Tamil Star

கனடா நாட்டின் ஆல்பர்ட்டா மாகாணத் தலைவரான அலிசன் ரெட்போர்டும், மனித சேவைகள் அமைச்சரான மன்மீத் சிங் புல்லரும் உத்தியோகபூர்வ பயணமாக இந்தியாவிற்கு வருகை தந்துள்ளனர். புது டெல்லியில் தங்கள் மாகாணத்திற்கான வர்த்தக அலுவலகம் ஒன்றை அமைக்கும் எண்ணத்துடன் அவர்கள் இங்கு வந்துள்ளனர்.

இவர்கள் இருவரும் கடந்த திங்கட்கிழமை அன்று அமிர்தசரஸ் நகரில் உள்ள பொற்கோவிலுக்கு சென்று வந்தபின்னர் நேற்று பத்திரிகையாளர்களை சந்தித்தனர். அப்போது கனடாவில் குடியேறிய சீக்கியர்களின் தன்னலமற்ற சேவைகள் குறித்து அவர்கள் புகழ்ந்து பேசினார். கடந்த 1909 ஆம் ஆண்டில் கடுமையான தட்ப வெப்ப சூழ்நிலைகள் காணப்பட்ட ஆல்பர்ட்டா மாகாணத்தில் குடியேறிய ஹர்நாம் சிங் ஹரி என்றவரின் விவசாய குடும்பத்தினர் அயராத உழைப்பால் அந்தப் பகுதில் உள்ள வளமான விளைநிலங்களைக் கண்டறிந்து விவசாய முன்னேற்றத்திற்கு வழி வகுத்தனர் என்று அவர்கள் குறிப்பிட்டனர். இதன் காரணமாக தற்போது கல்கரி நகரில் உருவாக்கப்பட்டுள்ள புதிய பூங்காவிற்கு அவரது பெயரை சூட்டி கௌரவிக்க இருப்பதாக அவர்கள் தெரிவித்தனர்.

தங்கள் நாட்டில் உள்ள முக்கியமான மருத்துவமனைகள் அனைத்திலும் குருநானக் தேவ் பெயரில் ஒரு பிரிவு செயல்பட்டு வருவதாக மன்மீத் சிங் குறிப்பிட்டார். தங்கள் முன்னோர்களிடமிருந்தும், குருக்களிடமிருந்தும் பெற்றுள்ள நல்ல போதனைகளின் தெய்வீக சக்தியினால் சீக்கியர்கள் செல்வச் செழிப்பினை அனுபவிப்பதாக அவர் கூறினார். பஞ்சாப் அரசுடன் இரண்டு வர்த்தக ஒப்பந்தங்களை மேற்கொண்டுள்ளதாக ரெட்போர்ட் குறிப்பிட்டார். வேளாண் மற்றும் கால்நடை மரபியல் குறித்த இந்த ஒப்பந்தங்கள் மூலம் பால் பொருட்கள் மற்றும் பன்றி வர்த்தகம் அதிகரிக்கக்கூடும்.

முக்கியமான திட்டங்களில் தொடர்பை ஏற்படுத்தும்விதமாக விவசாய தொழிலாளர் குழு ஒன்றும் அமைக்கப்படும் என்றும் ரெட்போர்ட் தெரிவித்தார்.

This posting includes an audio/video/photo media file: Download Now

வடக்கு மாகாண சபை பதவியேற்று நான்கு மாதங்களின் பின்னர் வடக்கு மாகாண அமைச்சுக்களின் செயலாளர்களுடன், திணைக்களத் தலைவர்களையும் ஒரேநேரத்தில் முதலமைச்சர் முதல் தடவையாக நாளை வியாழக்கிழமை சந்திக்கவுள்ளார் எனத் தெரிவிக்கப்பட்டுள்ளது.

வடக்கு மாகாணசபைக்கான தேர்தல் கடந்த செப்ரெம்பர் மாதம் இடம்பெற்றது. இதற்கமைய தமிழ்த் தேசியக் கூட்டமைப்பு மாகாணசபையைக் கைப்பற்றி ஒக்ரோபர் மாதம் ஆட்சி அமைத்திருந்தது.

ஆட்சி அமைத்து நான்கு மாதங்கள் கடந்துள்ள நிலையில், வடக்கு மாகாண முதலமைச்சர் க.வி.விக்னேஸ்வரன் நாளை வியாழக்கிழமையே முதல் தடவையாக வடக்கு மாகாண அரச நிர்வாக அதிகாரிகளைச் சந்திக்கவுள்ளார்.

இழுபறி மக்களால் தெரிவுசெய்யப்பட்ட வடக்கு மாகாண சபைக்கும், திணைக்களத் தலைவர்கள், செயலாளர்களுக்கும் இடையில் முரண்பாடுகள் தொடர்ச்சியாக நீடித்து வருகின்றன.    வடக்கு மாகாண ஆளுநர், மாகாணசபை நிர்வாகத்துக்கு முட்டுக்கட்டையாக இருப்பதா கத் தமிழ்த் தேசியக் கூட்ட மைப்பு தொடர்ச்சியாக குற்றம் சுமத்தி வருகின்றது.

இந்த நிலையில் நாளை வியா ழக்கிழமை கல்லை 9.30 மணிக்கு முதலமைச்சர் அலுவலகத்தில் வடக்கு மாகாணப் பிரதம செயலாளர், அமைச்சுக்களின் செயலாளர்கள், திணைக்களத் தலைவர்கள் ஆகியோரை வடக்கு மாகாண முதலமைச்சர் க.வி.விக்னேஸ்வரன் சந்தித்துக் கலந்துரையாடவுள்ளார்.

அலுவலகம் திறப்பு வடக்கு மாகாண முதலமைச்சர் க.வி.விக்னேஸ்வரனின் அலுவலகம் நாளை வியாழக்கிழமை திறந்து வைக்கப்படவுள்ளது. 26, சோமசுந்தரம் அவனியூவில் இந்த அலுவலகம் திறந்து வைக்கப்படவுள்ளது.

This posting includes an audio/video/photo media file: Download Now

This posting includes an audio/video/photo media file: Download Now

14-01-2014 வடமாகாணசபை உறுப்பினர் அனந்தி சசிதரன் பங்குபற்றிய பொது நிகழ்வொன்றில்; படை அதிகாரிகள் மற்றும் பொலிஸ் அதிகாரிகள் பங்கெடுக்க மறுத்திருந்த சம்பவமொன்று அராலி மாவத்தை பகுதியில் நேற்று (14.01.14) நடைபெற்றுள்ளது.

வட-கிழக்கில் பொது நிகழ்வுகளில் அப்பகுதி படை அதிகாரிகள் மற்றும் பொலிஸ் அதிகாரிகளை அழைக்க வேண்டுமென்பது எழுதப்படாத சட்டமாகவே உள்ளது.

அவ்வகையில் அப்பகுதியில் முன்னெடுக்கப்பட்ட பொங்கல் விழா நிகழ்வொன்றிற்கு பிரதம விருந்தினராக வடமாகாணசபை உறுப்பினர் அனந்தி சசிதரன் அழைக்கப்பட்டுள்ளார். அதே போன்று அப்பகுதி படை முகாம் அதிகாரி மற்றும் பொலிஸ் நிலையப் பொறுப்பதிகாரி ஆகியோர் அழைக்கப்பட்டுள்ளனர்.

எனினும் வடமாகாணசபை உறுப்பினர் அனந்தி சசிதரன் பங்கெடுக்கும் நிகழ்வில் தாம் பங்கெடுக்க தயாரில்லையென தெரிவித்துள்ள படை முகாம் அதிகாரி மற்றும் பொலிஸ்நிலையப் பொறுப்பதிகாரி ஆகியோர் அவரே தமக்கு தற்போது எதிரியென தெரிவித்துள்ளதுடன் அவரை அழைக்காது விட்டால் தாம் வருகை தர தயாராக இருப்பதாக தெரிவித்துள்ளனர்.

அதிலும் தமக்கு எதிராக அவர் வழக்குகளை தாக்கல் செய்துள்ளதாகவும் தெரிவித்துள்ளனர். எனினும் அதற்கு ஏற்பாட்டாளர்கள் மறுதலித்து அனந்தி தலைமையில் நிகழ்வினை நடத்தி முடித்துள்ளனர்.a

This posting includes an audio/video/photo media file: Download Now

வங்காள தேசத்தில் இந்து மதத்தினருக்கு எதிரான வன்முறை தொடர்ந்து அதிகரித்து வருகிறது.  இது குறித்து மத்திய அரசு தலையிட்டு தக்க நடவடிக்கை எடுக்க வேண்டும் என்று பாரதீய ஜனதா கட்சி வலியுறுத்தியுள்ளது. வங்காள தேசத்தில் மீண்டும் நடைபெற்ற தேர்தலில் பிரதமராக ஷேக் ஹசீனா தேர்ந்தெடுக்கப்பட்டார். இதன் பின்பு அந்நாட்டில் வசித்து வரும் இந்து மத மக்களின் வீடுகள் மற்றும் கடைகள் மீது ஜமாத் அமைப்பினர் தாக்குதல் நடத்தி வருகின்றனர். அதனுடன் ஆயிரக்கணக்கான இந்து மக்களின் கடைகள் தீ வைத்து கொளுத்தப்படுவதாகவும் கூறப்படுகிறது. இவ்விவகாரத்தில் மத்திய அரசு தலையிட வேண்டும் என்று மத்திய அரசை பாரதீய ஜனதா கட்சி கேட்டு கொண்டுள்ளது. அண்டை நாட்டில் நடைபெற்று வரும் நிலைமையை கண்காணித்து வருவதாக அரசு கூறி வருகிறது. ஆனால் ஜெஸ்சோர் போன்ற மாவட்டங்களில் ஆயிரக்கணக்கான இந்து வீடுகள் மற்றும் கடைகள் மீது தீ வைக்கப்பட்டு உள்ளன. இதனால் ஆயிரக்கணக்கான இந்து மக்கள் பாதுகாப்பு தேடி நிவாரண முகாம்களுக்கு சென்று விட்டனர்.  நாட்டில் வசிக்கும் இந்து மக்கள் மீதான தாக்குதலுடன் 12க்கும் அதிகமான கோவில்களை அந்த கும்பல் தாக்கி அழித்துள்ளதாக தகவல்

This posting includes an audio/video/photo media file: Download Now

ஜனாதிபதி மஹிந்த ராஜபக்சவின் ஆட்சி தொடர்ந்து இருக்குமேயானால் இந்நாட்டு மக்கள் சொல்லொண்ணா துன்பங்களை அனுபவிக்க நேரிடும் என சப்ரகமுவ மாகாண சபை உறுப்பினரும் தெரணியகல தொகுதி ஐ.தே.க. அமைப்பாளருமான ரன்ஜித் பொல்கம்பல தெரிவித்தார்.

This posting includes an audio/video/photo media file: Download Now

தனது வீடியோ கமராவின் ஒளிநாடாவை முள்ளியவளையில் வைத்து பொலிஸாரால் கடந்த 12 ஆம் திகதி அபகரித்து சென்றுவிட்டதாக வடமாகாணசபையின் தமிழ்த்தேசியக்கூட்டமைப்பு உறுப்பினர் வைத்திய கலாநிதி எஸ்.சிவமோகன் தெரிவித்தார்.

இது தொடர்பில் அவர் மேலும் தெரிவிக்கையில்,

முள்ளியவளை கணுக்கேணி கிழக்கில் இலவச கண்ணாடி வழங்குவதற்கான பரிசோதனைகளை வவுனியாவிலுள்ள வைத்தியசாலை மற்றும் கொழும்பிலுள்ள விஷன் கெயாருடன் இணைந்து கடந்த ஞாயிறன்று மேற்கொண்டிருந்தோம். அதில் 150 பேர் பங்குபற்றியதுடன் 93 பேருக்கு இலவசமாக கண்ணாடி வழங்குவதற்கான நடவடிக்கையை மேற்கொண்டிருந்தோம்.

இதேவேளை, அழிந்துபோகின்ற எமது கலைகளை கட்டிக்காக்கும் நோக்கில் முள்ளியவளை முதலாம் வட்டாரத்தில் கலைநிகழ்ச்சியொன்றையும் அதே தினத்தில் நடத்தினோம். இந்த கலை நிகழ்வில் புனர்வாழ்வு பெற்றவர்களும் சிறுவர்களும் பங்குபற்றினர்.

புனர்வாழ்வு பெற்றவர்களில் இரண்டு கண்களையும் இழந்த ஒருவரும் இரண்டு கால்களை இழந்த மற்றுமொருவரும் தங்களுடைய நிகழ்ச்சிகளை அரங்கேற்றினர் என்றும் அவர் கூறினார்.

இந்நிலையில், அங்கு வந்த பொலிஸார் நிகழ்ச்சியை நிறுத்துமாறு கோரினர். அதற்கு நான் இணங்காது நிகழ்ச்சியை தொடந்து நடத்தினேன். எனினும் அங்குவந்த இராணுவத்தினர் நிகழ்ச்சியை நடத்தவிடாது குழப்பங்களை விளைவித்துகொண்டிருந்தனர். இறுதியில் எனது வீடியோ கமராவின் ஒளிநாடாவை பொலிஸாரால் பறித்தெடுத்து சென்றுவிட்டனர். அது இன்னும் என்னிடம் கையளிக்கப்படவில்லை என்றார்.

இந்நிலையில் இந்த குற்றச்சாட்டு தொடர்பில் முள்ளியவளை பொலிஸ் நிலைய பொறுப்பதிகாரியிடம் தொடர்புகேட்டபோது,ஐ.நா மனித உரிமைகள் பேரவையில் சமர்ப்பிக்க வடமாகாணசபை உறுப்பினர் வைத்திய கலாநிதி சிவமோகன் ஆவணப்படம் தயாரிக்க முயன்றதாக எங்களுக்கு தகவல்கள் கிடைத்தன அதனையடுத்தே நாம் அந்த வீடியோ கமராவின் ஒளிநாடாவை கைப்பற்றினோம் என்றார்.

This posting includes an audio/video/photo media file: Download Now

யுத்த குற்றங்கள் தொடர்பான அமெரிக்க ராஜாங்க திணைக்களத்தின் விசேட தூதுவர் ஸ்டிபன் ஜே ரெப், தமிழ் தேசிய கூட்டமைப்புடன் இணைந்து செயற்படுவதாக குற்றம் சாட்டப்பட்டுள்ளது.

This posting includes an audio/video/photo media file: Download Now

உலகின் சிறந்த கால்பந்து வீரரைத் தேர்வுசெய்து ஆண்டுதோறும் கால்பந்து சம்மேளனம் கௌரவித்து வருகின்றது. சென்ற ஆண்டின் சிறந்த வீரருக்கான இறுதிப் பட்டியலில் லயனல் மெஸ்சி(அர்ஜென்டினா), கிறிஸ்டியானோ ரொனால்டோ(போர்சுகல்), பிராங்க் ரிபெரி(பிரான்ஸ்) ஆகியோர் இருந்தனர். இவர்களில் கிறிஸ்டியானோ ரொனால்டோ சென்ற ஆண்டின் சிறந்த வீரராக ஏக மனதாக நேற்று தேர்ந்தெடுக்கப்பட்டார். கடந்த 2008 ஆம் ஆண்டில் இந்த விருதினை ஒருமுறை பெற்றிருந்த ரியல் மேட்ரிட் அணி வீரரும் போர்ச்சுகலின் நம்பிக்கை நட்சத்திரமுமான கிறிஸ்டியானோ(28) தான் தேர்வு செய்யப்பட்டது அறிந்து உணர்ச்சிப் பெருக்கில் மகிழ்ந்தார்.

கடந்த நான்கு ஆண்டுகளாகத் தொடர்ந்து தேர்வு பெற்ற லயனல் மெஸ்சியின் சாதனைக்கு இவரின் தேர்வு முற்றுப்புள்ளி வைத்துள்ளது. இந்த ஆண்டு பிபா தேர்வில் ரொனால்டோ 27.99 சதவிகித வாகுகளையும், லயனல் மெஸ்சி 24.72வாக்குகளையும், பிரான்க் ரிபெரி 23.36 சதவிகித வாக்குகளையும் பெற்றுள்ளார்கள். தனது அணியினருக்கும் குடும்பத்தினருக்கும் தான் முதலிடம் பெற்றது குறித்து ரொனால்டோ நன்றி கூறினார். இதற்காக தான் நிறைய தியாகங்கள் செய்ததாகக் கூறிய ரொனால்டோ தன மீது நம்பிக்கை வைத்த அனைவருக்கும் நன்றி தெரிவித்தார்.

குறிப்பாக மறைந்த போர்ச்சுகல்லின் முன்னாள் கால்பந்து வீரரான யுசுபியோவிற்கும்,தென் ஆப்பிரிக்கத் தலைவர் நெல்சன் மண்டேலாவிற்கும் இதன்மூலம் அஞ்சலி செலுத்துவதாக அவர் குறிப்பிட்டார்.

This posting includes an audio/video/photo media file: Download Now

ஐக்கிய நாடுகள் சபையின் மனித உரிமைகள் சபையின் 25 ஆவது அமர்வு எதிர்வரும் மார்ச் மாதம் 3 ஆம் திகதி ஆரம்பமாகவுள்ளது. அதில் இலங்கை தொடர்பான அறிக்கை  23 ஆவது விடயமாக எடுத்துக் கொள்ளப்படவுள்ளதாகத் தெரிவிக்கப்பட்டுள்ளது.

ஜெனீவா மனித உரிமைகள் சபையில் இலங்கை இந்த வருடம் அங்கத்துவம் பெறாத போதும், இலங்கை தொடர்பில் மனித உரிமைகள் ஆணையாளர் அலுவலகத்தின் அறிக்கை சமர்பிக்கப்பட்டு விவாதம் நடத்தப்படவுள்ளது.

இதற்கு மேலதிகமாக அமெரிக்காவினால் இலங்கை தொடர்பான பிரேரணை ஒன்றும் சமர்பிக்கப்படவுள்ளதாகத் தெரியவருகின்றது.   மனித உரிமைகள் சபையின் 25 ஆவது அமர்வு எதிர்வரும் மார்ச் மாதம் 3 ஆம் திகதி ஆரம்பமாகவுள்ளது.

இந்த அமர்வு மார்ச் 28 ஆம் திகதி வரை இடம்பெறும். இந்த அமர்வில் 23 விடயமாக இலங்கை விவகாரம் உள்ளடக்கப்பட்டுள்ளது.

இலங்கையின் பொறுப்புக் கூறல் மற்றும் நல்லிணக்கத்துக்காக ஐக்கிய நாடுகள் சபையின் மனித உரிமைகள் ஆணையாளர் அலுவலகத்தினால் ஆலோசனை மற்றும் தொழில்நுட்ப உதவிகள் வழங்குவதற்காக நியமிக்கப்பட்ட குழுவின் அறிக்கை என அதில் குறிப்பிடப்பட்டுள்ளது.

This posting includes an audio/video/photo media file: Download Now

ஈராக்கை தலைமையிடமாக கொண்டு செயல்படும் ஜிஹாதி இஸ்லாமிய கிளர்ச்சியாளர்கள் மேற்கத்திய நாடுகளின் படைகளுக்கு எதிராகவும், இஸ்லாமிய சட்டத்தை நாட்டில் கொண்டுவரவேண்டும் என்று கூறி போராடி வருகின்றனர். அல்கொய்தாவின் ஆதரவுடன் இயங்கும் இந்த சன்னி இஸ்லாம் கிளர்ச்சியாளர்கள் பக்கத்து நாடான சிரியாவின் அலெப்போ மாகாணத்திலும் தாக்குதல் நடத்தி வருகின்றனர். இம்மாகாணத்தில் உள்ள சிரியா போராளிகளுடன் 10 நாட்களுக்கு மேலாகஅவர்கள் சண்டையிட்டு வருகின்றனர். இந்த சண்டையில் 700-க்கும் மேற்பட்டோர் கொல்லப்பட்டுள்ளனர். இந்நிலையில் அலெப்போ மாகாணத்தின் அல்-பாப் நகரை ஜிஹாதிகள் கைப்பற்றியுள்ளதாக கூறப்படுகிறது. இதில் அல்கொய்தாவிற்கு எதிரான இஸ்லாமிய மிதவாத போராளிகள் மற்றும் பொதுமக்களையும் அவர்கள் சிறைபிடித்தனர். அவ்வாறு பிடிபட்ட 60 பேரை பின்னர் ஜிஹாதிகள் சுட்டு மரணதண்டனை கொடுத்தனர். பிறகு அங்கிருந்த மசூதி ஒலிபெருக்கியின் மூலம் மக்களை அழைத்து தங்கள் ஆயுதங்களை ஒப்படைக்க செய்தனர். அப்போது அங்கு இஸ்லாமியா ஷரியா சட்டத்தையும் அவர்கள் நடைமுறைபடுத்தினர். கடந்த ஒருவருடமாக இப்பகுதியின் கட்டுப்பாட்டை இழந்த சிரியா ராணுவத்தினர், தற்போது விமானப்படை மூலம் குண்டுகளை வீசி தாக்குதல் நடத்தினர். இதில் 50 பேர் கொல்லப்பட்டதாக மனித உரிமை அமைப்பினர் எச்சரித்துள்ளனர்.

This posting includes an audio/video/photo media file: Download Now

"இறுதிக்கட்டப் போர் இடம்பெற்ற போது அமெரிக்க ஜனாதிபதி, ஐ.நா. செயலாளர் நாயகம், கனேடிய பிரதமர், பிரிட்டன் பிரதமர் ஆகியோர் ஜனாதிபதி மஹிந்த ராஜபக்சவுடன் தொலைபேசியூடாகத் தொடர்பு கொண்டு போரை நிறுத்துமாறு அழுத்தம் கொடுத்தனர்.

This posting includes an audio/video/photo media file: Download Now

தென் அமெரிக்க நாடான பராகுவேயில் கடந்த ஆண்டு ஜூலை மாதம் அந்நாட்டின் அதிபர் பெர்னாண்டோ லுகோ பதவி இறக்கம் செய்யப்பட்டார்.

இவர் வெனிசுவேலாவின் முன்னாள் அதிபர் ஹியூகோ சாவேசின் நெருங்கிய நண்பர் ஆவார். இதனால் ஏற்பட்ட கருத்து வேறுபாட்டைத் தொடர்ந்து வெனிசுவேலா பராகுவேயில் இருந்த தனது தூதரகத்தை மூடியது. 18 மாதங்கள் கடந்த நிலையில் நேற்று மீண்டும் இந்தத் தூதரகம் திறக்கப்பட்டது. வெனிசுவேலாவின் தூதரான அப்ரடோ முர்கா பாராகுவே நாட்டின் விவசாய விளைபொருட்கள் தங்கள் நாட்டிற்கு முக்கியமான தேவையாகும் என்றார்.

அதேபோல் வெனிசுவேலா உலகின் மிகப் பெரிய எண்ணெய் இருப்புகளைக் கொண்டுள்ளது. பாரகுவேயில் எண்ணெய் உற்பத்தி இல்லை. எனவே அந்தப் பிராந்தியத்தின் மிகப் பெரிய எண்ணெய் ஏற்றுமதி நாடான வெனிசுவேலாவுடன் நட்புறவை மேம்படுத்திக் கொள்ளுவதன்மூலம் அவர்கள் நன்மை பெறலாம்.

இரண்டு தென் அமெரிக்க நாடுகளும் தங்களின் பொருளாதார உதவிகளை ஒன்றுக்கொன்று தொடரலாம் என்று அவர் மேலும் குறிப்பிட்டார்.

This posting includes an audio/video/photo media file: Download Now