Tamil Star

இந்த மாதம் 21 ஆம் தேதி பூரி ஜெகந்நாதர் கோவிலின் ரத யாத்திரை நடந்தது. அப்போது புவனேஸ்வரில் வாழ்ந்துகொண்டிருக்கும் இத்தாலியைச் சேர்ந்த ஒடிசி நாட்டியக்கலைஞரான இலியானா சிடாரிஸ்டி என்பவர் தேரில் ஏறி சாமி கும்பிட்டுள்ளார். அப்போது அங்கிருந்த 2 அர்ச்சகர்கள் அவரிடம் தலா 1000 ரூபாய் தருமாறு கேட்டுள்ளனர். தரமறுத்த அவரை இருவரும் முரட்டுத்தனமாகப் பிடித்துத் தள்ளியுள்ளனர்.எனவே, அவர் இந்த சம்பவம் குறித்து ஒடிஷா காவல்துறையினரிடம் புகார் அளித்தார். காவல்துறை அந்த அர்ச்சகர்கள் மீது காயப்படுத்தியது, ஒரு பெண்ணை ஆத்திரத்துடன் அடித்தது என்ற பிரிவுகளின் கீழ் வழக்கு பதிவு செய்திருந்தனர். ஆயினும், கடந்த வெள்ளிக்கிழமை அன்று தன்னைத் துன்புறுத்திய இரண்டு பேரும் தன்னிடம் மன்னிப்பு கேட்டால், தான் வழக்கை திரும்பப் பெறுவதாக இலியானா கூறியிருந்தார். நேற்று காலை தலைமறைவாக இருந்த இரண்டு அர்ச்சகர்களுள் ஒருவர், காவல்நிலையத்தில் ஆஜரானார். இலியானாவும் சமரசம் வேண்டி நேற்று நீதிமன்றத்தில் ஒரு மனு தாக்கல் செய்திருந்தார். இதனால், அந்தப் அர்ச்சகருக்கு ஜாமீன் வழங்கப்பட்டது. மற்றொருவர் இன்னும் தலைமறைவாக உள்ளார்.  இலியானா சட்ட சர்ச்சைகளில் சிக்க விரும்பவில்லை என்றும்,. குற்றம் சுமத்தப்பட்டவர்களுடன் அவர் சுமுகமான தீர்வை விரும்பினார் என்றும் உதவி அரசு வழக்கறிஞர் சத்யஜித் கூறினார். இதுபற்றி இலியானாவிடமிருந்து கருத்து எதுவும் பெறமுடியவில்லை.

This posting includes an audio/video/photo media file: Download Now

பெரம்பூர் பகுதியை சேர்ந்தவர் இடிமுரசு இளங்கோ (வயது 33). இவர்  பெரம்பூர் வட்ட தி.மு.க. செயலாளராக இருந்து வந்தார். நேற்று இரவு 10.30 மணி அளவில் அவர் பெரம்பூரில் உள்ள தனது அலுவலகத்தில் இருந்து வீட்டுக்கு சென்று கொண்டிருந்தார். அப்போது காரில் வந்த மர்ம கும்பலினர் அவரை வழிமறித்து அரிவாளால் சரமாரியாக வெட்டினர். இதில் படுகாயம் அடைந்த இடிமுரசு இளங்கோ ரத்த வெள்ளத்தில் உயிருக்கு போராடினார். இதுபற்றிய தகவல் கிடைத்ததும் செம்பியம் போலீசார் சம்பவ இடத்துக்கு விரைந்து [...]

This posting includes an audio/video/photo media file: Download Now

தைவான் நாட்டில் 18 வயதிலிருந்து 36 வயது வரை உள்ள ஆண்மக்கள் கட்டாயமாக ஒரு வருடம் ராணுவத்தில் சேவை புரியவேண்டும். தன்னார்வ வீரர்களை பணியில் சேர்க்கும் திட்டத்தையும் தற்போது அந்த நாடு யோசித்து வருகின்றது. ஆனால், சென்ற வருடம் அந்நாட்டு ராணுவத்தில் ஹங் சுங் சியு (24 ) என்பவர் வலுக்கட்டாயமாக சேர்க்கப்பட்டுள்ளார். அங்கு அவர் தீவிரப் பயிற்சிகளில் ஈடுபடுத்தப்பட்டுள்ளார். ராணுவதளத்தில் ஒரு காமிரா மொபைல் போனை வைத்திருந்ததால் தனிமைச் சிறையிலும் வைக்கப்பட்டுள்ளதாகத் தெரிகின்றது. இவர் இந்த மாதம் மூன்றாம் தேதி மூளைத்தாக்கம் ஏற்பட்டு மரணமடைந்தார். இவரது கட்டாய ராணுவ சேவை முடியப் போகும் சமயத்தில் மூன்று நாட்களுக்கு முன்னதாக இவர் மரணத்தைத் தழுவினார். இவரது மரணம் மக்களிடையே பெரும் தாக்கத்தை ஏற்படுத்தியது. இந்த மரணம் குறித்து விசாரணை நடத்த வேண்டும் என்று ஆயிரக்கணக்கான மக்கள் போராட்டத்தில் ஈடுபட்டனர். இதன்விளைவாக நான்கு ராணுவ அதிகாரிகள் பணிநீக்கம் செய்யப்பட்டனர். அந்நாட்டின் பாதுகாப்பு அமைச்சர் கவோ ஹுவா சு தனது பதவியை ராஜினாமா செய்துள்ளார். அவருக்குப் பதிலாக முதன்முதலாக பொதுமக்களில் ஒருவரான ஆண்ட்ரூ யாங் அந்தப் பதவியை ஏற்றுள்ளார். பொதுமக்களின் எதிர்பார்ப்பிற்கு இணங்க இந்த மாற்றம் செய்யப்பட்டுள்ளதாக தைவானின் பிரதமர் ஜியாங் தி ஹுவா இன்று பத்திரிகையாளர் கூட்டம் ஒன்றில் தெரிவித்துள்ளார். இதுதவிர, கவோவின் ராஜினாமா குறித்து அவர் வேறு எந்த விளக்கமும் அளிக்கவில்லை.

This posting includes an audio/video/photo media file: Download Now

ஈரோட்டில் நேற்று பல வண்ணங்களில் சூரியன் காட்சி அளித்தது. சூரியனை சுற்றி பல வண்ணங்களை ஒரு வட்டமாக ஒரு கோடு தெரிந்தது. அதில் ஒரு பகுதி காப்பி கலரில் இருந்தது. இந்த அற்புத காட்சியினை பொதுமக்கள் வியப்புடன் பார்த்தனர்.

ஈரோடு கலெக்டர் அலுவலகம் வந்த இளம்பெண்கள் சூரியனின் வண்ணகாட்சியை கண்டு களித்தனர். அப்போது அவர்களின் கண்கள் கூசியது. சற்று நேரத்தில் அதிசய வட்டம் மறைந்துவிட்டது.

இது தொடர்பாக தமிழ்நாடு அறிவியல் இயக்க தலைவரும், ஈரோடு கல்லூரி பேராசிரியருமான மணியிடம் கேட்டபோது அவர் கூறியதாவது:–

மேகத்தில் உள்ள சிறு நீர்த்திவலைகள் வழியாக சூரிய ஒளி பாயும்போது இதுபோன்று சூரியன் பல வண்ணங்களில் காட்சி அளிக்கும். இதுவே பெரிய நீர்த்திவலைகளாக இருந்தால் மழையாக கீழே பொழிந்துவிடும். மழைக் காலங்களில் இது நிகழும். கண்கள் கூசுவது சாதாரண நிகழ்வுதான். சூரியனை எப்போதுமே நேரடியாக கண்களால் பார்க்க கூடாது. அவ்வாறு பார்த்தால் கண்கள் பாதிக்கும்.

இவ்வாறு அவர் கூறினார்.

This posting includes an audio/video/photo media file: Download Now

சிறுவயதினர் பாலியல் தொழிலில் ஈடுபடுவதை தடுக்கும்வகையில் அமெரிக்க புலனாய்வுத்துறை சென்ற வார இறுதியில் நாடு முழுவதும் சோதனை நடவடிக்கையில் ஈடுபட்டது. சமூக ஊடக தளங்களில் இது போன்ற விபச்சாரங்கள் நடைபெறுவதும், நெடுந்தொலைவு பயணங்களில் டிரக்குகள் நிறுத்தப்படும் இடங்களில் நடைபெறும் இத்தகைய காரியங்களும் சோதனையாளர்களால் கண்காணிக்கப்பட்டதாக அதிகாரிகள் தெரிவித்தனர். கடந்த மூன்று தினங்களாக 230 சட்ட அமலாக்கப்பிரிவினர் 76 நகரங்களில் நடத்திய இந்த சோதனைகளில், 150க்கும் மேற்பட்டோர் கைது செய்யப்பட்டுள்ளனர். 105 இள வயதினர் இவர்களிடமிருந்து மீட்கப்பட்டுள்ளனர். இவர்கள் அனைவரும் 13 முதல் 17 வயதுக்குட்பட்டவர்கள் ஆவார்கள். குழந்தை விபச்சாரம் அமெரிக்கா முழுவதும் உள்ள ஒரு தொடர் அச்சுறுத்தலாகும். இத்தகைய குற்றங்கள் எங்கு வேண்டுமானாலும் நடக்கும் என்பதற்கான நினைவூட்டலாகவே புலனாய்வுத்துறையின் நடவடிக்கை மேற்கொள்ளப்பட்டுள்ளது. இத்தகைய குற்றங்களினால் லாபமடைபவர்களைத் தடுத்து நிறுத்துவதிலும், இந்தத் தொடர் நிகழ்ச்சியினை முடிவுக்கு கொண்டு வருவதிலும் அமெரிக்க புலனாய்வுத்துறை உறுதியாக உள்ளது என்று இந்த அமைப்பின் துணை இயக்குனர் ரோன் ஹோஸ்கோ தெரிவித்தார். கடந்த 2003ம் ஆண்டிலிருந்து இதுவரை 2700 பேர் காப்பாற்றப்பட்டுள்ளனர். பாராட்டுகள், சலுகைகள் அல்லது பணம்பண்ண வேண்டும் என்ற எண்ணம் இளவயது பெண்களை இதில் சிக்க வைத்துவிடுகின்றது. இதனால், போதை மருந்துகள், சித்திரவதை, உடல் ரீதியான முறைகேடுகள் போன்றவற்றை பின்னர் அவர்கள் அனுபவிக்க நேரிடுகின்றது என்று ஹோஸ்கோ கூறியுள்ளார்.

This posting includes an audio/video/photo media file: Download Now

உலக இளையோர் செஸ் ஒலிம்பியாட் போட்டி சீனாவில் நடந்தது. இதன் அணிகள் பிரிவில் சயந்தன் தாஸ், திப்தயன் கோஷ், முரளி கார்த்திகேயன், ஷர்துல் காஜரே ஆகியோர் அடங்கிய இந்திய அணி இறுதிப்போட்டியில் 3.5–0.5 என்ற புள்ளி கணக்கில் ஈரானை வீழ்த்தி மொத்தம் 18 புள்ளிகளுடன் தங்கப்பதக்கத்தை வென்றது. ரஷிய அணி 2–வது இடமும், துருக்கி அணி 3–வது இடமும் பெற்றன.

This posting includes an audio/video/photo media file: Download Now

11-வது உலக கோப்பை ஒருநாள் போட்டியை சர்வதேச கிரிக்கெட் கவுன்சில் (ஐ.சி.சி) அனுமதியுடன் ஆஸ்திரேலியா மற்றும் நியூசிலாந்து கிரிக்கெட் வாரியங்கள் இணைந்து நடத்துகிறது. இந்த போட்டி 2015-ம் ஆண்டில் பிப்ரவரி மற்றும் மார்ச் மாதங்களில் நடைபெறுகிறது. 14 நாடுகள் பங்கேற்கும் இந்த போட்டியின் லீக் மற்றும் நாக்-அவுட் ஆட்டங்கள் ஆஸ்திரேலியா மற்றும் நியூசிலாந்து நாடுகளில் சரிசமமான எண்ணிக்கையில் நடைபெறும். இந்த போட்டியில் கலந்து கொள்ளும் அணிகள் இடம் பெறும் பிரிவுகள், அணிகள் மோதல் அட்டவணை, ஆட்டங்கள் நடைபெறும் இடம் ஆகியவை குறித்து சர்வதேச கிரிக்கெட் கவுன்சில் மற்றும் ஆஸ்திரேலியா, நியூசிலாந்து கிரிக்கெட் வாரியங்கள் கலந்து ஆலோசித்து முடிவு செய்து இருக்கின்றன. போட்டி அட்டவணை வெளியிடும் நிகழ்ச்சி இன்று (செவ்வாய்க்கிழமை) ஒரே நேரத்தில் மெல்போர்ன் (ஆஸ்திரேலியா), வெலிங்டன் (நியூசிலாந்து) ஆகிய இடங்களில் நடைபெறுகிறது. இந்திய நேரப்படி அதிகாலை 5.30 மணிக்கு அட்டவணை வெளியாகிறது. அட்டவணை வெளியிடும் நிகழ்ச்சியில் சர்வதேச கிரிக்கெட் கவுன்சில், ஆஸ்திரேலியா, நியூசிலாந்து கிரிக்கெட் வாரிய நிர்வாகிகள், இன்னாள் மற்றும் முன்னாள் வீரர்கள் கலந்து கொள்கிறார்கள். மெல்போர்னில் நடைபெறும் அட்டவணை அறிவிப்பு நிகழ்ச்சியில் ஐ.சி.சி. துணைத்தலைவர் முஸ்தபா கமால், தலைமை செயல் அதிகாரி டேவிட் ரிச்சர்ட்சன், உள்ளூர் போட்டி அமைப்பு குழு சேர்மன் ரால்ப் வாட்டர்ஸ், தலைமை செயல் அதிகாரி ஜான் ஹார்டென் ஆகியோரும், வெலிங்டனில் நடைபெறும் நிகழ்ச்சியில் ஐ.சி.சி.தலைவர் ஆலன் ஐசக், நியூசிலாந்து கிரிக்கெட் வாரிய தலைவர் தெரஸ் வால்ஷ் ஆகியோர் பங்கேற்பார்கள் என்று தெரிவிக்கப்பட்டுள்ளது.

This posting includes an audio/video/photo media file: Download Now

வடமாகாண சபைத் தேர்தல் நடாத்தப்படுமானால் அது நீதியானதும் சுதந்திரமானதுமாக இருக்காது என தமிழ்த் தேசியக் கூட்டமைப்பு அச்சம் வெளியிட்டுள்ளது.

வடமாகாண சபைத் தேர்தலில் போட்டியிடுவதற்காக வடக்கின் அனைத்து மாவட்டங்களிலும் இன்றைய தினம் வேட்புமனுத்தாக்கல் செய்த தமிழ் தேசியக் கூட்டமைப்பு நேற்று மாலை 4 மணியளவில் கட்சியின் யாழ். மாவட்ட அலுவலகத்தில் ஊடகவியலாளர் மாநாடு ஒன்றினை ஏற்பாடு செய்திருந்தது. அதில் கலந்து கொண்ட கட்சியின் தலைவர் இரா சம்பந்தன் கருத்துத் தெரிவிக்கும் போதே மேற்கண்டவாறு தெரிவித்தார்.

அவர் மேலும் தெரிவிக்கையில், தேர்தல் நடாத்தப்படும் என்று வாக்குறுதிகள் வழங்கப்பட்ட நிலையில் அது நடைபெறாது போனது எனினும் கடந்த ஐக்கிய நாடுகள் மனித உரிமைப் பேரவையில் நிறைவேற்றப்பட்ட தீர்மானத்தில் எதிர்வரும் செப்ரெம்பர் மாதம் தேர்தல் நடாத்தப்பட வேண்டும் என கூறப்பட்டது. எனவே இந்த தேர்தல் சர்வதேச அழுத்தத்தினாலேயே நடத்தப்படுகின்றது. அதற்கான நியமனப்பத்திரங்களும் தாக்கல் செய்யப்பட்டு வருகின்றது. இதனடிப்படையில் தேர்தல் நடைபெறுகின்றது என நாங்கள் எதிர்பார்க்கின்றோம்.

வடமாகாணத்தில் முதல் முறையாக நடைபெறும் இந்த தேர்தலில் தமது மாகாணத்திற்கான பிரதிநிதிகளை தெரிவு செய்வதற்காக மக்கள் தமது ஜனநாயக உரிமையினை முதல் முறையாக பயன்படுத்த உள்ளனர் எனினும் கடந்த கால தேர்தல்கள் போல சுதந்திரங்கள் பறிக்கப்பட்டு இருந்ததைப் போல இல்லாது இந்த தேர்தல் சுதந்திரமாக நடைபெறவேண்டும். எனவே இவ்வாறான தேர்தலை நடாத்த த.தே.கூ பரிபூரண ஒத்துழைப்பினை நல்கும். அத்துடன் அவ்வாறான தேர்தலே நடைபெறவேண்டும் என்றும் இச் சந்தர்ப்பத்தில் வலியுறுத்துகின்றோம்.

எனினும் தேர்தல் சுதந்திரமாக நடைபெறுமா என்பதற்கு பல சந்தேகங்கள் இருக்கின்றது. ஒரு சுதந்திரமான தேர்தல் ஆணைக்குழுவை, சுதந்திரமான பொதுச் சேவை ஆணைக்குழுவை , சுதந்திரமான பொலிஸ் சேவை ஆணைக்குழுவை நியமனம் செய்ய உறுதியளித்த 13ஆவது திருத்தம் நீக்கப்பட்டு அவ்வாறான ஒழுங்குகள் தற்போது இல்லை. இவ்விதம் இல்லாத சூழலில் நடைபெறும் தேர்தல் சுதந்திரமாக நடைபெறுமா நடைபெறுவதற்கான ஒழுங்குகள் செய்யப்படுமா என்பது பற்றி சந்தேகம் கொள்ள போதிய இடமுண்டு.

மேலும் தேர்தல் காலத்தில் சுதந்திரமான பிரசாரத்திற்கு இடமிருக்க வேண்டும். கூட்டங்களில் பங்குபற்ற மக்களுக்கு சுதந்திரம் இருக்க வேண்டும். அரசியல் கட்சிகள் கூடும் சுதந்திரம் இருக்க வேண்டும். வாக்களிக்கும் உரிமை இருக்க வேண்டும்.வாக்களிப்பு நிலையங்களில் கடமை புரிபவர்கள் சட்டத்தின் அடிப்படையில் செய்ய வேண்டும்.

வாக்கெண்ணுவது சட்டத்திற்குள் நடைபெறவேண்டும். இருப்பினும் சட்டத்திற்கு முரணானவகையிலும் அமையலாம் என்ற சந்தேகம் கடந்த கால தேர்தல்களில் ஊடாக எழுகின்றது. இவற்றை உறுதி செய்வதற்கு சுதந்திரமான தேர்தல் ஆணைக்குழு இல்லாமல், சுதந்திரமான பொதுச்சேவை ஆணைக்குழு, பொலிஸ் சேவை இல்லாது எவ்விதமாக நாங்கள் இதனை அடைய முடியும்.

இதனை சர்வதேசம் உட்பட அனைவரும் அறியவேண்டிய தேவை உள்ளது. எனவே தேர்தல் முறையாக நடைபெறவேண்டும். இதற்கான முயற்சிகளை த.தே.கூ எடுக்கும் என அவர் மேலும் தெரிவித்துள்ளார்.

நேற்றைய‌ மாநாட்டின் போது முதன்மை வேட்பாளர் சி.வீ.விக்கினேஸ்வரன், செயலாளர் மாவை சேனாதிராசா, நாடாளுமன்ற உறுப்பினர்களான சுரேஸ் பிரேமச்சந்திரன், சுமந்திரன், சிறிதரன் மற்றும் வேட்பாளர்கள் எனப்பலர் கலந்து கொண்டனர்.

This posting includes an audio/video/photo media file: Download Now

வெற்றிலைக்கேணி 55 ஆவது படைப்பிரிவினால் நடத்தப்பட்ட தமிழ்மொழி பயிற்சி நெறியை 3 ஆவது தொகுதி படைவீரர்கள் பூர்த்தி செய்துள்ளனர். தமது கடமையை சிறப்பாக செய்யவும் பொதுமக்களுடன் நல்லுறவை வளர்க்கவும் இராணுவ வீரர்களுக்கு உதவுவதற்காக தொடங்கப்பட்ட இதை பயிற்சி திட்டத்தினால் 55 படைப்பிரிவு தலைமையகத்திலுள்ள 100 க்கு மேற்பட்ட இராணுவ வீரர்கள் நன்மையடைந்துள்ளனர். இந்த மூன்றாவது தொகுதி இராணுவ வீரர்கள் தமது தமிழ்மொழித்திறனை வெளிப்படுத்தும் வகையில் ஒரு கலைநிகழ்வையும் நடத்தினர்.

This posting includes an audio/video/photo media file: Download Now

வடக்கு மாகாணசபைத் தேர்தலில் ஐக்கிய மக்கள் சுதந்திர முன்னணியின் யாழ்.மாவட்ட முதன்மை வேட்பாளராக, ஈபிடிபியின் முன்னாள் நாடாளுமன்ற உறுப்பினரும், டக்ளஸ் தேவானந்தாவின் ஆலோசகருமான சின்னத்துரை தவராசா போட்டியிடவுள்ளதாக   அதிகாரபூர்வமாக அறிவிக்கப்பட்டுள்ளது.

ஐக்கிய மக்கள் சுதந்திர முன்னணியின் வேட்பாளர் பட்டியலில், ஈபிடிபிக்கு 10 இடங்கள் ஒதுக்கப்பட்டுள்ளன.

இதன்படி, ஈபிடிபி சார்பில் போட்டியிடவுள்ள வேட்பாளர்களின் விபரமும் வெளிவந்துள்ளது.

யாழ்.மாவட்ட முதன்மை வேட்பாளர் சின்னத்துரை தவராசா, முன்னாள் நாடாளுமன்ற உறுப்பினர் கமல், யாழ்.மாவட்ட அமைப்பாளர் ஐ.சிறிரங்கேஸ்வரன், வடமராட்சி அமைப்பாளர் எஸ்.பாலகிருஸ்ணன், அலெக்சான்டர் சூசைமுத்து (சாள்ஸ்), சுந்தரம் டிவகலாலா, ஆறுதல் நிறுவன இணைப்பாளர் ஏ.அகஸ்டின், சிகரம் ஊடக நிறுவன பணிப்பாளர் கோ.றுசாங்கன், பனை தென்னை வள கூட்டுறவு சங்க தலைவர் எஸ்.கணேசன், ஆகியோரே, ஈபிடிபி சார்பில் போட்டியிடவுள்ளனர்.

நேற்று முன்தினம் தவராசாவும், நேற்று ஏனைய வேட்பாளர்களும் சிறிலங்கா அதிபர் செயலகத்தில் வேட்பாளர் பட்டியலில் ஒப்பமிட்டுள்ளனர்.

This posting includes an audio/video/photo media file: Download Now