Tamil Star

தெலங்கானா தனி மாநிலத்துக்கு எதிர்ப்பு தெரிவித்து ஆந்திராவை சேர்ந்த காங்கிரஸ் எம்.பி.க்கள் 10 பேர் ராஜினாமா செய்துள்ளனர். அதே நேரம், சீமாந்திராவுக்கு நீதி வழங்கும்படி வலியுறுத்தி தெலுங்கு தேசம் எம்.பி.க்கள் 5 பேர் ராஜினாமா செய்துள்ளனர். இதனால், காங்கிரசுக்கு நெருக்கடி ஏற்பட்டுள்ளது. தனி மாநில தீர்மானத்தை நிறைவேற்றுவதிலும் சிக்கல் எழுந்துள்ளது. ஆந்திராவில் இருந்து தெலங்கானா பகுதியை பிரித்து தனி மாநிலமாக அறிவிக்க மத்திய அரசு முடிவு செய்துள்ளது. இதற்கு எதிர்ப்பு தெரிவித்து, கடலோர ஆந்திரா மற்றும் ராயலசீமா பகுதிகளில் நேற்றும் 3வது நாளாக போராட்டம் தொடர்ந்தது. பள்ளி, கல்லூரிகள் மூடப்பட்டன. அரசு, தனியார் வாகனங்கள் இயக்கப்படவில்லை. பல்வேறு அமைப்புகளை சேர்ந்தவர்கள், பல்வேறு துறைகளை சேர்ந்த அரசு ஊழியர்கள் போராட்டம், ஊர்வலம், தர்ணா போன்றவற்றில் ஈடுபட்டனர். ஒரு சில இடங்களில் நடந்த சிறிய வன்முறைகளை தவிர, அமைதியான முறையிலேயே போராட்டம் நடந்தது. இந்நிலையில், ஆந்திரா பிரிக்கப்படுவதை எதிர்த்து கடலோர ஆந்திரா, ராயலசீமா பகுதிகளை சேர்ந்த காங்கிரஸ் எம்.பி.க்கள் 10 பேர் நேற்று ராஜினாமா செய்தனர். சாய் பிரதாப் (ராஜம்பேட்), அனந்த வெங்கட்ராமி ரெட்டி (அனந்தபூர்), ஹர்ஷா குமார் (அமலாபுரம்), வண்டவல்லி அருண்குமார் (ராஜமுந்திரி), லகதபதி ராஜகோபால் (விஜயவாடா), எஸ்.பி.ஒய்.ரெட்டி (நந்தியால்) ஆகியோர் மக்களவை செயலாளரிடம் ராஜினாமா கடிதங்களை கொடுத்தனர். மாநிலங்களவை எம்.பி.யான ராமச்சந்திர ராவ், மாநிலங்களவை செயலாளரிடம் கடிதம் கொடுத்தார். இது தவிர, சப்பம் ஹரி (அனகபள்ளி), மங்குந்தா ஸ்ரீனிவாசாலு ரெட்டி (ஓங்கோல்), ராயபதி சாம்பசிவ ராவ் (குண்டூர்) ஆகியோர் தங்களுடைய ராஜினாமா கடிதங்களை பேக்ஸ் மூலம் அனுப்பினர். மத்திய அமைச்சரவையில் ஆந்திராவை சேர்ந்த 8 பேர் அமைச்சர்களாக உள்ளனர். இவர்களும் இன்று தங்கள் பதவியை ராஜினாமா செய்ய இருப்பதாக, ஆந்திராவை சேர்ந்த மத்திய அமைச்சர்களில் ஒருவரான கோட்லா சூர்யபிரகாஷ் ரெட்டி நேற்று தெரிவித்தார். இதற்காக, காங்கிரஸ் தலைவர் சோனியா காந்தி, பிரதமர் மன்மோகன் சிங்கை சந்திக்க அவர்கள் நேரம் கேட்டுள்ளனர். இந்த சந்திப்புக்கு பிறகு அவர்கள் ராஜினாமா செய்ய உள்ளதாக தெரிகிறது. அதே நேரம், தெலங்கானா தனி மாநில பிரிவினையின் மூலம் புதிய ஆந்திராவுக்கு அநீதி இழைக்கப்படுவதாக குற்றம்சாட்டி, தெலுங்கு தேசம் கட்சியை சேர்ந்த மாநிலங்களவை எம்.பி.க்களான சத்யநாராயணா சவுத்ரி, ரமேஷ் ஆகியோரும், மக்களவை எம்.பி.க்களான நிம்மலா கிஷ்தப்பா, கோனகல்லா நாராயணா மற்றும் முதுகுல வேணுகோபால் ரெட்டி நேற்று ராஜினாமா செய்தனர். இது தொடர்பாக ஐதராபாத்தில் நேற்று அவர்கள் கூட்டாக அளித்த பேட்டியில், 'தெலங்கானா தனி மாநிலம் அமைக்கப்படுவதை தெலுங்கு தேசம் ஆதரிக்கிறது. அதற்கான தீர்மானத்தையும் ஆதரிப்போம். அதே நேரம், புதிய ஆந்திராவின் நலனையும் பாதுகாக்க வேண்டும். நதிநீர், வருவாய் பங்கீடு, புதிய தலைநகர பிரச்னை, இளைஞர்கள், விவசாயிகளின் நலன், வேலைவாய்ப்பு போன்ற பிரச்னைகளுக்கு  தீர்வு காண்பது பற்றி முறையான நடவடிக்கைகளை எடுக்காமல், மாநிலத்தை பிரிக்கும் முடிவை காங்கிரஸ் தன்னிச்சையாக எடுத்துள்ளது. இப்பிரச்னைகளை எல்லாம் மத்திய அரசு தீர்க்க வேண்டும். இல்லாவிட்டால், புதிய ஆந்திரா மக்களுக்கு அநீதி ஏற்படும். அவர்கள் கடுமையாக பாதிக்கப்படுவார்கள். மத்திய அரசின் இந்த செயலை கண்டித்து ராஜினாமா செய்கிறோம்' என்று கூறினர். இதேபோல், தனி மாநிலத்தை எதிர்த்து ஆந்திர நகராட்சி நிர்வாக அமைச்சர் மகிதர்ரெட்டி யும், 7 காங்கிரஸ் எம்.எல்.ஏக்களும் நேற்று ராஜினாமா செய்தனர். ஆந்திராவில் காங்கிரசுக்கு 28 எம்.பி.க்களும், தெலுங்கு தேசத்துக்கு 6 எம்.பி.க்களும் உள்ளனர். மத்தியிலும், மாநிலத்திலும் ஆளுங்கட்சியாக காங்கிரஸ் உள்ளது. இதுபோன்ற நிலையில் தெலங்கானா தனி மாநிலம் பிரிக்கப்படுவதற்கு எதிராக ஆந்திராவை சேர்ந்த தங்கள் கட்சி எம்.பி.க்கள், எம்எல்ஏ.க்கள் அமைச்சர்களே எதிர்ப்பு குரல் கொடுப்பதாலும், ராஜினாமா செய்வதாலும் காங்கிரஸ் தலைமைக்கு நெருக்கடி ஏற்பட்டுள்ளது. இதன் காரணமாக நாடாளுமன்றத்திலும், ஆந்திர சட்டப்பேரவையிலும் தெலங்கானா தனி மாநில தீர்மானத்தை நிறைவேற்றுவதிலும் சிக்கல் ஏற்பட்டுள்ளது.

This posting includes an audio/video/photo media file: Download Now

This posting includes an audio/video/photo media file: Download Now

அமெரிக்கா உளவு பார்க்கும் ரகசியத்தை வெளியிட்ட சி.ஐ.ஏ. முன்னாள் ஊழியர் எட்வர்டு ஸ்நோடென் (30) கடந்த 8 வாரமாக மாஸ்கோ விமான நிலையத்திலேயே தங்கி இருந்தார். அவருக்கு ஒரு வருடத்துக்கு ரஷியா அடைக்கலம் கொடுத்தது. இதனை அடுத்து ஸ்நோடென் விமான நிலையத்தில் இருந்து வெளியேறி கார் ஏறி மாஸ்கோ நகருக்குள் புறப்பட்டு சென்றார். ஸ்நோடெனின் ரஷிய வக்கீல் அனாதோலி குஷேரேனா கூறுகையில், 'ஸ்நோடென் வாடகை வீட்டில் குடியேறி ரஷியாவிலேயே வேலை தேடுவார். இங்கிருந்து தற்போதைக்கு வெளியேறும் திட்டம் இல்லை' என்றார். இந்த விவகாரத்தில் அமெரிக்கா விடுத்த கோரிக்கையை ரஷியா உதாசினம் செய்து விட்டது. இது அமெரிக்காவுக்கு பெரிய ஏமாற்றம் ஆகும். எனவே ரஷியா உறவை ஒபாமா துண்டிக்க வேண்டும் என அமெரிக்க பாராளுமன்ற உறுப்பினர்கள் பலர் வலியுறுத்தி வருகிறார்கள். எனவே ரஷியாவில் நடக்கும் 20 நாட்டு தலைவர்கள் மாநாட்டிற்கு ஒபாமா செல்வது, புதினை சந்தித்து பேச்சு நடத்துவது சந்தேகமே என்ற நிலை உருவாகி இருக்கிறது. அதற்கு முன்னதாக நடக்கும் சந்திப்பு கூட்டத்தையும் அமெரிக்க மந்திரிகள் புறக்கணிப்பார்கள் என்றும் பெயர் குறிப்பிடாத அதிகாரிகள் கூறினர்.

This posting includes an audio/video/photo media file: Download Now

பருவ மழை காரணமாக கிழக்கு மியான்மரில் கனமழை பெய்து வருகிறது. இதனால் திடீர் வெள்ளப்பெருக்கு ஏற்பட்டுள்ளது. இதில் பல்லாயிரக்கணக்கான மக்கள் தங்கள் இருப்பிடங்களை விட்டு உதவி முகாம்களில் தஞ்சம் புகுந்தனர் என்று அரசு ஊடகங்கள் தகவல் அளித்தன. மேலும் கனமழை பெய்யக்கூடும் என்று வானிலை எச்சரிக்கை விடுக்கப்பட்டுள்ளது. கரென் மாநிலத்தில் 35 ஆயிரத்திற்கும் மேற்பட்டோர் 79 முகாம்களில் தங்க வைக்கப்பட்டுள்ளனர். திடீரென ஏற்பட்ட வெள்ளப் பெருக்கில் 3 பேர் பலியானதாகவும், ஒருவரைக் காணவில்லை என்று பத்திரிகை செய்தி அறிவிக்கின்றது. கடந்த 27-ம் தேதி தொடங்கிய மழையில் நிலச்சரிவுகள் காரணமாக சாலைகள் பாதிக்கப்பட்டுள்ளன. அதனால், சுமார் 245 பள்ளிகளுக்கு விடுமுறை விடப்பட்டுள்ளதாகவும் அந்த செய்தி தெரிவித்தது. அண்டை மாநிலமான மோனில் 5 ஆயிரம் பேர் தற்காலிகமாக இடம்பெயர்ந்துள்ளனர். அதில் சிலர் தங்கள் வீடுகளுக்குத் திரும்பியுள்ளனர். இந்த இரு மாநிலங்களுக்கும் தண்ணீரை சுத்தம் செய்ய உதவும் மாத்திரைகளுடன் மருத்துவ உதவிகளையும் அமெரிக்கா அனுப்பியுள்ளது. இர்ரவாடி டெல்டா பகுதியில் உள்ள ஆறுகளின் இரண்டு கரைகளிலும் வசிக்கும் மக்கள் இயற்கைப் பேரழிவுகள் குறித்து தேவையான முன்னெச்சரிக்கையுடன் இருக்கவேண்டும் என்று கேட்டுக்கொள்ளப்பட்டுள்ளார்கள். மேலும், மின் அதிர்ச்சிகள், பாம்புகள், நிலச்சரிவுகள் மற்றும் மரங்கள் விழுதல் போன்றவை குறித்தும் பொதுமக்கள் கவனமுடன் இருக்க வேண்டும் என்று அறிவுறுத்தப்பட்டுள்ளது.

This posting includes an audio/video/photo media file: Download Now

This posting includes an audio/video/photo media file: Download Now

பிரித்தானிய குடிவரவு துறை அதிகாரிகள் சட்டவிரோதமாக நாட்டில் தங்கியிருப்போரை தேடி கைது செய்யும் நடவடிக்கைகளை ஆரம்பித்துள்ளனர்.

லண்டனின் வோல்ஹம்ஸ்டேவ், கென்சல் கிறீன், ஸ்டப்பேர்ட் மற்றும் கிரிக்கெல்வூட் பிரதேசங்களில் கடந்த மூன்று தினங்களாக அதிகாரிகள் தேடுதல் வேட்டையில் ஈடுபட்டுள்ளனர்.

இத்தேடுதலின் போது, தர்ஹம், மென்செஸ்டர் உட்பட நாடு முழுவதும் 90 சட்டவிரோத குடியேற்ற வாசிகள் கைது செய்யப்பட்டுள்ளனர்.

பிரித்தானியாவில் சட்டவிரோதமாக தங்கியிருப்போரை எச்சரித்து வெளியிடப்பட்டிருந்த சர்ச்சைக்குரிய சுவரொட்டிகளை அடுத்தே அதிகாரிகள் இந்த தேடுதல்களை ஆரம்பித்துள்ளனர்.

இந்த நிலையில், இந்த தேடுதல்களை அடிப்படை சுதந்திரத்தை மீறும் வன்முறை செயல்கள் என தொழிற்கட்சி நாடாளுமன்ற உறுப்பினர் பெர்ரி காடினர் தெரிவித்துள்ளார்.

இது குறித்து விசாரணை நடத்த வேண்டும் எனவும் உள்துறை அமைச்சருக்கு எழுதியுள்ள கடிதம் ஒன்றில் தெரிவித்துள்ளார்.

கடந்த மாதம் குடிவரவு அதிகாரிகளினால் மேற்கொள்ளப்பட்ட திடீர் சோதனைகளின் போது, சட்டவிரோதமாக தங்கியிருந்த ஐந்து இலங்கையர்கள் உட்பட இந்தியன் ஒருவரையும் கைது செய்துள்ளதாக பிரித்தானிய தூதரகம் அறிவித்திருந்தமை குறிப்பிடத்தக்கது.

This posting includes an audio/video/photo media file: Download Now

வடக்கின் வசந்தம் திட்டத்தின் கீழ் பாராளுமன்ற உறுப்பினர் நாமல் ராஜபக்சவினால் வழி நடத்தப்பட்டு வரும் கிராமிய வீதிகள் புனரமைப்பில் கண்டாவளைப் பிரதேச செயலர் பிரிவில் உள்ள புளியம் பொக்கணை அம்மன் கோவில் வீதி, MAGA ஒப்பந்ததாரரால் அபிவிருத்தி செய்யப்பட்டு வருகிறது.

மேற்படி வீதியின் வேலைத்திறனைச் சரி பார்ப்பதற்கென கிளிநொச்சி வீதி அதிகார சபையில் இருந்து பொறியியலாளரான குழந்தைவேல் வில்வராசா ( வயது 35 )தனது தொழினுட்ப ஆலோசகர்கள் மற்றும் மேற்பார்வையாளர்களுடன் குறித்த வீதியின் அபிவிருத்தியினைச் சென்று பார்வையிட்ட பொழுது வேலைத் தரம் மிகவும் குறைந்த நிலையில் காணப்பட்டதனைச் சுட்டிக் காட்டியுள்ளார்.

6 அங்குல உயரத்திற்குக் கொங்கிரீற் போடப்பட வேண்டிய நிலையில் MAGA ஒப்பந்ததாரரால் 4 அங்குல உயரத்திற்கு மாத்திரம் தரம் குறைந்த சீமெந்துக் கலவையினைக் கொண்டு கொங்கிரீற் போடப்பட்டு வந்துள்ளது.

மேற்குறித்த குறையினைச் சுட்டிக் காட்டிய பொறியியலாளரை அங்கு பணியில் நின்ற MAGA ஊழியர் தகாத வார்த்தைகளினால் திட்டியுள்ளார். அங்கிருந்து புறப்பட்டுத் தமது அலுவலகம் திரும்பிக் கொண்டிருந்த பொறியியலாளர் குழுவினை மோட்டார் சைக்கிளில் வந்த இருவர் இடை மறித்து, வீதி அபிவிருத்திப் பணியினை எதற்காக இடை நிறுத்தினாய் எனக் கேட்டு பொறியியலாளரின் கன்னத்தில் ஓங்கி கடுமையாகத் தாக்கியதுடன் கைத்துப்பாக்கியினை எடுத்து மிரட்டியுள்ளனர்.

மோட்டார் சைக்கிளில் வந்த இருவரில் ஒருவர் அமைச்சர் ரிஷாத் பதியுதீனின் நெருங்கிய உறவினரான ஆர்ஷிக் எனக் கூறப்படுகிறது. கடுமையான உடற்தாக்கங்களுக்கு உள்ளான குறித்த பொறியியலாளர் தற்போது கிளிநொச்சி வைத்தியசாலையில் அனுமதிக்கப்பட்டுள்ளார்.

இவ் விடயம் குறித்து பொலிஸ் நிலையத்திலும் மேலதிகாரிகளிடமும் முறைப்பாடு செய்யப்பட்ட நிலையில் இதுவரை எந்த நடவடிக்கைகளும் தாக்குதல் நடாத்தியவர்களுக்கெதிராக எடுக்கப்படவில்லை.

இவ் விடயம் குறித்து பிரதம பொறியியலாளரான சஞ்சீவராஜாவுடன் பாராளுமன்ற உறுப்பினர் சி.சிறீதரன் அவர்கள் தொடர்பு கொண்டு தமது அதிருப்தியினை வெளியிட்டுள்ளார்.

ஜனாதிபதியின் நேரடிக் கண்காணிப்பில் இயங்கும் துறைமுகங்கள் நெடுஞ்சாலைகள் அமைச்சின் கீழ் இத் திட்டங்கள் MAGA ஒப்பந்ததாரரால் மேற்கொள்ளப்படுவதால் இத்தகைய தரம் குன்றிய வேலைத் திட்டங்கள் குறித்து முறைப்பாடு செய்யப்பட்டாலும் எந்தவிதமான நடவடிக்கைகளும் எடுக்கப்பட மாட்டாது என்பது வெளிப்படை என மக்கள் விசனப்படுவதுடன், எமது தமிழ்ப் பகுதிகளில் அபிவிருத்தி என்ற போர்வையில் தென்னிலங்கையில் இருந்து வரும் ஒப்பந்ததாரர்கள் தரம்குன்றிய வேலைகளினைச் செய்து எமக்கென வரும் நிதிகளைக் கொள்ளையடித்து வருவதைத் தடுப்பதற்கு வழி என்ன எனக் கேள்வியெழுப்புகின்றனர்.

This posting includes an audio/video/photo media file: Download Now

குடிநீரில் இரசாயன விஷம் கலந்துள்ளமைக்கு எதிராகவும் சுத்தமான குடிநீரை வழங்குமாறு கோரியும் ஆர்ப்பாட்டம் நடத்திய தென்பகுதி மக்களை கொலை செய்த இலங்கை இராணுவம், வடக்கில் நடந்த போரின் போது தமிழர்கள் மீது எந்தளவுக்கு கடுமையாக செயற்பட்டிருக்கும் என்பதை தம்மால் உணர முடிந்ததாக வெலிவேரிய ரத்துபஸ்வல பிரதேச மக்கள் தெரிவித்தனர்.

17வயதான இளைஞரை கொலை செய்து மேலும் 20க்கும் மேற்பட்டோருக்கு காயம் ஏற்படுத்தி, நேற்று இராணுவம் நடத்திய தாக்குதலை, மிலேச்சத்தனமான, கொடூரமான தாக்குதல் என்று இந்த மக்கள் வர்ணித்தனர்.

மிலேச்சத்தனமாக, கொடூரமான முறையில் எமது பிள்ளைகளை கொலை செய்தனர் என அந்த மக்கள் கூறினர்.

முழு உலகமும் மதிக்கும் சர்வதேச போர் சட்டத்தின் பிரகாரம் பாடசாலை, வைத்தியசாலை, மத வழிபாட்டு தலங்கள் மீது தாக்குதல் நடத்தக் கூடாது.

எனினும் இராணுவம் பிரதேசத்தில் உள்ள கத்தோலிக்க தேவாலயத்திற்குள் புகுந்து துப்பாக்கி சூடு நடத்தியது என வெலிவேரிய ரத்துபஸ்வல மக்கள் குற்றம் சுமத்தினர்.

This posting includes an audio/video/photo media file: Download Now

இலங்கையில் உள்ள 9 மாகாண சபைகளின் காணி மற்றும் பொலிஸ் அதிகாரங்கள் பறிக்கப்படும் என இலங்கை பிரதமர் ஜெயரத்ன தெரிவித்துள்ளார்.

This posting includes an audio/video/photo media file: Download Now

This posting includes an audio/video/photo media file: Download Now