Tamil Star

This posting includes an audio/video/photo media file: Download Now

This posting includes an audio/video/photo media file: Download Now

This posting includes an audio/video/photo media file: Download Now

This posting includes an audio/video/photo media file: Download Now

அசாருதீன் இந்திய அணியில் முன்னணி கிரிக்கெட் வீரராக இருந்தவர். ஆனால் இவரது குடும்ப வாழ்க்கை பல்வேறு திருப்பங்களை கொண்டது.

ஐதராபாத்தைச் சேர்ந்த நவ்ரீனை மணந்து 9 ஆண்டுகளுக்கு பிறகு விவகாரத்து செய்தார். அதன் பிறகு நடிகை சங்கீதா பிஸ்லானியுடன் காதல் ஏற்பட்டது. அவரை 1996–ல் திருமணம் செய்து கொண்டார். 14 வருடங்கள் ஒன்றாக குடும்பம் நடத்திய பின் இவர்களுக்குள்ளும் கருத்து வேறுபாடு ஏற்பட்டது. 2010–ல் இருவரும் தனித்தனியாக பிரிந்தார்கள்.

பிறகு பேட்மின்டன் வீராங்கனையுடன் அசாருதீனுக்கு காதல் ஏற்பட்டதாக கிசுகிசுக்கள் வந்தன. அதனை அவர் மறுத்தார். முதல் மனைவி நவ்ரீன் மூலம் அசாருதீனுக்கு ஆசாத், சுயஷ் என இரு மகன்கள். இதில் 19 வயதான அயஷ் விபத்தில் இறந்து போனார்.

அசாருதீனின் இத்தகைய குடும்ப வாழ்க்கையையும் கிரிக்கெட்டில் அவர் சாதனைகளையும் படத்தில் கொண்டு வருகிறார்கள்.

இந்திய தயாரிப்பாளர் ஏக்தாகபூர் சமீபத்தில் அசாருதீனை சந்தித்து அவர் வாழ்க்கையை படமாக எடுப்பதற்கான உரிமையை வாங்கியுள்ளாராம். குணால் தேஷ்முக் இப்படத்தை இயக்குவார் என தெரிகிறது.

This posting includes an audio/video/photo media file: Download Now

சர்வதேச கிரிக்கெட் கவுன்சிலின் முடிவுக்கு நான்கு நாடுகள் எதிர்ப்பு தெரிவித்துள்ளன.

சர்வதேச கிரிக்கெட் கவுன்சிலின் செயற்குழு கூட்டம் துபாயில் நேற்று தொடங்கியது.

இதில் இந்தியா, அவுஸ்திரேலியா, இங்கிலாந்து கிரிக்கெட் வாரியங்களுக்கு ஐ.சி.சி நிர்வாக முடிவுகள் எடுக்கும் விஷயத்தில் கூடுதல் அதிகாரம் வழங்குவது, வருவாயையும் அதிகமாக பகிர்ந்து அளிப்பது உள்ளிட்ட அம்சங்கள் அடங்கிய சீர்திருத்த வரைவு திட்டத்தை நிறைவேற்றுவதற்கு கூட்டத்தில் கடும் எதிர்ப்பு கிளம்பியது.

குறிப்பாக பாகிஸ்தான், தென்ஆப்பிரிக்கா, இலங்கை, வங்காளதேசம் கிரிக்கெட் வாரியங்கள் தங்களது ஆட்சேபனையை முன்வைத்தன.

6 மணி நேரத்திற்கு மேலாக விவாதம் நீடித்தது, இதனையடுத்து வரைவு திட்ட பரிந்துரை குறித்து அடுத்த மாதம் மீண்டும் ஒரு முறை விவாதிப்பது என்று முடிவு செய்யப்பட்டது.

இருப்பினும் சில திட்டங்களுக்கு கொள்கை ரீதியாக ஒப்புதல் அளிக்கப்பட்டது. நிர்வாக கமிட்டி, நிதி மற்றும் வர்த்தக விவகாரங்களை கவனிக்கும் கமிட்டி ஆகியவை உருவாக்கப்பட்டு, அவற்றை நிர்வகிக்கும் பொறுப்பு இந்தியா, அவுஸ்திரேலியா, இங்கிலாந்து உள்பட 5 நாடுகளை சேர்ந்த உறுப்பினர்களுக்கு வழங்குவது என்று முடிவு செய்யப்பட்டது.

இதன்படி இந்திய கிரிக்கெட் தலைவர் என்.சீனிவாசன் 2014ம்ஆண்டு ஜூன் மாதத்தில் இருந்து ஐ.சி.சி. சேர்மனாக நியமிக்கப்படுவது உறுதியாகி விட்டது.

இதே போல் அவுஸ்திரேலிய கிரிக்கெட் வாரிய பிரதிநிதி நிர்வாக கமிட்டி சேர்மனாகவும், இங்கிலாந்து கிரிக்கெட் வாரியத்தை சேர்ந்தவர் நிதி மற்றும் வர்த்தக விவகார கமிட்டி தலைவராகவும் நியமிக்கப்படுவார்கள்.

This posting includes an audio/video/photo media file: Download Now

அதிக நீர்ச்சத்தும், நார்ச்சத்தும் கொண்ட வாழைத்தண்டு பல்வேறு மருத்துவ குணங்களை தன்னகத்தே கொண்டுள்ளது.

1.கொழுப்பைக் குறைத்து வயிற்றுப் புண்களைச் குணப்படுத்தும். சிறுநீர் எரிச்சலைப் போக்கும், ஊளைச் சதையைக் கரைத்து, உடல் பருமனைக் குறைக்கும்.

2.பெண்களின் மாவிடாய் கோளாறு- ரத்த அழுத்தத்துக்கு சிறந்த மருந்தாக பயன்படுகிறது, சிறுநீரகத்தில் தோன்றும் கற்களைக் கரைக்கும்.

3.அதிக உடல் பருமன் கொண்டவர்கள், தொப்பை உள்ளவர்கள் அடிக்கடி வாழைத்தண்டை உணவில் சேர்த்துக் கொண்டால் நலம்.

4.வாழைத்தண்டு அதிக குளிர்ச்சி கொண்டது என்பதால் அதை உண்ணும் நாட்களில் தயிர், மோரை தவிர்க்கவும். வாழைத்தண்டை சிறு சிறு துண்டுகளாக நறுக்கி மிளகு, சீரகம், பூண்டு, எலுமிச்சை சாறு கலந்து உப்பு போட்டு கொதிக்க வைத்து காலை உணவுக்கு முன் குடித்து வந்தால் உடல் கனம் குறைவதோடு ரத்த அழுத்தம் கட்டுக்குள் வரும்.

5. கொசுக்கடித்து தடிப்பு ஏற்பட்டால் வாழைத்தண்டை இரண்டாக வெட்டி, வெட்டிய பகுதியைக் கொசுக்கடித்த இடங்களில் சில நிமிடங்கள் தேய்த்தால் குணமாகும்.

6. முகப்பருவிற்கு வாழைத்தண்டை பாதியாகப் பிளந்து முகப்பருவுள்ள இடங்களில் தினமும் 2 நிமிடங்கள் தேய்த்தால் பருக்கள் நீங்கி முகம் அழகாகும்.

This posting includes an audio/video/photo media file: Download Now

முற்கொடுப்பனவு மொபைல் வலையமைப்பு சேவையை வழங்கிவரும் Boost நிறுவனம் Boost Max 5.7 எனும் Android Phablet இனை விரைவில் அறிமுகம் செய்யவுள்ளது.

5.6 அங்குல அளவு, 1280 x 720 Pixel Resolution உடைய திரையினைக் கொண்ட இச்சாதனமானது 1.2GHz வேகத்தில் செயற்படக்கூடிய Processor மற்றும் பிரதான நினைவகமாக 1GB RAM ஆகியவற்றினைக் கொண்டுள்ளதுடன் சேமிப்பு நினைவகமாக 8GB கொள்ளளவினையும் உள்ளடக்கியுள்ளது.

மேலும் 8 மெகாபிக்சல்களை உடைய பிரதான கமெரா, 1 மெகாபிக்சலை உடைய வீடியோ அழைப்புக்களை ஏற்படுத்துவதற்கான கமெரா ஆகியவற்றினையும் கொண்டுள்ள இச்சாதனத்தின் பெறுமதி 299.99 டொலர்கள் ஆகும்.

This posting includes an audio/video/photo media file: Download Now

This posting includes an audio/video/photo media file: Download Now

இந்தாண்டிற்கான சூப்பர் நிலவு வரும் வெள்ளிக்கிழமை விண்வெளியில் காணலாம் என விண்வெளி ஆராய்ச்சி மையம் தெரிவித்துள்ளது.

பூமி, சூரியன் சந்திரன் ஆகிய மூன்றும் ஒரே நேர் கோட்டில் சந்திக்கும் வாய்ப்பு உருவாகியுள்ளது. இந்த நிகழ்வால் வழக்கத்தை காட்டிலும் நிலவின் அளவு பெரிதாக காணப்படும்.

இத்தைய நிகழ்ச்சிக்கு சூப்பர் நிலவு என பெயிரிட்டு அழைக்கப்படுகிறது.அத்தகைய நிகழ்வு இந்தாண்டு ஐந்து முறை நி்கழ்கிறது. இம் மாதம் முதல் தேதி நடந்து முடிந்துள்ளது.

அடுத்த நிகழ்வு வரும் வெள்ளி்க்கிழமை(31-ம் தேதி) நடைபெற உள்ளது. தொடர்ந்து ஜூலை 12, ஆகஸ்ட் 10,செப்டம்பர் மாதம் 9-ம்தேதி ஆகிய நாட்களில் நிகழ உள்ளது.

வரும் வெள்ளிக்கிழமை மாலை 3.30 மணி முதல் இதனை காணலாம் என விண்வெளி பவுண்டேஷனின் தலைவர் தேவ்கன் தெரிவித்துள்ளார். மேலும் அடுத்த சூப்பர் நிலவு வரும் 2018-ம் ஆண்டு ஜனவரியில் தான் தோன்றும் எனவும் அவை தெரிவித்துள்ளது

This posting includes an audio/video/photo media file: Download Now

பெண்களின் மன நிலையை அறிந்து அவர்களிடம் உண்மையான காதல் உள்ளதா? என்பதை கண்டறியும் அதி நவீன தொழில் நுட்ப 'பிரா' ஜப்பானில் உருவாக்கப்பட்டுள்ளது. இதை ஒரு தனியார் உள்ளாடை நிறுவனம் வடிவமைத்துள்ளது.

இந்த 'பிரா'வை அணியும் பெண்களின் மனநிலையை அறிய அதில் உணர்வு கருவிகள் பொருத்தப்பட்டுள்ளன. அவை பெண்ணின் இதய துடிப்பு மற்றும் உடலின் வெப்பநிலையை கணக்கிட்டு அந்த வயர்லஸ் சிக்னலை செல்போனுக்கு அனுப்பும்.

அதன் மூலம் அப்பெண்ணின் மனதில் உண்மையான காதல் உள்ளதா என்பதை கண்டறிய முடியும் என தயாரிப்பாளர்கள் கூறுகின்றனர். இந்த 'பிரா' தற்போது விற்பனைக்கு வெளியிடப்படவில்லை.

அதே நேரத்தில் இந்த 'பிரா' மூலம் தனது நிறுவனத்தின் உள்ளாடைகள் விற்பனையை பெருக்க திட்டமிடப்பட்டுள்ளது. அதற்காக இந்த 'பிரா' குறித்த செயல்முறை விளக்க வீடியோ வெளியிடப்பட்டுள்ளது.

This posting includes an audio/video/photo media file: Download Now

மனித உரிமை மீறல்கள் தொடர்­பிலும், யுத்­தக்­ குற்­ற­ச்சாட்­டுக்கள் குறித்தும் இலங்கை அர­சாங்கம் உரிய வகையில் விசா­ரணை நடத்­த­வில்லை; இனியும் நடத்­தப்­ போ­வ­தில்லை. எனவே சர்­வ­தேச விசா­ரணை இன்­றி­ய­மை­யாதது என்று தமிழ் தேசி­யக்­ கூட்­ட­மைப்பு வலி­யு­றுத்தி வரு­கின்­றது.

திரு­கோ­ண­ம­லையில் கடந்த ஞாயிற்­றுக்­கி­ழமை தமிழ்த் தேசி­யக்­ கூட்­ட­மைப்பின் பிர­தான கட்­சி­யான இலங்கை தமி­ழ­ர­சுக் கட்­சியின் மத்­திய குழுக்­ கூட்டம் நடைபெற்­றது.

கூட்­ட­மைப்பின் தலைவர் இரா. சம்­பந்தன் தலை­மையில் நடை­பெற்ற இந்தக் கூட்­டத்தில் இலங்­கையில் மேற்­கொள்­ளப்­பட்ட மனித உரிமை மீறல்கள் தொடர்பில் சர்­வ­தேச விசா­ரணை நடத்­தப்­ப­ட­வேண்டும் என்று தீர்­மானம் நிறை­வேற்­றப்­பட்­டுள்­ளது.

இங்கு கருத்துத் தெரி­வித்த கூட்­ட­மைப்பின் தலைவர் இரா. சம்­பந்தன், ஜெனீவா மனித உரிமை பேரவை மாநாட்டில் இலங்­கைக்கு எதி­ராக கடு­மை­யான சவால்­களும் அழுத்­தங்­களும் ஏற்­படும் என்­ப­த­னா­லேயே ஜனா­தி­ப­தியும் அமைச்­சர்­களும் வெளிநா­டு­க­ளுக்குச் சென்று தமக்கு ஆத­ர­வாகப் பிர­சா­ரங்­களில் ஈடு­பட்டு வரு­கின்­றனர்.

எனவே ஜெனீவா மாநாடு நடை­பெ­று­வ­தற்கு முன் நாமும் வெளிநாடு­க­ளுக்கு விஜயம் செய்து எமது பிரச்­சி­னை­களை விளங்­கப்­ப­டுத்­த­வேண்­டி­யது அவ­சி­ய­மாகும். இதன் மூலமே இலங்­கைக்கு தீர்க்­க­மான அழுத்­தத்­தினை ஏற்­ப­டுத்த முடியும் என்று தெரி­வித்­துள்ளார்.

இதேபோல் வட­மா­காண சபை­யிலும் சர்­வ­தேச விசா­ரணை கோரி பிரே­ரணை நிறை­வேற்­றப்­பட்­டுள்­ளது. வட ­மா­கா­ண­ச­பையின் ஐந்­தா­வது அமர்வு நேற்று முன்­தினம் சபையின் தலைவர் சி.வீ.கே. சிவ­ஞானம் தலை­மையில் நடை­பெற்­றது. இதன்­போது, மாகா­ண­சபை உறுப்­பினர் எம்.கே. சிவா­ஜி­லிங்­கத்­தினால் இந்தப் பிரே­ரணை கொண்­டு­வ­ரப்­பட்­டது.

எமது மக்­க­ளுக்கு எதி­ராக இழைக்­கப்­பட்ட போர்க்­குற்­றங்கள், மானி­டத்­திற்கு எதி­ரான குற்­றங்கள், இனப்­ப­டு­கொ­லைகள் ஆகி­ய­வற்றை விசா­ரணை செய்­வ­தற்கு பக்­கச்­சார்­பற்ற பன்­நாட்டு விசா­ர­ணையை ஐக்­கிய நாடுகள் சபையின் துணை­யுடன் உரு­வாக்­கு­வ­தற்கு அனைத்­து­லக சமூகம் முன்­வ­ர­வேண்டும் என்ற பிரே­ர­ணையை இவர் முன்­மொ­ழிந்தார். இப்­பி­ரே­ரணை மாகா­ண­ச­பையில் நிறை­வேற்­றப்­பட்­டுள்­ளது.

இத­னை­விட மன்னார் – திருக்­கே­தீஸ்­வரம், புதை­குழி தொடர்­பிலும் சர்­வ­தேச விசா­ரணை நடத்­தப்­ப­ட­ வேண்டும் என்று மாகா­ண­சபை உறுப்­பினர் அனந்தி சசி­தரன் பிரே­ர­ணையை முன்­வைத்­தி­ருந்தார். இந்தப் பிரே­ர­ணையும் ஏக­ம­ன­தாக நிறை­வேற்­றப்­பட்­டுள்­ளது.

முள்­ளி­வாய்க்­காலில் இறுதி யுத்­தத்தின் போது நடை­பெற்­றது இன அழிப்பு என்­பதை அர­சாங்க அதி­பர்­களின் புள்­ளி­வி­பர அடிப்­ப­டையில் ஜெனீவாவில் நடை­பெ­ற­வுள்ள மனித உரிமை பேரவை மாநாட்டில் தெளிவு­ப­டுத்த வட ­மா­கா­ண­சபை முன்­வ­ர­வேண்டும் என்றும் இவர் பிரே­ர­ணை­யொன்றை சமர்ப்­பித்­துள்ளார். இந்தப் பிரே­ர­ணையும் திருத்­தங்­க­ளுடன் நிறை­வேற்­றப்­பட்­டுள்­ளது.

இந்தப் பிரே­ரணை முன்­வைக்­கப்­பட்­ட­ போது குறுக்­கிட்ட வட ­மா­காண முத­ல­மைச்சர் சீ.வி.விக்­கி­னேஸ்­வரன் பிரே­ர­ணையில் 'இன அழிப்பு' என்று இல்­லாமல் 'இன அழிப்­புக்கு ஒப்­பா­ன­தாகும்' என்று வசனம் மாற்­றப்­ப­ட­ வேண்டும் என தெரி­வித்­தி­ருந்தார்.

இன அழிப்பு' என்ற சொல் சட்டச் சிக்­கலை ஏற்­ப­டுத்­தலாம். எனவே, இதனை 'இன அழிப்­புக்கு ஒப்­பா­னது' என மாற்­று­மாறு முத­ல­மைச்சர் பொறுப்­பு­ணர்­வுடன் கூறி அந்தப் பிரே­ர­ணையை திருத்­தங்­க­ளுடன் நிறை­வேற்­றி­யி­ருக்­கிறார்.

இவ்­வாறு வட ­மா­கா­ண­ச­பையில் சர்­வ­தேச விசா­ரணை கோரும் வகையில் பல தீர்­மா­னங்கள் நிறை­வேற்­றப்­பட்­டுள்­ளன. தமிழ் தேசி­யக்­கூட்­ட­மைப்பு சர்­வ­தேச விசா­ர­ணை­யினை கோரி­வரும் நிலையில் அர­சாங்­கமோ அத்­த­கைய விசா­ர­ணை­யா­னது நாட்டில் பெரும் குழப்­பங்­களை ஏற்­ப­டுத்தும் என்று கருத்துத் தெரி­வித்து வரு­கின்­றது.

போர்க்­குற்­றச்­சாட்­டுக்கள் தொடர்­பான சர்­வ­தேச விசா­ரணை இலங்­கையில் குழப்­பத்தை ஏற்­ப­டுத்தும். 26 ஆண்டு கால மோதல்­க­ளுக்குப் பின்னர் நிலை­யான அமை­தியை நாம் உரு­வாக்­க­வேண்­டி­யுள்­ளது. இது ஒரு மென்­மை­யான, நுட்­ப­மான செயல்­ முறை­யாகும். நல்­லி­ணக்கம் என்­பது ஒன்று அல்­லது இரண்டு நாட்­களில் அடை­யக்­கூடி­ய­தல்ல.

போர்க்­குற்­றச்­சாட்­டுக்கள் குறித்து சர்­வ­தேச விசா­ர­ணை­களை நடத்­து­வதால் பழைய காயங்கள் தான் மீண்டும் கிள­றப்­படும். முன்னாள் போரா­ளிகள், இந்­திய அமை­திப்­ப­டை­யினர், இலங்கைப் படை­யினர் என்று மோதல்­களில் சம்­பந்­தப்­பட்ட எல்லாத் தரப்­பையும் விசா­ரிக்­க­வேண்­டிய நிலை ஏற்­படும் என்று ஜனா­தி­ப­தியின் செய­லாளர் லலித் வீர­துங்க சுட்­டிக்­காட்­டி­யுள்ளார்.

ஐ.நா. மனித உரி­மைப்­பே­ர­வையில் இலங்­கைக்கு எதி­ராகக் கொண்­டு­வ­ரப்­ப­ட­வுள்ள மூன்­றா­வது தீர்­மா­னத்தை தடுக்கும் முயற்­சியில் தீவி­ர­மாக ஈடு­பட்­டுள்ள லலித் வீர­துங்க, தற்­போது வாஷிங்­டன் சென்­றுள்ளார். அங்கு ஊட­க­மொன்­றுக்கு அளித்த செவ்­வி­யி­லேயே அவர் இவ்­வாறு சுட்­டிக்­காட்­டி­யி­ருக்­கின்றார்.

தீவி­ர­வா­தத்­தி­லி­ருந்து நாட்டை விடு­வித்த படை­யி­னரை நீதிப் பரி­சோ­த­னைக்கு உட்­ப­டுத்­தும்­போது அது நாட்டில் பெரும் குழப்­பத்தை ஏற்­ப­டுத்தும். அது இரா­ணு­வத்­தி­னரின் ஒழுக்­கத்தை குறைக்­கப்­போ­கின்­றது. இந்த விட­யங்­களை மிகவும் கவ­ன­மாக ஆலோ­சிக்­க­வேண்டும் என்றும் அவர் கருத்து தெரி­வித்­தி­ருக்­கின்றார்.

இதேபோல், அர­சாங்க அமைச்­சர்­களும் சர்­வ­தேச விசா­ர­ணைக்கு எதி­ரான நிலைப்­பாட்­டையே கொண்டு செயற்­பட்டு வரு­கின்­றனர். தமிழ்த் தேசி­யக்­கூட்­ட­மைப்பு சர்­வ­தேச விசா­ர­ணையைக் கோரி­வரும் நிலையில், அர­சாங்கம் அதற்கு எதி­ராக செயற்­பட்டு வரு­கின்­றது. இந்த ஏட்­டிக்­குப்­போட்­டி­யான நிலை­யா­னது ஜெனீவா மாநாடு வரையில் தொடரும் சூழலே காணப்­ப­டு­கின்­றது.

இலங்­கையில் மனித உரிமை மீறல்கள் தொடர்­பிலும் யுத்­தக்­குற்­றச்­சாட்­டுக்கள் குறித்தும் உரிய விசா­ரணை நடத்­தப்­ப­ட­வேண்டும் என்­பதே சர்­வ­தே­சத்தின் கோரிக்­கை­யா­கவும் உள்­ளது.

கடந்த வருடம் இலங்­கைக்கு விஜயம் செய்­தி­ருந்த பிரித்­தா­னியப் பிர­தமர் டேவிட் கமரூன், மார்ச் மாதத்­திற்குள் இலங்கை அர­சாங்கம் சுயாதீன­மான விசா­ர­ணை­யினை நடத்­தா­விடின் சர்­வ­தேச விசா­ர­ணைக்­கான கோரிக்கை முன்­வைக்­கப்­படும் என்று தெரி­வித்­தி­ருந்தார்.

இதேபோல், இலங்கை வந்­தி­ருந்த ஐ.நா. மனித உரிமை ஆணை­யாளர் நவ­நீ­தம்­பிள்­ளையும் இத்­த­கைய கருத்­தினை வலியுறுத்தியிருந்தார். கனடா உட்பட ஐரோப்பிய நாடுகளும் இவ்வாறான கருத்தினையே கொண்டுள்ளன. இந்தியாவின் நிதி அமைச்சர் ப. சிதம்பரமும் சர்வதேச விசாரணையினை வலியுறுத்தியிருந்தார்.

சர்வதேச சமூகம் உரிய விசாரணையைக் கோரிவருவதுடன், நல்லிணக்க ஆணைக்குழுவின் பரிந்துரைகளை முழுமையாக அமுல்படுத்துமாறு வலியுறுத்தி வருகின்றது. இந்த நிலையில், அரசாங்கமோ அதற்குக் கால அவகாசம் வேண்டுமெனக் கோருவதிலேயே குறியாக இருக்கின்றது. இதனால் தான் சர்வதேச விசாரணை என்ற கோரிக்கை தற்போது தீவிரமடைந்துள்ளது.

எனவே, இந்த நிலைப்பாட்டை மாற்றவேண்டுமானால் பொறுப்புக்கூறும் விடயத்தில் அரசாங்கம் செயற்படவேண்டிய சூழலே எழுந்துள்ளது. இதனைக் கருத்தில் கொண்டு செயற்பாடுகள் அமைவதே இன்றைய காலத்திற்குப் பொருத்தமானதாக இருக்கும்.

This posting includes an audio/video/photo media file: Download Now

அமெரிக்க நாடாளுமன்றத்தில் வருடாந்திர கூட்டத்தில் உரையாற்றிய அதிபர் பராக் ஒபாமா, அமெரிக்க பொருளாதார மேம்பாடு, வெளியுறவு கொள்கைகள் உள்ளிட்ட பல்வேறு முக்கிய அம்சங்கள் தொடர்பாக நீண்ட விளக்கம் அளித்து உரையாற்றினார். அப்போது அவரது தலைமையிலான அமெரிக்க அரசின் சாதனைகளை பட்டியலிட்ட ஒபாமா, அரசின் எதிர்கால திட்டங்கள் தொடர்பாகவும் விளக்கிப் பேசினார். ஒரு மணி நேரத்துக்கும் மேலாக பேசிய அவரது உரையின் சில துளிகள்:- நமது அரசின் தொடர் அர்ப்பணிப்பால் உலகம் முழுவதும் தலைவிரித்து ஆடிவந்த தீவிரவாத செயல்களை பெருமளவுக்கு கட்டுப்படுத்தி வெற்றி கண்டுள்ளோம். நமது ராஜதந்திர அணுகுமுறையால் ஈரானின் அணு ஆயுத உற்பத்தியை முழுஅளவில் தடுத்து நிறுத்தி, உற்பத்தி செய்து, மறைத்து வைக்கப்பட்டிருந்த அணு ஆயுதங்களை அழிக்கும் முயற்சியையும் சிறப்பாக நிறைவேற்றியுள்ளோம். அன்னிய நாடுகள் முதலீடு செய்ய ஏற்ற நாடுகளில் முதலிடம் வகித்த சீனாவை பின்னுக்குத் தள்ளி தற்போது அமெரிக்கா முதலிடத்தை பிடித்துள்ளது. வெளிநாட்டினரின் முதலீடுகளை பெறுவதிலும் அமெரிக்கா முதலிடத்தில் உள்ளது. 2014ல் நமது பொருளாதாரம் மேலும் வளர்ச்சி பெறும். அமெரிக்காவின் பற்றாக்குறை பாதியாக குறைக்கப்பட்டுள்ளது. வேலையில்லாத 1.6 மில்லியன் மக்களுக்கு காப்பீடு வழங்க நடவடிக்கை மேற்கொள்ளப்பட்டு வருகிறது. இன்று பெரும்பாலான தொழிலாளர்கள் ஓய்வூதியம் பெறுவதில்லை; சமூக பாதுகாப்பிற்கு இது சரியானதல்ல. ஓய்விற்கு பின் புதிய சேமிப்பு திட்டத்தை அரசு அறிமுகப்படுத்த உள்ளது. ஈராக்கில் இருந்து அமெரிக்க படைகள் முற்றிலும் விலக்கிக் கொள்ளப்பட்டுள்ளன. ஆப்கானிஸ்தானில் நடைபெறும் போர் இந்த ஆண்டு முடிவுக்கு வரும். இந்த ஆண்டின் இறுதிக்குள் ஆப்கானிஸ்தானில் இருந்து அமெரிக்கப் படைகள் முழுமையாக திரும்பப் பெறப்படும். கடந்த 5 ஆண்டுகளில் பயங்கரவாதத்தை ஒடுக்க அமெரிக்க அரசு நடவடிக்கை மேற்கொண்டுள்ளது. ஆயுதம் தாங்கிய வன்முறைக்கு எதிராக ஒவ்வொரு அமெரிக்க குடிமகனும் செயல்பட வேண்டும். வேலைவாய்ப்பிலும், வேலைக்கான ஊதியத்திலும் ஆண்களுக்கு நிகரான சம உரிமை பெண்களுக்கும் வழங்கப்படும். நமது நாட்டின் வேலைத்திறனில் பெண்களின் பங்களிப்பு சரிபாதியாக உள்ளது. இருப்பினும், ஒரே வகையிலான வேலைக்கு ஆணுக்கு 100 சதவீத சம்பளமும், பெண்ணுக்கு 77 சதவீத சம்பளமும் வழங்கப்பட்டு வருகிறது. இது தவறானது. சமமான வேலை செய்யும் பெண்ணுக்கு சமமான ஊதியமும் வழங்கப்பட வேண்டும். தனது வேலையை தியாகம் செய்யாமல் குழந்தை பெற்றுக் கொள்ளும் உரிமை பெண்களுக்கு வழங்கப்பட வெண்டும். பழைய காலத்து பணி இட கொள்கைகளுக்கு விடையளிக்க நேரம் வந்துவிட்டதாக நாம் கருத வேண்டும். இந்த ஆண்டில் இருந்து வெள்ளை மாளிகை, வால் ஸ்ட்ரீட் உள்ளிட்ட தொழில் நிறுவனங்கள் அனைத்தும் ஒன்றிணைந்து பெண்களுக்கு வழங்கப்பட வேண்டிய சம வேலைவாய்ப்பையையும், உழைப்புக்கேற்ற சம ஊதியத்தையும் வழங்க ஒன்றுபட வேண்டும். ஏனெனில், பெண்கள் வெற்றி பெற்றால் அமெரிக்கா வெற்றி பெறும் என்று நான் உறுதியாக நம்புகிறேன். இவ்வாறு ஒபாமா பேசி முடித்ததும் அரங்கில் அமர்ந்திருந்த ஆண்களும், பெண்களும் எழுந்து நின்று ஒபாமாவை பாராட்டும் வகையில் சில நிமிடங்கள் வரை கரவொலி எழுப்பி ஆதரவு தெரிவித்தனர்.

This posting includes an audio/video/photo media file: Download Now

மன்னார் திருக்கேதீஸ்வரம் மனித புதைகுழி மீண்டும் 17 ஆவது தடவையாக இன்று புதன் கிழமை மன்னார் நீதவான் ஆனந்தி கனகரட்ணம் முன்னிலையில் தோண்டப்பட்டது.

இன்று காலை 8.30 மணிமுதல் மதியம் 1 மணிவரை குறித்த புதை குழி தோண்டப்பட்ட போது மேலும் இரண்டு (2) மனித எச்சங்கள் உள்ளமை அடையாளம் காணப்பட்டுள்ளது.

இந்த நிலையில் இது வரை மீட்கப்பட்ட மனித எச்சங்களின் எண்ணிக்கை 55 ஆக அதிகரித்துள்ளது.

இன்று புதன் கிழமை குறித்த மனித புதை குழி தோண்டபபட்ட போது அனுராதபுர சட்ட வைத்திய நிபுணர் டி.எல்.வைத்திய ரெட்ண தலைமையிலான குழுவினர் குறித்த இடத்திற்கு சமூகமளிக்கவில்லை.

இதனால் அடையாளம் காணப்பட்ட மனித எச்சங்கள் மீட்கப்படவில்லை.

இதே வேளை   திருக்கேதீஸ்வரம் மனித புதை குழி உள்ள இடத்திற்கு சென்ற குற்ற புலனாய்வுப்பிரிவினர் (சி.ஐ.டி) 5 ஆவது  நாளாகவும் இன்று  புதன்  கிழமை தமது விசாரனைகளை முன்னனொடுத்துள்ளனர்.;.

மீண்டும் நாளை (30-01-2014) வியாழக்கிழமை கிழமை நீதவான் முன்னிலையில் குறித்த பணிகள் 18 ஆவது தடவையாக  இடம் பெறவுள்ளமை குறிப்பிடத்தக்கது.

This posting includes an audio/video/photo media file: Download Now

ஆசை ஆசையாய் சாப்பிடப் போன சாக்லேடுக்குள் குளவி குடியேறியுள்ளதை கண்ட வாடிக்கையாளர் இது தொடர்பாக அந்த சாக்லேட் நிறுவனத்துக்கு புகார் அனுப்பியுள்ளார். இங்கிலாந்தின் லிவர்பூல் நகரை சேர்ந்த ஜேக் கியேட்டிங்(20) என்பவர் அப்பகுதியில் உள்ள சிட்டி சென்டர் வணிக வளாகத்தில் 'கேட்பரீஸ் டெய்ரி மில்க் சாக்லேட்' ஒன்றை கடந்த வாரம் வாங்கினார். அதன் மேலுறையை பிரித்துவிட்டு சாப்பிட முயன்ற அவர், சாக்லேட்டின் ஒரு பகுதி மட்டும் வழக்கத்துக்கு மாறாக புடைத்துக் கொண்டிருப்பதை கண்டு ஆச்சரியமடைந்தார். அந்த பகுதியை இரண்டாக உடைத்த ஜேக் கியேட்டிங் அதிர்ச்சியால் உறைந்துப் போனார். உடனடியாக அந்த சாக்லேட்டை தனது செல்போன் கேமரா மூலம் படம் பிடித்த அவர், கேட்பரீஸ் நிறுவனத்தின் 'டுவிட்டர்' பக்கத்துக்கு அதை அனுப்பி வைத்து விளக்கம் கேட்டுள்ளார். 'இந்த சாக்லேட்டுக்குள் இறக்கை, கால் மற்றும் தலையுடன் ஒரு முழு குளவி செத்துப்போய் கிடக்கிறது. இது குறித்து உங்கள் நிறுவனத்தின் விளக்கம் என்ன? என அவர் கேள்வி எழுப்பினார். இதனையடுத்து, தங்கள் நிறுவனத்தின் சார்பில் ஒரு உயரதிகாரியை ஜேக் கியேட்டிங்-கிடம் அனுப்பி வைத்த கேட்பரீஸ் நிறுவனம் அந்த சாக்லேட்டை பரிசோதனைக்காக வாங்கி வைத்துள்ளது. பரிசோதனையின் முடிவுக்கு பின்னர் இந்த தவறு எங்கு? எப்படி நேர்ந்தது? என்பதை கண்டறிந்து, அதற்கு காரணமானவர்கள் மீது உரிய நடவடிக்கை எடுக்கப்படும் என கேட்பரீஸ் நிறுவனம் அறிவித்துள்ளது.

This posting includes an audio/video/photo media file: Download Now

முள்ளிவாய்க்காலில் உயிரிழந்த மக்களுக்காக அல்ல பிரபாகரனை நினைவுகூருவதற்காகவே முதலமைச்சர் விக்னே­ஸ்வரன் நினைவுத் தூபி நிறுவப் போகின்றார் எனக் தேசப்பற்றுள்ள தேசிய இயக்கம் குற்றம்சாட்டியுள்ளது.

This posting includes an audio/video/photo media file: Download Now

திருட்டுத்தனமாக சிகரெட் பிடிப்பதை பார்த்துவிட்ட தந்தையின் தண்டனையில் இருந்து தப்புவதற்காக 13-வது மாடியில் இருந்து குதித்து தப்பிக்க முயன்ற 13 வயது சிறுவன் பரிதாபமாக பலியான சம்பவம் சார்ஜாவில் பெரும் பரபரப்பை ஏற்படுத்தியுள்ளது. பிலிப்பைன்ஸ் நாட்டை சேர்ந்த ஒருவர் அரபு நாடுகளில் ஒன்றான சார்ஜாவில் பணியாற்றிக் கொண்டு அங்கேயே தனது மனைவி பிள்ளைகளுடன் வாழ்ந்து வருகிறார். அவரது மகன்களில் ஒருவனான 13 வயது சிறுவன், அக்கம்பக்கத்தில் உள்ள சமவயது சிறுவர்களுடன் சேர்ந்து சிகரெட் பிடிக்கும் கெட்ட பழக்கத்தை கற்றுக் கொண்டான். இது தந்தையின் கவனத்துக்கு வரவே, தனது அன்பு மகன் பிஞ்சு பருவத்திலேயே வெம்பிப் பழுத்து பாழாகிப் போவதை தடுக்க முயன்றார். அவனை பலமுறை தனியே அழைத்த அவர், அன்பாகவும், கோபமாகவும் அறிவுரை கூறி, சிகரெட் பிடிப்பதை கைவிடும்படியும், தீய நண்பர்களிடமிருந்து விலகி இருக்கும்படியும் புத்திமதி கூறினார். 'இன்னொரு முறை நீ சிகரெட் பிடிப்பதை பார்த்தால்... உன்னை தொலைத்துக் கட்டி விடுவேன், ஜாக்கிரத்தை' எனவும் மகனை மிரட்டி வைத்தார். இருப்பினும், சிறுவனின் கூடா நட்போ, சிகரெட் பழக்கமோ குறைந்தபாடில்லை. இந்நிலையில், சம்பவத்தன்று தந்தை வேலைக்கு சென்றிருந்தபோது 13-வது மாடியில் இருந்த பால்கனி அருகே மறைந்து நின்றபடி அந்த சிறுவன் சிகரெட் பிடித்துக் கொண்டிருந்தான். எதிர்பாராதவிதமாக, வீட்டில் எதையோ மறந்து வைத்துவிட்ட தந்தை அதை எடுத்து செல்வதற்காக பாதி வழியிலேயே வீடு திரும்பினார். மாடி பால்கனியில் சிகரெட் புகை மூட்டத்துக்கு பின்னால் மகன் நின்றிருப்பதை கண்டு ஆவேசமடைந்த அவர், அவனை திட்டியபடியே மேலே ஏற முயன்றார். 'அப்பா கையில் மாட்டிக் கொண்டால் முதுகுத் தோலை உரித்து விடுவார்' என பயந்துப்போன சிறுவன், அவர் மேலே ஏறி வருவதற்குள் 13-வது மாடியில் இருந்து கீழே குதித்தான். மண்டை பிளந்த நிலையில், சில நொடிகளிலேயே துடிதுடித்து இறந்த சிறுவனின் உடல் சார்ஜா போலீஸ் தடயவியல் ஆய்வகத்தில் பிரேத பரிசோதனைக்காக வைக்கப்பட்டுள்ளது. விபரம் புரியாத வயதில் தீய சகவாசத்தின் விளைவாக அந்த சிறுவன் அகால மரணம் அடைந்த சம்பவம் அப்பகுதி மக்களை சோகத்தில் ஆழ்த்தியுள்ளது.

This posting includes an audio/video/photo media file: Download Now

ஜெனீவாவிற்கு விஜயம் செய்வது குறித்து இன்னமும் தீர்மானிக்கவில்லை என தமிழ்த் தேசியக் கூட்டமைப்பின் மாகாணசபை உறுப்பினர் ஆனந்தி சசிதரன் தெரிவித்துள்ளார்.

ஐக்கிய நாடுகள் மனித உரிமைப் பேரவையின் அமர்வுகள் எதிர்வரும் மார்ச் மாதம் ஜெனீவாவில் நடைபெறவுள்ளது.

இந்த அமர்வுகளில் காணாமல் போதல்கள் தொடர்பில் முறைப்பாடு செய்ய ஆனந்தி சசிதரன் ஜெனீவாவிற்கு விஜயம் செய்ய உள்ளதாகத் தெரிவிக்கப்பட்டிருந்தது.

ஜெனீவாவிற்கு தமிழ்த் தேசியக் கூட்டமைப்பு பிரதிநிதிகளை அனுப்பி வைக்க நடவடிக்கை எடுக்கப்பட வேண்டுமென மாகாணசபையில் ஆனந்தி சசிதரன் யோசனைத் திட்டமொன்றை முன்வைத்திருந்தார்.

தமிழ் மக்களுக்காக குரல் கொடுக்கவும், காணாமல் போனவர்கள் தொடர்பில் கேள்வி எழுப்பவும் தமிழ்த் தேசியக் கூட்டமைப்பின் வட மாகாணசபை பிரதிநிதிகள் குழுவொன்று ஜெனீவா விஜயம் செய்ய வேண்டுமென அவர் வலியுறுத்தியுள்ளார்.

தமது உயிருக்கு அச்சுறுத்தல் ஏற்பட்டுள்ளதாக ஆனந்தி சசிதரன் தெரிவித்துள்ளார்.

ஜெனீவாவிற்கு விஜயம் செய்வது குறித்து கவனமாக சிந்தித்து தீர்மானம் எடுக்கப்பட உள்ளதாகக் குறிப்பிட்டுள்ளார்.

This posting includes an audio/video/photo media file: Download Now

எகிப்து நாட்டில் கடந்த ஆண்டு ஜூலை மாதம் அந்நாட்டின் அதிபர் முகமது மோர்சி ராணுவத்தினரால் பதவி இறக்கம் செய்யப்பட்டார். அவருக்குத் துணை புரிந்த முஸ்லிம் சகோதரத்துவ இயக்கத்தின் தலைவர்களும் மோர்சியுடன் சேர்த்து கைது செய்யப்பட்டனர். இவர்மீதும், இவருக்குத் துணை புரிந்தவர்கள் மீதும் பல குற்றச்சாட்டுகள் சுமத்தப்பட்டுள்ளன. அவற்றில் ஒன்றான, சிறையிலிருந்து தப்பித்தது தொடர்பான வழக்கின் விசாரணைக்காக நேற்று மோர்சி நீதிமன்றத்தில் ஆஜர்படுத்தப்பட்டார். கடந்த 2011 ஆம் ஆண்டில் இவருக்கு முன்னால் பதவியில் இருந்த ஹோஸ்னி முபாரக் ஆட்சிக்காலத்தில் சிறையில் வைக்கப்பட்டிருந்த இவர், அப்போது நடைபெற்ற புரட்சியில் சிறையிலிருந்து வெளியில் தப்பினார். அந்த சமயத்தில் 20,000க்கும் மேற்பட்ட கைதிகளும் தப்பினர். அது குறித்த விசாரணைக்காக அவர் நேற்று நீதிமன்றத்திற்கு அழைத்து வரப்பட்டார். கடந்த நவம்பரில் அவர் மீதான முதல் விசாரணை தொடங்கியபோது கூடியிருந்தவர்களின் கவனம் அவர்மீது திரும்பியதால் வழக்கு விசாரணை பாதிக்கப்பட்டது. அதனால் இந்த முறை எகிப்து அரசு மோர்சியைத் தனிமைப்படுத்தி சப்தங்கள் வெளிவராத கண்ணாடிக் கூண்டிற்குள் நிற்க வைத்தது. இவருடன் விசாரணைக்கு வந்த மற்ற 20 பேரும் மற்றொரு கண்ணாடிக் கூண்டிற்குள் நிற்கவைக்கப்பட்டனர். அரசு செய்தி நிறுவனம் தவிர வேறு எந்த செய்தி நிறுவனமும் நீதிமன்றத்தின் உள்ளே அனுமதிக்கப்படவில்லை. மோர்சி பதிலளிக்கும்போது மட்டுமே அவரது கூண்டினுள் ஒரு மைக்ரோபோன் வைக்கப்பட்டு அவரது பதிலுக்குப் பின் உடனடியாக அணைக்கப்பட்டது. இதுபோன்ற ஏற்பாடுகள் இதற்கு முன்னால் எகிப்திய நீதிமன்றத்தில் காணப்பட்டதில்லை. பதவி இறக்கப்பட்டபின் பெரும்பாலும் தனிமைச் சிறையிலேயே வைக்கப்பட்டிருக்கும் மோர்சி, இப்போது இரண்டாவது முறையாக பொது இடத்தில் தோன்றியுள்ளார். இந்த வழக்குகளின் கோப்புகளை வழக்கறிஞர்கள் ஆய்வுசெய்து சரிபார்ப்பதற்காக அவர்களுக்கு கால அவகாசம் அளிக்கும்வண்ணம் பிப்ரவரி 22ஆம் தேதிக்கு இந்த வழக்கு ஒத்தி வைக்கப்பட்டுள்ளது.

This posting includes an audio/video/photo media file: Download Now

தமிழீழ விடுதலைப் புலிகளுக்கு எதிராக சட்டவிரோத ஆயுதங்கள் பயன்படுத்தப்படவில்லை என அரசாங்கம் அறிவித்துள்ளது.

2009ம் ஆண்டு இறுதிக் கட்ட போரின் போது தமிழீழ விடுதலைப் புலிகளுக்கு எதிராக அரசாங்கம் சட்டவிரோத ஆயுதங்கள் எதனையும் பயன்படுத்தவில்லை என தெரிவித்துள்ளது,

25 ஆண்டு கால பயங்கரவாத இல்லாதொழிப்பு நடவடிக்கைகளின் போது இராணுவத்தினர் சட்டவிரோத ஆயுதங்களை பயன்படுத்தியதில்லை என குறிப்பிட்டுள்ளது,

இலங்கை அரசாங்கப்படையினர் இரசாயன மற்றும் கொத்தணி குண்டுகளை பயன்படுத்தியதாக குற்றம் சுமத்தப்பட்டிருந்தது.

எனினும், படையினர் எந்த சந்தர்ப்பத்திலும் சட்டவிரோத ஆயுதங்களை பயன்படுத்தவில்லை என இராணுவப் பேச்சாளர் ருவான் வனிகசூரிய தெரிவித்துள்ளார்.

பொதுமக்களின் பாதுகாப்பை உறுதிப்படுத்தும் நோக்கிலேயே படையினர் நடவடிக்கைகளை மேற்கொண்டதாகத் தெரிவித்துள்ளார்.

இலங்கைக்கு எதிராக ஐக்கிய நாடுகள் மனித உரிமைப் பேரவையில் நடவடிக்கை எடுக்கப்பட வேண்டும் என்பதற்காக இவ்வாறான அடிப்படையற்ற குற்றச்சாட்டுக்கள் சுமத்தப்படுவதாகக் குறிப்பிட்டுள்ளார்.

This posting includes an audio/video/photo media file: Download Now