Tamil Star

பொதுநலவாய நாடுகளின் அரச தலைவர்கள் மாநாட்டில் கலந்து கொள்ளுமாறு நாடாளுமன்றத்தில் அங்கம் வகிக்கும் சகல கட்சிகளுக்கும் அழைப்பு விடுக்க அரசாங்கம் தீர்மானித்துள்ளது.

This posting includes an audio/video/photo media file: Download Now

ரூ.950 கோடி மாட்டுத் தீவன ஊழல் வழக்கில் பீகார் முன்னாள் முதல்– மந்திரி லாலு பிரசாத் யாதவுக்கு 5 ஆண்டுகால ஜெயில் தண்டனை வழங்கப்பட்டுள்ளது.

அவரது ஜாமீன் மனுவை ஜார்க்கண்ட் ஐகோர்ட்டு கடந்த மாதம் 30–ந் தேதி தள்ளுபடி செய்தது.

லாலுபிரசாத் தற்போது ராஞ்சியில் உள்ள பிர்சா முண்டா மத்திய சிறையில் அடைக்கப்பட்டுள்ளார். தனி அறையில் அடைக்கப்பட்டுள்ள அவருக்கு படுக்கை, மின்விசிறி, நாளிதழ், டி.வி. என எல்லா வசதிகளும் செய்து கொடுக்கப்பட்டுள்ளது.

லாலுவுக்கு ஜெயிலில் என்ன வேலை கொடுக்கலாம் என்று சிறைத்துறை அதிகாரிகள் ஆய்வு செய்து வந்தனர். அவர் உள்ள ஜெயிலில் 30 சதவீத கைதிகள் மாவோயிஸ்ட்டு தீவிரவாதிகள் என்பதால் மற்றவர்கள் நெருங்காதபடி வேலை கொடுக்க தீர்மானிக்கப்பட்டது.

நீண்ட ஆய்வுக்குப் பிறகு லாலு பிரசாத்துக்கு தோட்டக்காரர் வேலை கொடுக்கப்பட்டுள்ளது. அவர் அடைக்கப்பட்டுள்ள 52 ஏக்கர் பரப்பளவு கொண்ட சிறையின் பெரும் பகுதியில் காய்கறி, பூஞ்செடிகள் பயிரிடப்பட்டுள்ளன.

காய்கறி தோட்டங்களில் தண்ணீர் பாய்ச்சி பாதுகாக்கவும், மலர் தோட்டங்களில் தினமும் பூ பறித்து பராமரிக்கவும் நூற்றுக்கும் மேற்பட்ட கைதிகள் உள்ளனர். அந்த பணியாளர்கள் ஒழுங்காக வேலை செய்கிறார்களா? என்பதை கண்காணிக்கும் பொறுப்பு லாலுவுக்கு கொடுக்கப்பட்டுள்ளது.

லாலு பிரசாத் அந்த வேலையை மிகவும் குஷியாக செய்து வருகிறார். அடிக்கடி அவர் மலர் தோட்டங்களுக்குள் புகுந்து எப்படி வேலை செய்ய வேண்டும் என்று மற்ற கைதிகளுக்கு சொல்லி கொடுக்கவும் செய்கிறார்.

இந்த வேலைக்காக லாலு பிரசாத் யாதவுக்கு தினமும் ரூ.14 சம்பளம் கொடுக்கப்படுகிறது. முன்னதாக லாலுவுக்கு ஜெயிலில் உள்ள பள்ளியில் ஆசிரியர் வேலை கொடுக்கலாமா? என்று பரிசிலிக்கப்பட்டது.

ஆனால், லாலு உயிருக்கு அச்சுறுத்தல் இருப்பதாக உளவுத்துறை கூறியதைத் தொடர்ந்து அவருக்கு ஆசிரியர் வேலை கொடுக்கபடவில்லை.

அரசியல் கலையில் பட்டம் பெற்றுள்ள லாலு ஹார்வர்டு பல்கலைக்கழகத்திலும், ஆமதாபாத் ஐ.ஐ.எம்.மிலும் நிர்வாகம் பற்றி மாணவர்களுக்கு பாடம் எடுத்துள்ளார் என்பது குறிப்பிடத்தக்கது.

This posting includes an audio/video/photo media file: Download Now

இந்திய பிரதமர் மன்மோகன் சிங்  இலங்கையில் நடைபெறவுள்ள பொதுநலவாய நாடுகள் தலைவர்கள் அமர்வுகளில் பங்கேற்க வேண்டுமென அந்நாட்டு வெளிவிவகார அமைச்சு கோரியுள்ளது.

பாதுகாப்பு மற்றும் தந்திரோபாய காரணிகளை கருத்திற்கொண்டு இந்தியா தீர்மானம் எடுக்க வேண்டுமென சிரேஸ்ட வெளிவிவகார அமைச்சு அதிகாரியொருவர் சுட்டிக்காட்டியுள்ளார்.

இந்தியாவின் தேசிய நலன்களை கருத்திற் கொண்டு நடவடிக்கைகள் எடுக்கப்பட வேண்டுமென அவர் தெரிவித்துள்ளார். இதேவேளைஇ இந்தியப் பிரதமர் அமர்வுகளில் பங்கேற்கக் கூடாது என தமிழக அரசியல் கட்சிகளும்இ சில மத்திய அமைச்சர்களும் வலியுறுத்தி வருகின்றனர்.

இதேவேளைஇ இலங்கை அமர்வுகளில் பிரதமர் பங்கேற்பதனை எதிர்க்கவில்லை என பாரதீய ஜனதா கட்சியின் சிரேஸ்ட உறுப்பினர் ஒருவர் தெரிவித்துள்ளார்.

This posting includes an audio/video/photo media file: Download Now

ஈரான் சிறையில் உள்ள 80க்கும் மேற்பட்ட அரசியல் கைதிகள் தங்களது மருத்துவ உரிமைகள் மறுக்கப்படுவதால் உண்ணாவிரதம் இருப்பதாக மனித உரிமைகள் சர்வதேசக் கூட்டமைப்பு நேற்று வெளியிட்ட அறிக்கையில் தெரிவித்துள்ளது. மனித உரிமைகள் சர்வதேசக் கூட்டமைப்பு, மனித உரிமைகள் பாதுகாவலர் மையம் மற்றும் ஈரானின் மனித உரிமைக்குழு ஆகிய மூன்று அமைப்புகளும் ஒருங்கிணைந்து நேற்று இந்த எச்சரிக்கை அறிவிப்பினை வெளியிட்டுள்ளன. தெஹ்ரானின் எவின் சிறையில் அடைக்கப்பட்டுள்ள மனித உரிமை வழக்கறிஞரான அப்டோல்பட்டா சொல்தானி சென்ற ஒன்றாம் தேதி உண்ணாவிரதத்தில் ஈடுபட்டார்.சிறையில் நோயுற்றிருந்த ஒரு டஜனுக்கும் மேற்பட்ட கைதிகளுக்கு மருத்துவ உரிமைகள் மறுக்கப்படுவதைக் கண்டித்து அவர் இந்த செயலில் இறங்கியதாகத் தெரிவிக்கப்பட்டது. இதனைத் தொடர்ந்து இரண்டு நாட்கள் கழித்து தெஹ்ரானுக்கு மேற்கே கராஜ் நகரத்தில் உள்ள ரஜைசாகர் சிறையில் 80க்கும் மேற்பட்ட கைதிகள் மூன்று நாள் உண்ணாவிரதத்தைத் தொடங்கியதாகவும் அந்த அறிக்கை தெரிவித்துள்ளது. மருத்துவஉதவி தேவைப்படும் கைதிகளை மருத்துவமனைகளுக்கு மாற்றும்போது பாதுகாப்பு படையினரின் குறுக்கீடு குறித்தும், மருத்துவ கட்டணங்கள் அதிகரிக்கும்போது அதனை செலுத்துவதற்கு அதிகாரிகள் மறுப்பது குறித்தும் இந்தக் கைதிகள் கண்டனம் தெரிவித்துள்ளனர். விசாரணைக்கு முன்னர் சிறையில் அனுபவிக்கும் கொடுமையான சித்திரவதைகள், நியாமற்ற விசாரணைக்குப் பின்னர் கிடைக்கும் தண்டனைகளுடன் சேர்த்து இதுபோன்ற மருத்துவ உதவிகளும் மறுக்கப்படுவதாக கைதிகள் குறிப்பிட்டனர். இந்தப் புறக்கணிப்பின் விளைவாக சந்தேகத்திற்குரிய சூழ்நிலைகளில் இரண்டு டஜனுக்கும் மேற்பட்ட மனசாட்சிக் கைதிகள் இறந்துள்ளதாக 2003ஆம் ஆண்டு அமைதிக்கான நோபல் பரிசு பெற்றவரும், மனித உரிமைகள் பாதுகாவலர் அமைப்பின் தலைவருமான ஷிரின் எபாடி தெரிவித்துள்ளார். இந்த நடவடிக்கை மூலம் ஈரானிய அதிகாரிகள் அமைதியாக கைதிகளின் மரணத்தை உருவாக்கி வருவதாக தலைமறைவாக உள்ள மற்றொரு மனித உரிமை வழக்கறிஞர் குறிப்பிட்டுள்ளதையும் இந்த அறிக்கை மேற்கோள் காட்டியுள்ளது. ஈரானில் அரசியல் கைதிகளின் நிலையில் மனித உரிமைகள் மீறப்படுவதை குறித்து தங்களின் கவலையை சர்வதேச சமூகம் ஐ.நா அமைப்பின் தீர்மானத்தில் வாக்களித்து வெளிப்படுத்தவேண்டும் என்று மனித உரிமைக் கழகங்களின் கூட்டமைப்பு கேட்டுக் கொண்டுள்ளது.

This posting includes an audio/video/photo media file: Download Now

இங்கிலாந்து தலைநகர் லண்டனின் வடமேற்கு பகுதியில் உள்ள நியஸ்டன் நகரில் ஸ்ரீ சுவாமி நாராயணன் மந்திர் எனப்படும் இந்து ஆலயம் உள்ளது.

தீபாவளியையொட்டி ஆயிரக்கணக்கான பக்தர்கள் இந்த ஆலயத்தில் வழிபாடு செய்து கொண்டிருக்கும் போது மனைவி சமந்தாவுடன் புதிய பக்தராக இங்கிலாந்து பிரதமர் டேவிட் கேமரூன் அங்கு வந்து சேர்ந்தார்.

அரக்கு நிற பட்டுப் புடவையில் சமந்தா கேமரூன் வட இந்திய குடும்பத் தலைவி போல் தோற்றமளித்தார். அவர்களுடன் இங்கிலாந்து எம்.பி.க்கள் மற்றும் அரசு உயரதிகாரிகளும் வந்திருந்தனர். சுமார் ஒரு மணி நேரம் அங்கு தங்கியிருந்து தீபாவளி வழிபாட்டில் பங்கேற்ற டேவிட் கேமரூன் பக்தர்களுக்கு வாழ்த்துகளை தெரிவித்தார்.

அனைத்து மதங்கள், அனைத்து கலாசாராங்களை போற்றி பாதுகாக்கும் இங்கிலாந்துக்கு இங்கு வாழும் இந்துக்கள் அளித்து வரும் பங்களிப்பு சிறப்பானது என்பதை எண்ணி பெருமைப்படுகிறேன்.

எனது இதயத்தின் அடித்தட்டில் இருந்து உங்கள் அனைவருக்கும் தீபாவளி வாழ்த்துகளை தெரிவித்துக் கொள்கிறேன் என கூறிய அவர் பூசாரியிடம் பழங்களை தந்து பூஜை செய்து கண்மூடி வணங்கினார்.

This posting includes an audio/video/photo media file: Download Now

ஊடகவியலாளர்களுக்கு சவாலான நாடாக இலங்கை மாற்றமடைந்து செல்வது கவலையளிப்பதாக   கபே அமைப்பு குற்றஞ்சாட்டியுள்ளது. இலங்கையில் ஊடக சுதந்திரமானது பல்வேறு வழிகளில் முடக்கப்பட்டு வருகின்ற நிலையில் கருத்துச் சுதந்திரத்திற்கு எதிராக பல்வேறு அடக்குமுறைகள் பிரயோகிக்கப்பட்டு வருகின்றது எனவும் கபே அமைப்பின் நிறைவேற்றுப் பணிப்பாளர் ரஞ்சித் கீர்த்தி தென்னக்கோன் தெரிவித்துள்ளார்.

ஊடக சுதந்திரம் குறித்த பல்வேறு சுட்டெண்களில் இலங்கை மிகவும் பின்தங்கிய நிலையிலேயே காணப்படுகின்றது என அவர் சுட்டிக் காட்டியுள்ளார். எனவே ஊடகவியலாளர்கள் சுதந்திரமான முறையில் கடமையாற்ற வசதிகள் செய்து கொடுக்கப்பட வேண்டும்.

அண்மையில் அவுஸ்திரேலிய ஊடகவியலாளர்கள் நாடு கடத்தப்பட்ட சம்பவம் ஏற்றுக்கொள்ளக் கூடியதல்ல. அவர்கள் நாடு கடத்தப்பட்டமையானது இலங்கை அரசியல் சாசனத்தின் 14ஆம் சரத்திற்கு புறம்பான வகையில் அமைந்துள்ளது என்றார்.

This posting includes an audio/video/photo media file: Download Now

இலங்கையில் நடைபெறும் பொதுநலவாய மாநாட்டில் இந்தியா கலந்து கொள்ளக்கூடாது என மத்திய அரசுக்கு மதுரை ஆதீனம் கோரிக்கை விடுத்துள்ளார்.

இது தொடர்பாக அவர் திங்கட்கிழமை வெளியிட்டுள்ள செய்திக்குறிப்பில் கூறியிருப்பதாவது:

இனப்படுகொலை நடத்திய இலங்கையில் பொதுநலவாய மாநாட்டை நடத்த வேண்டும் என முடிவு செய்ததே மிகப்பெரிய தவறு. அப்படிப்பட்ட முடிவுக்கு இந்தியா சம்மதம் தெரிவித்திருக்கக் கூடாது. லட்சக்கணக்கான மனிதர்களை கொன்று குவித்து, பல்லாயிரம் கோடி ரூபாய் மதிப்புள்ள சொத்துக்களை அழித்து மனிதாபிமானத்திற்கு வேட்டு வைத்த இலங்கையில், பொதுநலவாய மாநாட்டை நடத்தலாமா.

சின்னஞ்சிறு பாலகன் பிரபாகரனின் மகனை ஈவு இரக்கமின்றி கொலை செய்த இலங்கையில் பொதுநலவாய மாநாடு தேவையா? இசைப்பிரியாவை மிகப்பயங்கரமாக கொலை செய்து விட்டு, நாங்கள் இக்கொலையை செய்யவில்லை என பொய்ப்பிரசாரம் மேற்கொள்ளும் இலங்கையில் பொதுநலவாய மாநாட்டை நடத்தலாமா? பொதுநலவாய என்ற சொல்லுக்கு பொது சொத்து என்று தான் பொருள்.

அப்படிப்பட்ட இறைவனின் பிள்ளைகளான மனித உயிர்கள் என்ற பொதுச் சொத்தை நாசமாக்கிய இலங்கையில் பொதுநலவாய மாநாட்டை நடத்த அனுமதிக்கலாமா? மத்திய அரசே, இலங்கையில் நடைபெறவிருக்கும் பொதுநலவாய மாநாட்டை புறக்கணிக்க வேண்டும் என கேட்டுக்கொண்டுள்ளார்.

This posting includes an audio/video/photo media file: Download Now

கனடா நாட்டின் மர்கம் நகரில் உள்ள தெருவுக்கு இசைப்புயல் ஏ.ஆர்.ரஹ்மானின் பெயர் சூட்டப்பட்டுள்ளது. இந்திய சினிமாவின் 100வது ஆண்டு விழாவை சிறப்பிக்கும் வகையில் கனடாவின் பிரதான நகரங்களுள் ஒன்றான டொரண்டோவின் மர்கம் நகரில் சர்வதேச இந்திய திரைப்பட விழா நடைபெற்று வருகிறது. உள்ளூர் நேரப்படி நேற்று (திங்கட்கிழமை) மாலை 3 மணியளவில் தொடங்கிய இவ்விழாவில் இசைப்புயல் ஏ.ஆர்.ரஹ்மானின் தமிழ், பாலிவுட் மற்றும் ஹாலிவுட் சாதனைகளை போற்றி புகழாரம் சூட்டப்பட்டது. பின்னர், மர்கம் பகுதியில் உள்ள பிரதான தெரு ஒன்றுக்கு ஏ.ஆர்.ரஹ்மான்(அல்லாஹ் - ரக்ஹா ரஹ்மான்) தெரு என பெயர் சூட்டப்பட்டது. அந்த பெருமைக்குரிய பெயர் பலகையுடன் அடக்கமே உருவாக இசைப்புயல் 'போஸ்' தரும் காட்சியை படத்தில் காணலாம்.

This posting includes an audio/video/photo media file: Download Now

இசைப்பிரியாவின் படுகொலை தொடர்பில் உண்மைகள் கண்டறியப்படவேண்டும். எனவே, உரிய விசாரணைகளை முன்னெடுத்து அதைச் செய்யவேண்டியது இலங்கை அரசின் கடமையாகும். இதைத் தட்டிக்கழித்தால் பாரதூரமான விளைவுகளை இலங்கை அரசு சந்தித்தே தீரும்.'

This posting includes an audio/video/photo media file: Download Now

This posting includes an audio/video/photo media file: Download Now