Tamil Star

This posting includes an audio/video/photo media file: Download Now

இத்தாலி நாட்டின் சிசிலி தீவின் கிழக்கு கடற்கரை பகுதியில் சதா உறுமிக்கொண்டிருக்கும் எரிமலை மவுண்ட் எட்னாவாகும். ஐரோப்பாவிலேயே மிக தீவிரமாக உறுமிக்கொண்டிருக்கும் இந்த எட்னா எரிமலையின் முகத்துவாரம் ஆப்பிரிக்க புவி ஓடு மற்றும் யுரேசியா புவி ஓட்டிற்கும் இடையில் விலகும் விளிம்பின் மேல் 3350 மீட்டர் உயரத்தில்  உள்ளது. கடந்த பலவாரங்களாக வெடித்து சிதறி எரிமலை குழம்பை கக்கிக்கொண்டிருக்கும் இந்த எரிமலை தற்போது சாம்பலை பீய்ச்சி அடித்து வருகிறது. பல கிலோ மீட்டருக்கு இந்த சாம்பல் மேகங்கள் வானில் மிதந்துவருவதால், அருகிலுள்ள கடானியா விமானநிலையம் மூடப்பட்டுள்ளது. இதனால், இன்று இங்கு வரும் விமானங்கள், புறப்படும் விமானங்கள் அனைத்தும் ரத்துசெய்யப்பட்டன. கடந்த 1992-ம் ஆண்டு எட்னா எரிமலை வெடித்து சிதறியபோது, அப்பகுதியில் இருந்த மக்கள் அனைவரும் பத்திரமான இடத்திற்கு கொண்டுசெல்லப்பட்டு பாதுகாக்கப்பட்டனர் என்பது குறிப்பிடத்தக்கது.

This posting includes an audio/video/photo media file: Download Now

வலிகாமம் கிழக்கு பிரதேசசபை தவிசாளர் மீது உறுதிப்படுத்தப்பட்ட 24 குற்றச்சாட்டுகளை சுமத்தி சபையின் ஆளுங்கட்சி (கூட்டமைப்பு), எதிர்க்கட்சி (ஈ.பி.டி.பி) உறுப்பினர்கள் கூட்டாக இணைந்து வடமாகாண முதலமைச்சர் விக்னேஸ்வரன் அவர்களுக்கு மகஜர் கையளித்திருந்ததும், 21.11.2013 அன்று 2014 ஆம் ஆண்டிற்கான பட்ஜெட் தோற்கடிக்கப்பட்டதும் யாவரும் அறிந்ததே.

எதிர்வரும் 19.12.2013 அன்று மறுபடியும் முன்வைக்கப்படவுள்ள குறித்த பட்ஜெட் தோற்கடிக்கப்படுவதற்கான சாத்தியங்கள் இருப்பதாகவே எதிர்வு கூறப்பட்டு வந்தது.

இந்நிலையில் யாழ் மார்ட்டின் வீதியில் உள்ள இலங்கை தமிழரசுக்கட்சியின் தலைமை அலுவலகத்தில் நேற்று காலை 10.00 மணிக்கு நாடாளுமன்ற உறுப்பினர்கள் மாவை. சேனாதிராசா, சுரேஸ் பிறேமச்சந்திரன் ஆகியோருக்கும், வலி. கிழக்கு பிரதேச சபை உறுப்பினர்களுக்கும் இடையில் அவசர சந்திப்பு ஒன்று இடம்பெற்றுள்ளது.

இந்த சந்திப்பில் வடமாகாண சபை அவைத்தலைவர் சிவஞானம், மாகாணசபை உறுப்பினர் பரஞ்சோதி ஆகியோரும் கலந்துகொண்டிருந்தனர்.

சுமார் 2 மணித்தியாலங்கள் வரை நடந்த இந்த சந்திப்பில் தவிசாளர் மீது சுமத்தப்பட்டுள்ள குற்றச்சாட்டுகளை தாம் பின்னர் ஆற அமர விசாரிப்பதாகவும் அதற்கு இப்போது அவசரம் இல்லை என்றும் மாவை சேனாதிராஜா தெரிவித்ததோடு, முதலில் நீங்கள் இந்த பட்ஜெட்டை ஆதரித்து வாக்களிக்க வேண்டும் என்று உறுப்பினர்களை நிர்ப்பந்தித்ததோடு ஆதரிக்காவிட்டால் உங்கள் மீது சட்ட நடவடிக்கை எடுக்க வேண்டி வரும் என்றும் உறுப்பினர்களை எச்சரிக்கை செய்துள்ளார்.

கூட்டமைப்பு கைப்பற்றிய உள்ளூராட்சி சபைகளில் மிகவும் கீழ் மட்ட அடைவுகளை உடைய ஒரே சபை வலி. கிழக்கு பிரதேச சபைதான். எனவே ஆளுமை உள்ள மாற்று தவிசாளரை நியமித்து வினைத்திறன் மிக்க சபையாக மாற்றியமைத்து மக்களுக்கு சேவையை வழங்குவதே நமது கடமை என்பதை கவனத்தில் கொள்ளாது, சபை எப்படி வேண்டுமானாலும் இயங்கட்டும். மக்களுக்கு சேவை கிடைக்குதோ, இல்லையோ பட்ஜெட் வெல்லப்படவேண்டும் என்பதில் மட்டும் மாவை, சுரேஸ் ஆகியோர் உறுதியாகவிருந்து பட்ஜெட்டுக்கு ஆதரவாக வாக்களிக்குமாறு தம்மை நிர்ப்பந்திப்பது தொடர்பில் உறுப்பினர்கள் கடும் அதிருப்தியும் விசனமும் அடைந்துள்ளனர்.

வலி. கிழக்கு பிரதேச சபையின் தவிசாளர் அன்னலிங்கம் உதயகுமார் நாடாளுமன்ற உறுப்பினர் சுரேஸ் பிறேமச்சந்திரனின் பிரத்தியேக செயலாளர் என்பதும், ஈ.பி.ஆர்.எல்.எவ் இன் ஆசன ஒதுக்கீட்டின் ஊடாக அரசியலுக்குள் பிரவேசித்தவர் என்பதும், யாழ் மாவட்டத்தில் ஈ.பி.ஆர்.எல்.எவ் கைப்பற்றிய ஒரே ஒரு பிரதேசசபை வலி. கிழக்கு பிரதேசசபை என்பதும் குறிப்பிடத்தக்கது.

This posting includes an audio/video/photo media file: Download Now

This posting includes an audio/video/photo media file: Download Now

முன்னணி சமூக வலைத்தள சேவையை வழங்கிவரும் பேஸ்புக் நிறுவனமானது தற்போது மற்றுமொரு முயற்சியில் காலடி பதிக்கின்றது.

அதாவது செயற்கை நுண்ணறிவு திறன்கொண்ட (Artificial Intelligence ) சாதனங்களை உருவாக்குவது தொடர்பான முயற்சியில் இறங்கியுள்ளது.

இதற்காக பொறிகள் தொடர்பாக ஆராய்வதில் நிபுணத்துவம் வாய்ந்தவரும், மொபைல் ரோபோட்டிக்ஸ்டில் வல்லவருமான Yann LeCun என்பவரை தேர்ந்தெடுத்துள்ளது.

நியூயோர்க் பல்கலைக்கழகத்தின் விரிவுரையாளரான இவரே இந்த செயற்கை நுண்ணறிவு கொண்ட சாதனங்களை வடிவமைக்கும் குழுவுக்கு தலைமை தாங்கவுள்ளார்.

This posting includes an audio/video/photo media file: Download Now

This posting includes an audio/video/photo media file: Download Now

ராஜஸ்தான் மாநிலம் ஜெய்ப்பூர் மாவட்டம் ஜாப்னர் நகரில் 'தாகூர் பப்ளிக் ஸ்கூல்' என்ற பெயரில் விடுதியுடன் கூடிய தனியார் பள்ளி செயல்பட்டு வருகிறது. விடுதியில் ஏராளமான மாணவிகள் தங்கி படிக்கின்றனர். இவர்களிடம் பள்ளி முதல்வர் பன்வார் சவுத்ரி (40) தவறாக நடந்ததாக குற்றச்சாட்டு எழுந்தது. இந்நிலையில், விடுதியில் உள்ள ஒரு மாணவியை பள்ளி முதல்வர் கற்பழிக்க முயன்றுள்ளார். இதுபற்றி தகவல் அறிந்த பிற மாணவர்கள் மற்றும் பொதுமக்கள் நேற்று மாலை திடீர் தாக்குதலில் ஈடுபட்டனர். பள்ளி வளாகத்தில் நிறுத்தப்பட்டிருந்த வாகனங்கள் மற்றும் பள்ளியின் ஒரு பகுதிக்கு தீ வைத்தனர். பள்ளி முதல்வரையும் பிடித்து சரமாரியாக அடித்து உதைத்தனர். இதுபற்றி தகவல் அறிந்ததும் அப்பகுதியில் ஏராளமான போலீசார் விரைந்தனர். பின்னர் பொதுமக்களின் பிடியில் இருந்து பள்ளி முதல்வரை காப்பாற்றி மருத்துவமனைக்கு அனுப்பி வைத்தனர். அவரை மீட்காவிட்டால் பொதுமக்களே அடித்து கொலை செய்திருப்பார்கள் என்று போலீசார் தெரிவித்தனர். அதேசமயம் பள்ளி முதல்வர் மீது முறைப்படி புகார் அளிக்க எந்த மாணவியும் முன்வராததால் வழக்கு பதிவு செய்யப்படவில்லை.

This posting includes an audio/video/photo media file: Download Now

சித்தார்த் முகர்ஜி என்ற இளைஞர் உச்ச நீதிமன்றத்தில் சமீபத்தில் ஒரு மனு தாக்கல் செய்தார். அதில், ராஜஸ்தான் மாநிலம் ஜெய்ப்பூரில் தனது காதலி சுப்ரியா ரத்தோரை (30), உயர் நீதிமன்ற நீதிபதியான அவரது தந்தை ஆர்.எஸ். ரத்தோர் சட்டத்திற்கு விரோதமாக ஒரு மாதத்திற்கும் மேலாக வீட்டில் சிறை வைத்துள்ளார் என்றும், அவரை மீட்டு தன்னுடன் அனுப்பி வைக்கும்படி கேட்டுக்கொண்டார். மேலும், காதலர்களான நாங்கள் இருவேறு சாதியை சேர்ந்தவர்கள் என்பதால், நீதிபதி ரத்தோர் அதை விரும்பவில்லை என்றும் அவர் அதில் கூறியிருந்தார். வீட்டுச்சிறையில் இருந்த சுப்ரியா ரத்தோரும், இதுகுறித்து உச்சநீதிமன்றம் மற்றும் உயர்நீதிமன்றத்திற்கும் உதவி கேட்டு மின்னஞ்சல் அனுப்பியும் இருந்தார். இதை விசாரித்த உச்சநீதிமன்ற நீதிபதி, ராஜஸ்தான் உயர்நீதிமன்ற நீதிபதியின் மகளை ஆஜர்படுத்த வேண்டும் என்று உத்தரவு பிறப்பித்தார். இதையடுத்து சுப்ரியா ரத்தோரை நீதிமன்றத்தில் இன்று போலீசார் ஆஜர்படுத்தினர்.

அப்போது சுப்ரியா ரத்தோர், எனது பெற்றோருக்கு எதிராக எந்த கோபமும் இல்லை. ஆனால், எனது காதலர் சித்தார்த் முகர்ஜியுடன் செல்ல விரும்புகிறேன். அவரையே நான் திருமணம் செய்துகொள்ள விரும்புகிறேன் என்றும் நீதிபதிகளிடம் கூறினார். இதையடுத்து சுப்ரியா ரத்தோரை தனது காதலர் சித்தார்த் முகர்ஜியுடன் அனுப்பி வைக்குமாறு போலீசாருக்கு நீதிபதிகள் உத்தரவிட்டனர். பின்னர் கோர்ட்டில் இருந்து காதலனுடன் சுப்ரியா ரத்தோர் புறப்பட்டுச் சென்றார்.

This posting includes an audio/video/photo media file: Download Now

சிங்கப்பூரில் கடந்த வாரம் நடந்த விபத்து ஒன்றில், தமிழர் ஒருவர் உயிரிழந்ததால் அங்கு கலவரம் ஏற்பட்டது. இதில் பல்வேறு வாகனங்கள் சேதப்படுத்தப்பட்டதுடன், பலருக்கு படுகாயமும் ஏற்பட்டது.

இந்த கலவரம் தொடர்பாக 33 இந்தியர்கள் மீது வழக்கு பதிவு செய்யப்பட்டுள்ளது.

இந்தநிலையில் சிங்கப்பூரில் வசிக்கும் வெளிநாட்டு தொழிலாளர்களுக்கு முழு பாதுகாப்பு வழங்கப்படும் என்று சிங்கப்பூர் பிரதமர் லீ சியான் லூங் தெரிவித்துள்ளார்.

அரசு முறை பயணமாக ஜப்பான் சென்றுள்ள அவர், இது குறித்து டோக்கியோவில் கருத்து வெளியிட்டார்.

"சிங்கப்பூரில் வசிக்கும் வெளிநாட்டு தொழிலாளர்கள் தகுந்த முறையில் நடத்தப்படுகின்றனர். அவர்களுடைய சம்பளமும் உரிய நேரத்தில் வழங்கப்படுகிறது" என்றார்.

"வெளிநாட்டு தொழிலாளர்களுக்கு சட்டப்பாதுகாப்பு அளித்து வரும் அதே நேரத்தில், அவர்களின் வாழ்க்கை முறையை மேம்படுத்தும் வழிமுறைகளும் செய்யப்பட்டுள்ளது" என்று கூறினார்.

This posting includes an audio/video/photo media file: Download Now

கடந்த 4–ந்தேதி நடந்த டெல்லி சட்டசபை தேர்தலில் எந்த கட்சிக்கும் ஆட்சி அமைக்க கூடிய அளவுக்கு மெஜாரிட்டி கிடைக்கவில்லை. மொத்தம் உள்ள 70 இடங்களில் ஆட்சி அமைக்க 36 இடங்கள் தேவை. 31 இடங்களைப் பிடித்த பாரதீய ஜனதாவோ, 28 தொகுதிகளை கைப்பற்றிய 'ஆம் ஆத்மி' கட்சி தலைவர் அரவிந்த் கெஜ்ரிவாலோ ஆட்சி அமைக்க முன் வரவில்லை. எந்த கட்சியும் உரிமைகோரி வராததால் டெல்லி கவர்னர் நஜீப் முறைப்படி அதிக இடங்களை கைப்பற்றிய பாரதீய ஜனதாவை ஆட்சி அமைக்க அழைத்தார். அந்த கட்சியின் முதல்–மந்திரி வேட்பாளர் ஹர்ஷ்வர்தன் கவர்னரை சந்தித்தார். போதிய மெஜாரிட்டி இல்லாததால் ஆட்சி அமைக்க முடியாது என்று மறுத்து விட்டார். இதையடுத்து 2–வது பெரிய கட்சியான 'ஆம் ஆத்மி' கட்சி தலைவர் அரவிந்த் கெஜ்ரிவாலை ஆட்சி அமைக்க கவர்னர் அழைப்பு விடுத்தார். அரவிந்த் கெஜ்ரிவாலுக்கு ஆதரவு கொடுக்க காங்கிரஸ் முன் வந்தது. அதன்படி கவர்னரை சந்தித்த அரவிந்த் கெஜ்ரிவால் 10 நாட்கள் அவகாசம் கேட்டார். ஆனால் எவ்வித முன்னேற்றமும் ஏற்படாததை தொடர்ந்து ஆளுநர் இன்று உள்துறை அமைச்சகத்துக்கு எழுதியுள்ள கடிதத்தில் டெல்லியில் குடியரசுத்தலைவர் ஆட்சியை அமுல்படுத்துமாறு பரிந்துரைத்தார். இதையடுத்து செய்தியாளர்களை சந்தித்த உள்துறை அமைச்சர் ஷிண்டே, சட்ட வல்லுனர்களிடம் கருத்து கேட்ட பின் உரிய நடவடிக்கை எடுக்கப்படும் என தெரிவித்தார்.

This posting includes an audio/video/photo media file: Download Now