2008ம் வருடம் மாகாண சபைத் தேர்தலில் தங்கள் கட்சி போட்டியிடாததன் காரணமாகவே தமிழ் மக்கள் விடுதலைப் புலிகள் கட்சி மாகாண சபையில் 03 ஆசனங்களைக் கைப்பற்றியுள்ளது எனக் குறிப்பிடும் நாடாளுமன்ற உறுப்பினர் யோகேஸ்வரன், பாராளுமன்றத் தேர்தலில் தமிழ் மக்கள் விடுதலைப் புலிகள் கட்சி தூரநோக்குடன் தனித்து போட்டியிட்டதன் காரணமாகவே தமிழ் தேசியக் கூட்டமைப்பில் மூவர் தெரிவு செய்யப்பட்டனர் என்பதை மறந்து விடக்கூடாது. மாகாண சபைத் தேர்தலில் ஐக்கிய மக்கள் சுதந்திர கூட்டமைப்பிற்கு சார்பாக பிரச்சாரம் செய்த யோகேஸ்வரன் தான் கேட்ட இணைப்பாளர் பதவி கிடைக்கவில்லை என்பதற்காக தமிழ் தேசிய கூட்டமைப்பில் இணைந்து கொண்டார் என்பதை மறந்திருக்க மாட்டார் என நினைக்கின்றேன். மட்டக்களப்பு மக்களின் பெரும்பான்மையான வாக்குகளைப் பெற்றுள்ளேன் எனக் குறிப்பிடும் யோகேஸ்வரன் பெற்ற மொத்த வாக்குகளின் எண்ணிக்கை 20 665 மாத்திரமே என்பதை அவர் முதலில் புரிந்து கொள்ள வேண்டும்.

கிழக்கு மாகாணத்தில் தமிழர்கள் தனித்து போட்டியிட்டு முதலமைச்சராக வரலாம் எனக் குறிப்பிடும் இவர் தனக்கு மக்கள் செல்வாக்கு இருக்கின்றதென்றால் எங்களை எதிர்த்து போட்டியிட்டு வெற்றி பெற்றுக் காட்டட்டும். தமிழரசுக் கட்சி தலைமையில் ஊறிய மக்கள் கட்சிக்கு அளித்த வாக்குகள் மூலமே இவர் வெற்றி பெற்றார். ஆனால் இன்றுவரை இந்து மதத்தையும், இந்து இளைஞர் மன்றத்தினையும் வைத்து அரசியல் செய்யும் இவர் தைரியமிருந்தால் இந்து இளைஞர் பேரவையின் பதவியை இராஜினாமா செய்துவிட்டு அரசியல் செய்து பார்க்கட்டும்.

இந்து இளைஞர் பேரவை என்பது அரச சார்பற்ற நிறுவனம். ஆனால் தனது வங்குரோத்து அரசியலை காப்பாற்றுவதற்காக இந்து இளைஞர் பேரவை என்ற இந்து நாமத்தை வைத்துக்கொண்டு வெளிநாடுகளிலும், ஏனைய இடங்களிலும் நிதி பெற்று அரசியல் செய்யும் இவர் தைரியமிருந்தால் தனது பதவியைத் துறந்து காட்டட்டும். அதற்கு மாறாக இலங்கை அரசாங்கத்தினால் வழங்கப்படுகின்ற அனைத்து உதவிகளையும் தான் பெற்றுவிட்டு மக்களுக்கு எதுவும் செய்யாது, போலித்தனமாக அரசியல் செய்வதை விடுத்து மக்களுக்கு சேவை செய்யக்கூடிய வகையில் தன்னை மாற்றிக்கொள்ள வேண்டும் என இவருக்கு அறிவுரை கூறும் நிலையில் நாம் உள்ளோம்.

அத்தோடு, தேசிய இளைஞர் சேவைகள் மன்றத்தின் இளைஞர் சேவை அதிகாரியாக இருந்த யோகேஸ்வரனுக்கு மாவட்ட இளைஞர் கழக சம்மேளனத்திற்கும், தேசிய இளைஞர் சேவை மன்றத்திற்கும் வித்தியாசம் தெரியாதிருப்பது வியப்பிற்குரிய விடயமும், வேதனைக்குரிய விடயமுமாகும் என மாகாண சபை உறுப்பினர் பூ.பிரசாந்தன் தெரிவித்தார்.

அண்மையில், யோகேஸ்வரனால் தெரிவிக்கப்பட்ட கருத்துக்கு, விடுக்கப்பட்ட மறுப்பறிக்கையிலேயே அவரால் மேற்கண்டவாறு குறிப்பிடப்பட்டுள்ளது.

ஸ்ரீலங்கா முஸ்லிம் காங்கிரசின் இளைஞர் காங்கிரஸ் தேசிய அமைப்பாளரும் கிழக்கு மாகாண சபை உறுப்பினருமான ஏ.எம்.ஜெமீல் தலைமையில் இடம்பெறவுள்ள இந்நிகழ்வில் ஸ்ரீலங்கா முஸ்லிம் காங்கிரஸ் தலைவரும் நீதி அமைச்சருமான ரவூப் ஹக்கீம் பிரதம அதிதியாக கலந்துகொள்ளவுள்ளார்.

ஞாயிற்றுக்கிழமை காலை ஒன்பது மணிக்கு ஆரம்பமாகி முழு நாள் நிகழ்வாக இடம்பெறவுள்ள இந்த செயலமர்வில் இளைஞர்கள் மத்தியில் தலைமைத்துவ ஆளுமைகளையும் சமூக பற்று மற்றும் இலட்சியங்களையும் வளர்க்கும் நோக்கில் அரசியல் தலைவர்களினாலும் புத்திஜீவிகளினாலும் முக்கிய பல தலைப்புகளில் சிறப்புரைகள் மற்றும் விரிவுரைகள் நிகழ்த்துவதற்கு ஏற்பாடுகள் செய்யப்பட்டுள்ளன.

அமைச்சர் ரவூப் ஹக்கீம் "முஸ்லிம் சமூகம் எதிர்நோக்கும் சவால்களும் இளைஞர்களின் பங்களிப்பும்" என்ற தொனிப்பொருளிலும் ஸ்ரீலங்கா முஸ்லிம் காங்கிரஸ் செயலாளர் நாயகம் ஹசன் அலி "முஸ்லிம் காங்கிரசின் தோற்றமும் பயணமும்" என்ற தலைப்பிலும் கட்சியின் சிரேஷ்ட பிரதித் தலைவர் ஏ.எல்.ஏ.மஜீத் "முஸ்லிம் காங்கிரஸின் உருவாக்கமும் அதன் பின்னணியும்"  என்ற தொனிப் பொருளிலும் கிழக்கு மாகாண சபை உறுப்பினருமான ஏ.எம்.ஜெமீல் "முஸ்லிம் சமூகப் புனரமைப்பில் இளைஞர்களின் பங்களிப்பும்" என்ற தலைப்பிலும் சிறப்புரையாற்றவுள்ளனர்.   

இவர்களுடன் தென் கிழக்குப் பல்கலைக்கழக ஸ்தாபக உபவேந்தரும் அரசியல்துறை பேராசிரியருமான  எம்.எல்.ஏ.காதர் "முஸ்லிம் இளைஞர்களின் சமூகப் பொறுப்பு" எனும் தொனிப்பொருளிலும் தென் கிழக்கு பல்கலைக்கழக இஸ்லாமிய துறை தலைவரும் சிரேஷ்ட விரிவுரையாளருமான அஷ்ஷெய்க் எம்.ஐ.எம்.ஜெஸீல் "இஸ்லாமியக் கண்ணோட்டத்தில் இளைஞர்களும் அரசியல் தலைமைகளும்" என்ற தொனிப் பொருளிலும் விரிவுரையாற்றவுள்ளனர். 

அம்பாறை பிரதான மின் விநியோக இணைப்புக்களில் திருத்தப்பணி மேற்கொள்ள வேண்டி உள்ளதனால் நாளை இம்மின்வெட்டு அமுல்படுத்தப்பட உள்ளதாக கல்முனை பிராந்திய அலுவலக மின்பொறியியலாளர் தெரிவித்தார்.