Tamil Star

வெலிவேரியவில் சுத்தமான குடிநீருக்காக போராட்டம் நடத்திய பொதுமக்கள் மீது, சிறிலங்காப் படையினர் நடத்திய தாக்குதல் தொடர்பாக, அமெரிக்கா மீண்டும் அறிக்கை ஒன்றை வெளியிட்டுள்ளது.

இந்தத் தாக்குதலுக்கு கவலை தெரிவித்தும், அமைதியான முறையில் போராட்டம் நடத்தும் பொதுமக்களின் பாதுகாப்பையும் உரிமையையும் சிறிலங்கா அரசாங்கம் உறுதிப்படுத்த வேண்டும் என்று கோரியும் கொழும்பிலுள்ள அமெரிக்கத் தூதரகம் கடந்த 2ம் நாள் அறிக்கை ஒன்றை வெளியிட்டிருந்தது.

இந்தநிலையில் வொசிங்டனில் நேற்றுமுன்தினம் அமெரிக்க இராஜாங்கத் திணைக்களப் பேச்சாளர் ஜெனிபர் பசாகி மற்றொரு அறிக்கையை வெளியிட்டார்.

அதில் அவர், "சிறிலங்காவின் வெலிவேரியவில் அண்மையில் நிராயுதபாணிகளாக போராட்டம் நடத்தியவர்கள் மீது துப்பாக்கிச் சூடு நடத்தப்பட்டது உள்ளிட்ட வன்முறைச் சம்பவங்கள் குறித்து அமெரிக்கா கவலை கொள்கிறது.

இந்தச் சம்பவத்தில் உயிரிழந்த, காயமடைந்தவர்களின் குடும்பங்களுக்கு எமது இரங்கலைத் தெரிவித்துக் கொள்கிறோம்.

எல்லாத் தரப்புகளும் கட்டுப்பாட்டுடன் நடந்து கொள்ள வேண்டும் என்றும், அமைதியான முறையில் போராட்டம் நடத்தும் உரிமையை சிறிலங்கா அரசாங்க அதிகாரிகள் மதிக்க வேண்டும் என்றும் கேட்டுக் கொள்கிறோம்.

குறிப்பாக, கத்தோலிக்க தேவாலயம் ஒன்றினுள் அடைக்கலம் தேடிய பொதுமக்கள் தாக்கப்பட்டதாக வரும் தகவல்கள் குறித்து நாம் கவலை கொள்கிறோம்.

குறிப்பாக வழிபாட்டு இடம் ஒன்றில் நடத்தப்பட்ட வன்முறையை எந்த வகையிலும் மன்னிக்க முடியாது.

வெலிவேரிய வன்முறைகள் தொடர்பாக எல்லா அம்சங்களையும் உள்ளடக்கிய ஒரு முழுமையானதும், வெளிப்படையானதுமான விசாரணையை நடத்தி, அதன் முடிவுகள் பகிரங்கமாக வெளிப்படுத்தப்பட வேண்டும்.

நம்பகமான அந்த விசாரணைப் பொறிமுறை மூலம், தவறு செய்தவர்கள் எவராயினும் சட்டத்தின் முன் கொண்டு வரப்பட வேண்டும்" என்று குறிப்பிட்டுள்ளார்.

This posting includes an audio/video/photo media file: Download Now

தொண்டைமானாறு செல்வச்சன்னதி ஆலயத்தின் வருடாந்த திருவிழாவை முன்னிட்டு வலி. கிழக்கு மற்றும் பருத்தித்துறை நகரசபை ஆகியவற்றினால் கடல் நீரேரிக்கு குறுக்காக பாலம் அமைக்கப்படுவதற்கு ஈ.பி.டி.பி மற்றும் அவர்களுடன் சேர்ந்தியங்கும் அரசாங்க அதிகாரிகள் முட்டுக்கட்டை போடுவதாக த.தே கூட்டமைப்பின் உள்ளூராட்சி மன்றத் தலைவர்கள் குற்றம்சாட்டியுள்ளனர்.

This posting includes an audio/video/photo media file: Download Now

பெருமைக்குரிய தலைவராக இருக்கும் ஜனாதிபதி மஹிந்த ராஜபக்சவின் அரசாங்கத்தில் இணைந்தமை தொடர்பில் தாம் வருத்தப்படவில்லை என்று அமைச்சர் மஹிந்த சமரசிங்க குறிப்பிட்டுள்ளார்.

This posting includes an audio/video/photo media file: Download Now

தமிழ்த் தேசியக் கூட்டமைப்பின் வேட்பாளர்களுக்கு தேர்தல் கால அறிவுறுத்தல்களை தனிப்பட்ட முறையிலும் பகிரங்கமாகவும் முதன்மை வேட்பாளர் சி.வி. விக்னேஸ்வரன் தெரிவித்துள்ளார்.

கல்வி எங்கள் மூலதனம். பரீட்சை எழுதுகின்ற எமது மாணவர்களின் எதிர்கால வாழ்வு எங்கள் தேசத்தில் மிகவும் அடிப்படையானது. அந்த வகையில் இது தேர்தல் காலம் எனினும், கல்விப் பொதுத் தராதர உயர்தரப் பரீட்சைகள் ஆரம்பமாகி நடைபெற்றுக்கொண்டிருக்கிறது.

எமது மாணவர்கள் இப்பரீட்சையில் தமது முழு ஆளுமைத்திறனையும் வெளிப்படுத்தி சித்தி பெற வேண்டும் என்பது எமது அவா. இதனைக் கருத்திற் கொண்டு எமது வேட்பாளர்கள் தமது தேர்தல் கால பிரசார நடவடிக்கைகளை மிகுந்த பொறுப்புணர்வுடன் மேற்கொள்ள வேண்டும்.

மாணவ மாணவியரின் நலன் கருதி அவர்களுக்கு எந்த விதத்திலும் எவ்விதமும் பாதிப்பு ஏற்படாமல் நடந்து கொள்ளுமாறு அன்புடன் வேண்டப்படுகிறீர்கள். ஜனநாயகத்தினையும் பொது அமைதியையும் கவனத்திற் கொண்டு தமது நடவடிக்கைகளை மேற்கொள்ளுமாறு வேண்டப்படுகிறீர்கள் என தெரிவித்துள்ளார்.

This posting includes an audio/video/photo media file: Download Now

யாழ்ப்பாணத்திற்கு சுற்றுலா சென்ற ரோஸா பஸ் வண்டியுடன் மணல் ஏற்றி வந்த டிப்பர் லொறி நேருக்கு நேர் மோதியதனால் பஸ் வண்டியில் பயணித்த 16 பேர் காயங்களுடன் தொம்பே மாவட்ட ஆஸ்பத்திரியில் அனுமதிக்கப்பட்டுள்ளனர். இவர்களில் 6 பேர் பலத்த காயங்களுக்கு உள்ளாகினர். 4 பேர் கொழும்பு பெரியாஸ்பத்திரிக்கு மேலதிக சிகிச்சைகளுக்காக கொண்டு செல்லப்பட்டுள்ளனர்.

பஸ்ஸின் சாரதி மற்றும் 3 பேரின் நிலை கவலைக்கிடமாக உள்ளதாக தொம்பே ஆஸ்பத்திரியின் வைத்தியர் ஒருவர் தெரிவித்தார்.

இச்சம்பவம் பூகொட பிரதேசத்தில் நேற்று வெள்ளிக்கிழமை மாலை 3.00 மணியளவில் இடம்பெற்றுள்ளது.

மாத்தறைப் பிரதேசத்திலிருந்து யாழ்ப்பாணம் நோக்கி சுற்றுலா மேற்கொண்ட தனியார் வகுப்பொன்றின் மாணவ மாணவிகளும் ஆசிரியர்களுமே பஸ்ஸில் பயணித்துள்ளனர்.

This posting includes an audio/video/photo media file: Download Now

இந்தியாவில் கடந்த ஐம்பது ஆண்டுகளில் இருநூறுக்கும் அதிகமான மொழிகள் அழிந்துவிட்டதாக மொழியியல் ஆய்வு நிறுவனம் ஒன்று நடத்திய நாடு தழுவிய மொழிகள் கணக்கெடுப்பு காட்டுகிறது.

தற்போது சுமார் 800 மொழிகள் பேசப்படுவதாக இந்த ஆய்வு காட்டுகிறது.

நாடெங்கிலும் இருந்து 85 நிறுவனங்கள் மற்றும் பல்கலைக்கழகங்களின் ஒத்துழைப்போடு மூவாயிரத்துக்கும் மேற்பட்ட நிபுணர்கள் சேர்ந்து நான்கு ஆண்டுகள் பணியாற்றி இந்தியாவின் மொழிகள் பற்றிய இந்த சுற்றாய்வை மேற்கொண்டிருந்தனர்.

மொழிகள் வழங்கும் இடம், அவற்றின் சரித்திரம், தோற்றம், இலக்கணம், இலக்கியம், பண்பாடு, கலைவடிவம் போன்ற பல்வேறு அம்சங்கள் இந்த சுற்றாய்வில் ஆராயப்பட்டுள்ளது.

உத்தியோகபூர்வ அங்கீகாரம் கிடைக்காதது, சமூகங்களின் இடம்பெயர்வு, சமூக பொருளாதார காரணங்களுக்காக பெரும்பான்மையானோரின் மொழியைப் பேச ஆரம்பிப்பது போன்றவை பழங்குடியின மக்களின் மொழிகள் அழிந்துபோக முக்கிய காரணம் என்று தெரிவிக்கப்படுகிறது.

This posting includes an audio/video/photo media file: Download Now

பயங்கரவாத அச்சுறுத்தல் காரணமாக பாகிஸ்தானின் லாகூரில் உள்ள தனது தூதரகத்தில் பணியாற்றும் அலுவலர்களை (முக்கியப் பொறுப்பில் இல்லாதவர்கள்) அமெரிக்கா வெள்ளிக்கிழமை திரும்ப அழைத்துக் கொண்டது.

மேலும், பாகிஸ்தானுக்கு சுற்றுப்பயணம் மேற்கொள்ளும் தனது நாட்டு குடிமக்களுக்கும் அமெரிக்கா எச்சரிக்கை விடுத்துள்ளது.

""அல்-காய்தா பயங்கரவாத அமைப்பு, பாகிஸ்தானின் லாகூரில் உள்ள அமெரிக்க தூதரகத்தை தாக்க வாய்ப்புள்ளதாகத் தகவல்கள் கிடைத்தன.

இதைத் தொடர்ந்து தூதரகத்தில் பணியாற்றும் முக்கியப் பொறுப்பில் அல்லாதவர்களை அமெரிக்காவுக்குத் திரும்புமாறு அந்நாட்டு வெளியுறவுத்துறை அமைச்சகம் உத்தரவிட்டுள்ளது" என்று மூத்த அதிகாரி ஒருவர் தெரிவித்தார்.

லாகூரில் இருக்கும் அமெரிக்காவைச் சேர்ந்தோர் மிகவும் கவனமுடன் இருக்குமாறு அறிவுறுத்தப்பட்டுள்ளனர் என்றும் அவர் தெரிவித்தார்.

This posting includes an audio/video/photo media file: Download Now