Tamil Star

இஸ்ரேல் நாட்டில் கடந்த 130 ஆண்டுகால வரலாற்றில் இல்லாத கடுமையான பனிப்புயல் வீசி வருகிறது. இந்த பனிப்புயலின் விளைவாக சாலைகளின் வாகனப் போக்குவரத்து முற்றிலுமாக பாதிக்கப்பட்டுள்ளதாக உள்ளூர் வானொலி செய்தி வெளியிட்டுள்ளது. ஜெருசலேம் செல்லும் 2 நெடுஞ்சாலைகளும் தொடர்ந்து மூன்றாவது நாளாக மூடப்பட்டுள்ளதால் நாட்டின் பல பகுதிகள் தலைநகர் ஜெருசலேமில் இருந்து துண்டிக்கப்பட்டுள்ளன. ஜெருசலேம் உள்பட நாட்டின் முக்கிய பகுதிகளில் உள்ள வீடுகளுக்கு செல்லும் மின் இணைப்பு துண்டிக்கப்பட்டதால் 30 ஆயிரத்துக்கும் அதிகமான வீடுகள் இருளில் மூழ்கி கிடக்கின்றன. பொது போக்குவரத்து மற்றும் உள்ளூர் ரெயில் சேவைகளும் ரத்து செய்யப்பட்டுள்ளதால் லட்சக்கணக்கான மக்கள் வீடுகளுக்குள் முடங்கிக் கிடக்க நேரிட்டுள்ளது. வனிக வளாகங்களும் மூடிக் கிடப்பதால் மக்களின் இயல்பு வாழ்க்கை பெருமளவு பாதிப்படைந்துள்ளது.

This posting includes an audio/video/photo media file: Download Now

தென் ஆப்பிரிக்கா முன்னாள் அதிபர் நெல்சன் மண்டேலா (95). நுரையீரல் தொற்றால் பாதிக்கப்பட்டு பல மாதங்களாக அவதிப்பட்ட அவர் கடந்த 5–ந் தேதி ஜோகனஸ்பர்க் நகரில் மரணம் அடைந்தார். அவரது மறைவையடுத்து தென்னாப்பிரிக்க அரசு சார்பில் 10 நாள் துக்கம் அனுசரிக்கப்படுகிறது. அவரது உடலுக்கு அஞ்சலி செலுத்தும் நிகழ்ச்சி கடந்த 10–ந் தேதி ஜோகனஸ்பர்க் மைதானத்தில் நடந்தது. அதில் ஜனாதிபதி பிரணாப் முகர்ஜி, காங்கிரஸ் தலைவர் சோனியா, அமெரிக்க அதிபர் ஒபாமா உள்ளிட்ட பல நாடுகளை சேர்ந்த தலைவர்கள் பங்கேற்று இறுதி அஞ்சலி செலுத்தினர். அதை தொடர்ந்து பொதுமக்கள் இறுதி அஞ்சலிக்காக அவரது உடல் 3 நாட்கள் தலைநகர் பிரிட்டோ ரியாவில் உள்ள அரசு கட்டிடத்தில் வைக்கப்பட்டிருந்தது. ஏராளமான மக்கள் வரிசையில் காத்திருந்து அந்த மாபெரும் தலைவரின் உடலுக்கு அஞ்சலி செலுத்தினர். மண்டேலாவின் இறுதிச் சடங்கு நாளை (15–ந் தேதி) நடக்கிறது. அதை தொடர்ந்து அவரது குடும்பத்துக்கு சொந்தமான தோட்டத்தில் உடல் அடக்கம் செய்யப்படுகிறது. மண்டேலாவின் உடல் இளம் வயதில் அவர் வாழ்ந்த சேப் மாகாணத்தின் பூர்வீக குனு கிராமத்துக்கு கொண்டு செல்லப்பட்டது. ராணுவ விமானத்தில் கொண்டு வரப்பட்ட அவரது உடல் முதாதா நகரில் இருந்து சாலை வழியாக 31 கி.மீட்டர் ஊர்வலமாக கொண்டு செல்லப்பட்டது. இன்று இரவு முழுவதும் அவரது உடல் இங்கு வைக்கப்பட்டிருக்கும். ஏராளமான பொதுமக்கள் நீண்ட வரிசையில் காத்திருந்து மண்டேலாவின் உடலுக்கு இறுதி மரியாதை செய்து வருகின்றனர். நாளை காலை நடைபெறும் சவ அடக்கத்தில் சுமார் 5 ஆயிரம் முக்கிய பிரமுகர்கள் பங்கேற்கின்றனர். இறுதி ஊர்வல பாதையில் ஆயிரக்கணக்கான மக்கள் மனித சங்கிலி அமைத்து அந்த ஒப்பற்ற தலைவருக்கு பிரியாவிடை அளித்து வழியனுப்பி வைக்கின்றனர்.

This posting includes an audio/video/photo media file: Download Now

சீனா கடந்த 2–ந்தேதி முதன் முறையாக சந்திரனுக்கு 'சேஞ்ச்-3' என்ற விண்கலத்தை ஸிவாங் தளத்தில் இருந்து அனுப்பியது. இந்த விண்கலத்தை 'லாங் இந்த மார்ச் 3பி' என்ற ராக்கெட் சுமந்து சென்றது. 'சேஞ்ச்–3' விண்கலம் திட்டமிட்டபடி 12 நாள் பயணத்துக்கு பிறகு இன்று சந்திரனில் தரை இறங்கியது. இதன் மூலம் அமெரிக்கா, ரஷ்யாவிற்கு அடுத்படியாக ஆளில்லா விண்கலத்தை சந்திரனுக்கு அனுப்பிய மூன்றாவது நாடு என்ற பட்டியலில் சீனா இடம்பெற்றுள்ளது. நான்கு கால்களுடன் இந்த விண்கலம் முயல் போல் வடிவமைக்கப்பட்டுள்ளதால் இதற்கு "ஜேட் ராபிட்" என பெயரிடப்பட்டுள்ளது. இந்த விண்கலம் சந்திரனில் ஓரண்டு தங்கியிருந்து அங்கிருந்தபடியே பூமியின் மேற்பரப்பில் உள்ள இயற்கை வளங்களை ஆய்வு செய்து சீனாவில் உள்ள விண்வெளி ஆய்வு மையத்துக்கு தகவல்களை அனுப்பி வைக்கும். 2020-ல் மனிதர்களை சந்திரனுக்கு அனுப்பும் சீனாவின் விண்வெளி திட்டத்தின் முதல் கட்டமாகவும் 'சேஞ்ச் 3'-ன் வெற்றிகரமான இந்த பயணம் கருதப்படுகிறது.

This posting includes an audio/video/photo media file: Download Now

உலக சுகாதார மையம் சர்வதேச புற்றுநோய் குறித்த அறிக்கையை சமீபத்தில் வெளியிட்டது. அதில் இந்தியாவில் புற்று நோய் தாக்கம் அதிகம் இருப்பது தெரிய வந்துள்ளது.

ஆண்களை விட பெண்கள் அதிக அளவில் பாதிக்கப்பட்டுள்ளனர். 2012–ம் ஆண்டில் எடுக்கப்பட்ட கணக்கெடுப்பின் படி 10 லட்சம் பேர் புற்று நோயால் பாதிக்கப்பபட்டுள்ளனர்.

அவர்களில் 4 லட்சத்து 77 ஆயிரம் ஆண்களும், 5 லட்சத்து 37 ஆயிரம் பெண்களும் அடங்குவர். அதே போன்று புற்று நோயால் மரணம் அடைந்தவர்களின் விகிதம் அதிகரித்துள்ளது.

அதன்படி, ஆண்டு தோறும் 7 லட்சம் பேர் புற்று நோயால் இறப்பது தெரியவந்துள்ளது. ஆண்களில் 3 லட்சத்து 56 ஆயிரம் பேரும், பெண்களில் 3 லட்சத்து 26 ஆயிரம் பேரும் இறக்கின்றனர்.

அதே நேரத்தில் 75 வயதுக்குட்பட்ட இந்தியர்களில் 10 பேரில் ஒருவர் புற்று நோய் தாக்குதலுக்கு ஆளாகுகிறார். புற்று நோய் பாதித்து இறப்பவர்களில் ஆண்களை விட அதிக பெண்கள் தான் மார்பக புற்று நோயால் இறக்கின்றனர். மேற்கண்டவை உள்பட பல தகவல்கள் வெளியிடப்பட்டுள்ளன.

This posting includes an audio/video/photo media file: Download Now

பிரதமர் டி.எம். ஜயரத்னவை அந்த பதவியில் இருந்து நீக்கி விட்டு வெளிவிவகார அமைச்சர் ஜீ.எல்.பீரிஸை பிரதமராக நியமிக்க தீர்மானிக்கப்பட்டுள்ள அரச வட்டாரங்களில் இருந்து கிடைக்கும் தகவல்கள் தெரிவிக்கின்றன.

This posting includes an audio/video/photo media file: Download Now