Tamil Star

நமக்கு வரும் நோய்களில் பெரும்பாலானவற்றை தீர்க்க இயற்கையிலேயே பல வழிமுறைகள் உள்ளன. மூலிகைகள், காய்கறிகள் மற்றும் பழங்களை உற்பத்தி செய்வதன் மூலம் மனிதனுக்கு மரணத்தைத் தரும் நோய்களைக் கூட விரட்டு முடியும் என்பது உண்மை. அந்த வகையில் மனிதனுக்கு மரணவாயிலை திறக்கும் நோய்களில் ஒன்றாக சர்க்கரை நோயும் உள்ளது. சர்க்கரை அளவை முறையாக பராமரிக்க இயற்கையான வழிமுறைகள் சில உள்ளன. மருந்துகளை சாப்பிடுவது முக்கியமானதாக இருந்தாலும், இயற்கை வழிமுறைகளில் சர்க்கரை நோயை விலக்கி வைத்திருப்பது எளிதான செயலாகும். உங்களுடைய உடலின் சர்க்கரையின் அளவை கட்டுப்படுத்த முடியாத அளவிற்கு நீங்கள் ஒரு சர்க்கரை நோயாளியாக இருந்தால் கவனத்துடன் இருக்க வேண்டும். ஏனெனில், அது தொடர்பான வேறு சில பிரச்சனைகளுக்கும் ஆளாகிட நேரிடும். சாப்பிடும் உணவு மற்றும் தொடர்ந்த உடற்பயிற்சி ஆகியவை இரண்டும் நீரிழிவு நோயாளிகள் தங்களை பாதுகாத்துக் கொள்ள நம்ப வேண்டிய இரண்டு வழிமுறைகளாகும். பதப்படுத்தப்பட்ட உணவுகளை முழுமையாகத் தவிர்த்து விட்டு, இயற்கையான உணவுகளை மட்டுமே உண்ண வேண்டியதும் அவசியமாகும். இயற்கையான உணவுகளைக் கொண்டு நீரிழிவு நோயை கட்டுப்படுத்த முடியும் என்று பேசும் போது, சீத்தாப்பழம் அந்த உணவுப்பட்டியலில் முதலிடம் பிடிக்கும். உண்மையில், சீத்தாப்பழத்திற்கு பல்வேறு ஆரோக்கிய பலன்கள் உள்ளன. எண்ணற்ற விதைகளை கொண்டுள்ள இந்த ஆப்பிளுக்கு இணையான பலன்கள் வேறெங்கும் இல்லையென்றும் சொல்ல முடியும். புற்றுநோயை எதிர்க்கும் அக்சிடோஜெனின்களை பெருமளவு கொண்டிருக்கும் உணவாக உள்ளது சீத்தாப்பழம். சர்க்கரை நோய்க்கு எதிரான குணங்கள் சீத்தாப்பழத்தில் சர்க்கரை நோய்க்கு எதிரான குணங்கள் உள்ளன. இந்த குறிப்பிட்ட குணம் குளுக்கோஸின் அளவை கட்டுப்படுத்தி, தசைகளுக்கு குளுக்கோஸ் சென்றடையும் வழிகளை மேம்படுத்துகிறது. உடலில் குளுக்கோஸ் பயன்படும் செயல்பாட்டை இந்த குணம் தான் கட்டுப்படுத்த உதவுகிறது. எனவே, சீத்தாப்பழத்தை தினமும் சிறிய அளவுகளில் சாப்பிடும் போது, அது சர்க்கரை நோயை கட்டுப்படுத்த உதவுகிறது. அதிக அளவு வைட்டமின் சி உடலில் உள்ள சர்க்கரையின் அளவை கட்டுப்படுத்த விரும்பினால், உடலிலுள்ள வைட்டமின் சி சத்தைக் கட்டுப்படுத்த வேண்டும். இதன் மூலம் இன்சுலின் தேவையை கட்டுப்படுத்த முடியும். சீத்தாப்பழத்தில் வைட்டமின் சி நிறைய உள்ளதால், இதை சாப்பிடுவதால், மருந்துகளை சாப்பிடுவதை விட அதிகமான பலன் கிடைக்கும். இதன் மூலம் மிகவும் எளிதாக, இயற்கையான வழிமுறையில் நீரிழிவு நோயை கட்டுப்படுத்தவும், விரட்டிடவும் முடியும். மக்னீசியம் உடலுக்குத் தேவையான மிக முக்கியமான தாதுக்களில் மூன்றாவது இடத்தை மக்னீசியம் பிடிக்கிறது. குறைவான அளவு மக்னீயம் உடலில் இருந்தால், நீரிழிவு நோய் வருவதற்கான வாய்ப்புகள் அதிகம் என ஆய்வுகள் தெரிவிக்கின்றன. இது உடலில் இன்சுலின் உற்பத்தியை அதிகமாக வைத்திருக்கவும், குளுக்கோஸை கட்டுப்படுத்தவும் உதவுகிறது. எனவே, மக்னீசியம் நிறைந்திருக்கும் சீத்தாப்பழத்தை சர்க்கரை நோயாளிகளுக்கான மருந்து என்றால் அது தவறில்லை. பொட்டாசியம் குறைவான அளவு பொட்டாசியம் இருந்தால், சர்க்கரை நோய்க்கான கதவு வேகமாக திறக்கப்படும். முறையான வழிமுறையில் பொட்டாசியத்தை சாப்பிட்டு வந்தால் சர்க்கரை நோயை கட்டுப்படுத்த முடியும். அதிகளவு மக்னீசியமும், பொட்டாசியமும் நிறைந்திருப்பது தான் சீத்தாப்பழத்தின் ஆரோக்கிய பலன்களில் குறிப்பிடத் தக்கவையாக உள்ளன. பொதுவாகவே பொட்டாசியமானது செல்லுலர் செயல்பாடுகளை கவனிக்க உதவும், ஆனால் சீத்தாப்பழத்தில் உள்ள பொட்டாசியம் உடலில் உள்ள இன்சுலின் அளவை கட்டுப்படுத்தும். இரும்பு மிகவும் அதிகமான இரும்புச்சத்தை கொண்டிருப்பதும் சீத்தாப்பழத்தின் ஆரோக்கிய பலன்களில் ஒன்றாகும். இரத்த சோகைக்கு எதிராகப் போராடவும், சர்க்கரை நோயை கட்டுப்படுத்தவும் இந்த சத்து உதவுகிறது. எனினும், சர்க்கரை நோயாளியின் உடலில் அளவுக்கு அதிகமாக இரும்புச்சத்து இருந்தால், அது வேறு சில பிரச்சனைகளை வரவழைக்கும் என்பதையும் கவனத்தில் கொள்ள வேண்டும்.

This posting includes an audio/video/photo media file: Download Now

Gionee நிறுவனம் ஜிபேட் ஜி4 பேப்லட்டின் வெற்றியை தொடர்ந்து ஜிபேட் ஜி5 பேப்லட்டை ரூ.14,999 விலையில் அறிமுகப்படுத்தியுள்ளது.

சீன ஸ்மார்ட்போன் உற்பத்தியாளர், இந்த ஸ்மார்ட்போன் ஆன்லைன் மற்றும் ஆஃப்லைன் சில்லறை விற்பனையாளர் வழியாக அடுத்த வாரம் கிடைக்கும் என்று அறிவித்துள்ளது.

Gionee ஜிபேட் ஜி5 பேப்லட், இரட்டை சிம் செயல்பாடு ஆதரிக்கிறது மற்றும் ஆண்ட்ராய்டு 4.4 கிட்கேட் இயங்குகிறது.

இது 720x1280 பிக்சல்கள் தீர்மானம் உடன் AGC டிராகன்டிரெயில் கிளாஸ் பாதுகாப்பைக் கொண்ட 5.5 இன்ச் HD ஐபிஎஸ் டிஸ்ப்ளே கொண்டுள்ளது.

பேப்லட்டில் ஒரு கார்டெக்ஸ் A7 1.5GHz ஹெக்சா கோர் ப்ராசசர் மற்றும் ரேம் 1GB உடன் இணைந்து ARM மாலி-450 எம்பி ஜிபீயூ மூலம் இயக்கப்படுகிறது.

Gionee ஜிபேட் ஜி5, LED ஃபிளாஷ் கொண்ட 8 மெகாபிக்சல் பின்புற கேமரா மற்றும் 2 மெகாபிக்சல் முன் எதிர்கொள்ளும் கேமரா வருகிறது. 32 ஜிபி வரை விரிவாக்கக்கூடிய 8GB உள்ளடங்கிய சேமிப்பு உள்ளது.

ஜிபேட் G5 பேப்லட்டில், 3ஜி, ஜிபிஆர்எஸ்/எட்ஜ், Wi-Fi, ப்ளூடூத் 4.0, ஜிபிஎஸ்/எ-ஜிபிஎஸ், மற்றும் FM ரேடியோ ஆகிய இணைப்பு விருப்பங்களை வழங்குகிறது.

இது டிடிஎஸ் உடன் டூயல் கிரிஸ்டல் லவுட்ஸ்பீக்கர் கொண்டுள்ளது. இந்த பேப்லட்டில், கருப்பு மற்றும் வெள்ளை ஆகிய வண்ணங்களில் கிடைக்கும்.

Gionee ஜிபேட் ஜி5 பேப்லட்டில், 157.3x77.6x7.9mm மெஷர்ஸ் மற்றும் 104.6 கிராம் எடையுடையது. இது ஒரு 2400mAh பேட்டரி மூலம் இயக்கப்படுகிறது.

Gionee ஜிபேட் ஜி5 பேப்லட் அம்சங்கள்:

இரட்டை சிம்,

720x1280 பிக்சல்கள் தீர்மானம் கொண்ட 5.5 இன்ச் HD ஐபிஎஸ் டிஸ்ப்ளே,

கார்டெக்ஸ் A7 1.5GHz ஹெக்சா கோர் ப்ராசசர்,

ரேம் 1GB,

ARM மாலி-450 எம்பி ஜிபீயூ,

LED ஃபிளாஷ் கொண்ட 8 மெகாபிக்சல் பின்புற கேமரா,

2 மெகாபிக்சல் முன் எதிர்கொள்ளும் கேமரா,

32 ஜிபி வரை விரிவாக்கக்கூடிய 8GB உள்ளடங்கிய சேமிப்பு

3ஜி,

ஜிபிஆர்எஸ்/எட்ஜ்,

Wi-Fi,

ப்ளூடூத் 4.0,

ஜிபிஎஸ்/எ-ஜிபிஎஸ்,

FM ரேடியோ,
ஆண்ட்ராய்டு 4.4 கிட்கேட்,
2400mAh பேட்டரி,

104.6 கிராம் எடை.

This posting includes an audio/video/photo media file: Download Now

இங்கிலாந்து அணியுடனான 2வது ஒருநாள் போட்டியில், சிறப்பாக விளையாடி சதம் அடித்து அணியின் வெற்றிக்கு உதவியது திருப்தி அளிக்கிறது என்று இந்திய வீரர் சுரேஷ் ரெய்னா கூறியுள்ளார். இந்தியா இங்கிலாந்து அணிகளிடையே மொத்தம் 5 போட்டிகள் கொண்ட ஒருநாள் தொடர் நடந்து வருகிறது. முதல் போட்டி கனமழை காரணமாக ரத்தான நிலையில், 2வது போட்டி கார்டிப், சோபியா கார்டன் மைதானத்தில் நேற்று முன்தினம் நடந்தது. இப்போட்டியில், முதலில் பேட் செய்த இந்தியா 50 ஓவரில் 6 விக்கெட் இழப்புக்கு 304 ரன் குவித்தது.அபாரமாக விளையாடிய ரெய்னா சதம் விளாசி (75 பந்து, 12 பவுண்டரி, 3 சிக்சர்) அசத்தினார். ரோகித் 52, ரகானே 41, கேப்டன் டோனி 52 ரன் எடுத்தனர். மழை காரணமாக சற்று தாமதமானதால், அடுத்து களமிறங்கிய இங்கிலாந்து அணிக்கு 47 ஓவரில் 295 ரன் எடுத்தால் வெற்றி என இலக்கு நிர்ணயிக்கப்பட்டது. அந்த அணி 38.1 ஓவரில் 161 ரன் மட்டுமே எடுத்து ஆல் அவுட் ஆனது. இந்திய பந்துவீச்சில் ஜடேஜா 4, ஷமி, அஷ்வின் தலா 2, புவனேஷ்வர், ரெய்னா தலா ஒரு விக்கெட் வீழ்த்தினர். ரெய்னா ஆட்ட நாயகன் விருது பெற்றார். இந்தியா 10 என முன்னிலை வகிக்க, 3வது ஒருநாள் போட்டி நாட்டிங்காம், டிரென்ட் பிரிட்ஜ் மைதானத்தில் நாளை நடக்கிறது. இந்த நிலையில், 2வது போட்டியில் சதம் விளாசியது குறித்து ரெய்னா கூறியதாவது: மூன்று ஆண்டு இடைவெளிக்குப் பிறகு ஒருநாள் போட்டியில் சதம் அடித்தது திருப்தியாக உள்ளது. டெஸ்ட் தொடரில் அடைந்த தோல்வியால் சோர்ந்து போயிருந்த அணிக்கு உற்சாகம் அளிக்க வேண்டும் என விரும்பினேன். எனது சிறப்பான ஆட்டத்தால் அந்த விருப்பம் நிறைவேறியது மகிழ்ச்சி அளிக்கிறது. மிகவும் நெருக்கடியான கட்டத்தில் கிடைத்த இந்த சதம் மிக மிக சிறப்பானது. மும்பையில் தங்கியிருந்து சச்சின் மற்றும் ஆம்ரே மேற்பார்வையில் தீவிரமாகப் பயிற்சி செய்தததற்கு நல்ல பலன் கிடைத்துள்ளது. அவர்கள் இருவரும் வழங்கிய ஆலோசனைகள் வெகுவாக உதவின. இந்த வெற்றியால் இந்திய வீரர்களின் முகம் மலர்ந்துள்ளது. அடுத்து வரும் ஆட்டங்களிலும் இந்த சிறப்பான ஆட்டம் தொடரும் என நம்புகிறேன். டெஸ்ட் போட்டிகளில் தோற்றதால் இந்தியா மோசமான அணி என்று அர்த்தமில்லை. ஒருநாள் போட்டியில் 2வது ரேங்கில் உள்ளதுடன் நடப்பு உலக சாம்பியனும் நாங்கள் தான் என்பதை மறந்துவிடக் கூடாது. பீல்டிங்கிலும் நல்ல முன்னேற்றம் ஏற்பட்டுள்ளது. இவ்வாறு ரெய்னா கூறியுள்ளார்.

This posting includes an audio/video/photo media file: Download Now

சிரியாவின் அதிபர் பஷார் அல் ஆசாத்தை எதிர்த்து கடந்த மூன்று வருடங்களுக்கும் மேலாக அங்கு புரட்சியாளர்கள் போராட்டத்தில் ஈடுபட்டுள்ளனர். அல்கொய்தா தொடர்புடைய நுஸ்ரா முன்னணி உட்பட பல்வேறு சிரிய கிளர்ச்சிக்குழுக்கள் கோலன் ஹைட்ஸ் பகுதியில் அந்நாட்டு ராணுவத்தை எதிர்த்துப் போரிட்டு வருகின்றன. இவர்களில் ஒரு குழுவினர் கடந்த புதன்கிழமை அன்று சிரியாவுக்கும், இஸ்ரேலுக்கும் இடையில் உள்ள பிரச்சினைக்குரிய எல்லைப்பகுதியின் ஒரு இடத்தைக் கைப்பற்றியுள்ளதாகவும் தெரிவிக்கப்பட்டுள்ளது. இவ்வாறான ஒரு உச்சகட்ட சண்டையின்போது இந்த வீரர்கள் கைது செய்யப்பட்டுள்ளதாக ஐ.நா பொதுச் செயலர் பான்-கி-மூனின் அலுவலகத் தகவல் அறிக்கை தெரிவிக்கின்றது. இவர்கள் அனைவரும் தெற்குப் பகுதியில் இருப்பதாகவும், பிஜித் தீவின் வீரர்கள் என்றும் இந்த அறிக்கை குறிப்பிட்டுள்ளது. அதுமட்டுமின்றி, பிலிப்பைன்ஸைச் சேர்ந்த 81 வீரர்கள் அர் ருவைஹினா மற்றும் புரைகா பகுதிகளுக்கு இடையிலிருந்து வெளியேறமுடியாமல் தடுக்கப்பட்டுள்ளார்கள் என்றும் ஐ.நா அறிக்கை தெரிவித்துள்ளது. வீரர்களின் இந்த நிலைமை குறித்து தாங்கள் மிகவும் கவலைப்படுவதாக ஐ.நா தகவல் தொடர்பாளரான ஸ்டீபன் டுஜாரிக் கூறினார். போராளிக் குழுக்களைக் கட்டுப்படுத்துவது யாரென்பது புரியவில்லை. சில குழுக்கள் தங்களை அல்-நுஸ்ரா அணியுடன் இணைந்திருப்பதாக சுய அடையாளத்தை வெளிப்படுத்தியுள்ளன. எனவே மாநிலம் சாராத அணிகளுடன் தொடர்புகொண்டு அமைதிப்படை வீரர்களின் விடுதலைக்குத் தாங்கள் மிகவும் முயற்சி செய்துவருவதாக டுஜாரிக் தெரிவித்துள்ளார். சிரியா மற்றும் இஸ்ரேல் இடையில் கடந்த 1973ஆம் ஆண்டு நடைபெற்ற போரினைத் தொடர்ந்து அடுத்த ஆண்டு அங்கு ஏற்பட்ட குடியேற்ற ஒப்பந்தத்தைக் கண்காணிக்கும் பணியில் ஈடுபட்டுவரும் வீரர்கள் இவர்கள் என்பதனை ஐ.நா குறிப்பிட்டுள்ளது.

This posting includes an audio/video/photo media file: Download Now

235இந்திய ஹஜ் பயணிகளுடன் கொல்கத்தாவிலிருந்து புறப்பட்ட ஏர் இந்தியா விமானம் AIhaj-omar5001 புதன்கிழமை புனித மதீனா நகரின் பிரின்ஸ் முஹம்மது ஏர்போர்ட்டை சென்றடைந்தது. அதே தினம் 275 ஹஜ் பயணிகளுடன் ஹஜ் விமானம் ஸ்ரீநகர் ஏர்போர்டிலிருந்து மதீனா சென்றடைந்தது, பயணிகளை ஜம்மு காஷ்மீரின் முதல்வர் உமர் அப்துல்லா வழி அனுப்பி வைத்தார். இந்திய ஹஜ் பயணிகளை சவுதி அரேபியாவின் இந்திய தூதர் ஹமீது அலி ராவும், ஜெத்தாவில் உள்ள கவுன்சிலர் ஜெனரல் ஆப் இந்தியா பி.எஸ்.முபாரக்கும் மதீனா ஏர்போர்ட் சென்று வரவேற்றனர். சவுதி அரசாங்கத்தின் சார்பில் ஹஜ் மினிஸ்டரி அதிகாரிகளும், விமானத்துறை அதிகாரிகளும், மதீனா ஏர்போர்ட் அதிகாரிகளும் வரவேற்றனர். யாத்திரிகர்கள் அனைவருக்கும் சிம் கார்டு வழங்கப்பட்டது. இந்த வருடம் இந்தியாவிலிருந்து 136,020 யாத்திரிகர்களுக்கு சவுதி அரசாங்கம் அனுமதி வழங்கி உள்ளது. இதில் 100,020 யாத்திரிகர்கள் ஹஜ் கமிட்டி மூலம் செல்கிறார்கள். இதில் 49,230 பயணிகள் சவுதி அரேபியன் விமானம் மூலமும், 50,790 பயணிகள் ஏர் இந்தியா விமானம் மூலமும் , நாட்டிலுள்ள 21விமான நிலையங்கள் மூலம் செல்கிறார்கள். மீதமுள்ள 36,000 யாத்திரிகர்கள் தனியார் ஹஜ் சேவை நிறுவனங்கள் மூலம் செல்கிறார்கள்.

This posting includes an audio/video/photo media file: Download Now

இலங்கை கடல் பகுதியில் தமிழக மீனவர்களை மீன் பிடிக்க அனுமதிக்க முடியாது என்று அந்நாட்டு மீன் வளத்துறை அமைச்சர் ராஜச சேன ரத்ன தெரிவித்துள்ளார்.

இந்திய மீனவர்களை மீன் பிடிக்க 3 ஆண்டுகள் காலத்துக்கு அனுமதிக்க வேண்டும் என்ற யோசனைக்கு மன்னார் மீனவர்கள் பேரவை எதிர்ப்பு தெரிவித்துள்ளது.

இந்திய மீனவர்கள் சட்ட விரோதமாக மீன் பிடிப்பதால் தங்களது வாழ்வாதாரம் பாதிக்கப்பட்டுள்ளதாக குற்றம் சாட்டியுள்ளனர்.

மீன்பிடி அனுமதி தொடர்பான யோசனையை இலங்கை மீன் வளத்துறை அமைச்சர் ராஜச சேன ரத்ன நிராகரித்துள்ளார். இந்த பிரச்சனையில் யாரும் தன்னிச்சையாக முடியாது என்றும் அவர் கூறியுள்ளார்.

This posting includes an audio/video/photo media file: Download Now

ஐ.நா.வில் பேசுவதற்கு இலங்கை அதிபர் ராஜபக்சவை அனுமதிக்கக் கூடாது என்று தமிழக வாழ்வுரிமைக் கட்சித் தலைவர் தி.வேல்முருகன் வலியுறுத்தினார்.

இது தொடர்பாக நேற்று வியாழக்கிழமை அவர் வெளியிட்ட அறிக்கை:

இலங்கை மீதான போர்க்குற்றங்கள் தொடர்பாக விசாரணை நடத்துவதற்காக ஐ.நா. மனித உரிமை ஆணையம் விசாரணைக் கமிஷன் அமைத்தது.

ஆனால், ஐ.நா.வின் விசாரணைக் கமிஷனையே இலங்கைக்குள் நுழைவதற்கு அனுமதி தர ராஜபக்ச மறுத்துவிட்டார்.

இந்நிலையில், ஐ.நா. பொது அவையில் பேசுவதற்கு ராஜபக்சவுக்கு அழைப்பு விடுக்கப்பட்டுள்ளது.

இப்படி ராஜபக்சவுக்கு முன்னுரிமை கொடுத்து உரையாற்ற அனுமதித்திருப்பதன் மூலம் உலகெங்கும் வாழும் தமிழர்களை ஐ.நா.சபை அவமதித்துள்ளது.

எனவே, ஐ.நா.வில் உரையாற்றுவதற்கு ராஜபக்சவை அனுமதிக்கக் கூடாது என்று அவர் வலியுறுத்தியுள்ளார்.

This posting includes an audio/video/photo media file: Download Now

தமிழ்த் தேசியக் கூட்டமைப்பை திருப்திப்படுத்துவதனை இந்தியா நிறுத்திக்கொள்ள வேண்டுமென ஜாதிக ஹெல உறுமய கட்சியின் அமைச்சரான உதய கம்மன்பில தெரிவித்துள்ளார். சிங்கள பத்திரிகையொன்றுக்கு அளித்த நேர் காணலில் அவர் இதனைத் தெரிவித்துள்ளார். இன அடிப்படையில் உருவாக்கப்பட்ட தமிழ்த் தேசியக் கூட்டமைப்பை இந்தியா திருப்திப்படுத்த வேண்டியதில்லை. 1987ம் ஆண்டு இலங்கையுடன் செய்து கொண்ட ஒப்பந்தத்தை இந்தியா பின்பற்றுகின்றதா? ஒப்பந்தம் தொடர்பிலான இந்தியாவின் பொறுப்புக்கள் நிறைவேற்றப்பட்டுள்ளனவா? ஒப்பந்தத்தின் 2.16 என்ற சரத்து முழுமையாக மீறப்பட்டுள்ளது. இந்திய அமைதி காக்கும் படையினர் வடக்கு கிழக்கு மக்களின் பாதுகாப்பை உறுதிசெய்யத் தவறியுள்ளனர். 13ம் திருத்தச் சட்டத்தை முழுமையாக அமுல்படுத்துமாறு இந்தியா கோரிக்கை விடுப்பதற்கு முன்னதாக, இலங்கையுடனான ஒப்பந்தத்தின் தமது பக்க கடப்பாடுகள் பூர்த்தி செய்யப்பட்டுள்ளனவா என்பதனை இந்தியா ஆராய வேண்டும். 13ம் திருத்தச் சட்டத்தை ஏதேனும் ஆயுத குழுவொன்று ஏற்றுக் கொள்ளாவிட்டால் நாட்டின் ஐக்கியத்தை பாதுகாக்க நடவடிக்கை எடுக்கப்படும் என இந்தியா உறுதியளித்திருந்தது. எனினும் இந்த உறுதிமொழிக்கு அமைய இந்தியா செயற்படவில்லை. இலங்கையின் பாதுகாப்பிற்கு அச்சுறுத்தல் ஏற்படக் கூடிய எந்தவொரு செயற்பாட்டுக்கும் இந்தியாவை பயன்படுத்திக்கொள்ள இடமளிக்கப்பட மாட்டாது என இந்தியா அறிவித்திருந்தது. இலங்கையில் பல்லின மக்கள் வாழ்ந்து வருகின்றனர், இதன் அடிப்படையிலான ஓர் தீர்வுத் திட்டம் முன்வைக்கப்பட வேண்டும். இனப்பிரச்சினைக்கு தீர்வு காணும் நோக்கில் நாடாளுமன்றத் தெரிவுக்குழு உருவாக்கப்பட்டுள்ளது. இந்த நிலையில் தனியொரு இன சமூகத்தை பிரதிநிதித்துவம் செய்யும் தமிழ்த் தேசியக் கூட்டமைப்புடன் மட்டும் தொடர்பு பேணுவதில் பயனில்லை. நாடாளுமன்றத் தெரிவுக்குழுவில் இணைந்து கொள்ளாது, தமிழ்த் தேசியக் கூட்டமைப்பு தனியான ஓர் நிகழ்ச்சி நிரலை கொண்டு இயங்கி வருகின்றது. தமிழ்த் தேசியக் கூட்டமைப்பு புலிகளின் குரல் என்பது இரகசியமானதல்ல. இவ்வாறான ஓர் நிலையில் 13ம் திருத்தச் சட்டம் தொடர்பில் ஏதேனும் பிரச்சினை இருந்தால் அது தொடர்பில் இனவாத பிரதேச அரசியல் கட்சியான தமிழ்த் தேசியக் கூட்டமைப்புடன் பேச்சுவார்த்தை நடத்தக் கூடாது. மாறாக இலங்கை அரசாங்கத்துடன் இந்தியா நேரடிப் பேச்சுவார்த்தை நடத்தியிருக்க வேண்டுமென உதய கம்மன்பில தெரிவித்துள்ளார்.

This posting includes an audio/video/photo media file: Download Now

செவ்வாய் கிரகத்தில் தண்ணீர் உள்ளதா? அங்கு உயிரினங்கள் வாழ முடியுமா? என்ற ஆய்விற்காக நாசா, செவ்வாய் கிரகத்துக்கு கியூரியாசிட்டி ரோவர் என்ற விண்கலத்தை அனுப்பி வைத்தது. அந்த விண்கலம், செவ்வாய் கிரகத்தில் எடுத்த புகைப்படங்களில் ஒன்றில், அங்கு விலங்குகளின் தொடை எலும்புகள் கிடப்பது போன்ற தோற்றம் காணப்பட்டது. அதன்மூலம், டைனோசர்கள் தோன்றி மறைவதற்கு முன்பே, செவ்வாய் கிரகத்தில் பெரியவகை விலங்குகள் உயிர் வாழ்ந்ததாக யூகங்கள் எழுந்தன. இதுபற்றி இணையதளங்களில் பரபரப்பாக கருத்து பரிமாற்றங்கள் நடந்தன. இந்நிலையில், திடீர் திருப்பமாக, அந்த தோற்றம், எலும்பு அல்ல, வெறும் பாறைதான் என்று நாசா விளக்கமளித்துள்ளது. காலமாற்றத்தால், பாறைகள் அரிக்கப்பட்டு, அவை புதைபடிவங்களாக கிடப்பதே, எலும்பு போன்று தோன்றுவதாக நாசா கூறியுள்ளது. ஒருவேளை அங்கு உயிரினங்கள் வாழ்ந்திருந்தால் கூட, அவை நுண்ணுயிர் போன்ற சிறிய உயிர்களாகத்தான் இருந்திருக்கும் என்றும் நாசா விஞ்ஞானிகள் தெரிவித்துள்ளனர்.

This posting includes an audio/video/photo media file: Download Now

This posting includes an audio/video/photo media file: Download Now

This posting includes an audio/video/photo media file: Download Now

This posting includes an audio/video/photo media file: Download Now

நம் ஊரில் ரோட்டுக் கடை முதல் பெரிய ஹோட்டல்கள் வரை நாம் சாதாரண டீயைக் குடித்திருக்கிறோம். ஆனால், இதைத் தவிர, நாம் குடிக்கும் டீ பல வகைகளில் கிடைக்கிறது. க்ரீன் டீ, பிளாக் டீ, லெமன் டீ, ஊலாங் டீ, டெலிகேட் டீ என்று இந்தப் பட்டியல் நீண்டு கொண்டே செல்கிறது. சூடான பானங்களில் டீ மட்டுமே உலகின் பெரும்பாலான பகுதிகளில் பெரிதும் விரும்பி அருந்தப்படுகிறது. சமீப காலங்களில், க்ரீன் டீ, பிளாக் டீ, லெமன் டீ ஆகியவையும் மக்கள் மத்தியில் மிகவும் பிரபலமாகி வருகிறது. இவற்றில், லெமன் டீ மிகவும் அதிகமான வரவேற்பைப் பெற்றுள்ளது என்றே சொல்லலாம். இப்போதெல்லாம் அது ரெடிமேடாகவே கிடைக்கிறது. பிளாக் டீயில் சில லெமன் துளிகளை விட்டால் அதன் சுவையே அருமையாக மாறி விடும். அதன் சுவைக்குப் பலர் அடிமையாகி உள்ளனர் என்பதும் உண்மை. தண்ணீரைக் கொதிக்க வைத்து, அதில் டீயைக் கலந்து, சிறிது நேரம் கழித்து அதில் லெமன் துளிகளையும் கலந்து, பின் சர்க்கரை அல்லது தேனைச் சேர்த்துக் கொண்டால் சுவையான லெமன் டீ தயார்! தினமும் லெமன் டீயைக் குடிப்பதால் நம் உடலுக்கு மிகவும் நல்லது என்று கண்டறியப்பட்டுள்ளது. நாம் சாப்பிட்ட சாப்பாடு நன்றாகச் செரிமானமாவதற்கு லெமன் டீ பெரிதும் உதவுகிறது. நம் உடலுக்கு ஒவ்வாத கண்டகண்ட உணவுகளை நாம் சாப்பிட்டிருந்தாலும், லெமன் டீ அவற்றைக் கரைத்து, உடல் செரிமானத்தை வலுவாக்குகிறது. லெமன் டீயைக் குடிப்பதால் நம் உடலில் உள்ள நரம்பு மண்டலங்களும் பலனடைகின்றன. நரம்புகளை சாந்தப்படுத்தும் லெமன் டீ, மூளை நரம்புகளையும் வலுவாக்குகிறது. இதனால் தலைவலி மற்றும் மன அழுத்தம் ஆகியவை நம்மை எளிதில் அண்டுவதில்லை. சாதாரண டீ குடிப்பது பொதுவாகவே இதயத்திற்கு மிகவும் நல்லது. நெஞ்சு வலி, நெஞ்சு எரிச்சல் உள்ளிட்டவற்றை குணப்படுத்துவதில் லெமன் டீ ஒரு முக்கியப் பங்கை வகிக்கிறது. நம் உடல் ஆரோக்கியத்திற்கு இன்சுலின் மிகமிக முக்கியமாகும். இன்சுலின் குறைவதால் நீரிழிவு ஏற்படும் என்று நம் அனைவருக்கும் தெரிந்ததே! இந்த இன்சுலின் குறைவை நிவர்த்தி செய்வதில் லெமன் டீ உதவுகிறது. ஆனால், நீரிழிவு உடையவர்களுக்கு இதுவே மருந்து என்று சொல்ல முடியாது. இருந்தாலும் அவர்களுக்கு லெமன் டீ உதவும் என்பதே உண்மை. தினமும் காலை எழுந்தவுடன் ஒரு கப் லெமன் டீயைக் குடித்து வந்தால், அது நாள் முழுவதும் நம்மை சுறுசுறுப்பாக வைத்திருக்கும். குறிப்பாக, குளிர் காலத்தில் லெமன் டீ குடிப்பது சுறுசுறுப்பிற்கும் ஆரோக்கியத்திற்கும் மிகமிக நல்லது.

This posting includes an audio/video/photo media file: Download Now

இன்டெக்ஸ் நிறுவனம் திங்களன்று தனது முதல் ஃபயர்பாக்ஸ் ஓஎஸ் ஸ்மார்ட்போனான கிளவுட் எஃப்எக்ஸ் ஸ்மார்ட்போனை ரூ.1,999 விலையில் இந்தியாவில் அறிமுகப்படுத்தியுள்ளது. ஜூன் மாதத்தில் நிறுவனம் ஸ்மார்ட்போனை ரூ. 2,000 விலையின் கீழ் ஆகஸ்ட் மாதம் அறிமுகப்படுத்தப்போவதாக அறிவித்திருந்தது. இந்த ஸ்மார்ட்போன் பிரத்தியேகமாக சில்லறை விற்பனை கூட்டாளரான Snapdeal வழியாக இப்போது கிடைக்கிறது. இந்தியாவின் மலிவான ஆண்ட்ராய்டு ஸ்மார்ட்போன்கள் Flipkart, Snapdeal மற்றும் அமேசான் வழியாக ரூ. 2,000 ரூபாய்களுக்கும் மேல் கிடைக்கும். ஆனால் இன்டெக்ஸ் கிளவுட் எஃப்எக்ஸ் ஸ்மார்ட்போன், இந்தியாவின் மலிவான ஸ்மார்ட்போனாகும் என்று நிறுவனங்கள் கூறுவது சிறப்பம்சமாகும். குறிப்பாக, ஸ்பைஸ் நிறுவனம் ஜூன் மாதத்தில் ஃபயர்பாக்ஸ் ஓஎஸ் ஸ்மார்ட்போனை அறிமுகப்படுத்தப்போவதாக அறிவித்திருந்தது. மற்றும் இந்த வார தொடக்கத்தில் ஸ்பைஸ் ஃபயர் ஒன் Mi-FX 1 ஸ்மார்ட்போனை ஆகஸ்ட் 29 ம் தேதி ரூ. 2,299 விலையில் தொடங்கப்படும் என்று அறிவித்திருந்தது. இன்டெக்ஸ் கிளவுட் எக்ஸ் ஸ்மார்ட்போனில் டூயல் சிம் (ஜிஎஸ்எம் + ஜிஎஸ்எம்) கொண்டுள்ளது. ஸ்மார்ட்போனில் 320x480 பிக்சல்கள் தீர்மானம் கொண்ட 3.5 இன்ச் HVGA டிஸ்ப்ளே கொண்டுள்ளது. ரேம் 128MB உடன் இணைந்து 1GHz ப்ராசசர் (குறிப்பிடப்படாத சிப்செட்) மூலம் இயக்கப்படுகிறது. Snapdeal பட்டியல் படி இதில் 2 மெகாபிக்சல் பின்புற கேமரா கொண்டுள்ளது, மற்றும் முன் எதிர்கொள்ளும் கேமரா பற்றி எந்த வார்த்தையும் குறிப்பிடப்படவில்லை. மைக்ரோSD அட்டை வழியாக 4GB வரை விரிவாக்கக்கூடிய 46MB உள்ளடங்கிய சேமிப்பு வருகிறது. இணைப்பு விருப்பங்கள் ஜிபிஆர்எஸ் / எட்ஜ், Wi-Fi, மைக்ரோ-USB, ப்ளூடூத், எஃப்எம் ரேடியோ, மற்றும் ஒரு 3.5 மிமீ ஆடியோ ஜாக் ஆகியவை அடங்கும். இன்டெக்ஸ் கிளவுட் எக்ஸ் ஸ்மார்ட்போனில் 104 கிராம் எடையுடையது மற்றும் 115.9x62.11.8mm பரிமாணங்கள் கொண்டுள்ளது. இதில் 1250mAh பேட்டரி மூலம் இயக்கப்படுகிறது. இன்டெக்ஸ் கிளவுட் எக்ஸ் ஸ்மார்ட்போன் குறிப்புகள்: டூயல் சிம் (ஜிஎஸ்எம் + ஜிஎஸ்எம்), 320x480 பிக்சல்கள் தீர்மானம் கொண்ட 3.5 இன்ச் HVGA டிஸ்ப்ளே, ரேம் 128MB, 1GHz ப்ராசசர் (குறிப்பிடப்படாத சிப்செட்), 2 மெகாபிக்சல் பின்புற கேமரா, மைக்ரோSD அட்டை வழியாக 4GB வரை விரிவாக்கக்கூடிய 46MB உள்ளடங்கிய சேமிப்பு, ஜிபிஆர்எஸ் / எட்ஜ், Wi-Fi, மைக்ரோ-USB, ப்ளூடூத், எஃப்எம் ரேடியோ, 3.5 மிமீ ஆடியோ ஜாக், 1250mAh பேட்டரி, ஃபயர்பாக்ஸ் ஓஎஸ், 104 கிராம் எடை..

This posting includes an audio/video/photo media file: Download Now

ஆஸ்திரேலியா, தென் ஆப்ரிக்கா, ஜிம்பாப்வே அணிகள் மோதும் முத்தரப்பு ஒருநாள் தொடர் ஜிம்பாப்வேயில் நடக்கிறது. நேற்று நடந்த போட்டியில் ஆஸ்திரேலியா, தென் ஆப்ரிக்கா அணிகள் மோதின. முதலில் பேட் செய்த ஆஸ்திரேலியா 50 ஓவரில் 7 விக்கெட் இழப்புக்கு 327 ரன்களை குவித்தது. பிஞ்ச் 102 ரன் (116 பந்து), பெய்லி 66 ரன் (54 பந்து), ஹக்கஸ் 51 ரன் (63 பந்து) எடுத்து அசத்தினர். கடின இலக்கே சேஸ் செய்த தென் ஆப்ரிக்கா அணியும் அசராமல் விளாசியது. 3வது விக்கெட்டுக்கு ஜோடி சேர்ந்த டு பிளஸ்சிஸ், டி வில்லியர்ஸ் இருவருமே சதம் அடித்து அமர்க்களப்படுத்தினர். இந்த ஜோடி 256 ரன்களை சேர்த்த நிலையில் டுபிளஸ்சிஸ் 106 ரன் (98 பந்து) எடுத்து ஆட்டமிழந்தார். டிவில்லியர்ஸ் கடைசி வரை ஆட்டமிழக்காமல் அணிக்கு வெற்றி தேடித்தந்தார். தென் ஆப்ரிக்கா 46.4 ஓவரில் 3 விக்கெட் இழப்புக்கு 328 ரன் எடுத்து வென்றது. டிவில்லியர்ஸ் 136, டுமினி 33 ரன்களுடன் ஆட்டமிழக்காமல் இருந்தனர்.

This posting includes an audio/video/photo media file: Download Now

யுஎஸ் ஓபன் டென்னிஸ் தொடரில் மகளிர் ஒற்றையர் பிரிவு 2ம் சுற்றுக்கு இவானோவிக், செரினா வில்லியம்ஸ் ஆகியோர் முன்னேறினர். ஆடவர் ஒற்றையர் பிரிவில் முதல் சுற்றில் ரோஜர் பெடரர் எளிதாக வெற்றி பெற்றார்.கிராண்ட் ஸ்லாம் போட்டிகளில் ஒன்றான யுஎஸ் ஓபன் டென்னிஸ் தொடர் அமெரிக்காவின் நியூயார்க்கில் நடக்கிறது. முதல் சுற்று போட்டிகள் நேற்று முன்தினம் நடந்தன. மகளிர் ஒற்றையர் பிரிவில் 'நம்பர்-1' வீராங்கனையான அமெரிக்காவின் செரினா வில்லியம்ஸ் 6-3, 6-1 என்ற நேர் செட்களில் சக நாட்டவரான டவுன்சென்டை வீழ்த்தினார். 8ம் நிலை வீராங்கனையான இவானோவிக் 6-3, 6-0 என்ற நேர் செட்களில் அமெரிக்காவின் ரிஸ்கியை வென்றார்.மற்ற போட்டிகளில் 3ம் நிலை வீராங்கனையான செக் குடியரசின் குவித்தோவா 6-1, 6-0 என்ற செட்களில் பிரான்சின் மிளாடெனோவிக்கையும், 7ம் நிலை வீராங்கனையான கனடாவின் பவுச்சர்ட் 6-2, 6-1 என்ற செட்களில் பெலாரசின் கோவர்ட்சோவாவையும், பெலாரசின் அசரன்கா 6-7, 6-4, 6-1 என்ற செட்களில் ஜப்பானின் டோயையும், ரஷ்யாவின் கஸ்னட்சோவா 6-3, 2-6, 7-6 என்ற செட்களில் நியூசிலாந்தின் எராகோவிக்கையும், இத்தாலியின் பென்னிட்டா 6-3, 4-6, 6-1 என்ற செட்களில் ஜெர்மனியின் கோயர்ஜெசையும் வென்று 2வது சுற்றுக்கு முன்னேறினர். ஆடவர் ஒற்றையர் பிரிவில் 2ம் நிலை வீரரான சுவிட்சர்லாந்தின் ரோஜர் பெடரர் 6-3, 6-4, 7-6 என்ற நேர் செட்களில் ஆஸ்திரேலியாவின் மடோசிவிக்கை எளிதாக வென்று 2வது சுற்றுக்கு தகுதி பெற்றார். 4ம் நிலை வீரரான டேவிட் பெரர் 6-1, 6-2, 2-6, 6-2 என்ற செட்களில் போஸ்னியாவின் ஜும்ஹரையும், பிரான்சின் மோன்ஹில்ஸ் 6-4, 6-2, 6-4 என்ற செட்களில் அமெரிக்காவின் டோனால்ட்சன்னையும், அமெரிக்காவின் இஸ்னர் 7-6, 6-2, 7-6 என்ற செட்களில் சக நாட்டவரான கிரோனையும் வென்றனர். போபண்ணா தோல்வி: ஆடவர் இரட்டையர் பிரிவில் இந்தியாவின் போபண்ணா ஜோடி ஏமாற்றமளித்தது. 13ம் நிலை ஜோடியான போபண்ணா, குரோஷி (பாகிஸ்தான்) இருவரும் முதல் சுற்றில் இத்தாலியின் பிராக்சியாலி, செப்பி ஜோடியை எதிர்த்து விளையாடினர். பரபரப்பாக நடந்த இப்போட்டியில் போபண்ணா ஜோடி கடுமையாக போராடியும் 6-7, 6-4, 6-7 என்ற செட்களில் தோல்வி அடைந்தது.

This posting includes an audio/video/photo media file: Download Now

8 வயது சிறுவனை தனது வீட்டுக்கு அழைத்து விருந்து அளித்து வியப்பில் ஆழ்த்தி உள்ளார் புரட்சியாளர் ஃபிடல் காஸ்ட்ரோ. கடந்த ஆகஸ்ட் 12-ஆம் தேதி, ஃபிடல் காஸ்ட்ரோ தனது 88-வது பிறந்த நாளை கொண்டாடினார். அவரது பிறந்த நாளை முன்னிட்டு, கியூபா தொலைக்காட்சிகள் அவரை சிறப்பிக்கும் நிகழ்ச்சிகள் பலவற்றை ஒளிபரப்பின. அப்போது 8 வயது சிறுவன் மர்லோன், ஃபிடல் காஸ்ட்ரோ இளம் வயதில் இருந்த கெட்டப்பில் தொலைக்காட்சியில் தோன்றினான். இது பலரையும் ஆச்சரியத்தில் ஆழ்த்தியது. பச்சை நிற கம்பீர உடையுடன், பிடல் காஸ்ட்ரோ அணிவது போன்ற ஷூ மற்றும் தொப்பியும் உடுத்தியிருந்தான். அவருடன் எப்போதும் காணப்படும் தாடியும், சிகரெட்டும் மட்டும் சிறுவனிடம் இல்லை. (1985-ஆம் ஆண்டு முதல் பிடல் காஸ்ட்ரோ புகைக்கும் பழக்கத்தை விட்டுவிட்டார். அதன் பின் அவரை யாரும் சிகரெட்டுடன் கண்டதில்லை.) சிறுவன் மர்லோனின் அறை முழுவதும் பிடல் காஸ்ட்ரோவின் படங்கள் நிறைந்திருந்தன. படுக்கை மட்டும் குழந்தைகளுக்கானதாக இருந்தது. மர்லோன் குறித்த வீடியோ பதிவு வெளியானது. 8 வயது பிடல் காஸ்ட்ரோ என்று புகழ் பெறக் கூடிய அளவிற்கு மக்கள் அந்தச் சிறுவனை ரசித்தனர். உள்நாட்டு தொலைக்காட்சி ஒளிபரப்பிய பிடல் காஸ்ட்ரோ போன்று உடை அணியும் மர்லோன் குறித்த செய்தி பிரபல பத்திரிகைகளிலும் பரவியது. இதையடுத்து, ஆகஸ்ட் 16- ஆம் தேதி, மர்லோன் மெண்டஸ் தனது குடும்பத்தினருடன், பிடல் காஸ்ட்ரோ போலவே உடை அணிந்து அவரது ஹவானா இல்லத்திற்குச் சென்று சந்தித்தான். மர்லோனின் பாட்டி, விவசாயம் மற்றும் வெனிசுலா பிரச்சினை குறித்து பிடல் காஸ்ட்ரோவிடம் பேசினார். ஃபிடல் காஸ்ட்ரோவின் அழைப்பு வந்தவுடன், மர்லோனின் தந்தை வெடவெடுத்து விட்டராம். "அவர் நீண்ட நெடு நாட்கள் வாழ வேண்டும் என்பது எங்களது விருப்பம்" என்கிறார் சிறுவன் மர்லோனின் பாட்டி மரியா. 88 வயது ஃபிடல் காஸ்ட்ரோவுடன் 8 வயது மர்லோன் எடுத்துக்கொண்ட புகைப்படம் தற்போது கியூபாவில் பிரபலமாக வலம் வந்துகொண்டிருக்கிறது.

This posting includes an audio/video/photo media file: Download Now

பாகிஸ்தான், ஆப்கானிஸ்தான் மற்றும் அமெரிக்கா ஆகிய நாடுகளுக்கு தீவிரவாத அச்சுறுத்தல் உள்ளதாகவும், தீவிரவாதிகளின் சொர்க்க பூமியாக பாகிஸ்தான் விளங்குவதாகவும் குற்றஞ்சாட்டியுள்ளார் அமெரிக்காவின் பெண்டகன் செய்தித்துறை செயலாளரான அட்மிரல் ஜான் கிர்பி. இன்று செய்தியாளர்களைச் சந்தித்தார் அமெரிக்காவின் பெண்டகன் செய்தித்துறை செயலாளர் ஜான் கிர்பி. அப்போது அவர் தீவிரவாதிகளின் சொர்க்க பூமியாக பாகிஸ்தான் விளங்குவதாகவும், ஆனபோதும், தீவிரவாதிகள் மீது பாகிஸ்தான் ராணுவம் அதிரடி தாக்குதல்களை நடத்தி அவர்களை அழித்து வருவதாகவும் தெரிவித்தார். மேலும், தீவிரவாதிகளின் முக்கிய இலக்காக அமெரிக்கா, ஆப்கானிஸ்தான் மற்றும் பாகிஸ்தான் விளங்குவதாக அவர் கூறினார். இதனால், இந்நாடுகள் அமைதியை இழந்து தவிப்பதாகவும் அவர் சுட்டிக் காட்டினார். அதேபோல், நீண்ட காலமாக தீவிரவாதிகள் மீது தாக்குதலை நடத்தாமல் இருந்த பாகிஸ்தான் ராணுவம் கடந்த கோடை காலம் முதல்தான் அவர்கள் மீது தாக்குதல் நடத்தத் தொடங்கி உள்ளதாகவும் அப்போது கிர்பி தெரிவித்தார். மேலும், பொது வாழ்க்கைக்கு ஊறு விளைவிக்கும் இத்தகைய தீவிரவாதிகள் மீதான தாக்குதல் தொடரவேண்டும் என்று தாங்கள் விரும்புவதாகவும், அதையொட்டி பாகிஸ்தானுடன் தாங்கள் இணைந்து செயல்பட முடிவுசெய்துள்ளதாகவும் கிர்பி கூறினார். தற்போது தங்களுக்கும், பாகிஸ்தான் ராணுவத்துக்கும் இடையே சமூக உறவு நிலவுவதாகவும் கிர்பி கூறியுள்ளது குறிப்பிடத்தக்கது.

This posting includes an audio/video/photo media file: Download Now

இந்தியப் பிரதமர் நரேந்திர மோடியுடன் பேச்சுவார்த்தை நடத்தத் தயார் என வட மாகாண முதலமைச்சர் க.வி.விக்னேஸ்வரன் தெரிவித்துள்ளார். வடக்கு மாகாண சபை மற்றும் தற்போதைய அரசியல் சூழ்நிலை குறித்து பேச்சுவார்த்தை நடாத்த விரும்புவதாகக் குறிப்பிட்டுள்ளார். வடக்கு முதல்வரை சந்திக்க விரும்புவதாக இந்தியப் பிரதமர் நரேந்திர மோடி வெளியிட்டிருந்த கருத்தக்கு பதிலளிக்கும் வகையில் அவர் இதனைத் தெரிவித்துள்ளார். இலங்கை தமிழ் மக்கள் எதிர்நோக்கி வரும் பிரச்சினைகள் குறித்து விபரித்து கடிதமொன்றை அண்மையில் இந்தியா விஜயம் செய்திருந்த தமிழ்த் தேசியக் கூட்டமைப்பின் பிரதிநிதிகளிடம், விக்னேஸ்வரன் அனுப்பி வைத்திருந்தார் எனத் தெரிவிக்கப்படுகிறது. இந்தியப் பிரதமரின் அழைப்பு கிடைத்தவுடன் தாம் உடனடியாக இந்தியாவிற்கு விஜயம் செய்ய ஆயத்தமாக இருப்பதாக விக்னேஸ்வரன் குறிப்பிட்டுள்ளார் என சிங்கள ஊடகமொன்று செய்தி வெளியிட்டுள்ளது.

This posting includes an audio/video/photo media file: Download Now

உலக நாடுகள் பிரச்சினைகளால் ஆக்கிரமிக்கப்பட்டுள்ளன இதன் போது முதலாவது பாதிப்பு மனித உரிமைகளுக்கே ஏற்படுவது இயல்பாகிவிட்டது. இந்தநிலையில் ஐக்கிய நாடுகளின் மனித உரிமைகள் ஆணையாளர் தமக்குள்ள அதிகாரத்தை கொண்டு அதனை கட்டுப்படுத்த முயற்சிக்கிறார் என்று அமெரிக்க செய்திச்சேவை ஒன்று தெரிவித்துள்ளது. அமெரிக்க செய்திச்சேவையின் நிகழ்ச்சி ஒன்றில் கருத்துரைத்த ஐக்கிய நாடுகளின் மனித உரிமைகள் ஆணையாளர் நவநீதம்பிள்ளை தாம் உரிய அதிகாரத்துடனேயே பேசுவதாக நம்பிக்கை வெளியிட்டுள்ளார். சிரியாவில் இரண்டு தரப்பினரும் போர் நடைமுறைகளை மீறுகின்றனர். இதன் காரணமாக ஏராளமான பொதுமக்கள் கொல்லப்படுகின்றனர். இஸ்ரேல் படையினர் பாலஸ்தீனத்தில் தாக்குதல்களை நடத்துகின்றனர். அதேபோன்று ஹமாஸ் போராளிகள் மேற்கொள்ளும் நடவடிக்கைகளும் ஏற்றுக்கொள்ள முடியாதவை என்று நவநீதம்பிள்ளை கூறியுள்ளார். இந்தநிலையில் நவநீதம்பிள்ளை குறித்து சில விமர்சனங்களும் எழுந்துள்ளதாக அமெரிக்க செய்திச்சேவை தெரிவிக்கிறது. இஸ்ரேல் அவரை ஹமாஸூக்கு சார்பானவர் என்று குற்றம் சுமத்துகிறது. இலங்கை அதிகாரிகள் அவரை விடுதலைப் புலி உறுப்பினர் என்று கூறுவதாக அமெரிக்க செய்திச்சேவை சுட்டிக்காட்டியுள்ளது. நவநீதம்பிள்ளை பதவியை விட்டு விலகும் நிலையில் அண்மையில் ஐக்கிய நாடுகளின் பாதுகாப்பு சபையின் சில நடவடிக்கைகளையும் கண்டித்திருந்தார். உலக நாடுகளில் இடம்பெறும் மனித உரிமை மீறல்களை கண்டிக்க பாதுகாப்பு சபை உரிய பங்கை ஆற்றவேண்டும் என்று அவர் இதன் போது குறிப்பிட்டிருந்தார். இதேவேளை தமது அலுவலகம் மனித உரிமைகள் தொடர்பில் சீரிய நடவடிக்கைகளை எடுத்து வருகின்ற போதும் உள்நாடுகளில் ஏற்பட்டுள்ள பிரச்சினைகளை அவர்கள் கவனமாக அவதானிப்பதாக நவநீதம்பிள்ளை கூறியுள்ளார்.

This posting includes an audio/video/photo media file: Download Now