஜபக்ஷவின் பிரதான தேர்தல் பிரச்சார நடவடிக்கை அலுவலகத்திற்கு மேலதிகமாக 64 பிரதேச அலுவலகங்கள் ஸ்தாபிக்கப்பட்டு வருகின்றன. அவற்றுக்கான கட்டிடங்கள் பெறப்பட்டுள்ளதுடன் பொறுப்பானவர்களின் நியமனங்கள் மற்றும் கணனி போன்ற உபகரணங்களை வழங்கும் பணிகள் தற்போது முன்னெடுக்கப்பட்டு வருகின்றன. இதில் முதலாவது பிராந்திய அலுவலகம் குருணாலில் ஆரம்பிக்கப்பட்டுள்ளது. ஜனாதிபதித் தேர்தலுக்கான ஜனாதிபதி மகிந்த ராஜபக்ஷவின் பிரதான தேர்தல் பிரச்சார நடவடிக்கை அலுவலகம் அலரி மாளிகையில் ஸ்தாபிக்கப்பட்டுள்ளதுடன் தலைமை அலுவலகம் கொழும்பு 7 கிறகரி வீதியில் ஸ்தாபிக்கப்பட்டுள்ளது.

This posting includes an audio/video/photo media file: Download Now

இனப்­பி­ரச்­சினை விட­யத்தில் தமிழ்த் தேசியக் கூட்­ட­மைப்பு எப்­போதும் தமி­ழக தலை­வர்­களை மதித்தும் அர­வ­ணைத்தும் செல்­வ­தையே தனது குறிக்­கோ­ளாகக் கொண்­டுள்­ளது. எமது நியா­ய­மான அர­சியல் தீர்­வுக்கு தமி­ழக தலை­வர்கள் தொடர்ந்தும் பங்­க­ளிப்பு வழங்க வேண்டும் என்று தமிழ்த் தேசியக் கூட்­ட­மைப்பின் தலை­வரும் சிரேஷ்ட பாரா­ளு­மன்ற உறுப்­பி­ன­ரு­மான இரா. சம்­பந்தன் தெரி­வித்தார். ஒரு காலத்தில் இனப்­பி­ரச்­சினை விவ­கா­ரத்தில் இலங்கை மற்றும் தமி­ழக தலை­வர்கள் மத்­தியில் கருத்து வேறு­பா­டுகள் இருந்­தி­ருக்­கலாம். தற்­போது அவ்­வா­றான நிலைமை இல்லை. தமிழ்த் தேசியக் கூட்­ட­மைப்பு ஒரு குடையின் கீழ் ஒற்­று­மை­யுடன் செயற்­பட்டு வரு­கின்­றது. அதே­வேளை தமி­ழக மக்­களின் தியா­கங்­க­ளையும் மதிக்­கின்­றது என்றும் தெரி­வித்தார். தமி­ழக முன்னாள் முதல்வர் கலைஞர் கரு­ணா­நிதி, தமி­ழக தலை­வர்­க­ளா­கட்டும் இலங்­கையில் உள்ள தமிழ்த் தலை­வர்­க­ளா­கட்டும் இலங்கை இனப்­பி­ரச்­சினை விட­யத்தில் ஒற்­று­மை­யாக செயற்­ப­ட­வில்லை என்­பதே எனது அபிப்­பி­ரா­ய­மென தெரி­வித்­தி­ருந்தார். அத்­துடன், ஒற்­று­மை­யாக செயற்­பட்­டி­ருந்தால் இவ்­வ­ளவு உயி­ரி­ழப்­புக்­க­ளையும் நஷ்­டங்­க­ளையும் தவிர்த்­தி­ருக்க முடியும் எனவும் தமி­ழக முன்னாள் முதல்­வரும் திரா­விட முன்­னேற்ற கழக தலை­வ­ரு­மான கலைஞர் கரு­ணா­நிதி குற்­றஞ்­சாட்­டி­யி­ருந்தார். இதற்கு பதி­ல­ளிக்கும் வகை­யி­லேயே பாரா­ளு­மன்ற உறுப்­பினர் இரா.சம்­பந்தன் மேற்­கண்­ட­வாறு தெரி­வித்தார். அண்­மையில் தமி­ழ­கத்­திற்கு வருகை தந்த தமிழ்த் தேசியக் கூட்­ட­மைப்பு தலைவர் இரா.சம்­பந்தன் உள்­ளிட்ட தலை­வர்கள் தம்மை சந்­திக்­க­வில்லை என்று கலைஞர் கரு­ணா­நிதி விசனம் தெரி­வித்­தி­ருந்­தமை தொடர்பில் அவ­ரிடம் வின­விய போது, அதற்கு பதி­ல­ளித்த இரா. சம்­பந்தன் தமி­ழக முத­ல­மைச்­சர்­க­ளாக இருந்த எம். ஜி. இரா­மச்­சந்­திரன், கலைஞர் கரு­ணா­நிதி உட்­பட அனை­வ­ரையும் நாம் தொடர்ந்து சந்­தித்து வந்­துள்ளோம். எனினும் அப்­போது முதல்­வ­ராக இருந்த ஜெய­ல­லிதா அம்­மை­யாரை சந்­திக்க இருந்த கார­ணத்­தினால் முதலில் முத­ல­மைச்­சரை சந்தித்து விட்டு பின்னர் ஏனைய தலைவர்களை சந்திக்கலாம் என்று இருந்தோம். எனினும் அவருடனான சந்திப்பு கைகூடவில்லை. அதேவேளை கால தாமதம் காரணமாக இதர தலைவர்களை சந்திக்க முடியாமல் போனது என்றும் தெரிவித்தார்.

This posting includes an audio/video/photo media file: Download Now