4TamilMedia செய்திகள்

நரேந்திர மோடி அடுத்த மாதம் பிரிட்டனுக்கு சுற்றுப்பயணம் செய்ய உள்ள நிலையில், பிரிட்டனில் மோடி எக்ஸ்பிரஸ் பேருந்து சேவை தொடங்கி உள்ளது.

ஒரு நாட்டின் பொருளாதார வளர்ச்சிக்கு தடையாக இருப்பது அந்நாட்டின் ஊழலே என்று உலக வங்கி தெரிவித்துள்ளது.

தகவல் அறியும் உரிமைச் சட்டத்தை நீர்த்துப்போகச் செய்ய பாஜக அரசு திட்டமிட்டு வருவதாக காங்கிரஸ் குற்றச்சாட்டு வைத்துள்ளது.

நீண்ட காலமாக தடுத்து வைக்கப்பட்டுள்ள தங்களை விடுதலை செய்யுமாறு கோரி நாடு பூராவும் இருக்கின்ற 14 சிறைகளிலுள்ள 217 தமிழ் அரசியல் கைதிகள் சாகும் வரையிலான உண்ணாவிரதப் போராட்டத்தை இரண்டாவது நாளாக இன்று செவ்வாய்க்கிழமையும் முன்னெடுத்துள்ளனர். 

கைது செய்யுமாறு நீதிமன்றத்தினால் பிடிவிறாந்து பிறப்பிக்கப்பட்டிருந்த பொது பல சேனா அமைப்பின் பொதுச் செயலாளர் கலகொட அத்தே ஞானசார தேரர் உள்ளிட்ட சந்தேக நபர்கள் நால்வர் கொழும்பு கோட்டை நீதவான் நீதிமன்றத்தில் இன்று செவ்வாய்க்கிழமை சரணடைந்தனர். 

அசம்பாவிதம் ஏதுமின்றி பீகார் சட்டப்பேரவைத் தொகுதிக்கு முதற்கட்டத் தேர்தல் முடிவடைந்தது என்று, அம்மாநில தேர்தல் ஆணையம் தகவல் வெளியிட்டுள்ளது.

ஐந்து நாட்களுக்கும் மேலாக உண்ணாவிரதம் மேற்கொண்டிருந்த ஒய்.எஸ்.ஆர் காங்கிரஸ் தலைவர் ஜகன் மோகன் ரெட்டிக்கு அவசரச் சிகிச்சை அளிக்கப்பட்டு வருகிறது.

அஜீத்தை போல விஜய் ஒன்றும் பெரிய கார் ரேஸ் வீரர் இல்லை.

மகாராஷ்டிராவில் பஜகவுடனான உறவை முறித்துக்கொள்ள சிவசேனா முடிவு செய்துள்ளதாகத் தகவல்கள் வெளியாகி உள்ளன.

சரத்குமார் அணிக்கு ஆதரவு அளிக்க தாணு தயாரிப்பாளர்கள் சங்கத்தின் பெயரை பயன்படுத்தக் கூடாது என்று, தயாரிப்பாளர் ஏ.எல்.அழகப்பன் தெரிவித்துள்ளார்.

தமிழ்நாடு தலைமைச் செயலகம் இயங்கும் கோட்டை பாதுகாப்பு விஷயத்தில் கோட்டை விட்ட போலீசார் எனும் அளவுக்கு நேற்று சம்பவம் ஒன்று நிகழ்ந்துள்ளது.

அடுத்தடுத்து பண்டிகை தினங்கள் வருவதால் முக்கிய நகரங்களுக்கு தீவிரவாத அச்சுறுத்தல் உள்ளது என்று மத்திய உளவுத்துறை எச்சரிக்கை விடுத்துள்ளது.

தமிழ் அரசியல் கைதிகளின் விடுதலை மற்றும் அவர்களின் பிரச்சினைகளை இரக்கத்துடனும், அனுதாபத்துடனும் கையாள வேண்டும் என்று வலியுறுத்தி வடக்கு மாகாண முதலமைச்சர் சி.வி.விக்னேஸ்வரன் ஜனாதிபதி மைத்திரிபால சிறிசேனவுக்கு கடிதமொன்றை எழுதியுள்ளார். 

கல்வி மற்றும் சுகாதாரத் துறைகளுக்கு 2016ஆம் ஆண்டுக்கான வரவு செலவுத் திட்டத்தில் அதிக நிதி ஒதுக்கப்படவுள்ளதாக ஜனாதிபதி மைத்திரிபால சிறிசேன தெரிவித்துள்ளார். 

கொழும்பு பார்பர் வீதியில் அமைந்துள்ள இந்துக் கோவிலின் திருவிழா உற்சவத்தின் முக்கிய திருவிழாவான தேர் பவனியைத் தடுத்து நிறுத்துவதற்கு சில மத அடிப்படைவாதக் குழுக்கள் மேற்கொண்ட முயற்சிகளுக்கு சுமூகமான முறையில் தீர்வு காணப்பட்டுள்ளதாக தேசிய கலந்துரையாடல்கள் அமைச்சர் மனோ கணேசன் தெரிவித்துள்ளார். 

இறுதி மோதல்களின் போது நேரடியாக பாதிக்கப்பட்டவர்களுக்கு நீதியையும், நிவாரணத்தையும் வழங்குவதற்குப் பதிலாக போர்க்குற்றவாளிகளுக்கும், மனித உரிமைகளை மோசமான முறையில் மீறியவர்களுக்கும் ‘உள்ளக விசாரணை’ எனும் பொறிமுறையினூடு பொது மன்னிப்பை வழங்குவதற்கான நடவடிக்கைகளை இலங்கையின் புதிய அரசாங்கம் மிக திட்டவட்டமாக முன்னெடுத்துள்ளது.

ஐக்கிய நாடுகள் மனித உரிமைப் பேரவையின் 30வது கூட்டத் தொடரில் சர்வதேச நீதிபதிகளின் பங்களிப்போடு உள்ளக விசாரணைப் பொறிமுறையொன்று ஏற்படுத்தப்பட வேண்டும் என்று வலியுறுத்தும் அமெரிக்கத் தீர்மானம் நிறைவேற்றப்பட்டுள்ளது. அதற்கு, இலங்கை உள்ளிட்ட 38 நாடுகள் ஆதரவும் அளித்துள்ளன. ஆனால், ‘சர்வதேச நீதிபதிகளின் பங்களிப்பு’ என்பது உறுதியானதாக இல்லாமல், மிகவும் விட்டுக் கொடுப்பான தோரணையில் குறித்த தீர்மானத்தில்  சேர்க்கப்பட்டுள்ளது.

 இந்த நிலையில், சர்வதேச நீதிபதிகளின் பங்களிப்போ- தலையீடோ இன்றியே விசாரணைகள் முன்னெடுக்கப்படும் என்று பிரதமர் ரணில் விக்ரமசிங்க தென்னிலங்கையிடம் மிகவும் தெளிவாக குறிப்பிட்டிருக்கின்றார். ஜனாதிபதி மைத்திரிபால சிறிசேனவும் ஐக்கிய நாடுகள் பொதுச் சபை அமர்வுகளின் கலந்து கொண்டுவிட்டு நாடு திரும்பிய அன்று நடத்திய ஊடகவியலாளர் சந்திப்பிலும் அப்படியான நிலைப்பாடொன்றையே முன்வைத்திருக்கின்றார்.

 இறுதி மோதல்களின் போது இடம்பெற்ற போர்க்குற்றங்கள் மற்றும் மனித உரிமை மீறல்கள் தொடர்பில் குற்றஞ்சாட்டப்படும் பிரதான தரப்புக்களான இலங்கையின் இராணுவம் உள்ளிட்ட பாதுகாப்புப் படையினரும், தமிழீழ விடுதலைப் புலிகளும் விசாணைக்கு உட்படுத்தப்பட வேண்டியவர்கள். ஆனால், இறுதிப் போரில்  தமிழீழ விடுதலைப் புலிகள் முற்றாக அழிக்கப்பட்டுள்ள நிலையில், போர்க்குற்றங்கள் மற்றும் மனித உரிமை மீறல்கள் தொடர்பிலான குற்றச்சாட்டுக்களை புலிகள் மீது சுமத்துவது தொடர்பில் மைத்திரி- ரணில் அரசாங்கம் தீர்க்கமாக செயற்படுகின்றது.

 அத்தோடு, சர்வதேச ரீதியில் இலங்கையின் இராணுவம் உள்ளிட்ட  பாதுகாப்பு படையினர் மீது தொடர்ச்சியாக வைக்கப்படும் ‘போர்க்குற்றம் மற்றும் மனித உரிமை மீறல்’ குற்றச்சாட்டுக்களிலிருந்து அவர்களை விடுவிப்பதற்கான விருப்பத்தை தென்னிலங்கை கொண்டிருக்கின்றது. தென்னிலங்கையின் விருப்பத்தை எப்படியாவது நிறைவேற்ற வேண்டும் என்கிற நிலைப்பாட்டில் அரசாங்கம் செயற்படுகின்றது.

“இலங்கையின் இராணுவம் உள்ளிட்ட பாதுகாப்புப் படையினர் போர்க்குற்றச்சாட்டுக்களை எதிர்கொள்ள வேண்டியிருக்காது. போர்க்குற்றம் சாட்டப்பட்டவர்கள் முதலில் உண்மை மற்றும் நல்லிணக்க ஆணைக்குழுவிற்கு முன்னிலையில் ஆஜர்படுத்தப்பட்டு, பின்னர் மதத் தலைவர்கள் அடங்கிய குழுவொன்றினால் விசாரிக்கப்படுவார்கள். இதன்போது குற்றஞ்சாட்டப்பட்டவர்களுக்கு மன்னிப்பு வழங்கப்படலாம்“ என்று வெளிவிவகார அமைச்சர் மங்கள சமரவீர தெரிவித்திருக்கின்றார்.

இன்னொரு பக்கம், இலங்கை அரசாங்கத்தில் கடும்போக்கு பௌத்த சிங்களத் தரப்பினைப் பிரதிநிதித்துவப்படுத்தும் தரப்புக்களின் ஒன்றாக ஜாதிக ஹெல உறுமயவின் முக்கியஸ்தரும், அமைச்சருமான பட்டாலி சம்பிக்க ரணவக்க “இராணுவம் உள்ளிட்ட பாதுகாப்புப் படையினர் விசாரணைகளை எதிர்கொள்ளும் போது, அவர்களுக்கான சட்ட உதவி மற்றும் சட்டத்தரணிகளுக்கான பண உதவியை அரசாங்கம் பொறுப்பேற்கும். அதற்கான நடவடிக்கைகளை ஜனாதிபதியும், பிரதமரும் முன்னெடுத்துள்ளனர்.” என்கிறார்.

“விசாரணையை நீதியான முறையில் முன்னெடுப்போம்” என்று சர்வதேசத்திடம் உறுதியளித்திருக்கின்ற இலங்கை அரசாங்கமே குற்றச்சாட்டப்பட்டவர்களை காப்பாற்றுவதற்கான நடவடிக்கைகளை தெளிவாக முன்னெடுத்துள்ள நிலையில், பாதிக்கப்பட்டவர்களுக்கான நீதி எவ்வாறு சாத்தியம் ஆகும் என்கிற கேள்வி இயல்பாக எழுகின்றது.

இந்த நிலையில், பாதிக்கப்பட்ட தமிழ் மக்களின் தரப்புக்களான தமிழ்த் தேசியக் கூட்டமைப்பு உள்ளிட்ட அரசியல் கட்சிகள் மற்றும் சிவில் சமூக அமைப்புக்களின் செயற்பாடுகள் நம்பிக்கை ஏற்படுத்தும் அளவுக்கு இருக்கவில்லை. மாறாக, விட்டுக்கொடுக்கும் நோக்கிலான செயற்பாடுகளும்- விரக்தி மனநிலையுடனான அணுகுமுறையும் இன்னும் இன்னும் நம்பிக்கைகளை இழக்கச் செய்கின்றது. இது, ஏற்கனவே நீதி விசாரணை எனும் பேரில் நீதி மறுப்பொன்றுக்கான பக்கத்தில் நகரும் இலங்கை அரசாங்கத்திற்கு சாதகமான தன்மையாக அமைகின்றது. ஒவ்வொரு விடயத்தையும் தீர்க்கமான முறையில் எதிர்கொள்ளும் திடத்தினையும், புத்திசாதுரியத்தினையும் தமிழ்த் தரப்புக்கள் வெளிப்படுத்த வேண்டும். அதுதான், பகுதியளவான நீதிகளையாவது பெற்றுத்தர உதவும்!

ஜெயலலிதா உள்ளிட்டவர்கள் மீதான சொத்துக்குவிப்பு மேல் முறையீட்டு வழக்கு விசாரணை ஒத்திவைக்கப்பட்டு உள்ளது.

தமிழக அரசு போக்குவரத்துக் கழகம் சார்பில் நானூற்று நாற்பது புதிய பேருந்துகளின் சேவையை சென்னை தலைமைச் செயலகத்தில் முதல்வர் ஜெயலலிதா இன்று கொடியசைத்து துவக்கி வைத்தார்.