Tamil Star

தென்கிழக்காசிய பகுதியில் அமைந்துள்ள நாடுகளில் ஒன்றான கம்போடியாவில் கடந்த சில நாட்களாக தொடர்மழை பெய்து வருகிறது. அந்நாட்டிலுள்ள 24 மாகாணங்களில் 9 மாகாணங்கள் வெள்ளக் காடாக காட்சியளிக்கின்றன. இதனால், சுமார் ஒரு லட்சம் ஹெக்டேர் விளை நிலங்களில் இருந்த நெற் பயிர்கள் வெள்ளத்தில் மூழ்கின. 25 சுகாதார நிலையங்கள், 300 புத்த தேவாலயங்கள், 513 பள்ளிக்கூடங்கள் மற்றும் 67 ஆயிரத்துக்கும் மேற்பட்ட வீடுகள் வெள்ளப் பெருக்கை தாக்குப் பிடிக்க முடியாமல் சேதமடைந்துள்ளன. மெகாங் நதியில் ஏற்பட்ட திடீர் வெள்ளப் பெருக்கில் சிக்கி இதுவரை 30 பேர் பலியாகியுள்ளனர். நூற்றுக்கும் மேற்பட்டவர்கள் மாயமாகி விட்டனர் என்று அவர்களது குடும்பத்தினர் தெரிவித்துள்ளனர்.

This posting includes an audio/video/photo media file: Download Now

இலங்கை இப்போது வன்முறை இல்லாத தேசமாக உருவாகியுள்ளது என மத்திய தொழில் மற்றும் வர்த்தக துறை இணை அமைச்சர் சுதர்சன நாச்சியப்பன் கூறினார்.

சென்னையில் இந்துஸ்தான் வர்த்தக சபையின் 67-ஆவது ஆண்டு விழாவில் பங்கேற்று திங்கள்கிழமை அவர் பேசியதாவது:

இந்தியா தனது பக்கத்து நாடுகள் மீது பெரும் அக்கறை கொண்டுள்ளது. இந்தியாவை விட சிறிய நாடுகளிடம் நட்புறவையும், வர்த்தகத்தையும் மேற்கொள்ள தொடர்ந்து ஆர்வம் காட்டி வருகிறது. இப்போது இலங்கை வன்முறை இல்லாத தேசமாக உருவாகியுள்ளது. மேலும் அங்கு வடக்கு மாகாண தேர்தல் நடைபெற்று  ஜனநாயகரீதியிலான ஆட்சி அமைக்கப்பட்டுள்ளது. இதன் மூலம் இலங்கை அரசு தனது ஜனநாயக நிலைப்பாட்டை உலகுக்கு தெரிவித்துள்ளது. மத்திய அரசின் சேது சமுத்திரத் திட்டம், வர்த்தக நோக்கில் செயல்படுத்த திட்டமிடப்பட்டது.  ஆனால் பல்வேறு காரணங்களால் அத்திட்டம் இன்னும் முழுமை பெறவில்லை. அத்திட்டம் நிறைவேற்றப்பட்டால் தென் இந்தியாவின் வர்த்தகம் மேம்படும். மேலும் 5 ஆண்டுகளுக்கு முன்பு வரை இலங்கையில் நடைபெற்ற உள்நாட்டு சண்டையின் காரணமாக, தமிழகத்துக்கு தீவிரவாத அச்சுறுத்தல் இருந்து வந்தது. இப்போது அந்த அச்சம் இல்லாததால் வர்த்தகம் மேலும் மேம்படும்.

இணைப்பு: இலங்கை நட்பு நாடாக உள்ளதால் அந்நாட்டுடன் போக்குவரத்து திட்டங்களை உருவாக்கவும் மத்திய அரசு பரிசீலித்து வருகிறது. இனி வரும் காலங்களில் தமிழகத்தின் தனுஷ்கோடியில் இருந்து இலங்கையின் தலைமன்னார் பகுதிக்கும் இடையே பாலம் அமைக்கப்படும். அதில் தரைவழி மற்றும் ரயில் போக்குவரத்தும் மேற்கொள்ளப்படும் என்றார் சுதர்சன நாச்சியப்பன்.

இந்நிகழ்ச்சியில், சென்னைக்கான அமெரிக்க துணைத் தூதர் ஜெனிஃபர் மெக்கின்டையர், இந்துஸ்தான் வர்த்தக சபையின் தலைவர் ஆர்.சுப்ரமணியன் ஆகியோர் கலந்துகொண்டனர்.

This posting includes an audio/video/photo media file: Download Now

வடக்கு மாகாண முதல்வர் விக்னேஸ்வரனுக்கு பதவிப்பிரமாணம் செய்து வைக்க சிறிலங்கா அதிபர் மகிந்த ராஜபக்ச யாழ்ப்பாணம் செல்லத் தயாராக இருப்பதாக, அவரது உதவியாளர் ஒருவர் தெரிவித்துள்ளா

தனது பெயரை வெளியிட விரும்பாத சிறிலங்கா அதிபரின் உதவியாளர் ஒருவர், கொழும்பு ஆங்கில நாளிதழ் ஒன்றுக்கு இது தொடர்பாக கருத்து வெளியிடுகையில், தமிழ்த் தேசியக் கூட்டமைப்பு அழைப்பு விடுத்தால், வடக்கு மாகாண முதல்வருக்கு பதவிப் பிரமாணம் செய்து வைக்க சிறிலங்கா அதிபர் தயாராக இருப்பதாக தெரிவித்துள்ளார்.

எனினும் அரசியலமைப்புச்சட்டத்தின் படி, உறுப்பினர்கள், ஆளுனரின் முன்னிலையிலேயே பதவிப் பிரமாணம் செய்து கொள்ள வேண்டும் என்றும் அவர் தெரிவித்துள்ளார்.

அதேவேளை, வடக்கு மாகாண முதல்வர் சி.வி.விக்னேஸ்வரன் மற்றும் மாகாணசபை உறுப்பினர்கள், ஆளுனர் சந்திரசிறி முன்பாக பதவியேற்க முடிவு செய்துள்ளதாகவும் கொழும்பு ஆங்கில நாளிதழ் தெரிவித்துள்ளது.

ஆனால், தமிழ்த் தேசியக் கூட்டமைப்பு இதுகுறித்து இன்னமும் எந்த முடிவையும் பகிரங்கமாக அறிவிக்கவில்லை என்பது குறிப்பிடத்தக்கது.

This posting includes an audio/video/photo media file: Download Now

அடுத்த வருடம் மார்ச் மாதம் நடைபெறவுள்ள ஜெனீவா மனித உரிமைகள் பேரவை அமர்வில் மனித உரிமைகள் முன்னேற்றம் தொடர்பிலான அறிக்கையைச் சமர்ப்பிக்கவுள்ளதாக இலங்கை  அரசு தெரிவித்துள்ளது.

இந்த மீளாய்வு அறிக்கையின் தயாரிப்புப் பணிகள் இறுதிக் கட்டத்தை அடைந்துள்ளதாகவும் இலங்கையின் வெளிவிகார அமைச்சின் செயலாளரான கருணாதிலக அமுனுகம தெரிவித்துள்ளார்.

நவிபிள்ளை குறிப்பிட்ட சில விடயங்களில் அநேகமானவற்றை நாம் ஏற்கனவே பூரணப்படுத்தி விட்டோம் அவற்றில் சில நடைமுறைப்படுத்த முடியாதவை என்றும் அவர் கூறினார்.

இலங்கை மனித உரிமைகள் விடயத்தில் பொறுப்புக்கூறுதலில் முன்னேற்றத்தை காட்டத் தவறியுள்ளதென மனித உரிமை ஆணையாளர் நவிபிள்ளை ஐநா மனித உரிமைகள் பேரவை அமர்வில் கூறினார்.

இலங்கை அடுத்த மார்ச் மாதத்துக்கு முன்னர் அதன் முன்னேற்றத்தை காட்டத் தவறினால் அது ஒரு சர்வதேச விசாரணைக்கு வழிவகுக்கலாம் என்றும் அவர் கூறினார்.

அத்துடன், இலங்கை அரசின் மனித உரிமைகள் மீளாய்வு தொடர்பான அறிக்கையைச் சமர்ப்பிப்பதற்கான கால எல்லையை நிர்ணயிக்கும் அதிகாரம் மனித உரிமைப் பேரவை ஆணையர் நவநீதம்பிள்ளைக்கு இல்லை என தெரிவித்துள்ள அவர், அவ்வாறானதொரு காலக்கெடுவை அரசு ஏற்கப் போவதும் இல்லை என்றும் கூறியுள்ளார்.

This posting includes an audio/video/photo media file: Download Now

அவசர அழைப்பையடுத்து உருவிய துப்பாக்கியுடன் திருடனை பிடிக்கச் சென்ற போலீஸ்காரர், உள்ளே இடுப்பு வலியால் துடித்துக்கொண்டிருந்த கர்ப்பிணிக்கு பிரசவம் பார்த்த சுவாரஸ்ய சம்பவம் அமெரிக்காவின் டெக்சாஸ் நகரில் நடந்துள்ளது. டெக்சாஸ் நகரில் உள்ள கரோல்டன் பகுதி வழியாக சென்ற போலீஸ் ரோந்து காருக்கு ஒரு அவசர அழைப்பு வந்தது. மறுமுனையில் பேசிய சிறுவன் ஒரு விலாசத்தை குறிப்பிட்டு மேற்கண்ட விலாசத்தில் 'எமர்ஜன்ஸி'. உடனடியாக உதவி தேவை என்று கூறினான். ஏதோ திருட்டு சம்பவம் நடந்திருக்க வேண்டும் என யூகித்துக்கொண்டு உருவிய துப்பாக்கியுடன் அந்த விலாசத்தில் உள்ள வீட்டுக்குள் நுழைந்த போலீஸ்காரர் ஜீன் கிம்ப்டன் என்பவரை வரவேற்ற ஒரு சிறுவனை அவரை வீட்டின் உட்புறத்தில் இருந்த குளியலறைக்கு அழைத்து சென்றான். உள்ளே, குழந்தையின் தலை பாதி வெளியேறிய நிலையில் அந்த சிறுவனின் தாயார் பிரசவ வலியால் துடித்துக் கொண்டிருந்தார். சற்றும் தயங்காமல் தனது கைகளில் உறைகளை மாட்டிக்கொண்ட ஜீன் கிம்ப்டன், அந்த பெண்ணுக்கு தைரியம் கூறி, தாயையும் சேயையும் பிரித்தெடுத்தார். பின்னர், ஆம்புலன்சை வரவழைத்த அவர் பிரசவித்த பெண்ணையும், பிறந்த ஆண் குழந்தையையும் கரோல்டனில் உள்ள பேய்லர் ஆஸ்பத்திரியில் அனுமதிக்க உதவினார். இச்சம்பவம் தொடர்பாக புல்லரிப்புடன் பேட்டியளித்த ஜீன் கிம்ப்டன், 'எமர்ஜன்சி என்று அந்த சிறுவன் போன் செய்ததும் ஒரு திருடனை பிடிக்கப் போகிறோம் என்ற சுதாரிப்புடன் நான் துப்பாக்கியுடன் அந்த வீட்டினுள் நுழைந்தேன். ஆனால், இந்த பூமிக்கு ஒரு புதிய உயிரை அறிமுகப்படுத்திய பணியில் எனது பங்கும் உண்டு என்பதை எண்ணி மகிழ்ச்சியும், பெருமிதமும் கொள்கிறேன்' என்றார்.

This posting includes an audio/video/photo media file: Download Now

வட மாகாண சபைத் தேர்தலில் தமிழ்த் தேசியக் கூட்டமைப்பு வெற்றிபெற்றுள்ளது என்பதற்காக தேசிய பிரச்சினைத் தீர்வுத்திட்டம் தொடர்பில் ஆளும் கட்சி கூட்டமைப்புடன் தனித்துப் பேச்சு நடத்த முடியாது என்று ஊடகத்துறை அமைச்சர் கெஹெலிய ரம்புக்வெல தெரிவித்தார்.

This posting includes an audio/video/photo media file: Download Now

இங்கிலாந்து வீரர் ஆண்டி முர்ரேயின் சவாலுக்கு பதிலடி கொடுத்துள்ளார் வீனஸ் வில்லியம்ஸ். விம்பிள்டன், யுஎஸ் ஓபன் போன்ற கிராண்ட் ஸ்லாம் டென்னிஸ் போட்டிகளில் ஆண்கள் மற்றும் மகளிர் ஒற்றையர் பிரிவுகளில் சாம்பியன் பட்டம் வெல்லும் வீரர், வீராங்கனைக்கு சம அளவிலான ரொக்கப்பரிசு வழங்கப்படுகிறது. இதற்கு முன்னணி வீரர்களிடையே அதிருப்தி நிலவுகிறது. இதுகுறித்து இங்கிலாந்து வீரர் ஆண்டி மர்ரே, ஆண்கள் ஒற்றையர் பிரிவில் நாங்கள் ஒவ்வொரு போட்டியிலும் 5 செட் வரை கடுமையாகப் போராட வேண்டியுள்ளது. ஆனால், மகளிர் […]

இந்திய கிரிக்கெட் வீரர் சச்சின் தெண்டுல்கரின் 200-வது டெஸ்ட் போட்டியை, புகழ்பெற்ற கொல்கத்தா ஈடன்கார்டன் மைதானத்தில் நடத்த இந்திய கிரிக்கெட் வாரியம் முடிவு செய்துள்ளதாக தகவல்கள் வெளியாகியுள்ளன.இது தொடர்பாக இந்திய அணியின் சுற்றுப்பயணம் மற்றும் போட்டி அட்டவணையை நிர்ணயிக்கும் கமிட்டியின் தலைவர் ராஜீவ் சுக்லா தலைமையில் வருகிற மூன்றாம் இறுதி முடிவு எடுக்கப்படுகிறது.

This posting includes an audio/video/photo media file: Download Now

கூகுளினால் அறிமுகப்படுத்தப்பட்டு தற்போது அதிகளவான மொபைல் சாதனங்களில் பயன்படுத்தப்படும் இயங்குதளமாக அன்ரோயிட் காணப்படுகின்றது. இந்த இயங்குதளத்திற்கென பல்வேறு மென்பொருட்கள் தொடர்ச்சியாக அறிமுகப்படுத்தப்பட்டுக் கொண்டே இருக்கின்றன. இதன் அடிப்படையில் இவற்றில் பயன்படுத்தப்பட்டுவரும் குரோம், பயர்பொக்ஸ் உலாவிக்கு பதிலாக பயன்படுத்தக்கூடிய டொல்பின் எனும் புதிய உலாவி அறிமுகம் செய்யப்ட்டுள்ளது. இதனை கூகுள் பிளே ஸ்டோரிலிருந்து தரவிறக்கம் செய்துகொள்ள முடியும். தரவிறக்க சுட்டி

This posting includes an audio/video/photo media file: Download Now

அப்பிள் நிறுவனம் தனது ios7.0.1 இயங்குதளத்தை மேம்படுத்தி புதிய ios7.0.2 என்ற புதிய இயங்குதளத்தை அறிமுகப்படுத்தியுள்ளது. அப்பிள் நிறுவனம் சமீபத்தில் தான் ஐபோன், ஐபேட் சாதனங்களில் பயன்படுத்த கூடியவாறு ios7.0.1 இயங்குதளத்தை வெளியிட்டது. தற்போது இதன் லாக் ஸ்கிரீன் சிக்கல்களை மேம்படுத்தி, புதிய ios7.0.2 இயங்குதளத்தை வெளியிட்டுள்ளது. மேலும் ஐபோனில் 17MB முதல் 20MB வரை பதிவிறக்கம் செய்யக்கூடியதாக ios7.0.2 மேம்படுத்தப்பட்டுள்ளது. குறிப்பாக ஐபோன் சாதனத்தில் போன் லாக் ஸ்கிரீனில் இருக்கும் போது, எமர்ஜென்சி கால்(emergency call) […]

This posting includes an audio/video/photo media file: Download Now