Tamil Star

ஒரு வகையான கோப்பினை பிறிதொரு வகையான கோப்பாக மாற்றுவதற்கு பல்வேறு மென்பொருட்கள் காணப்படுகின்றன.

அவ்வாறே இவ்வசதியை ஒன்லைனில் தரும் சில இணையத்தளங்களும் காணப்படுகின்றன. அவற்றில் சில குறைந்தளவான கோப்பு வகைகளையே மாற்றம் செய்ய முடிவதுடன், பெரும்பாலானவற்றில் பணம் செலுத்தியே இச்சேவையினை பெற்றுக்கொள்ள வேண்டும்.

எனினும் CloudConvert எனும் இணையத்தளமானது இச்சேவையினை முற்றிலும் இலவசமாக வழங்குவதுடன், நூறிற்கு அதிகமாக கோப்பு வகைகளை மாற்றும் வசதியை கொண்டுள்ளது.

அவற்றில் பல்வேறு Audio, Video, Document, Ebook, Archive, Image, Spreadsheet மற்றும் Presentation கோப்புகளும் அடங்கும்.

This posting includes an audio/video/photo media file: Download Now

தமிழ  தேசியக்கூட்டமைப்பு சார்பில் ஜெனீவாவிற்கு அனுப்பப்பட்ட தேசியப்பட்டியல் நாடாளுமன்ற உறுப்பினர் சுமந்திரன் எந்தவொரு சந்திப்பிலும் சர்வதேச போர்க்குற்ற விசாரணை தொடர்பில் கோரிக்கைகளை முன்வைக்கவில்லை. என்னையும் எதும் பேச அனுமதிக்கவில்லை என வடமாகாண சபை உறுப்பினர் அனந்தி சசிதரன் தெரிவித்துள்ளார்.

யாழ்,ஊடக அமையத்தில் இன்று (06.03.14) நடைபெற்ற ஊடகவியலாளர்கள் சந்திப்பில் கலந்து கொண்டு ஊடகவியலாளர்களது கேள்விகளிற்கு பதிலளிக்கையிலேயே அவர் இந்;தத் தகவலை வெளியிட்டுள்ளார்.

வடமாகாணசபையில் சர்வதேச போர்க்குற்ற விசாரணை வேண்டுமென தீர்மானம் நிறைவேற்றப்பட்டிருந்ததுடன் அங்கு வடமாகாணசபை சார்பில் என்னையே ஜெனிவாவிற்கு அனுப்புவதென தீர்மானிக்கப்பட்டிருந்தது. இவ்வகையினில் தமிழரசுக்கட்சியின் அனுசரணையுடன் நான் பல்வேறு சிரமங்களிற்கு மத்தியில் ஜெனீவா சென்றிருந்தேன்.

அங்கு சென்று இறங்கியதுமே  தேசியப்பட்டில் நாடாளுமன்ற உறுப்பினர் சுமந்திரன் நான் விடுதலைப்புலிகளது முக்கிய போராளியான எழிலனின் மனைவி என்பதால் என்னையும் சர்வதேச பிரதிநிதிகள் விடுதலைப்புலிகள் போராளியாகவே பார்ப்பார்களென தெரிவித்ததுடன் என்னை ஏதும் பேச வேண்டாமெனவும் தானே எல்லாவற்றினையும் பேசுவதாகவும் தெரிவித்திருந்தார்.

இவ்வாறு ஒரு நிகழ்ச்சி நிரலில் அவர் என்னை அங்கு அழைத்து சென்றிருப்பார் என முன்கூட்டியே தெரிந்திருந்தால் நான் நிச்சயமாக அங்கு சென்றிருக்க மாட்டேன் எனவும் அவர் தெரிவித்தார்.

18 நாட்டு ராஜதந்திரிகள் சகிதம் கடந்த பெப்;ரவரி 13ல் இடம்பெற்ற ஜெனீவா சந்திப்பில் கூட்டமைப்பு சார்பில் அனுப்பப்பட்டிருந்த சுமந்திரன் போர்குற்ற விசாரணை தொடர்பாகவோ இன அழிப்பு தொடர்பாகவோ ஏதும் பேசியிருக்கவில்லை. என்னையும் பேச விடவில்லை. வெறுமனே வேடிக்கை பார்க்கும் நபராக நான் இருந்தேன்.

குறுக்கிட்டு அங்கு பேசியிருக்க முடியுமாயினும் ராஜதந்திரிகளிடையே கௌரவத்தினை மதித்து தான் பேசாதிருந்ததாகவும் அனந்தி மற்றொரு கேள்விக்கு அங்கு பதிலளித்தார்.

ஏதாவதொரு பிரேரணையினை கொண்டுவந்தால் போதுமென்பதே அவரது நிலைப்பாடாக இருந்ததெனவும் அவர் தெரிவித்தார்.

ஜெனீவாவினில் ஓர் போர்க்குற்ற விசாரணை வருமென நம்பிருந்த எமது மக்கள் விரக்திக்குள்ளாகி இருக்கிறார்கள். காணாமல் போனோர் தொடர்பில் நான் கொண்டிருந்த நம்பிக்கையும் அற்றுப்போயுள்ளது. எமது மக்கள் கடும் மன உளைச்சலிற்கு உள்ளாகியுள்ளார்கள். இன அழிப்பிற்கு சர்வதேசம் நீதியான தீர்வொன்றினை தராதென எமது இளம் சமுதாயம் கருதி மாற்றுவழிகளை தேடிக்கொள்ளுமானால் அகிம்சை பற்றி பேசிக்கொண்டிருக்கும் சர்வதேச நாடுகளே அதற்கு பொறுப்பாக வேண்டியிருக்குமெனவும் அனந்தி தெரிவித்தார்.

This posting includes an audio/video/photo media file: Download Now

கூகுளின் அன்ரோயிட் இயங்குதளத்தினை அடிப்படையாகக் கொண்டு செயற்படும் மொபைல் சாதனங்களில் நிறுவி பயன்படுத்துவதற்கான தனது உலாவியின் புதிய பதிப்பினை வெளியிட்டது Opera.

இப்புதிய பதிப்பானது அன்ரோயிட் 4.0 மற்றும் அதற்கு பிந்திய பதிப்புக்களில் செயற்படக்கூடியதாக காணப்படுகின்றது.

இந்த உலவாவயினூடாக நேரடியாகவே வீடியோ அழைப்புக்களை ஏற்படுத்தக்கூடியதாக இருப்பது விசேட அம்சமாகும்.

இதனை கூகுள் பிளே ஸ்டோரிலிருந்து தரவிறக்கம் செய்துகொள்ள முடியும்.

This posting includes an audio/video/photo media file: Download Now

இலங்கை இராணுவத்தின் மகளிர் படையணிக்கு வட மாகாணத்தைச் சேர்ந்த மேலும் 44 தமிழ் யுவதிகள் இணைக்கப்பட்டுள்ளனர்.

இவ்வாறு இணைக்கப்பட்ட யுவதிகளில் 20பேர் முல்லைத்தீவு பிரதேசத்தைச் சேர்ந்தவர்கள் என்பதுடன் ஏனைய 24பேரும் புதுக்குடியிருப்பைச் சேர்ந்தவர்கள் என இராணுவத்தினர் தெரிவித்தனர்.

This posting includes an audio/video/photo media file: Download Now

12–வது ஆசிய கோப்பை கிரிக்கெட் போட்டி வங்காளதேசத்தில் நடந்து வருகிறது. இந்தியா, பாகிஸ்தான், இலங்கை, வங்காளதேசம், ஆப்கானிஸ்தான் ஆகிய 5 அணிகள் பங்கேற்றன.

ஒவ்வொரு அணியும் மற்ற அணியுடன் தலா ஒருமுறை மோதவேண்டும். லீக் முடிவில் முதல் இரு இடங்களை பிடிக்கும் அணிகள் இறுதிப்போட்டிக்கு தகுதி பெறும்.

நேற்றுடன் லீக் ஆட்டங்கள் முடிந்தன. புள்ளி பட்டியலில் முதல் இரண்டு இடங்களை பிடித்த பாகிஸ்தான், இலங்கை அணிகள் பிடித்து இறுதிப்போட்டிக்கு தகுதி பெற்றன.

இலங்கை அணி அனைத்து லீக் (4 போட்டி) ஆட்டத்திலும் வெற்றி பெற்றது. பாகிஸ்தான் அணி 3 வெற்றி ஒரு தோல்வி பெற்றது. இந்தியா அணி 2 வெற்றி, 2 தோல்வி, ஆப்கானிஸ்தான் ஒரு வெற்றி, 3 தோல்வி பெற்றன. சொந்த மண்ணில் விளையாடிய வங்காளதேசம் ஒரு வெற்றி கூட பெறாமல் அனைத்து ஆட்டத்திலும் தோல்வி அடைந்து ஏமாற்றம் அளித்தது.

ஆசிய கோப்பை இறுதிப்போட்டி நாளை டாக்காவில் நடக்கிறது. இதில் பாகிஸ்தான்– இலங்கை அணிகள் பலப்பரீட்சை நடத்துகின்றன. இரு அணிகளும் சமபலம் வாய்ந்தது என்பதால் ஆட்டம் விறுவிறுப்பாக இருக்கும் என எதிர்பார்க்கப்படுகிறது. லீக் ஆட்டத்தில் இலங்கையிடம் பானிஸ்தான் தோற்றது.

இதற்கு பழிதீர்க்க பாகிஸ்தான் முயற்சிக்கும். பாகிஸ்தான் அணியில் முகமது ஹபீஸ், மிஸ்பா– உல்–ஹக், உமர் அக்மல், அப்ரிடி போன்ற சிறந்த பேட்ஸ்மேன்கள் உள்ளனர். இதில் அப்ரிடி இந்தியா, வங்காளதேசத்துக்கு எதிராக அதிரடியாக விளையாடி வெற்றி பெற வைத்தார்.

உமல் குல், சயீத் அஜ்மல், ஜூனைத்கான் போன்ற பவுலர்கள் உள்ளனர்.

இலங்கை அணியும் சம பலத்துடன் உள்ளது. அந்த அணி தோல்வியே சந்திக்காமல் மிகுந்த நம்பிக்கையுடன் உள்ளது.

சங்ககரா, கேப்டன் மேத்யூஸ், திரிமன்னே போன்ற சிறந்த பேட்ஸ்மேன்கள் இருக்கிறார்கள். பந்துவீச்சில் 'யார்க்கர்' மன்னன் மலிங்கா மிரட்டுவார். அஜந்தா மெண்டீஸ், சென நாயக்கே ஆகியோர் சுழற்பந்தில் அசத்துவார்கள்.

ஆசிய கோப்பையை இலங்கை 4 முறையும், பாகிஸ்தான் 2 முறையும் கைப்பற்றி உள்ளன. 2012–ம் ஆண்டு நடந்த போட்டியில் பாகிஸ்தான் சாம்பியன் பட்டம் பெற்றது.

நாளை நடைபெறும் போட்டியிலும் வெற்றி பெற்று ஆசிய கோப்பையை தக்க வைக்கும் முனைப்புடன் உள்ளது.

This posting includes an audio/video/photo media file: Download Now

இங்கிலாந்து அணி வெஸ்ட்இண்டீசில் சுற்றுப் பயணம் செய்து விளையாடி வருகிறது. 3–வது ஒருநாள் போட்டியில் இங்கிலாந்து வீரர் ஜோரூட் கைவிரலில் காயம் அடைந்தார். இதனால் வருகிற 16–ந்தேதி தொடங்கும் 20 ஓவர் உலக கோப்பை போட்டியில் அவர் விளையாடமாட்டார் என தெரிகிறது.

காயத்துக்கு சிகிச்சை பெற ஜோரூட் இங்கிலாந்து திரும்புகிறார். ஜோரூட் விலகல் பற்றி இங்கிலாந்து கிரிக்கெட் வாரியம் அதிகாரப்பூர்வமாக அறிவிக்கவில்லை. 20 ஓவர் உலக கோப்பையில் இங்கிலாந்து அணி தனது முதல் ஆட்டத்தில் வருகிற 22–ந்தேதி நியூசிலாந்தை சந்திக்கிறது

This posting includes an audio/video/photo media file: Download Now

சந்தோஷ் கோப்பைக்கான 68–வது தேசிய சீனியர் கால்பந்து போட்டி மேற்கு வங்காளத்தில் உள்ள சிலிகுரியில் நடந்து வருகிறது. இதன் லீக் ஆட்டங்கள் முடிவில் 'ஏ' பிரிவில் மிசோரம் முதலிடத்தையும், மராட்டியம் 2–வது இடத்தையும், பி பிரிவில் இந்தியன் ரெயில்வே முதலிடமும், தமிழ்நாடு 2–வது இடமும் பிடித்து அரை இறுதிக்கு தகுதி பெற்றன. இன்று நடைபெற்ற முதலாவது அரை இறுதியில் தமிழ்நாடு– மிசோரம் அணிகள் மோதின. இதில் மிசோரம் அணி 3-1 என்ற கோல் கணக்கில் தமிழகத்தை வென்றது. இன்று மாலை நடக்கும் மற்றொரு அரை இறுதியில் 3 முறை சாம்பியன்களான இந்தியன் ரெயில்வே – மராட்டியம் அணிகள் மோதுகின்றன

This posting includes an audio/video/photo media file: Download Now

விடுதலைப் புலிகளை போஷித்து வளர்த்த தமிழக அரசியல்வாதிகளையே முதலில் சர்வதேச போர் குற்றவியல் நீதிமன்றத்தில் நிறுத்த வேண்டும் என ஜாதிக ஹெல உறுமயவின் ஊடக செயலாளரும் மேல் மாகாண வேட்பாளருமான நிஷாந்த ஸ்ரீ வர்ணசிங்க தெரிவித்தார்.

This posting includes an audio/video/photo media file: Download Now

மோதல்களின் போது பாலியல் வன்முறைகளை முடிவுக்கு கொண்டு வருதல் மற்றும் அதனை ஊக்குவிக்கும் வகையில் சர்வதேச ரீதியில் பிரசாரத்தை மேற்கொள்ளும் ஐ.நாவின் உடன்படிக்கையில் இலங்கை அரசு கையெழுத்திட வேண்டும் பிரித்தானியா தெரிவித்துள்ளது.

This posting includes an audio/video/photo media file: Download Now

இலங்கையின் நிலைமைகளை மனித உரிமை பேரவையில் அரசியலாக்க முயற்சிப்பதாக அரசாங்கம், ஜெனிவா மனித உரிமை ஆணைக்குழுவில் இன்று தெரிவித்துள்ளது.

This posting includes an audio/video/photo media file: Download Now

கடந்த செவ்வாய்க்கிழமையன்று காலை 9.30 மணி அளவில் ஆப்கானிஸ்தான் அதிபர் ஹமீத் கர்சாயின் பெண்குழந்தை இந்தியாவின் குர்கான் பகுதியில் உள்ள போர்டிஸ் மெமோரியல் ஆய்வு மருத்துவமனையில் பிறந்தது. புதன்கிழமையன்று இலங்கைக்கு செல்லும் வழியில் இந்தியா வந்த அதிபர் ஹமீத் கர்சாய் மருத்துவமனைக்குச் சென்று தனது மனைவியையும், மகளையும் பார்த்துவிட்டுச்சென்றார். இந்தத் தகவல்களைத் தெரிவித்த ஆப்கனின் இந்தியத் தூதரான ஷைதா முகமது அப்தலி தாயும், குழந்தையும் நலமுடன் இருப்பதாகவும் குறிப்பிட்டார். ஆனால் இத்தகவல் குறித்து மருத்துவமனையிலிருந்து அதிகாரபூர்வ அறிவிப்பு எதுவும் இதுவரை வெளிவரவில்லை. இந்த வார துவக்கத்தில் அதிபரின் மனைவி மருத்துவமனையில் அனுமதிக்கப்பட்டார். அவருடன் அவரது குடும்பத்தினரும் வந்திருந்தனர். பிரசவ சமயத்தில் அதிபரின் மனைவிக்கு சிறப்பு மருத்துவ உதவி தேவைப்பட்டதால் இந்தியாவிற்கு செல்லுமாறு ஆப்கானிஸ்தான் நாட்டு மருத்துவர்களின் அறிவுரையின் பேரில் அவர்கள் இந்தியா வந்துள்ளனர். இன்று மாலை அவர்கள் மருத்துவமனையிலிருந்து வீடு திரும்பக்கூடும். இந்த விபரங்களைத் தெரிவித்த அப்தலி இதற்கான ஒத்துழைப்பை நல்கிய இந்திய அரசாங்கத்திற்கும், சிறந்த சேவைகளை அளித்த மருத்துவமனை நிர்வாகத்திற்கும் நன்றி தெரிவித்துள்ளார்.

This posting includes an audio/video/photo media file: Download Now

நாட்டின் சிறப்புரிமைகள் அனைவருக்கும் சரிசமமான வகையில் கிடைக்க வேண்டும் என ஜனாதிபதி மகிந்த ராஜபக்ஷ தெரிவித்துள்ளார்.

This posting includes an audio/video/photo media file: Download Now

இலங்கை தொடர்பில் ஐக்கிய நாடுகள் அமைப்பு நடவடிக்கை எடுக்க வேண்டியது அவசியமாகின்றது என மனித உரிமை கண்காணிப்பகம் தெரிவித்துள்ளது. இலங்கையில் இடம்பெற்ற யுத்த குற்றச் செயல்கள் தொடர்பில் சர்வதேச சுயாதீன விசாரணை நடத்தப்பட வேண்டுமென தென் ஆபிரிக்க பேராயரும், மனித உரிமை ஆர்வலருமான டெஸ்மன் டுடு ஆண்டகை கோரியிருந்தார்.

இந்த கோரிக்கையானது ஐக்கிய நாடுகள் அமைப்பின் உறுப்பு நாடுகளுக்கான ஓர் விழிப்பு கோரிக்கை என மனித உரிமை கண்காணிப்பகத்தின் ஆசிய பிராந்திய பணிப்பாளர் பிரட் அடம்ஸ் தெரிவித்துள்ளார். யுத்தம் இடம்பெற்ற காலத்தில் உயிரிழந்தவர்கள் தொடர்பில் இலங்கை அரசாங்கம் இதுவரையில் விசாரணை நடாத்தவில்லை என அவர் குறிப்பிட்டுள்ளார்.

தெளிவான ஆதாரங்கள் காணப்பட்ட போதிலும் உரிய விசாரணைகளை அரசாங்கம் நடாத்தத் தவறியுள்ளதாகத் தெரிவித்துள்ளார். எனவே ஐக்கிய நாடுகள் அமைப்பு இலங்கை விவகாரத்தில் நடவடிக்கை எடுக்க வேண்டிய தருணம் உதயமாகியுள்ளது என அவர் குறிப்பிட்டுள்ளார்

This posting includes an audio/video/photo media file: Download Now

உலக கத்தோலிக்க கிறிஸ்தவர்களின் தலைவராக விளங்கும் போப் ஆண்டவர் பிரான்சிஸ் அணுகுமுறைகள் கிறிஸ்தவர்களை வெகுவாக ஈர்த்து வருகிறது. இது தொடர்பாக ஒரு நிறுவனம் அமெரிக்காவில் வசிக்கும் கிறிஸ்தவர்களிடம் பிப்ரவரி 14-ந்தேதி முதல் 23-ந்தேதி வரையில் 1,340 பேரிடம் தொலைபேசியில் தொடர்பு கொண்டு கருத்து கணிப்பு நடத்தியது. இதில் போப் ஆண்டவர் பிரான்சிஸ் 85 சதவீதம் கத்தோலிக்க கிறிஸ்தவர்களிடம் செல்வாக்கு பெற்று இருப்பது தெரியவந்தது. 68 சதவீதம் பேர் இன்னும் அதிக மாற்றம் செய்ய வேண்டும் என எதிர்பார்க்கிறார்கள். ஆனால் அதேநேரத்தில் ஆலய வழிபாட்டிற்கு செல்வோர், சமூகசேவையில் ஈடுபடுவோர் எண்ணிக்கை குறிப்பிடும்படி உயரவில்லை. மேலும் குடும்பக்கட்டுப்பாடு, பாதிரியார்கள் விஷயத்தில் சீர்திருத்தம் கொண்டு வரவேண்டும் என்று மிகவும் எதிர்பார்க்கிறார்கள். இதற்கு முன்பு மறைந்த போப் ஜான் பால் அமெரிக்க மக்களிடம் மிக அதிக அளவாக 93 சதவீதம் மக்களின் செல்வாக்கை பெற்று திகழ்ந்தார். கடந்த 2008-ம் ஆண்டில் போப் பெனடிக் 83 சதவீதம் ஆதரவை பெற்றார்.

This posting includes an audio/video/photo media file: Download Now

விடுதலைப் புலிகளின் தலைவர் பிரபாகரன் பராமரித்து வந்த, யானை தற்போது பின்னவெல யானைகள் சரணாலயத்தில் பராமரிக்கப்பட்டு வருவதாக, கொழும்பு ஆங்கில நாளிதழ் ஒன்று தகவல் வெளியிட்டுள்ளது.

விடுதலைப் புலிகளின் தலைவர் பிரபாகரன் விலங்குகளை நேசிப்பவர். அவர் ஒரு புலி, ஒரு கரடி, ஒரு யானை என்பனவற்றை வளர்த்து வந்தார்.

அவர் மரணத்தை தழுவும் வரை அவர் புலியை தன்னுடன் வைத்திருந்ததாக தகவல்கள் கூறுகின்றன.

ஆனால் அவர் வளர்த்து வந்த கரடிக்கு என்ன நடந்தது என்று யாருக்கும் தெரியவில்லை.

அவர் வளர்த்த யானை மிகவும் அழகானது. அது தற்போது பின்னவெல யானைகள் சரணாலயத்தில் பராமரிக்கப்பட்டு வருகிறது.விடுதலைப் புலிகளின் தலைவர் பிரபாகரன் பராமரித்து வந்த, யானை தற்போது பின்னவெல யானைகள் சரணாலயத்தில் பராமரிக்கப்பட்டு வருவதாக, கொழும்பு ஆங்கில நாளிதழ் ஒன்று தகவல் வெளியிட்டுள்ளது.

விடுதலைப் புலிகளின் தலைவர் பிரபாகரன் விலங்குகளை நேசிப்பவர். அவர் ஒரு புலி, ஒரு கரடி, ஒரு யானை என்பனவற்றை வளர்த்து வந்தார்.

அவர் மரணத்தை தழுவும் வரை அவர் புலியை தன்னுடன் வைத்திருந்ததாக தகவல்கள் கூறுகின்றன.

ஆனால் அவர் வளர்த்து வந்த கரடிக்கு என்ன நடந்தது என்று யாருக்கும் தெரியவில்லை.

அவர் வளர்த்த யானை மிகவும் அழகானது. அது தற்போது பின்னவெல யானைகள் சரணாலயத்தில் பராமரிக்கப்பட்டு வருகிறது

This posting includes an audio/video/photo media file: Download Now

உணவுத் துறையில் பணிபுரிந்துவரும் ஜப்பானியப் பெற்றோர்களுக்கு ஒரே பெண்ணான 7 வயது சகுராகோஉயேஹராவை நியுசிலாந்தில் உள்ள பள்ளி ஒன்றில் சேர்க்க அவளது பெற்றோர்கள் திட்டமிட்டிருந்தனர். நியூசிலாந்தின் வடக்குப் பகுதியில் உள்ள முருபரா என்ற இடத்தில் செயல்பட்டுக் கொண்டிருக்கும் மாவோரி மொழிப் பள்ளியில் அந்தப் பெண் சேர்க்கப்பட்டாள். ஒரு மாதம் கழிந்தபின் நீண்ட நாட்கள் தாங்களும் இங்கு வந்து தங்குவதற்கான ஏற்பாடுகளைச் செய்யும்பொருட்டு அந்தப் பெண்ணின் பெற்றோர்கள் ஜப்பானுக்குத் திரும்பி வர முடிவு செய்தனர்.   ஊருக்குத் திரும்புவதற்குமுன் கடந்த திங்கட்கிழமையன்று சகுராகோவின் குடும்பத்தினர் அதே பகுதியில் வசித்துக்கொண்டிருக்கும் தங்கள் நண்பர் ஒருவர் வீட்டிற்கு சென்றுள்ளனர். அங்கேதான் அந்த விபரீதம் நடந்துள்ளது. அவர்கள் வீட்டில் வளர்த்துவந்த நான்கு காவல் நாய்களிடம் அந்த சிறுமி மாட்டிக்கொள்ள நேர்ந்தது. நடைபெறும் சம்பவத்தை உணர்ந்து அந்த சிறுமியை அவர்கள் காப்பாற்றுவதற்குள் அவளை 100 முறை அந்த நாய்கள் கடித்துள்ளன. இத்தனை கடிகளைப் பெற்றபோதும் அந்த சிறுமிக்கு உணர்வு இருந்துள்ளது. கவலைக்கிடமான நிலைமையில் அந்த சிறுமி ஆக்லாந்தின் மிடில்மோர் மருத்துவமனையில் சேர்க்கப்பட்டாள். அவளைத் தாக்கிய நாய்களை அந்தக் குடும்பத்தினர் கருணைக்கொலை செய்துவிட்டனர். ஆபத்தான நிலைமையைத் தாண்டாதபோதும் சிறுமியின் உடல்நலம் சீராக உள்ளதாக மருத்துவமனை அதிகாரிகள் இன்று தெரிவித்துள்ளனர். இந்த சிறுமி வளர்ந்த நிலையை அடையும்வரை அவளுக்குத் தொடர் அறுவை சிகிச்சைகள் தேவைப்படும் என்று அந்த மருத்துவமனையில் பணிபுரியும் பிளாஸ்டிக் மற்றும் மறுசீரமைப்பு அறுவைசிகிச்சை நிபுணரான டாக்டர் சாக் மொவாவேனி தெரிவித்துள்ளார். நாய்களின் உரிமையாளர் மீது கிரிமினல் குற்றச்சாட்டுகளைப் பதிவு செய்வது குறித்து காவல்துறை விசாரணை நடத்திக் கொண்டிருக்கின்றது. சிறுமியின் நிலை குறித்து கவலை கொண்ட பார்வையாளர்கள் அவளது சிகிச்சைக்காக அந்நாட்டு பணமதிப்பில் 1,00,000 டாலர் நன்கொடை அளித்துள்ளனர். இவற்றுக்கெல்லாம் நன்றி தெரிவித்துள்ள சகுராகோவின் குடும்பத்தினரோ, அவள் மீண்டுவர இறைவனிடம் பிரார்த்தனை செய்யும்படி கேட்டுக்கொண்டுள்ளனர்.

This posting includes an audio/video/photo media file: Download Now

அமெரிக்காவில் தடை செய்யப்பட்டுள்ள தீவிரவாதிகள் அமைப்பின் பெயர் பட்டியலின்படி, தமிழீழ விடுதலைப் புலிகள் அமைப்பை மீண்டும் தடை செய்யப்பட்ட தீவிரவாத அமைப்பு பட்டியலில் சேர்த்துள்ளது.

This posting includes an audio/video/photo media file: Download Now