Tamil Star

பொதுநலவாய நாடுகள் அமைப்பு நீதி வழங்கும் ஒர் நிறுவனமான மாற்றமடைந்து விடக் கூடாது என இலங்கை வெளிவிவகார அமைச்சர் ஜீ.எல்.பீரிஸ் தெரிவித்துள்ளார். இறைமையுடைய நாடுகளின் தன்னார்வ கூட்டுறவு அமைப்பாக பொதுநலவாய நாடுகள் அமைப்பு காணப்படுவதாகக் குறிப்பிட்டுள்ளார். இந்த நிறுவனத்தை நீதி வழங்கும் ஓர் பொறிமுறைமையைக் கொண்ட அமைப்பாக மாற்றக் கூடாது என அவர் சுட்டிக்காட்டியுள்ளார்.

சில சர்வதேச தரப்பின் தொடர்ச்சியான குற்றச்சாட்டுக்களை பெரிதுபடுத்த வேண்டிய அவசியமில்லை என அவர் தெரிவித்துள்ளார். சில சர்வதேச தரப்புக்கள் தொடர்ச்சியாக இலங்கைக்கு எதிராக குற்றச்சாட்டுக்களை சுமத்தி வருவதாகக் குறிப்பிட்டுள்ளார். இலங்கை அளவிற்கு உலகின் வேறு நாடுகளுக்கு அழுத்தங்கள் பிரயோகிக்கப்படுவதில்லை என அவர் சுட்டிக்காட்டியுள்ளார்.

புலம்பெயர் தமிழர்களின் செயற்பாடுகளினால் சர்வதேச அரங்கில் இலங்கைக்கு அழுத்தங்கள் அதிகரித்துள்ளதாகத் தெரிவித்துள்ளார். இலங்கை மீது பிரயோகிக்கப்படும் அழுத்தங்களை பல நாடுகள் விரும்பவில்லை என அவர் சுட்டிக்காட்டியுள்ளார்.

This posting includes an audio/video/photo media file: Download Now

சிரியாவில் நடந்து வருகிற உள்நாட்டுப் போரில் அதிபர் பஷார் அல் ஆசாத்திற்கு எதிரான கிளர்ச்சியாளர்கள் மீது பேரழிவை ஏற்படுத்தும் ரசாயன ஆயுதத் தாக்குதல் நடத்தப்பட்டது. கடந்த ஆகஸ்டு மாதம் 21-ந்தேதி நடந்த இந்தத் தாக்குதலில் 1,300-க்கும் மேற்பட்டோர் கொன்று குவிக்கப்பட்டதாக குற்றச்சாட்டு எழுந்தது. சிரியா அதிபரை தண்டிக்கும் வகையில் அமெரிக்கா ராணுவ நடவடிக்கை மேற்கொள்ள விரும்பியது. ஆனால் இந்த விவகாரத்தில் சிரியாவின் நட்பு நாடான ரஷியா தலையிட்டு போர் அபாயத்தை தவிர்த்தது. சிரியா தன் வசமுள்ள ரசாயன ஆயுதங்களை சர்வதேச குழுவிடம் ஒப்படைக்க நடவடிக்கை எடுக்கப்படும் எனவும் ரஷியா கூறியது. தற்போது அந்தப்பணிகள் நடந்து வருகின்றன. சிரியா மீதான அமெரிக்க தாக்குதலை தடுத்து நிறுத்தியதற்காக ரஷிய அதிபர் புதினுக்கு அமைதிக்கான நோபல் பரிசு வழங்க சிபாரிசு செய்யப்பட்டுள்ளது. இந்த நிலையில் இந்தோனேஷியாவில் உள்ள பாலி தீவில் அடுத்த வாரம் ஆசிய பசிபிக் உச்சி மாநாடு நடக்கிறது. இந்த மாநாட்டின் இடையே அமெரிக்க ஜனாதிபதி ஒபாமாவும், ரஷிய அதிபர் புதினும் சந்தித்துப் பேச உள்ளதாக கிரெம்ளின் மாளிகை அறிவித்துள்ளது. இந்த சந்திப்பின்போது இரு தலைவர்களும் சிரியா நிலவரம் குறித்து விவாதிப்பார்கள் என தெரிவிக்கப்பட்டுள்ளது.

This posting includes an audio/video/photo media file: Download Now

 எத்தனை நாள் ஆனாலும் பரவாயில்லை. துவைக்கவே வேண்டாம். தானாகவே துவைத்துக் கொள்ளும் புதிய வகை துணி வந்து விட்டது. குடும்பஸ்தர்கள் ஒவ்வொருவருக்கும் துணி துவைப்பது என்பது மிகவும் கஷ்டமான வேலைகளில் ஒன்றாக உள்ளது. கிராமங்களில் பரவாயில்லை. ஆறு, குளத்தில் துவைத்து விடுவார்கள். நகரத்திலோ வாஷிங் மெஷினே கதி. இது போன்ற புலம்பல் ஆசாமிகளுக்காக தன்னாலேயே துவைத்துக் கொள்ளும் புதிய வகை துணி வந்து விட்டது. ரொம்பவும் சந்தோஷப்படாதீங்க... இந்த துணி வந்துள்ளது இங்கல்ல... அமெரிக்காவில்... அமெரிக்க ராணுவத்தில்  '' யு.எஸ். சோல்ஜர் ரிசர்ச் டெலவப்மெண்ட், இன்ஜினியரிங் சென்டர்'' என்ற ஆராய்ச்சி மையம் உள்ளது. இந்த மையத்தில் பணியாற்றும் மூத்த விஞ்ஞானி தாவுரங் என்பவர் புதிய வகை துணி ஒன்றை கண்டுபிடித்துள்ளார். அமெரிக்க ராணுவத்தில் பணியாற்றும் வீரர்கள் ஒவ்வொருவருக்கும் ஆண்டுக்கு 5 செட் யூனிபார்ம் வழங்கப்படுகிறது. காடு, மலை, மேடு என்று பணியாற்றும் ராணுவ வீரர்கள் தங்கள் உடுப்புகளை பணியிடங்களில் துவைத்துக் கொள்ள வசதிகள் இருப்பதில்லை. இதனால் பல வீரர்கள் அழுக்குத் துணியோடு இருக்க வேண்டிய கட்டாயம் காணப்படுகிறது. இதையடுத்து ராணுவ வீரர்களுக்கு துவைக்க வேண்டிய அவசியம் இல்லாத துணியை கண்டறிந்தால் என்ன என்ற சிந்தனை தாவுரங்குக்கு ஏற்பட்டது. அதன் வெளிப்பாடுதான் துவைக்காத துணி. இவர் கண்டறிந்துள்ள இந்த புதிய வகை துணியில் ''ஓம்னி போபிக் கோட்டிங்'' என்ற வகை ரசாயன பூச்சு கலந்து நெய்யப்பட்டுள்ளது. இந்த பூச்சு பூசப்பட்ட துணியில் தயாரிக்கப்பட்ட ராணுவ சீருடையை எத்தனை நாட்களுக்கு பயன்படுத்தினாலும் அழுக்கு ஆகாது. மேலும் கிரீஸ், சேறு போன்ற கறைகள் பட்டாலும், சீருடையை கழட்டி உதறினால் அதுவும் போய்விடும். அதே போல உடம்பில் எந்த மட்டமான துர்நாற்றம் இருந்தாலும் அதுவும் சீருடையில் காட்டாது. சீருடை நறுமணத்தோடு இருக்கும். புதிய வகை துணி குறித்து தாவுரங் கூறியதாவது: போர்க் கள முனையில் இருக்கும் எங்கள் வீரர்களுக்கு முகாம் அலுவலகங்களில் துணி துவைப்பதற்காக இயந்திர வசதிகள் உள்ளன. ஆனால் எல்லைகளில் பணியாற்றும் வீரர்கள் துணி துவைப்பதற்காக வர இயலாது. ராணுவப்பணி என்பது மிகவும் கடுமையானது. அவர்கள் இங்கு வந்து செல்வதை தவிர்க்கும் வகையில் புதிய ரக துணி கண்டறியப்பட்டுள்ளது. இதில் பயன்படுத்தப்பட்டுள்ள ரசாயன கலவையால் உடல் நலத்துக்கு எவ்வித பிரச்னையும் வராது. புதிய ரக துணியில் தைக்கப்பட்ட சீருடைகள் கான்சாஸ் மாகாணம் போர்ட் ரெய்லி என்ற பணியிடத்தில் உள்ள வீரர்களுக்கு சோதனை முறையில் கொடுத்து அணிவித்தோம். எவ்வித பிரச்னையும் இல்லை. இந்த துணியானது தனக்குத்தானே சுத்தம் செய்து கொள்ளும் வகையில் அதாவது கழட்டி உதறினால், துவைத்தது போன்ற புத்துணர்வோடு சீருடை காணப்படும் என்றார்.

This posting includes an audio/video/photo media file: Download Now

தமிழ் தேசியக் கூட்டமைப்பின் தலைவர் ஆர் சம்பந்தன். இன்று காலை ஜனாதிபதி மஹிந்த ராஜபக்சவை சந்திக்கவுள்ளார்

This posting includes an audio/video/photo media file: Download Now

கிருஷ்ணகிரி மாவட்டம் காவேரிப்பட்டணம் அருகே உள்ள சவுளூரில் கேம்பிரிட்ஜ் பப்ளிக் இ.பள்ளி வளாகத்தில் நடைபெற்ற இயற்கை வேளாண்மை வளாக தொடக்க விழாவில் சிறப்பு விருந்தினராக கலந்து கொண்டு முன்னாள் ஜனாதிபதி அப்துல்கலாம் இயற்கை வேளாண்மை பண்ணையை திறந்து வைத்து அவர் பேசியதாவது:–

இந்த விழாவில் மாணவ, மாணவிகளை சந்திப்பதில் நான் மிகவும் மகிழ்ச்சி அடைகிறேன். விவசாயம் என்பதை தொழிலாக அல்லாமல், அது ஒரு கலாசாரம் என்ற வகையில் இந்த பள்ளி செய்வது மகிழ்ச்சிக்கு உரியதாகும்.

ஒவ்வொரு மாணவர்களும் தனித்துவத்துடன் இருக்க வேண்டும். நான் இதுவரை ஒன்றரை கோடி மாணவர்களை சந்தித்து உள்ளேன். அவர்கள் தனித்துவத்துடன் இருப்பதாக என்னிடம் கூறினார்கள். மாணவர்கள் உயர்ந்த எண்ணத்துடன் இருக்க வேண்டும்.

அதை நிறைவேற்ற விடா முயற்சி, தன்னம்பிக்கையோடு கடுமையாக உழைக்க வேண்டும். அறிவு வளர்ச்சிக்கு தினமும் புத்தகம் படிக்க வேண்டும். எந்த விஷயத்தையும் மாணவர்கள் தொட்டு விட்டு விட்டு விடக்கூடாது.

அதை முடிக்கும் வரை அயராது முயற்சி செய்ய வேண்டும். தோல்வியால் துவண்டு விடக்கூடாது. எந்த பிரச்சினையாக இருந்தாலும் அதை துணிவுடன் சந்திக்க வேண்டும். தாய்–தந்தை, மற்றும் ஆசிரியர்கள் நமக்கு வழிகாட்டிகள் ஆவார்கள். அவர்களுக்கு உரிய மரியாதை கொடுக்க வேண்டும்.

இவ்வாறு முன்னாள் ஜனாதிபதி அப்துல்கலாம் கூறினார்.

இதைத் தொடர்ந்து மாணவ, மாணவிகளின் கேள்விகளுக்கு அப்துல் கலாம் பதில், நாம் விஞ்ஞானத்தில் மேன்மேலும் வளர ராக்கெட் தயாரிப்பு அவசியம். இந்தியாவை இந்தியர்கள் ஆள தொடங்கி 60 ஆண்டுகளை கடந்து உள்ளோம். இது போன்ற சூழ்நிலையில் ராக்கெட் தயாரிப்பில் ஈடுப்பட்டால் தான் நாடு உயரும்.

மாணவர்கள் படிக்கும் போது அரசியலில் ஈடுபட வேண்டாம். படித்து முடித்து அரசியலில் ஈடுபடலாம். இது எனது தனிப்பட்ட கருத்து.

தற்போது பொறியியல் படித்தவர்களுக்கு வேலை வாய்ப்பு காத்திருக்கிறது. நதிநீர் இணைப்பு, சாலை கட்டமைப்பு போன்ற பணிகளுக்கு நிறைய பொறியாளர்கள் தேவைப்படுகிறார்கள். எனவே பொறியியல் படிப்பை மாணவ, மாணவிகள் தொடர்ந்து படிக்கலாம்.

இவ்வாறு அவர் மாணவர்களின் கருத்துக்கு அப்துல் கலாம் பதில் அளித்தார்.

முன்னதாக பள்ளியின் சார்பில் பரம்பரை வித்யதான் என்ற நூலை வெளியிட்டு, பள்ளியின் இச்சேவை திட்டத்தை துவக்கி வைத்தார். விழாவிற்கு பள்ளி தாளாளர் சனத்குமார் தலைமை வகித்தார். மாணவன் விக்னேஷ்குமார் வரவேற்றார்.

இதில் கிருஷ்ணகிரி மாவட்ட போலீஸ் எஸ்பி செந்தில்குமார், வருவாய் கோட்டாட்சியர் லதா, வட்டாட்சியர் ஸ்ரீவள்ளி, ஏடிஸ்பி ராஜன், டிஎஸ்பிக்கள் சந்தானபாண்டியன், கண்ணப்பன், ஒருங்கிணைப்பாளர் பென்னேஸ்வரன் விளக்கினார். நிகழ்ச்சிகளை 9ம் வகுப்பு மாணவி ஸ்ரீ தேவி தொகுத்து வழங்கினார். முடிவில் மாணவி தக்ஷிணபிரியா நன்றி கூறினார்.

This posting includes an audio/video/photo media file: Download Now

சீன ஓபன் டென்னிஸ் போட்டிகள் தலைநகர் பெய்ஜிங்கில் நடந்து வருகின்றன. இன்று நடந்த பெண்களுக்கான இரட்டையர் கால் இறுதிப்போட்டியில் இந்தியாவின் சானியா மிர்சா - காரா பிளாக் (ஜிம்பாப்வே) ஜோடி, சீன தாய்பேயின் யுங் ஜேன் - ஜீ ஜெங் ஜோடியை எதிர்த்து விளையாடியது. அதிக விளையாட்டு அனுபவம் இல்லாத சீன தாய்பேய் ஜோடியை ஒரு மணி நேரம் 8 நிமிடங்கள் நடந்த போட்டியில் சானியா மிர்சா ஜோடி வென்றது. இதில் அவர்கள் 6-4, 6-1 என்ற  நேர் செட்டுகளில் எளிதில் வெற்றிப்பெற்று அரையிறுதிக்கு முன்னேறியுள்ளனர். கடந்த வாரம் ஜப்பானில் நடைபெற்ற பான் பசிபிக் டென்னிஸ் இறுதிப்போட்டியில் சானியா மிர்சா-காரா பிளாக் ஜோடி வெற்றிபெற்று கோப்பையை வென்றது குறிப்பிடத்தக்கது.

This posting includes an audio/video/photo media file: Download Now

சாம்பியன்ஸ் லீக் 20 ஓவர் கிரிக்கெட் போட்டி கடந்த 21–ந்தேதி தொடங்கியது. இதில் 10 அணிகள் பங்கேற்று விளையாடி வந்தன.

நேற்றுடன் லீக் ஆட்டங்கள் முடிந்தன. கடைசி லீக் ஆட்டங்களில் மும்பை இந்தியன்ஸ் 6 விக்கெட்டில் பெர்த் அணியையும், (ஏ பிரிவு) டிரினிடாட் டொபாக்கோ 8 விக்கெட் வித்தியாசத்தில் சென்னை சூப்பர்கிங்சையும் (பி பிரிவு) தோற்கடித்தன.

'ஏ' பிரிவில் ராஜஸ்தான் ராயல்ஸ் 16 புள்ளிகள் பெற்று முதலிடத்தையும், மும்பை இந்தியன்ஸ் 10 புள்ளிகள் பெற்று 2–வது இடத்தையும் பிடித்து அரைஇறுதிக்கு தகுதி பெற்றன. ரன்ரேட்டில் வாய்ப்பை இழந்து ஒட்டோகோ அணி வெளியேறியது. இதேபோல லயன்ஸ், பெர்த் ஸ்கோர்செர்ஸ் அணிகளும் வெளியேற்றப்பட்டன.

'பி' பிரிவில் டிரினிடாட், சென்னை சூப்பர்கிங்ஸ் அணிகள் தலா 12 புள்ளிகள் பெற்று அரை இறுதிக்கு நுழைந்தன. ரன்ரேட்டில் டிரினிடாட் முதல் இடத்தையும், சென்னை சூப்பர்கிங்ஸ் 2–வது இடத்தையும் பிடித்தன. டைட்டன்ஸ், சன் ரைசர்ஸ் ஐதராபாத், பிரிஸ்பேன் ஹீட் அணிகள் வெளியேற்றப்பட்டன.

இன்று ஓய்வு நாளாகும். நாளை (4–ந்தேதி) நடைபெறும் முதல் அரைஇறுதியில் டோனி தலைமையிலான சென்னை சூப்பர்கிங்ஸ் – டிராவிட் தலைமையிலான ராஜஸ்தான் ராயல்ஸ் அணிகள் மோதுகின்றன.

தொடர்ந்து 3 வெற்றி பெற்ற சென்னை சூப்பர் கிங்ஸ் கடைசி லீ ஆட்டத்தில் டிரினிடாட்டிடம் மோசமாக தோற்றது. ஆனால் நாளை அரைஇறுதி ஆட்டம் என்பதால் சென்னை வீரர்கள் முழு திறமையுடன் ஆடுவார்கள் என்று எதிர்பார்க்கப்படுகிறது. 2010–ம் ஆண்டு சாம்பியனான சென்னை அணி 2–வது முறையாக இறுதிப்போட்டிக்கு நுழையும் ஆர்வத்தில் உள்ளது.

ஆனால் அந்த அணிக்கு ராஜஸ்தான் ராயல்ஸ் அணி எல்லா வகையிலும் சவாலாக திகழும். முதல் முறையாக சாம்பியன்ஸ் லீக் போட்டியில் விளையாடும் அந்த அணி லீக் போட்டியில் அனைத்து ஆட்டத்திலும் (4 வெற்றி) வென்று இருந்தது. இதனால் ராஜஸ்தான் அணி சென்னையை வீழ்த்த முடியும் என்ற நம்பிக்கையில் உள்ளது.

இரு அணிகளும் சமபலம் வாய்ந்தவை என்பதால் நாளைய அரைஇறுதி ஆட்டம் விறுவிறுப்பாக இருக்கும் என்று எதிர்பார்க்கப்படுகிறது. இரவு 8 மணிக்கு நடைபெறும் இந்த ஆட்டம் ஸ்டார்ஸ்போர்ட்ஸ், ஸ்டார் கிரிக்கெட் சேனல்களில் நேரடியாக ஒளிபரப்பு செய்யப்படுகிறது.

5–ந்தேதி டெல்லியில் நடைபெறும் 2–வது அரை இறுதியில் டிரினிடாட் – மும்பை இந்தியன்ஸ் அணிகள் மோதுகின்றன.

சாம்பியன்ஸ் லீக் அரை இறுதிக்கு நுழைந்த 4 அணிகளில் மூன்று ஐ.பி.எல். அணிகள் என்பது குறிப்பிடத்தக்கது.

This posting includes an audio/video/photo media file: Download Now

சீனாவில் புலிகளுடன் கயிறு இழுக்கும் போட்டியை நடத்த ஏற்பாடு செய்யப்பட்டுள்ளது. சீனாவின் ஹுனான் பகுதியில் உள்ள மிருகக்காட்சி சாலையில் பல விதமான புலிகள் பராமரிக்கப்படுகின்றன. இங்கு சுற்றுலாவை ஊக்குவிக்கும் நோக்கில் புலிகளுடன் கயிறு இழுக்கும் போட்டியை நடத்த நிர்வாகம் முடிவு செய்துள்ளது. கூண்டுக்குள் அடைக்கப்பட்ட புலியுடன் சிறு துவாரத்தின் வழியாக கயிறு செலுத்தப்பட்டு, அந்த கயிற்றில் சாக்குப்பையில் கோழி கறி கட்டப்பட்டிருக்கும். கூண்டுக்கு வெளியே பார்வையாளர்கள் மறு முனை கயிறை கொண்டு இழுத்து புலியுடன் விளையாடலாம். இந்த […]

ஒவ்வொரு அமெரிக்கரும் என்ன நடந்தது என்பதை புரிந்து கொள்ள வேண்டும் என அமெரிக்க ஜனாதிபதி பராக் ஒபாமா தெரிவித்துள்ளார். அமெரிக்காவில் திடீரென அரசு துறைகள் மூடப்பட்டுவிட்டது பரபரப்பை ஏற்படுத்தியுள்ளது.

இந்த மூடல் நடவடிக்கையால் கிட்டத்தட்ட ஒட்டுமொத்த அமெரிக்க அரசு இயந்திர செயல்பாடும் முடங்கிப் போயுள்ளது.

தேசியப் பூங்காக்கள் மூடப்பட்டு விட்டன, அரசு துறைகள் செயல்படவில்லை. ஐரோப்பாவில் உள்ள அமெரிக்க போர் நினைவிடங்களும் கூட மூடப்பட்டு விட்டன. தேசிய நினைவுச் சின்ன அருங்காட்சியகமும் மூடப்பட்டுள்ளது.

கடந்த 17 ஆண்டுகளில் நடந்துள்ள முதல் மூடல் நடவடிக்கை இது என்பதால் அமெரிக்க மக்கள் பெரும் பரபரப்படுன் காணப்படுகின்றனர்.

மேலும் அரசுத் துறைகளில் பணியாற்றி வரும் ஆயிரக்கணக்கான அரசு ஊழியர்கள் வெளியேற்றப்பட்டுள்ளனர்.

குறிப்பாக ஜனாதிபதி ஒபாமாவின் பணியாளர்கள் கூட குறைக்கப்பட்டு விட்டனர்.

அதேசமயம் பென்டகன் தனது சிவில் பணியாளர்கள் 8 லட்சம் பேரில் பாதிப் பேரை கட்டாய விடுமுறை கொடுத்து அனுப்பி விட்டதாக கூறப்படுகிறது.

இந்நிலையில் இதுகுறித்து ஒபாமா கூறுகையில், இந்த நிலை ஏற்பட்டிருக்கக் கூடாது.

ஆனால் என்ன நடக்கிறது என்பதை அமெரிக்க மக்கள் புரிந்து கொள்ள வேண்டும். குடியரசுக் கட்சியினர் அரசுக்கு எதிராக கொள்கைப் போரில் ஈடுபட்டுள்ளனர்.

அவர்களே இன்றைய நிலைக்குக் காரணம். பல கோடி அமெரிக்கர்களுக்கு சுகாதாரத் திட்டம் போய்ச் சேருவதற்கு அவர்கள் தடையாக இருக்கிறார்கள் என்று தெரிவித்துள்ளார்.

இருப்பினும் ராணுவம், எல்லைப் பாதுகாப்புப் படையில் ஆள் குறைப்பு எதுவும் இல்லை.

அங்கு முழு அளவில் வீரர்கள், பணியாளர்கள் பணியில் தொடர்கின்றனர்.

This posting includes an audio/video/photo media file: Download Now

தில்லி திஹார் சிறை உள்பட நாட்டின் பல்வேறு நகரங்களில் உள்ள முக்கியச் சிறைகள் மீதோ அல்லது அதில் அடைக்கப்பட்டுள்ள பயங்கரவாதிகளை சிறைக்கு வெளியே அழைத்துச் செல்லும் போதோ “இந்தியன் முஜாஹிதீன்’ பயங்கரவாத அமைப்பு தாக்குதல் நடத்தலாம் என்று மத்திய உளவுத் துறை எச்சரிக்கை விடுத்துள்ளது. இது தொடர்பாக மத்திய உள்துறைக்கு உளவுத் துறை அண்மையில் அனுப்பியுள்ள எச்சரிக்கைக் குறிப்பில் கூறியிருப்பது: தில்லி திஹார் சிறை, மும்பை, புணே, ஜெய்ப்பூர் ஆகிய நகரங்களில் உள்ள முக்கியச் சிறைகளில் இந்தியன் […]