Tamil Star

ஜப்பானில் கிழக்கு கடற்கரையில் இன்று அதிகாலை 2.10 மணியளவில் சக்தி வாய்ந்த நில நடுக்கம் ஏற்பட்டது. இதனால் வீடுகள் மற்றும் கட்டிடங்கள் குலுங்கின.

அப்போது அயர்ந்து தூங்கி கொண்டிருந்த மக்கள் அலறியடித்தபடி வீடுகளை விட்டு வெளியேறி ரோடுகளில் ஓட்டம் பிடித்தனர்.

இதற்கிடையே நிலநடுக்கம் ஏற்பட்டதை தொடர்ந்து கடலில் சுனாமி (ராட்சத) அலைகள் ஏற்பட்டன. அவை வழக்கத்தை விட சுமார் 3 அடி உயரத்துக்கு சீற்றத்துடன் எழும்பி வந்து கரையில் சிறிதளவு தாக்கின.

அதை தொடர்ந்து ஜப்பானின் அவசர சேவை மையம் கடலோர மக்களுக்கு சுனாமி எச்சரிக்கை விடுத்தது. அதிகாலை நேரத்திலும் வீடுகளில் தங்கியிருந்த மக்கள் வெளியேற்றப்பட்டு பாதுகாப்பான இடங்களில் தங்க வைக்கப்பட்டனர்.

ஜப்பானின் வடகிழக்கு கடற்கரை பகுதிக்கும் சுனாமி எச்சரிக்கை விடப்பட்டது. இங்குதான் புகுஷிமா அணு உலை உள்ளது. கடந்த 2011–ம் ஆண்டு பூகம்பமும், சுனாமியும் தாக்கியதில் அணு உலைகள் வெடித்து சேதம் அடைந்தன.

அதில் இருந்து வெளியேறிய கதிர்வீச்சினால் கடும் பாதிப்பு ஏற்பட்டது. எனவே இந்த முறை சுனாமி தாக்குதலின்போது புகுஷிமா அணுஉலையில் பணியாற்றிய ஊழியர்கள் அனைவரும் வெளியேற்றப்பட்டனர்.

இதற்கிடையே ராட்சத அலைகள் குறைந்து விட்டதால் சிறிது நேரத்தில் சுனாமி எச்சரிக்கை விலக்கி கொள்ளப்பட்டது. அதை தொடர்ந்து புகுஷிமா அணு உலைக்கு எந்த பாதிப்பும் இல்லை என பரிசோதித்த நிபுணர்கள் தெரிவித்தனர்.

ஜப்பானில் நேற்று 7.6 ரிக்டர் அளவில் நில நடுக்கம் பதிவானதாக அறிவிக்கப்பட்டது. மேலும் இதனால் ஏற்பட்ட உயிர்சேதம் மற்றும் பொருட்சேத விவரம் எதுவும் வெளியிடப்படவில்லை.

This posting includes an audio/video/photo media file: Download Now

பொதுநலவாய மாநாட்டில் வடக்கு மாகாண முதல்வர் விக்னேஸ்வரன் கலந்துகொள்ளக்கூடாது என்று தமிழ்த் தேசியக் கூட்டமைப்பின் பங்காளிக் கட்சிகள் வலியுறுத்தியுள்ளன.

This posting includes an audio/video/photo media file: Download Now

எதிர்வரும் பொதுநலவாய நாடுகள் கொழும்பு மாநாட்டில்  கம்பியா   என்று அறிவிக்கப்பட்டுள்ளது.

This posting includes an audio/video/photo media file: Download Now

ஜெர்மனி பிரதமர் ஏஞ்சலா மெர்கெல் உள்பட உலகின் அதிமுக்கிய அரசியல் தலைவர்கள் 35 பேரின் தொலைபேசி உரையாடல்களை அமெரிக்க உளவு நிறுவனங்கள் இடைமறித்து ஒட்டுகேட்டதாக செய்திகள் வெளியாகியுள்ளன. அமெரிக்காவின் இந்த செயலுக்கு கடும் கண்டனம் தெரிவித்துள்ள ஜெர்மனி பிரதமர் ஏஞ்சலா மெர்கெல் இது தொடர்பாக ஐ.நா. சபையில் புகார் அளிக்க உள்ளதாகவும் பேட்டியளித்தார். இந்நிலையில், பிரான்ஸ், ஜெர்மனி உள்ளிட்ட ஐரோப்பிய ஒன்றியத்தை சேர்ந்த நாடுகள் அமெரிக்காவின் இந்த போக்கு தீவிரவாதத்திற்கு எதிரான உலகளாவிய கூட்டுப் போரில் பெரிய பின்னடைவை ஏற்படுத்தும் என கவலை தெரிவித்துள்ளன. ஐரோப்பிய நாடுகளுடனான அமெரிக்காவின் நட்புறவு நம்பிக்கை மற்றும் மரியாதை அடிப்படையில் ஆனதாக இருக்க வேண்டும். தீவிரவாதத்திற்கு எதிரான உலகளாவிய கூட்டுப் போரின் பங்காளிகள் என்ற முறையில் நமது நம்பிக்கைகள் மறு புணரமைப்பு செய்யப்பட வேண்டும். நண்பர்களுக்குள் உளவு பார்க்கும் செயல் தீவிரவாதம் தொடர்பான உளவு சேகரிப்பில் பின்னடைவை ஏற்படுத்தி விடும் என ஐரோப்பிய யூனியன் நாடுகள் கவலை தெரிவித்துள்ளன.

This posting includes an audio/video/photo media file: Download Now

பொதுநலவாய மகாநாட்டில் கலந்து கொள்ளுமாறு அரசிடமிருந்து அழைப்புக் கிடைக்குமாயின் அதில் கலந்து கொள்வதா இல்லையா என தமிழ்த் தேசியக் கூட்டமைப்பினர் நேற்று  யாழ்ப்பாணத்தில்   நடத்தியுள்ளனர்.

This posting includes an audio/video/photo media file: Download Now

வடமாகாண சபையின் அடுத்த அமர்வு எதிர்வரும் நவம்பர் மாதம் 11ஆம் திகதி நடைபெறுமென தவிசாளர் கந்தையா சிவஞானம் அறிவித்துள்ளார்.

வடமாகாண சபையின் கன்னி அமர்வு இன்று வெள்ளிக்கிழமை காலை 9.30 மணிக்கு ஆரம்பமாகியது.   இந்த நிலையில் முதலாவது அமர்வின் முதல் நிகழ்வாக தவிசாளர், உபதவிசாளர் தெரிவுகள் மேற்கொள்ளப்பட்டன. தவிசாளாராக கந்தையா சிவஞானமும் உபதவிசாளராக அன்ரனி ஜெகநாதனும் ஏகமனதாக தெரிவுசெய்யப்பட்டனர்.

இதனைத் தொடர்ந்து தவிசாளர் கந்தையா சிவஞானம் தலைமையில் அவை நிகழ்வுகள் நடைபெற்று நண்பகல் 12 மணியுடன் நிறைவுற்றது.

இதன்போது அடுத்த அமர்வு எதிர்வரும் நவம்பர் மாதம் 11ஆம் திகதி நடைபெறுமெனவும் தவிசாளர் அறிவித்துள்ளார்.

This posting includes an audio/video/photo media file: Download Now

கிரிக்கெட்டில் இருந்து சச்சின் தெண்டுல்கர் 200–வது டெஸட் போட்டியோடு ஓய்வு பெறுகிறார். சொந்த மைதானமான மும்பையில் தெண்டுல்கர் தனது கடைசி போட்டியில் விளையாடுகிறார்.

நவீன கிரிக்கெட்டின் சகாப்தமான அவரை முன்னாள், இன்னாள் வீரர்கள் பாராட்டி வருகிறார்கள்.

இந்த நிலையில் லாரா, ரிக்கி பாண்டிங்கை விட தெண்டுல்கர் சிறந்த பேட்ஸ்மேன் என்று ஆஸ்திரேலியா வேகப்பந்து வீரர் ஷான் டெய்ட் கூறியுள்ளார். மும்பையில் நடந்த தனியார் நிகழ்ச்சியில் கலந்து கொண்ட ஷான் டெய்ட் கூறியதாவது:–

எனது கிரிக்கெட் வாழ்க்கையில் நான் பார்த்த வரையில் பிரையன் லாரா, ரிக்கிபாண்டிங்கை விட சச்சின் தெண்டுல்கரே சிறந்த பேட்ஸ்மேன். அவர் எல்லா சூழ்நிலையிலும் சிறப்பாக ஆட கூடியவர். அவருக்கு எதிராக பந்து வீச்சியது பெருமையான விஷயம். அவரது விக்கெட் மிகப்பெரியது.

வருகிற ஆசஷ் தொடரில் ஆஸ்திரேலிய அணி வெல்லும்.

இவ்வாறு அவர் கூறினார்.

வேகப்பந்து வீச்சாளரான ஷான் டெய்ட் 160.7 கிலோ மீட்டர் வேகத்தில் பந்து வீசி அதிவேக பந்துவீச்சாளர் என்ற சிறப்பை பெற்று உள்ளார் என்பது குறிப் பிடத்தக்கது. ஐ.பி.எல். கிரிக்கெட்டில் ராஜஸ்தான் ராயல்ஸ் அணிக்காக விளையாடினார்.

This posting includes an audio/video/photo media file: Download Now

பாரிசில் நடைபெற்று வரும் பிரெஞ்சு ஓபன் சூப்பர் சீரிஸ் பேட்மிண்டன் போட்டிகளில் நேற்று விளையாடிய சாய்னா நேவால் தன்னை எதிர்த்து விளையாடிய கொரியாவின் பே இயோன் ஜுவிடம் 22- 20, 15-21, 20-22 என்ற கணக்கில் தோல்வியைத் தழுவினார். மொத்தம் ஒரு மணி, 11 நிமிடம் நடைபெற்ற இப்போட்டியில் மூன்றாவது சுற்றில் 19- 17 என்று தனக்குக் கிடைத்த வாய்ப்பை வெற்றியாக மாற்ற சாய்னா தவறிவிட்டார். அதேசமயம் தனக்குக் கிடைத்த 19- 20 என்ற புள்ளியில் தனக்கு சாதகமாகப் போட்டியைத் திருப்பிய ஜூ தொடர்ந்த இரண்டு புள்ளிகளில் சாய்னாவைத் தோற்கடித்தார். இந்தத் தோல்வியின் மூலம் நீண்ட காலம் கழித்து உலகத் தரவரிசையில் முதல் ஐந்து இடங்களிலிருந்து ஆறாவது இடத்திற்கு சாய்னா இறங்கியுள்ளார். 10-ம் நிலை வீரரான ஜுவிடம் சாய்னா தோற்பது இது நான்காவது முறையாகும்.

இதேபோல் 6-ம்நிலை வீராங்கனையான ஜி ஹியுன் சங்கைத் தோற்கடித்த பி.வி.சிந்து, நேற்று தன்னை எதிர்த்து விளையாடிய 30-ம் நிலையில் உள்ள ஸ்காட்லாந்து நாட்டு வீராங்கனையான கிர்ஸ்டி கில்மோரிடம் 21-10, 19-21, 16-21 என்ற கணக்கில் தோற்றுப் போனார்.

சிந்துவின் இந்த ஸ்திரமற்ற நிலை எப்போதும் தொடர்ந்து காணப்படுகின்றது. தற்போதுள்ள நிலையில் இந்திய வீரர்களில் எஞ்சியுள்ளது ஆனந்த் பவார் மட்டுமே ஆவார்.

This posting includes an audio/video/photo media file: Download Now

20 ஓவர் கிரிக்கெட் உலகக் கோப்பைக்கான தகுதிச் சுற்று தேர்வுகள் அடுத்த மாதம் ஐக்கிய அரபுக் குடியரசு நாட்டில் நடைபெற உள்ளன. நவம்பர் 15-ம் தேதியிலிருந்து 30-ம் தேதி வரை நடைபெறும் இந்தப் போட்டிகளில் 16 அணிகள் பங்கு கொள்ளும்.

இவற்றிலிருந்து தேர்வு செய்யப்படும் 6 அணிகளே அடுத்த ஆண்டு மார்ச் மாதம் வங்காளதேசத்தில் நடைபெற உள்ள உலககோப்பை 20 ஓவர் கிரிக்கெட் போட்டிகளில் விளையாடும் தகுதியைப் பெறும். இந்த ஆண்டிற்கான சர்வதேசக் கோப்பை மற்றும் உலக கிரிக்கெட் லீக் தொடரில் ஏமாற்றத்தைப் பெற்ற கென்யா அடுத்த வருடத்திற்கான உலகத் தேர்வினுள் தகுதி பெறும் முனைப்புடன் உள்ளது.

இந்த அணியில் தலைவராகவும், துணைத் தலைவராகவும் விளையாடி வந்த ஸ்டீவ் டிக்காலோ (வயது 42) மற்றும் தாமஸ் ஒடாயோ (வயது 36) ஆகிய இருவரும் சர்வதேசப் போட்டிகளில் இருந்து ஒய்வு பெற்றுவிட்டனர். ஆயினும் உள்ளூர் போட்டிகளில் தொடர்ந்து விளையாடி வருகின்றனர். அணியில் உள்ள இளம் வீரர்களை ஊக்குவிக்க ஒரு துடிப்பான தலைமை தேவை என்று எண்ணும் கென்யா கிரிக்கெட் சங்கம் இவர்கள் இருவரையும் மீண்டும் விளையாட அழைத்துள்ளது. சர்வதேசப் போட்டிகளிலிருந்து ஒய்வு பெற்றபோதிலும், நைரோபி கிரிக்கெட் போட்டிகளில் இவர்கள் திறமையுடன் விளையாடி வருகின்றனர். எனவே, கென்யா அணியைத் தலைமை தாங்கவும், வழி நடத்தவும் இவர்களை மீண்டும் அழைத்துள்ளோம் என்று கிரிக்கெட் சங்கத்தின் மூத்த அதிகாரி ஒருவர் தெரிவித்தார்.

This posting includes an audio/video/photo media file: Download Now

This posting includes an audio/video/photo media file: Download Now