Tamil Star

ஊடகங்களை சட்டங்களைக் கொண்டு அடக்க முடியாது என ஆளும் கட்சி நாடாளுமன்ற உறுப்பினர் ஆர்.துமிந்த சில்வா தெரிவித்துள்ளார்.

This posting includes an audio/video/photo media file: Download Now

அரசாங்கத்திற்கு எதிரான எதிர்ப்பலை வலுப்பெற்று வருவதாக ஐக்கிய தேசியக் கட்சி குற்றம் சுமத்தியுள்ளது. அரசாங்கம் மக்களுக்கு எதிரான கொள்கைகளை பின்பற்றி வருவதாக ஐக்கிய தேசியக் கட்சியின் ஊடகப் பேச்சாளர் கயந்த கருணாதிலக்க தெரிவித்துள்ளார்.

ஆளும் கட்சி அமைச்சர்களுக்கு முதுகெலும்பு கிடையாது எனவும், பிரதேச சபை உறுப்பினர்கள் தைரியமாக செயற்பட்டு வருவதாகவும் அவர் குறிப்பிட்டுள்ளார்.

வரவு செலவுத் திட்டம் ஒர் வெற்றுப் பேப்பராகவே மக்கள் கருதுகின்றனர் என அவர் சுட்டிக்காட்டியுள்ளார். மக்களுக்கு நிவாரணங்களை வழங்குவதனை விடவும் அரசாங்கம் நாய்களுக்கு நலன்களை வழங்குவதில் நாட்டம் காட்டி வருவதாகத் தெரிவித்துள்ளார்.

அரசாங்கம் கெரில்லா பொருளாதாரக் கொள்கைகளை பின்பற்றி வருவதாகக் குறிப்பிட்டுள்ளார். மக்கள் பொதுப்போக்குவரத்தில் செல்வதற்கு தடுமாறி வரும் தருணத்தில் அரசாங்கம் இரவு கார்பந்தயங்களை நடாத்தி வருவதாகத் தெரிவித்துள்ளார். அரசாங்கம் தம்மை ஏமாற்றி வருவதனை மக்கள் புரிந்து கொண்டுள்ளதாகக் குறிப்பிட்டுள்ளார்.

This posting includes an audio/video/photo media file: Download Now

துபாயில் 96.7 எப்.எம். மலையாள வானொலி நிலையத்தை சேர்ந்த சிந்து பிஜூ மற்றும் மிதுன் ரமேஷ் என்ற இரு தொகுப்பாளர்களும் நீண்ட நேர தொடரலை இசை நிகழ்ச்சி ஒன்றினை நடத்தினர்.

"தல்கதோன்" என்ற இசை நிகழ்ச்சியை அவர்கள் இருவரும் 84 மணிநேரம் 15 நிமிடங்கள் வரை தொடர்ந்து நிகழ்த்தி கின்னஸ் சாதனை புரிந்தனர். வியாழன் மாலை 5 மணிக்கு தொடங்கிய இந்த நிகழ்ச்சியானது ஞாயிறன்று இரவு 10.12 மணியளவில், பழைய கின்னஸ் சாதனையான ஹாட் எப்.எம். என்ற வானொலி நிறுவனத்தில் 77 மணிநேரம் 11 நிமிடங்கள் வரை நடந்த சாதனையை முறியடித்தது என்று அறிவிக்கப்பட்டது. இந்நிகழ்ச்சியானது அதைத்தொடர்ந்து திங்கள் காலை 5 மணிக்கு முடிவு பெற்றது. இந்த கின்னஸ் சாதனையை நிகழ்த்த அவர்கள் 2 மணி 35 நிமிடங்களுக்கு இடைவேளை எடுத்துக்கொண்டனர். இதையடுத்து சிந்துவும், மிதுனும் மீண்டும் தனது வழக்கமான மாலை 5 மணி நிகழ்ச்சியில் கலந்துகொண்டனர். இந்த கின்னஸ் சாதனையை, எக்ஸ்போ-2020 என்ற வர்த்தக கண்காட்சியை வென்ற துபாய்க்காக அவர்கள் அர்ப்பணித்தனர்.

This posting includes an audio/video/photo media file: Download Now

ஆளும் கட்சியில் இணைந்து கொள்ளும் உத்தேசம் கிடையாது என ஜனநாயகக் கட்சியின் தலைவர் சரத் பொன்சேகா தெரிவித்துள்ளார்.

This posting includes an audio/video/photo media file: Download Now

வெளிநாட்டு திரைப்படங்கள் மற்றும் தொலைக்காட்சி நிகழ்ச்சிகளை பாகிஸ்தானில் ஒளிபரப்ப அந்நாட்டு நீதிமன்றம் இன்று தடை விதித்துள்ளது. குறிப்பாக இந்தியா தொடர்பான நிகழ்ச்சிகளுக்கு தடை விதித்து உத்தரவிட்ட நீதிபதி காலித் முகமது கான், இந்திய நிகழச்சியில் அனைத்தும் எதிர்மறை பட்டியலில் உள்ளதால் அப்பட்டியலிலுள்ள பொருட்களை இரு நாட்டு வர்த்தக ஒப்பந்தத்தில் குறிப்பிட்டுள்ளதை பரிசீலித்தே இத்தடை பிறப்பிக்கப்படுவதாகவும் தெரிவித்தார். இது குறித்து விரிவான அறிக்கையை வரும் டிசம்பர் 12-ம் தேதிக்குள் தாக்கல் செய்யுமாறு அந்நாட்டு அரசுக்கும், மின்னணு தொடர்பு துறை ஒழுங்குமுறை ஆணையத்திற்கும் உத்தரவிட்டுள்ளார். இந்திய எதிர்ப்பு கொள்கையை கடைபிடித்து வரும் முபாஷிர் லக்மன் என்பவர் கடந்த மாதம் தொலைக்காட்சி நிகழ்ச்சி ஒன்றில் பிரச்னைக்குரிய பேட்டியை தொடர்ந்து, தொடரப்பட்ட வழக்கில் இந்த உத்தரவு பிறப்பிக்கப்பட்டுள்ளது. இவ்வழக்கில் வாதிட்ட லக்மன் தரப்பு, 2006 ஆம் ஆண்டு பிறப்பித்த ஒழுங்குமுறை அரசாணையின்படி இந்திய மற்றும் வெளிநாட்டு திரைப்படங்கள் இறக்குமதி செய்யப்பட்டு திரையிடப்பட்டு வருவதாகவும், ஆனால் இவ்வாறு இறக்குமதி செய்வது பாகிஸ்தானின் இறக்குமதி கொள்கைக்கும், மின்னணு தொடர்பு துறை ஒழுங்குமுறை ஆணையத்திற்கும் எதிரானதென்றும் கூறியுள்ளது. தொலைக்காட்சி நிறுவனங்கள் வெளிநாட்டு நிகழ்ச்சிகளை அத்துமீறி ஒளிபரப்பியதாகவும், இதற்காக ஆணையம் அவர்களுக்கு அபராதம் விதித்துள்ளதாகவும் தெரிவிக்கப்பட்டது. நீதிபதி தனது தீர்ப்பில் எதிர்மறை பட்டியலில் உள்ள பொருட்களை சட்டரீதியான ஒழுங்குமுறை ஆணைய உத்தரவை வைத்து இறக்குமதி செய்யமுடியாது என்றும் தெரிவித்துள்ளார். எதிர்மறை பட்டியலில் உள்ள பொருட்களை இந்தியாவும் பாகிஸ்தானும் பரிமாறிக்கொள்ள முடியாதென்றும் நீதிபதி குறிப்பிட்டுள்ளார். இந்திய திரைப்படங்களை ஒளிபரப்புவதால் பாகிஸ்தானிய திரைப்படங்கள் பாதிக்கப்படுவதாக அந்நாட்டு நடிகர்கள், இயக்குனர்கள் மற்றும் தயாரிப்பாளர்கள் போராடி வருவது குறிப்பிடத்தக்கது. முன்னதாக அந்நாட்டு உயர்நீதிமன்றம் இந்திய திரைப்படங்களை வெளியிட பல்வேறு நிபந்தனைகளை விதித்து இடைக்கால உத்தரவு பிறப்பித்துள்ளது. 2006 ஆம் ஆண்டு முன்னாள் பாகிஸ்தான் அதிபர் பர்வேஸ் முஷாரப் இந்திய திரைப்படங்களை ஒளிபரப்ப அனுமதியளித்தது இங்கு நினைவு கூறத்தக்கது.

This posting includes an audio/video/photo media file: Download Now

இந்திய அணி தென் ஆப்பிரிக்கா செல்வதற்கு முன், போதிய அனுபவம் இல்லாத இளம் வேகப்பந்து வீச்சாளர்களைக் கொண்டு எப்படி சாதிக்கும் என்ற விமர்சனம் எழுந்தது. ஷிகர் தவன், ரோஹித், விராட் ஆகிய மூவரும் இந்த ஆண்டில் மட்டும் ஆயிரத்துக்கும் மேற்பட்ட ரன்களைக் குவித்து அசத்தல் ஃபார்மில் இருந்தனர். இதனால் பேட்ஸ்மேன்கள் மீது அதிக நம்பிக்கை இருந்தது.

ஆனால், தென் ஆப்பிரிக்க சென்ற பின் நிலைமை தலைகீழானது. முதல் ஆட்டத்தில் பெளலர்கள் அதிக ரன்களை விட்டுக் கொடுத்தனர். ஆனால் 2-வது ஆட்டத்தில் 280 ரன்களில் தென் ஆப்பிரிக்காவைக் கட்டுப்படுத்தினர். இரண்டு ஆட்டங்களிலும் பேட்ஸ்மேன்கள் தான் அதிகம் ஏமாற்றினர்.

இந்திய ஆடுகளங்களில் எதிரணி பெளலர்களை கதிகலங்க வைத்த பேட்ஸ்மேன்கள், ஜோஹன்னஸ்பர்க் மற்றும் டர்பனில் ஸ்டெயின், சாட்சோபே, மோர்கல் மற்றும் மெக்லரன் வேகத்தில் மிரண்டு நின்றனர். குறிப்பாக ஸ்டெயின் ஸ்விங், பெளன்ஸர் மற்றும் வேகத்தில் அச்சுறுத்தினார்.

போராட்ட குணம் படைத்த விராட் கோலி, இரட்டை சதம் அடித்த ரோஹித் மற்றும் ஷிகர் தவன் ஆகிய டாப் ஆர்டர்கள் முதல் 10 ஓவர்கள் வரை நிலைத்து நிற்காததால் மிடில் ஆர்டர்களுக்கு நெருக்கடி ஏற்பட்டது. 2-வது ஆட்டத்தில் இந்திய பெளலிங் பரவாயில்லை தானே தவிர, ஓஹோ என பாராட்டும்படி இல்லை. தென் ஆப்பிரிக்க பெளலர்கள் போல, இந்திய பெளலர்கள் அந்த அணி பேட்ஸ்மேன்களை அச்சுறுத்தவில்லை.

தென் ஆப்பிரிக்க அணிக்கு பேட்டிங், பெளலிங் என இரண்டு தரப்பும் சிறப்பாக உள்ளது. தொடக்க வீரர்கள் டி காக், ஆம்லா இருவரும் வலுவான அடித்தளம் அமைத்துக் கொடுப்பதால், பின் வரிசையில் இறங்குபவர்கள் நெருக்கடி இல்லாமல் ஆடுகின்றனர். 30 முதல் 35 ஓவர்கள் வரை தொடக்க ஜோடியை வீழ்த்த முடியாமல் இந்திய பெளலர்கள் திணறுவது பரிதாபத்துக்குரியது.

தற்போது ஓரளவு தென் ஆப்பிரிக்க சூழல் இந்திய வீரர்களுக்கு பரிச்சயமாகி இருக்கும். ஏற்கனவே தொடரை வென்று விட்டதால் டெஸ்ட் தொடருக்கு தயாராகும் விதமாக, முக்கியத்துவம் இல்லாத 3-வது ஆட்டத்தில் மூத்த வீரர் காலிஸ் மற்றும் வேகப்புயல் ஸ்டெயின் ஆகியோருக்கு ஓய்வு அளிக்க தென் ஆப்பிரிக்கா முடிவு செய்திருப்பதாகத் தெரிகிறது. எனவே, இதை இந்திய அணியினர் தங்களுக்கு சாதமாகப் பயன்படுத்திக் கொள்வர் என நம்பலாம்.

சூழல் பிரச்னை அல்ல

ரோஹித் கூறியது: டர்பனில் இருந்த சூழல் இந்தியாவில் இருக்கும் சூழலை ஒத்திருந்தது. எனவே, சூழல் ஒரு பிரச்னை அல்ல. பேட்ஸ்மேன்கள் சிறந்த பார்ட்னர்ஷிப் அமைக்காததே தோல்விக்கு காரணம். இன்னும் ஒரு ஆட்டம் மீதமுள்ளது.

இதில் பேட்ஸ்மேன்கள் பொறுப்புடன் செயல்படுவர் என நம்புகிறேன். டெஸ்ட் தொடர் முற்றிலும் மாறுபட்டு இருக்கும். இருப்பினும் டெஸ்ட் தொடருக்கு இன்னும் நாள்கள் இருப்பதால், இப்போதைக்கு அதில் கவனம் செலுத்தவில்லை. டாப் ஆர்டர் பேட்ஸ்மேனாக இருந்தாலும் சரி, மிடில் ஆர்டர் பேட்ஸ்மேனாக இருந்தாலும் சரி அணியின் வெற்றியில் ஒவ்வொருவருக்கும் பங்கு உள்ளது என்பதை உணர்ந்து செயல்பட வேண்டும் என்றார்.

பயிற்சியில் கோபப்பட்டு களத்தில் பொங்கிய ஸ்டெயின்

இந்தத் தொடரில் இந்திய அணிக்கு கிலி ஏற்படுத்தும் சிம்ம சொப்பனம் ஸ்டெயின். இவர் தன் முதல் ஸ்பெல்லில், சொல்லி வைத்தாற்போல இந்திய டாப் ஆர்டரை வீழ்த்தி அணியின் வெற்றியை எளிதாக்குகிறார். ஒருநாள் தொடருக்கு அவர் தயாரான விதம் குறித்து சுவாரஸ்ய தகவல் வெளியாகி உள்ளது.

முதல் ஒருநாள் ஆட்டத்துக்கு முன்னதாக ஜோஹன்னஸ்பர்க்கில் தென் ஆப்பிரிக்க அணியினர் தீவிர பயிற்சி மேற்கொண்டுள்ளனர். பயிற்சி முடியும் தருணத்தில் ஸ்டெயின் வழக்கத்துக்கு மாறாக பேட்டிங் பயிற்சி எடுத்துள்ளார். ஆனால், பந்து அவரது பேச்சைக் கேட்டது போல பேட் அவருக்கு கட்டுப்படவில்லை. சுற்றிச் சுற்றி அடித்தும் பந்து நீண்ட தூரம் செல்லவில்லை. சில சமயம் போல்டாகியுள்ளார். இதனால் மிகுந்த ஏமாற்றம் அடைந்த ஸ்டெய்ன், வலைப்பயிற்சியின்போது பேட்டைக் கொண்டு ஸ்டெம்புகளை ஓங்கி அடித்துள்ளார்.

இதை களத்தில் இருந்த பயிற்சியாளர் ரஸல் டொமிங்கோ, கேப்டன் டி வில்லியர்ஸ் மற்றும் சக வீரர்கள் அமைதியாக வேடிக்கை பார்த்துள்ளனர். யாரும் ஸ்டெயினை சமாதானம் செய்யவில்லை. மாறாக வீரர்கள் தங்களுக்குள் சிரித்துக் கொண்டனர். காரணம், ஆட்டம் தொடங்கும் முதல்நாள் ஸ்டெயின் அதிக கோபத்தில் இருந்தால், மறுநாள் அது அவரது பந்துவீச்சில் எதிரொலிக்கும் என்பது தென் ஆப்பிரிக்க வீரர்களின் கணிப்பு. அதன்படியே அவர்கள் கணிப்பு பலித்தது.

ஆட்டம் முடிந்த பின் ஸ்டெயின் பேட்டி அளிக்கையில் ""என்னைப் போலவே மோர்கலையும் சக வீரர்கள் கோபப்படுத்தி இருந்தால் இன்னொரு சிறந்த வேகப்பந்து வீச்சாளர் கிடைத்திருப்பார்" என்றார்.

ஸ்டெயின் வேகத்தைப் பார்த்து நாங்கள் பயப்படவில்லை என விராட் கோலி தெரிவித்தாலும், அவரது பந்தைத் தொட பயந்தனர் என்பது உண்மை. முதல்நாள் ஆட்டத்தில் ஸ்டெயின் வீசிய 15 பந்தை ரோஹித் தொடவே இல்லை.

ஒருவழியாக பந்தை பேட்டில் வாங்க முயற்சித்தபோது அவர் தன் விக்கெட்டைப் பறிகொடுத்தார். ஒருநாள் ஆட்டத்தில் இரட்டைச்சதம் அடித்த ரோஹித் பந்தைத் தொடவே தடுமாறுவது ஆச்சர்யமளிக்கிறது என ஸ்டெயின் சொல்வதில் உண்மை இல்லாமல் இல்லை.

உலகம் போற்றும் ஒரு பேட்ஸ்மேனை அவர் சந்தித்த முதல் பந்திலேயே வெளியேற்றுவதை விட அவரை நீண்டநேரம் களத்தில் நிற்க வைத்து, தன் பந்தில் தடுமாற வைக்க வேண்டும் என்பதே ஸ்டெயின் திட்டம் போலும். ரோஹித் விஷயத்தில் நடந்ததும் அதுவே.

சச்சின் இல்லாதது எங்களுக்கு சாதகம்: ஒருநாள் தொடரிலேயே தடுமாறும் நிலையில், டெஸ்ட் தொடரில் இந்திய அணி எந்தளவு சாதிக்கும் எனத் தெரியவில்லை. சச்சின் ஓய்வுபெற்ற பின் இந்திய அணி பங்கேற்கும் முதல் டெஸ்ட் தொடர் இது.

இதுகுறித்து தென் ஆப்பிரிக்க பயிற்சியாளர் டொமிங்கோ கூறுகையில், ""இந்திய அணியின் மிகச்சிறந்த வீரர் சச்சின்.ஓய்வு அறையில் வீரர்களுக்கு ஊக்க சக்தியாக விளங்கிய சச்சின் இல்லாதது இந்திய அணிக்குப் பின்னடைவே. தற்போது அவரது விக்கெட்டை வீழ்த்த வேண்டுமே என நாங்கள் சிந்திக்க வேண்டியதில்லை. தென் ஆப்பிரிக்க அணியின் பணியை சச்சின் எளிதாக்கி விட்டார்" என்றார்.

This posting includes an audio/video/photo media file: Download Now

கர்நாடகா கிரிக்கெட் சங்கத்தின் தலைவர் ஸ்ரீகண்டதத்த நரசிம்மராஜ உடையார் மாரடைப்பால் திடீரென நேற்று காலமானார்.

மைசூர் அரச குடும்பத்தைச் சேர்ந்தவர் ஸ்ரீகண்டதத்த நரசிம்மராஜ உடையார். இவர் கர்நாடகா கிரிக்கெட் சங்கத்தின் தலைவராகவும் உள்ளார்.

இவருக்கு திடீரென்று மாரடைப்பு ஏற்பட்டதைத் தொடர்ந்து பெங்களூர் தனியார் மருத்துவமனையில் அனுமதிக்கப்பட்டார்.

இருப்பினும் சிகிச்சை பலனின்றி அவரது உயிர் பிரிந்தது.

This posting includes an audio/video/photo media file: Download Now

இந்தியன் முஜாஹிதின் தீவிரவாத அமைப்பின் கொலை பட்டியலில் பாரதிய ஜனதாவின் பிரதமர் வேட்பாளர் நரேந்திர மோடியின் பெயர் முதலிடத்தில்  உள்ளது என்று மத்திய உளவுத்துறை எச்சரிக்கை விடுத்துள்ளது.

இந்தியாவில் அப்பாவிகளை குறிவைத்து இந்தியன் முஜாஹிதின் என்ற தீவிரவாத அமைப்பு தாக்குதல் நடத்தி வருகிறது. இந்த அமைப்பானது மற்ற தீவிரவாத அமைப்புகளுடன் சேர்ந்து சமீபத்தில் நேபாளத்தில் ரகசிய கூட்டம் நடத்தியது.

அதில் பாரதிய ஜனதா பிரதமர் வேட்பாளர் நரேந்திர மோடியையும், எம்.பி.யும் பாரதிய ஜனதாவின் செய்தித் தொடர்பாளருமான ஷானவாஸ் ஹூசைனையும் கொல்ல திட்டமிட்டுள்ளதாக பீகார் பொலிசார் தெரிவித்துள்ளனர்.

இந்தியன் முஜாஹிதின் தீவிரவாத அமைப்பின் கொலை பட்டியலில் பாரதிய ஜனதாவின் பிரதமர் வேட்பாளர் நரேந்திர மோடியின் பெயர் முதலிடத்தில் உள்ளது.

இதுகுறித்து மத்திய உள்துறை அமைச்சகம் பாட்னா பொலிசாரிடம் எச்சரிக்கை விடுத்துள்ளது. இதையடுத்து பீகார் காவல்துறையும், புலனாய்வு அமைப்புகளும் உஷார்படுத்தப்பட்டுள்ளன.

மோடிக்கு அடுத்து பாரதிய ஜனதா தலைவர் ஷானாவாஸ் ஹூசைன் இந்த கொலைப் பட்டியலில் இடம்பெற்றுள்ளார். அடிக்கடி பீகார் சென்றுவரும் அவருக்கும் ஆபத்து இருக்கிறது. இதனால் இவர்களது பாதுகாப்பு குறித்து பீகார் பொலிசார் மிகுந்த எச்சரிக்கையுடன் உள்ளனர்.

சமீபத்தில் பீகார் மாநிலம் பாட்னா பொதுக்கூட்டத்தில் நரேந்திர மோடி பேசுவதற்கு முன்பு அந்த மைதானத்திலும் அதனை சுற்றியுள்ள 7 இடங்களிலும் குண்டுகள் வெடித்தன. இதில் 6 பேர் கொல்லப்பட்டனர். 100-க்கும் மேற்பட்டோர் படுகாயமடைந்தது குறிப்பிடத்தக்கது.

மேலும், கடந்த வாரம் பீகாரில் மாவோயிஸ்ட் நடமாட்டமுள்ள பகுதிகளில் மூத்த பாரதீய ஜனதா தலைவர்கள் மீது தாக்குதல் நடத்தக்கூடும் என்றும் பீகார் புலனாய்வு அதிகாரிகளின் எச்சரித்தனர்.

இதையடுத்து அப்பகுதி மாவட்ட கண்காணிப்பு பொலிஸ் அதிகாரிகள் மிகவும் விழிப்புடன் இருக்கும்படி கேட்டுக்கொள்ளப்பட்டுள்ளனர்.

This posting includes an audio/video/photo media file: Download Now

இலங்கை அரசாங்கம், தென் ஆபிரிக்காவின் மறைந்த தலைவர் அமரர் நெல்சன் மண்டேலாவை முன்னுதாரணமாக கொண்டு செயற்பட வேண்டுமென பிரித்தானிய பிரதிப் பிரதமர் நிகலோஸ் க்ளக் தெரிவித்துள்ளார்.

தென் ஆபிரிக்காவின் உண்மை மற்றும் நல்லிணக்க ஆணைக்குழுவின் நடவடிக்கைகளை பின்பற்ற வேண்டுமென அவர் குறிப்பிட்டுள்ளார்.

நெல்சன் மண்டேலாவின் முன்னுதாரணத்தை அன்றி, வேறும் வழிகளில் பின்பற்றி இலங்கையில் நல்லிணக்கத்தை ஏற்படுத்த முடியாது என அவர் சுட்டிக்காட்டியுள்ளார்.

காயங்களை ஆற்றுவதற்கு மண்டேலாவின் வழியே சிறந்த வழி என அவர் தெரிவித்துள்ளார். இலங்கையில் இன சமூகங்கள் சமாதானத்திற்காக தொடர்ந்தும் போராடி வருவதாகக் குறிப்பிட்டுள்ளார்.

மன்னிப்பு மற்றும் நல்லிணக்கம் தொடர்பிலான கொள்கைகளை மண்டேலா பின்பற்றியதாகத் தெரிவித்துள்ளார்.

This posting includes an audio/video/photo media file: Download Now

 சர்வதேச மனித உரிமை தினத்தை முன்னிட்டு கற்றுக்கொண்ட பாடங்கள் மற்றும் நல்லிணக்க ஆணைக்குழுவின் பரிந்துரைகளை அமுல்படுத்துமாறு அரசுக்கு அழுத்தம் கொடுக்கும் வகையில் திருகோணமலை நகரில் நடத்தப்பட்ட அமைதியான ஆர்ப்பாட்டத்தின் மீது தாக்குதல் நடத்தப்பட்டமை தொடர்பில் சமகி அமைப்பு கண்டனம் வெளியிட்டுள்ளது.

This posting includes an audio/video/photo media file: Download Now