Tamil Star

இந்தியாவின் ஹைதரபாத்தை சேர்ந்த மொஹ்மட் குர்ஷித் ஹுசைன் என்ற 23 வயதான இளைஞன் வினோத உலக சாதனை ஒன்றினைப் படைத்துள்ளார்.

அதாவது கணினி விசைப்பலகையில் தனது மூக்கினைப் பயன்படுத்தி மிக வேகமாக சொற்களை தட்டச்சு செய்து சாதனையை நிகழ்த்தியுள்ளார்.

இவர் ஆங்கில அரிச்சுவடியிலுள்ள 26 எழுத்துக்களையும் வெறும் 3.43 செக்கன்களுக்குள் தட்டச்சு செய்து அசத்தியிருக்கின்றார்.

This posting includes an audio/video/photo media file: Download Now

This posting includes an audio/video/photo media file: Download Now

This posting includes an audio/video/photo media file: Download Now

ஜெனீவா சர்ச்சையினால் சிலர் அமைச்சுப் பதவிகளை இழக்கக் கூடிய அபாய நிலைமை ஏற்பட்டுள்ளதாக சில சிங்கள ஊடகங்கள் செய்தி வெளியிட்டுள்ளன.

This posting includes an audio/video/photo media file: Download Now

This posting includes an audio/video/photo media file: Download Now

ஜனாதிபதி மஹிந்த ராஜபக்ஷவை பதவி கவிழ்ப்பதற்கு முகநூல் மற்றும் டுவிட்டர் ஆகிய சமூக இணைய வலையமைப்புக்களை அமெரிக்கா பயன்படுத்தி வருவதாக வீடமைப்பு மற்றும் பொதுவசதிகள் அமைச்சர் விமல் வீரவன்ச தெரிவித்துள்ளார்.

முகநூல் மற்றும் டுவிட்டர் ஆகியவற்றை பயன்படுத்தி இலங்கைக்கான அமெரிக்கத் தூதரகம் ஜனாதிபதிக்கு எதிராக பிரச்சாரங்களில் ஈடுபட்டு வருகின்றது என அவர் சுட்டிக்காட்டியுள்ளார்.

கடுவெல பிரதேசத்தில் நடைபெற்ற தேர்தல் பிரச்சாரக் கூட்டமொன்றில் பங்கேற்ற போது அவர் இதனைத் தெரிவித்துள்ளார்.

நாட்டில் ஆட்சி மாற்றத்தை முன்னெடுக்கும் நோக்கில் முகநூல் மற்றும் டுவிட்டர் போன்ற சமூக வலையமைப்புக்கள் குறித்த விழிப்புணர்வை அமெரிக்கத் தூதரகம் நாடு முழுவதிலும் ஏற்படுத்தி வருகின்றது என அவர் குற்றம் சுமத்தியுள்ளார்.

மத்திய கிழக்கில் சில அரசாங்கங்களை கவிழ்ப்பதற்கு சமூக இணைய வலையமைப்புக்களே பயன்படுத்தப்பட்டன என அவர் குறிப்பிட்டுள்ளார்.

This posting includes an audio/video/photo media file: Download Now

This posting includes an audio/video/photo media file: Download Now

யுத்தத்தில் காணாமற் போனோருக்கு மரணச் சான்றிதழ் வழங்குவதற்குப் பதிலாகஇல்லாமல் போனோர் (CERTIFICATE OF ABSENT) என்ற சான்றிதழை வழங்க அரசாங்கம் நடவடிக்கை மேற்கொண்டுள்ளதாக காணாமற் போனோரை கண்டறியும் ஜனாதிபதி ஆணைக்குழுவின் தலைவர் மெக்ஸ்வல் அத்துகோரள தெரிவித்தார்.

This posting includes an audio/video/photo media file: Download Now

பிரான்சின் உலகப்புகழ் பெற்ற ஈபிள் டவரை நபர் ஒருவர் திருடுவது போன்ற வீடியோ இணையத்தில் வெளியாகி பரபரப்பை ஏற்படுத்தியுள்ளது.

அமெரிக்காவின் லாஸ் ஏஞ்சல்ஸ் மாகாணத்தை சேர்ந்த ஸாச் கிங் என்ற 26 வயது மிக்க நபர் பலவிதமான மாயாஜாலங்களை புரிந்து வீடியோவை வெளியிட்டு வருகிறார்.

இவர் உலகின் ஏழு அதிசயங்களில் ஒன்றான பிரான்சின் பாரிஸில் உள்ள ஈபிள் கோபுரத்தை திருடுவது போன்ற வீடியோ வெளியிட்டுள்ளார்.

7 விநாடிகளை கொண்ட இந்த வீடியோவை கண்டு பலர் ஆச்சிரியத்தில் ஆழ்ந்துள்ளனர். இந்நிலையில் இவர் செய்வது கண்கட்டு வித்தைகள் என்றாலும், இவற்றை கண்டு ரசிக்கவே ஆயிரக்கணக்கானோர் இணையதளத்தில் திரண்டுள்ளனர்.

சாத்தியமற்ற விடயங்களையும் இயல்பாக மாற்றுவதே தனிச்சிறப்பாய் கொண்ட இவரது வீடியோக்கள் பல்லாயிரகணக்கானோரால் பார்வையிடப்பட்டுள்ளது.

This posting includes an audio/video/photo media file: Download Now

தென்ஆப்பிரிக்கா-ஆஸ்திரேலியா அணிகள் மோதும் முதலாவது 20 ஓவர் கிரிக்கெட் போட்டி போர்ட் எலிசபெத்தில் இன்று நடக்கிறது. ஆஸ்திரேலிய கிரிக்கெட் அணி தென்ஆப்பிரிக்காவில் சுற்றுப்பயணம் செய்து விளையாடி வருகிறது. டெஸ்ட் தொடரை 2-1 என்ற கணக்கில் ஆஸ்திரேலியா வென்றது. அடுத்ததாக ஆஸ்திரேலியா-தென்ஆப்பிரிக்கா இடையே மூன்று போட்டிகள் கொண்ட 20 ஓவர் தொடர் நடத்தப்படுகிறது. இதன் முதலாவது ஆட்டம் போர்ட் எலிசபெத்தில் இன்று நடக்கிறது. இன்னும் ஒரு வாரத்தில் 20 ஓவர் உலக கோப்பை தொடர் வங்காளதேசத்தில் தொடங்குவதால் அதற்கு தயாராவதற்கு இந்த தொடர் சிறந்த பயிற்சியாக அமையும். டெஸ்ட் தொடரில் அடைந்த தோல்விக்கு பதிலடி கொடுக்கும் லட்சியத்துடன் டு பிளிஸ்சிஸ் தலைமையிலான தென்ஆப்பிரிக்க அணி தயாராகி வருகிறது. தசைப்பிடிப்பால் அவதிப்படும் தென்ஆப்பிரிக்க வேகப்பந்து வீச்சாளர் ஸ்டெயின் முதல் இரு ஆட்டங்களில் ஆடமாட்டார் என்று தெரிகிறது. அதே சமயம் வெற்றி வேட்கையை தொடரும் ஆர்வமுடன் உள்ள ஆஸ்திரேலிய அணியில் டேவிட் வார்னர், ஷேன் வாட்சன், பிராட் ஹேடின் போன்ற டெஸ்டில் ஆடிய அனுபவம் வாய்ந்த வீரர்களும் இடம் பிடித்திருப்பது சாதகமான விஷயமாகும். இவ்விரு அணிகளும் இதுவரை ஒன்பது 20 ஓவர் போட்டிகளில் நேருக்கு நேர் சந்தித்துள்ளன. இதில் 5-ல் ஆஸ்திரேலியாவும், 4-ல் தென்ஆப்பிரிக்காவும் வெற்றி பெற்றிருக்கின்றன. இன்றைய ஆட்டம் மழையால் பாதிக்கப்படலாம். இங்கு இன்று மழை பெய்ய நல்ல வாய்ப்பிருப்பதாக அங்குள்ள வானிலை ஆய்வு மையம் தெரிவித்துள்ளது. போட்டிக்கான இரு அணிகள் வருமாறு:- ஆஸ்திரேலியா: ஜார்ஜ் பெய்லி (கேப்டன்), டேனியல் கிறிஸ்டியன், நாதன் கவுல்டர்-நிலே, ஜேம்ஸ் பவுல்க்னெர், ஆரோன் பிஞ்ச், பிராட் ஹேடின், ஹென்ரிக்ஸ், பிராட் ஹாட்ஜ், பிராட் ஹாக், மேக்ஸ்வெல், ஜேம்ஸ் முயர்ஹெட், மிட்செல் ஸ்டார்க், டேவிட் வார்னர், ஷேன் வாட்சன், கேமரூன் ஒயிட். தென்ஆப்பிரிக்கா: பாப் டு பிளிஸ்சிஸ் (கேப்டன்), கைல் அப்போட், அம்லா, பெஹர்டைன், குயின்டான் டி காக், டிவில்லியர்ஸ், டுமினி, ஹென்ரிக்ஸ், இம்ரான் தார், டேவிட் மில்லர், அல்பி மோர்கல், மோர்னே மோர்கல், வெய்ன் பார்னல், ஆரோன் பாங்கிசோ, சோட்சோப். இந்திய நேரப்படி மாலை 6 மணிக்கு தொடங்கும் இந்த ஆட்டத்தை டென் கிரிக்கெட் சேனல் நேரடி ஒளிபரப்பு செய்கிறது.

This posting includes an audio/video/photo media file: Download Now

ஆசியக் கோப்பை கிரிக்கெட் தொடரின் இறுதிப்போட்டி இன்று மிர்புரில் நடந்தது. இதில் இலங்கை அணியும், நடப்பு சாம்பியன் பாகிஸ்தான் அணியும் பலப்பரீட்சை நடத்தின. டாஸ் வென்று முதலில் பேட் செய்த பாகிஸ்தான் அணி, 50 ஓவர் முடிவில் 5 விக்கெட் இழப்பிற்கு 260 ரன்கள் எடுத்தது. அதிகபட்சமாக ஆலம் 114 (நாட் அவுட்) ரன்கள் விளாசினார். மிஸ்பா உல் ஹக் 65 ரன்களும், உமர் அக்மர் 59 ரன்களும் எடுத்தனர். இதையடுத்து 261 ரன்கள் எடுத்தால் வெற்றி என்ற இலக்குடன் களமிறங்கிய இலங்கை அணியின் தொடக்க ஆட்டக்காரர்கள் லகிரு திரிமன்னே, குசால் பெரேரா சிறப்பான அடித்தளத்தை அமைத்துக் கொடுத்தனர். இருவருமே இலங்கையின் ஸ்கோரை மிக சீராக உயர்த்தினர் இந்நிலையில் அணியின் ஸ்கோர் 50ஐ கடந்த போது துரதிர்ஷ்டவசமாக பெரேரா 42 ரன்கள் எடுத்திருந்த நிலையில் சயீது அஜ்மல் பந்துவீச்சில் வெளியேறினார். அடுத்து வந்த குமார் சங்கக்கரா, முதல் பந்திலேயே எல்.பி.டபிள்யூ முறையில் பரிதாபமாக வெளியேறினார். அடுத்து திரிமன்னே உடன் ஜெயவர்தனே ஜோடி சேர்ந்தார். இந்த கூட்டணி சற்றே நிதானத்தை கடைபிடித்து ஆடினர் அத்துடன் பாகிஸ்தான் அணியின் மோசமான பீல்டிங்கை பலமாக எடுத்து கொண்ட அவர்கள், பாகிஸ்தான் அணியின் பந்துவீச்சை பதம் பார்த்தனர். ஒருபுறம் ஜெயவர்தனே நிதானமாக ஆட, மறுமுனையில் திரிமன்னே பாகிஸ்தான் பந்து வீச்சை தவிடு பொடியாக்கினார். அரை சதம் கடந்த ஜெயவர்தனே 75 ரன்கள் எடுத்த நிலையில் முகமது டல்கா அவரை வெளியேற்றினார். அடுத்து ப்ரியஞ்சன் சொற்ப ரன்னில் வெளியேறினார். தொடர்ந்து அதிரடியில் மிரட்டிய திரிமன்னே, 106 பந்துகளில் தனது சதத்தை பதிவு செய்தார். இதில் 13 பவுண்டரிகளும் அடங்கும். சதம் அடித்த கையோடு அடுத்த ஓவரின் முதல் பந்திலேயே போல்ட் ஆகி வெளியேறினார். அவர் 101 ரன்கள் எடுத்தார். அடுத்து ஜோடி சேர்ந்த சதுரங்கா டி சில்வா மற்றும் மேத்யூஸ் இலங்கை அணியின் பதற்றத்தை முடிவுக்கு கொண்டு வந்தனர். 22 பந்துகள் மீதமிருந்த நிலையில், இலங்கை வெற்றி இலக்கை எட்டியது. 5 விக்கெட் வித்தியாசத்தில் வெற்றி பெற்ற இலங்கை, ஆசிய கோப்பையை தட்டிச் சென்றது. இதன்மூலம், இலங்கை அணி 5வது முறையாக ஆசிய கோப்பையை வென்றுள்ளது. இந்த தொடரில் ஒரு போட்டியில்கூட இலங்கை அணி தோல்வியடையவில்லை என்பது குறிப்பிடத்தக்கது. இறுதிப் போட்டியில் 5 விக்கெட்டை கைப்பற்றிய மலிங்கா ஆட்டநாயகனாகத் தேர்வு செய்யப்பட்டார். திரிமன்னே தொடர்நாயகனாக தேர்வு செய்யப்பட்டார்.

This posting includes an audio/video/photo media file: Download Now

பேஸ்புக் தடை செய்யப்பட உள்ளதாக சுமத்தப்படும் குற்றச்சாட்டுக்கள் ஓர் சூழ்ச்சித் திட்டமாகும் என ஜனாதிபதி மஹிந்த ராஜபக்ச தெரிவித்துள்ளார்.

This posting includes an audio/video/photo media file: Download Now

அமெரிக்காவின் சிகாகோ நகரில் செயல்பட்டு வரும் விமான நிறுவனமான 'போயிங்' தனது புதிய படைப்பாக 'ட்ரீம் லைனர்'–787 என்று அழைக்கப்படும் பிரம்மாண்ட ரக விமானத்தை உருவாக்கி விற்பனை செய்து வருகிறது.

இவ்விமானங்களுக்கு இந்தியா, ஜப்பான் உள்பட பல்வேறு நாடுகளில் ஏகோபித்த வரவேற்பு உள்ளது. பல நாடுகளும் இப்புதிய ரக விமானத்தை ஆர்வமுடன் வாங்கி பயன்படுத்தி வருகின்றன. ஆனால் இவ்விமானத்தின் பேட்டரியில் பழுது ஏற்பட்டு சில மாதங்களுக்கு முன்பு பெரிய சர்ச்சை உருவெடுத்தது. இந்நிலையில் மீண்டும் இவ்விமான நிறுவனம் மற்றுமொரு சர்ச்சையில் சிக்கியுள்ளது. இந்நிறுவனம் தற்போது உருவாக்கி வரும் 40 ட்ரீம் லைனர் விமானத்தின் இறக்கை பகுதிகளில் ரோமம் அளவில் சிறிய கீறல்கள் இருப்பது கண்டுபிடிக்கப்பட்டுள்ளது.

எனவே இந்த இறக்கைகளை உற்பத்தி செய்யும்  ஜப்பான் நாட்டை சேர்ந்நத பிரபல நிறுவனத்துடன் தொடர்பு கொண்டு  போயிங் நிறுவன அதிகாரிகள் ஆய்வு மேற்கொள்ளப்படவுள்ளன.

தற்போது ஏற்பட்டுள்ள இந்த தொழில்முறை சிக்கல்களால் போயிங் நிறுவனத்தினரால் சுமார் 100 விமானங்களை ஒப்படைவு செய்வதில் காலவிரயம் ஏற்படும் என எதிர்பார்க்கப்படுகிறது. எனினும் இக்குறைபாடு பற்றி போயிங் நிறுவனம் "விமான பாதுகாப்புக்கு எவ்வித அச்சுறுத்தலும் இல்லை என்றும் ஏற்கனவே பயன்பாட்டில் இருக்கும் விமானத்தில் இதுபோன்ற கீறல்கள் காணப்படவில்லை" என்றும்  விளக்கம் அளித்துள்ளது.

This posting includes an audio/video/photo media file: Download Now

அமெரிக்காவினால் கொண்டு வரப்படும் தீர்மானமானது தமிழ் மக்களுக்கு நல்லதொரு தீர்வைப் பெற்றுத் தருமென்று நம்பியிருந்த போதும் அது இப்பொழுது ஏமாற்றம் தந்து நிற்கின்றது. இலங்கையில் உள்ளக விசாரணை குறித்து கூறுவதற்கு அமெரிக்காவோ ஐநாவோ தேவையில்லை என இராயப்பு யோசப் ஆண்டகை தெரிவித்தார்.

This posting includes an audio/video/photo media file: Download Now

மலேசிய தலைநகர் கோலாலம்பூரில் இருந்து சீன தலைவர் பீஜிங்கிற்கு சென்ற மலேசிய ஏர்லைன்ஸ் விமானம் நடுவானில் மாயமாகிவிட்டது.

இது குறித்து பல்வேறு கோணங்களில் விசாரணை நடந்து வருகிறது. மலேசியன் ஏர்லைன்ஸ் நிறுவனம் நடத்திய விசாரணையில், மாயமான விமானத்தில் பயணம் செய்த 4 பேர், போலி பாஸ்போர்ட்டில் பயணித்துள்ளது தெரிய வந்துள்ளது.

இதனால், விமானம் மாயமானதில், பயங்கரவாத அமைப்புக்களின் கைவரிசை இருக்குமோ என்ற சந்தேகம் தற்போது எழுந்துள்ளது.

This posting includes an audio/video/photo media file: Download Now

ஐ.நா மனித உரிமைகள் பேரவையில் இலங்கை தொடர்பில் அமெரிக்காவின் முன்னெடுப்பில் கொண்டுவரப்பட்டுள்ள தீர்மானத்தின் முன்வரைவு பற்றி நாடுகளுக்கிடையில் அதிகாரபூர்வமற்ற வாதப்பிரதிவாதங்கள் நடந்துள்ளன.

நேற்று வெள்ளிக்கிழமை நடைபெற்ற இந்த சந்திப்பில் அமெரிக்கப் பிரேரணையை ஆதரிக்கும் நாடுகளும் இலங்கைக்கு ஆதரவான நாடுகளும் பல்வேறு சர்வதேச அமைப்புகளும் கலந்துகொண்டிருந்தன.

தீர்மான முன்வரைவில் உள்ள வாசகப் பிரயோகங்கள் பற்றி இந்தக் கூட்டத்தில் பல்வேறு நாடுகளின் பிரதிநிதிகளும் பேசியுள்ளனர். வரும் திங்கட்கிழமையும் இந்த வாதப்பிரதிவாதங்கள் நடக்கவுள்ளன.

கனடா, ஐக்கிய இராச்சியம் மற்றும் ஐரோப்பிய நாடுகள் அனைத்தும் அமெரிக்கப் பிரேரணைக்கு ஆதரவாக வாதிட்டுள்ளன. பாகிஸ்தான், சீனா, ரஷ்யா, வெனிசூவேலா உள்ளிட்ட நாடுகள் இலங்கையை ஆதரித்து கருத்து வெளியிட்டுள்ளன.

போர் முடிந்து நான்கரை ஆண்டுகளாகியும் மனித உரிமை மீறல்களுக்கான பொறுப்புக்கூறல் விடயத்தில் இலங்கை அரசாங்கம் எந்தவிதமான முன்னேற்றத்தையும் காட்டவில்லை என்று பிரேரணைக்கு ஆதரவான நாடுகள் கூறுகின்றன.

ஆனால், இலங்கைக்கு இன்னும் கால அவகாசம் கொடுக்க வேண்டும் என்றும் ஐநா மனித உரிமைகள் பேரவைக்கு முன்னால் வேறு உலகப் பிரச்சனைகள் உள்ளன என்றும் பாகிஸ்தான், சீனா, ரஷ்யா உள்ளிட்ட நாடுகள் வாதிட்டுள்ளன.

எனினும் உள்நாட்டு விசாரணை பொறிமுறை இலங்கையில் சாத்தியமாகாது என்றும் இலங்கையில் நீதித்துறையை ஜனாதிபதியே கட்டுப்படுத்தி வைத்துள்ளதாகவும் சர்வதேச மனித உரிமை அமைப்புகள் சுட்டிக்காட்டுகின்றன.

அமெரிக்காவின் பிரேரணை தொடர்பில் இந்தியா தொடர்ந்தும் மௌனம் காத்துவருகிறது. வெள்ளிக்கிழமை நடந்த கூட்டத்தில் கலந்துகொண்ட இந்தியப் பிரதிநிதி எந்தக் கருத்துக்களையும் தெரிவிக்கவில்லை.

இந்த சந்திப்பில் என்ன விடயங்கள் ஆராயப்பட்டன என்று பிரித்தானிய தமிழர் பேரவையின் சார்பில் அங்கு கலந்துகொண்ட ராஜ்குமார் பிபிசி தமிழோசைக்கு அளித்த செவ்வியை நேயர்கள் இங்கு கேட்கலாம்

This posting includes an audio/video/photo media file: Download Now

கிழக்கு சீனா கடல்பகுதி தீவுகள் பிரச்சினையில் ஜப்பானுடன் பேச்சுவார்த்தை கிடையாது. ஒரு அங்குலம் நிலத்தை கூட விட்டுக்கொடுக்க மாட்டோம் என சீன மந்திரி உறுதிபட கூறினார். கிழக்கு சீன கடல்பகுதியில் ஏராளமான தீவுகள் அமைந்துள்ளன. இது தொடர்பாக சீனாவுடன், ஜப்பான், வியட்னாம், பிலிப்பைன்ஸ் ஆகிய நாடுகளுக்கு பிரச்சினை நீடித்து வருகிறது. அதிலும் குறிப்பாக தியாயூ, சென்காகு தீவுகள் தொடர்பாக சீனாவும், ஜப்பானும் உரிமை கொண்டாடி வருகின்றன. இந்த சர்ச்சைக்குரிய தீவுகள் பகுதிக்கு கடற்படை கப்பல்கள், போர் விமானங்களை அனுப்பி கண்காணிக்கின்றன. இதனால் 2 நாடுகள் இடையே பதற்றம் நிலவுகிறது. அதுமட்டுமல்ல இந்திய எல்லைக்குள் ஊடுருவது, அருணாசலப்பிரதேசத்தை சொந்தம் கொண்டாடுவது போன்றவற்றிலும் சீனா ஈடுபடுகிறது. வேறுசில நாடுகளுடனும் சீனா பிரச்சினை செய்கிறது. இதற்கிடையில் சீனா பாராளுமன்ற கூட்டத்தில் கலந்து கொண்ட வெளியுறவுத்துறை மந்திரி வாங் யி நேற்று நிருபர்களுக்கு பேட்டி அளித்தார். உலகளாவிய பல பிரச்சினை குறித்து கருத்து வெளியிட்டார். அப்போது கிழக்கு சீன கடல்பகுதி தீவுகள் சர்ச்சை குறித்து அவர் கூறியதாவது:- ஜப்பானை சேர்ந்த சிலர் கடந்த கால ஆக்கிரமிப்பு வரலாற்றை ஊதி பெரிதுபடுத்த முயற்சிக்கிறார்கள். வரலாறு, நிலப்பரப்பு விஷயத்தில் ஜப்பானுடன் சமரசம் கிடையாது. ஆகவே பேச்சுவார்த்தை நடத்த மாட்டோம். சீனாவின் ஒரு அங்குலம் நிலத்தை கூட விட்டுக்கொடுக்க மாட்டோம். அதேநேரத்தில் நெருங்கிய அண்டை நாடுகளுடன் பேச்சுவார்த்தை மூலம் பிரச்சினையை தீர்க்க தயாராக இருக்கிறோம். இவ்வாறு அவர் கூறினார். மேலும் அவர் கூறுகையில், 'உக்ரைன் விவகாரத்தில் அரசியல் ரீதியில் பேசி தீர்வு காண வேண்டும். ஆப்கானிஸ்தானில் தீவிரவாதம் ஒழிக்கப்பட வேண்டும்' என்று குறிப்பிட்டார். சீனாவின் நெருங்கிய நட்புறவு நாடாக வடகொரியா விளங்குகிறது. தூதரக உறவு மற்றும் பொருளாதார ரீதியில் உதவிகள் அளிக்கிறது. கொரியா தீபகற்பத்தில் வடகொரியாவுக்கும், அமெரிக்க ஆதரவு நாடான தென்கொரியாவுக்கும் இடையேயும் பிரச்சினை இருந்து வருகிறது. இது குறித்து சீனா மந்திரி கருத்து தெரிவிக்கையில், 'கொரியா தீபகற்பத்தில் குழப்பம் அல்லது போர் ஏற்பட அனுமதிக்க மாட்டோம். அங்கு அணுசக்தி மயத்தை குறைப்பதன் மூலம் அமைதியை உருவாக்க முடியும்' என கூறினார்.

This posting includes an audio/video/photo media file: Download Now

இலங்கை விஜயத்தின் போது தம்மைச் சந்திக்கவில்லை என்று ஐக்கிய நாடுகளின் மனித உரிமைகள் ஆணையாளர் நவநீதம்பிள்ளை மீது இலங்கையின் அமைச்சர் டக்ளஸ் தேவானந்தா குற்றம் சுமத்தியுள்ளார்.

This posting includes an audio/video/photo media file: Download Now

வடமேற்கு இங்கிலாந்தில் உள்ள லன்கஷைர் பகுதியில் வசிக்கும் 13 வயது மாணவன் தனது பள்ளியில் உள்ள அறிவியல் ஆய்வகத்தில் அணு உலையை ஏற்படுத்தி, அதில் வெற்றிகரமாக அணு சேர்க்கையின் மூலம் உற்பத்தியையும் உருவாக்கி புதிய சாதனை படைத்துள்ளான். ஜேமி எட்வர்ட்ஸ் என்ற அந்த சிறுவன், தனது கைச் செலவுக்கு பெற்றோர் தரும் பணத்தையும், கிருஸ்துமஸ் பண்டிகையின் போது அன்பளிப்பாக கிடைத்த பணத்தையும் சேமித்து வைத்து சிறிய அணு உலையை ஏற்படுத்தும் பணியில் கடந்த அக்டோபர் மாதத்தில் இருந்து முழுமூச்சாக ஈடுபட்டு வந்தான். சுமார் 6 மாத விடாமுயற்சி மற்றும் கடின உழைப்பின் பலனாக கடந்த வியாழக்கிழமை தனது பள்ளியில் உள்ள அறிவியல் ஆய்வகத்தில் 2 ஹைட்ரஜன் அணுக்களை இணைத்து வெற்றிகரமாக ஹீலியம் எனப்படும் அணுசக்தியை உற்பத்தி செய்து புதிய சாதனையை ஜேமி எட்வர்ட்ஸ் ஏற்படுத்தியுள்ளான். இந்த எண்ணம் தோன்றியது எப்படி? என்ற நிருபர்களின் கேள்விக்கு பதிலளிக்கையில், கடந்த 2008-ம் ஆண்டு அமெரிக்காவின் நிவேடா பகுதியை சேர்ந்த 14 வயது மாணவனான டெய்லர் வில்சன் இதே போன்று ஆய்வு கூடத்தில் அணு உற்பத்தி செய்து சாதனை படைத்ததாக அறிந்தேன். இதன் மூலம் குறைந்த வயதில் அணு உற்பத்தி செய்து சாதனை படைத்த உலகின் முதல் மாணவன் என்ற பெருமைக்குரியவனாக அந்த மாணவன் விளங்கியதை தெரிந்து கொண்டேன். நாமும் முயன்று தான் பார்ப்போமே... என்ற தன்னம்பிக்கையில் எனது திட்டத்தை செயல்படுத்த தொடங்கினேன். எனது சக மாணவர்களில் சிலர் என்னை பைத்தியக்காரன் என்று எண்ணியிருக்கக் கூடும். எனது உலையில் இரண்டு அணுக்கள் ஒன்றிணைந்து புதிய ஆற்றல் உருவான போது என் கண்களை என்னாலேயே நம்ப முடியவில்லை என்று கூறினான். இதன் மூலம் குறைந்த வயதில் அணு உற்பத்தி செய்து சாதனை படைத்த உலகின் முதல் மாணவன் என்ற பெருமை தற்போது ஜேமி எட்வர்ட்ஸ்-ஐ வந்து சேர்ந்துள்ளது

This posting includes an audio/video/photo media file: Download Now

இலங்கை மீது சர்வதேச விசாரணை என்ற நிலைப்பாட்டில் மாற்றம் இல்லை என்று பிரித்தானியா மீண்டும் தெரிவித்துள்ளது

This posting includes an audio/video/photo media file: Download Now