4TamilMedia செய்திகள்

எனக்கு அரசியல் தெரியாது என்றும், அப்படி நான் அரசியலில் இணைய வேண்டும் என்றால் மீண்டும் கல்லூரியில் சேர்ந்து அரசியல் அறிவியல் படிக்க வேண்டும் என்றும் நடிகர் விஷால் தெரிவித்துள்ளார்.

நடக்கவிருக்கும் உள்ளாட்சித் தேர்தலைப் புறக்கணிக்க திமுக முடிவு செய்துள்ளதாக திமுக தலைவர் கருணாநிதி கூறியுள்ளார்.

ஆம் ஆத்மிக் கட்சியை இரண்டாக உடைத்தால் டெல்லி முதல்வர் பதவியை வழங்குகிறோம் என்று தம்மிடம் பாஜக பேரம் பேசியதாக, ஆம் ஆத்மிக கட்சியை சேர்ந்த குமார் விஸ்வாஸ், பாஜக மீது புகார் கூறியுள்ளார்.

அழைப்பு வரும் பட்சத்தில் மார்க்சிஸ்ட் கம்யூனிஸ்டுடன் கூட்டணி குறித்து பேச்சுவார்த்தைக்குத் தயார் என்று, மேற்கு வங்க முதல்வர் மம்தா பானர்ஜி அறிவிப்பு வெளியிட்டுள்ளார்.

நாட்டின் பொருளாதார வளர்ச்சி 5.7 சதவிகிதமாக உயர்ந்துள்ளது என்றும்,  மத்தியில் மோடி தலைமையிலான நிலையான ஆட்சி இருக்கும் என்றும் நம்பிக்கை அதிகரித்துள்ளது தான் இதற்கு காரணம் எனவும் பொருளாதார நிபுணர்கள் கருத்துத் தெரிவித்துள்ளனர்.

பிரிட்டனுக்கு அவ்வளவாகத் தீவிரவாத அச்சுறுத்தல் இல்லை என்கிற நிலை மாறி, தற்போது அதிபயங்கர தீவிரவாத அச்சுறுத்தல் பிரிட்டனுக்கு உள்ளது என்று  அந்நாட்டு உள்துறை அமைச்சகம் எச்சரிக்கை விடுத்துள்ளது.

நக்சல் தலைவர்களை அடையாளம் காட்டிக் கொடுத்தாலோ, அவர்களைப் பற்றிய துப்புக் கொடுத்தாலோ ஒரு கோடி ரூபாய் பரிசு வழங்கப்படும் என்று ரிசர்வ் படைத் தலைவர் அறிவிப்பு வெளியிட்டுள்ளார்.

ராஜஸ்தான் எல்லையில் தீவிரவாதிகள் 15 பேர் ஊடுருவ முயற்சித்து உள்ளனர் என்று மத்திய அரசுக்கு உளவுத்துறை எச்சரிக்கைத் தகவல் அனுப்பியுள்ளது.

அணி கணிணிகளின் (வியரபில் கம்ப்யூட்ட்டர்ஸ்) சாத்தியங்களை அறியும் போது ஆச்சர்யத்தின் எல்லைக்கே சென்று வரலாம். சென்சார் திறன் கொண்ட கைப்பட்டைகளையும், காதணிகளையும், ஆடைகளையும் அணிந்து கொள்வதன் மூலம் நமது செயல்பாடுகளையும் உடல் இயக்கத்தையும் கண்காணிக்கலாம், தகவல் சேகரிக்கலாம், ஆபத்துகளையும் நோய்க்கூறுகளையும் முன்கூட்டியே அறியலாம். இன்னும் பல ஆச்சர்யங்களும் அற்புதங்களும் அணி கணிணிகள் மூலம் சாத்தியமாகும் வாய்ப்பு இருக்கிறது தான். ஆனால் அணி கணிகளை விட ஆச்சர்யமளிக்க கூடியதாக சைபோர்க் கருத்தாக்கம் இருப்பதை கடந்த வாரம் பார்த்தோம்.

பிரதமர் நரேந்திர மோடி இன்று 5 நாள் பயணமாக ஜப்பான் புறப்பட்டு சென்றுள்ளார். இவருடன் 15 பேர் அடங்கிய குழுவும் சென்றுள்ளது.

மாணவர் செல்வங்களை அடித்து கடுமையான சொற்களால் திட்டித் துன்புறுத்தக் கூடாது என்று மெட்ரிகுலேசன் கல்வி இயக்ககம் சுற்றிக்கை அனுப்பியுள்ளது.

அரசியல் கட்சிகள் நிதியை வங்கிகளில்தான் டெபாசிட் செய்ய வேண்டும் என்று தேர்தல் ஆணையம் தெரிவித்துள்ளது.

ஆளும் ஐக்கிய மக்கள் சுதந்திரக் கூட்டமைப்பின் சார்பில் எந்தவொரு முஸ்லிம் வேட்பாளர்களும் களமிறக்கப்படாமையானது ஊவா வாழ் முஸ்லிம்களை புறந்தள்ளியிருப்பதை தெட்டத் தெளிவாக வெளிப்படுத்தியுள்ளது. எனவே, நடைபெறவுள்ள ஊவா மாகாண சபை தேர்தலில் முஸ்லிம்கள் அனைவரும் ஒன்றிணைந்து அரசாங்கத்திற்கு அதிர்ச்சி வைத்தியம் அளிக்க வேண்டும் என்று சிறீலங்கா முஸ்லிம் காங்கிரஸின் தலைவரும், அமைச்சருமான ரவூப் ஹக்கீம் தெரிவித்துள்ளார். 

காணாமற்போனவர்களை கண்டுபிடிக்கக் கோரி அவர்களின் உறவினர்களினால் தீபங்கள் ஏற்றி தேங்காய் உடைத்து விசேட பிரார்த்தனை நிகழ்வு மன்னார், திருக்கேதீஸ்வரம் ஆலயத்தில் நேற்று வெள்ளிக்கிழமை இடம்பெற்றது. 

நேற்றயதினம் விநாயக சதுர்த்தி பெருவிழா நாடு முழுவதும் கொண்டாடப்பட்டது.

நிறைவேற்று அதிகார ஜனாதிபதி முறை இல்லை என்றால் நாடு எதிர்கொள்ளும் பிரச்சினைகளை கட்டுக்குள் கொண்டு வந்து பாதுகாப்பாக வைக்க முடியாது போகும். எனவே, நிறைவேற்று அதிகார ஜனாதிபதி முறைய அவசியமானது என்று பிரதமர் டி.எம்.ஜயரட்ண தெரிவித்துள்ளார். 

இவ்வருடம் அடுத்தடுத்து இரு மலேசியன் ஏர்லைன்ஸின் சர்வதேச பயண விமானங்கள் விபத்தில் சிக்கி அவற்றில் பயணித்த அனைவருமே உயிரிழந்து இருந்ததை அடுத்து மலேசியன் ஏர்லைன்ஸ் விமான சேவை நிறுவனம் மிகவும் நட்டத்துடன் இயங்குவதால் சமீபத்தில் இந்நிறுவனத்தில் பணியாற்றிய 6000 பேரை வேலையை விட்டு நீக்கி வீட்டுக்கு அனுப்பியுள்ளது அந்நிறுவனம்.

கடந்த வாரம் சிரியாவின் டாப்கா விமானத் தளத்தைக் கைப்பற்ற சண்டையிட்ட போது பின்வாங்கிய 150 இற்கும் மேற்பட்ட இராணுவத்தினர் உட்பட 250 துருப்புக்களை சமீபத்தில் ISIS போராளிகள் வரிசையாக உள்ளாடையுடன் மண்டியிட வைத்து சுட்டுக் கொன்றிருப்பதாகவும் இதற்கு சான்றாக ஓர் வீடியோ பதிவு இணையத்தில் வெளியிடப் பட்டிருப்பதாகவும் தகவல்கள் வெளியாகியுள்ளன.