Tamil Star

இதில் அருகில் இருந்த கட்டிடங்களும், வீடுகளும் எரிந்துபோயின. அங்கிருந்த 2 ஆயிரத்துக்கும் மேற்பட்ட மக்கள் அவரசமாக தங்கள் வீடுகளைக்காலி செய்து பாதுகாப்பான இடத்திற்குச் சென்றனர். அதற்குள் 47 பேர் இந்தத் தீவிபத்தில் பரிதாபமாய் இறந்தனர். இந்த விபத்து குறித்த விசாரணைகள் இன்னும் நடந்து கொண்டிருக்கின்றன. இந்த நிலையில் நேற்று இறந்தவர்களுக்கான நினைவு அஞ்சலிக் கூட்டம் லக் மெகன்டிக் நகரில் உள்ள செயின்ட் ஆக்னெஸ் தேவாலயத்தில் நடைபெற்றது. இந்தக் கூட்டத்தில் கனடா பிரதமர் ஸ்டீபன் ஹார்ப்பர், கியூபெக்கின் பிரதமர் பாலின் மொரைய்ஸ் மற்றும் மேயர் கோலட் ராய் லோரெச் ஆகியோர் கலந்துகொண்டனர். பலியானவர்களின் உறவினர்கள் உட்பட, ஆயிரக்கணக்கானோர் இந்தக் கூட்டத்திற்கு வந்திருந்தனர். விபத்திற்குப் பின்னர் நடந்த இந்தக் கூட்டமே அங்கு நடந்த முதல் பொது நிகழ்ச்சியாகும். இந்தக் கூட்டத்தில் இறந்தவர்கள் 47 பேரின் பெயர்களும் அறிவிக்கப்பட்டன. இந்த சம்பவத்தினால் பாதிக்கப்பட்டவர்களை பார்க்கக்கூடிய இந்த நேரம் மிகவும் உணர்ச்சிகரமானது என்று பிரதமர் ஸ்டீபன் ஹார்ப்பர் தெரிவித்தார். இந்த விபத்துக்குப் பின்னர், ரெயில் போக்குவரத்து விதிமுறைகளை அரசு தீவிரமாக்கியுள்ளது. அதேபோல், ஆபத்தான வெடிபொருட்களை ஏற்றிச்செல்லும் ரெயில்களில் இரண்டு மேற்பார்வையாளர்கள் இருக்கவேண்டும் என்றும், பயணம் முடிவடையும்வரை அவர்கள் பணியில் இருப்பது அவசியம் என்றும் தெரிவித்துள்ளது.