Tamil Star

நெருக்கடிக்குள்ளாகியுள்ள பல முக்கியமான விடயங்கள் குறித்து ஆராய்வதற்காக, முழுநிலவு நாளான நாளை மறுநாள் சிறிலங்கா அமைச்சரவைக் கூட்டம் நடத்தப்படவுள்ளது.

பௌத்தர்களின் வழிபாட்டுக்குரிய நாளாக கருதப்படும் முழுநிலவு நாள் சிறிலங்காவில் விடுமுறை நாளாகவே கடைப்பிடிக்கப்படுகிறது.

குறித்த நாளில் எந்த அரச பணிகளும் ஆற்றப்படுவதில்லை.

இந்தநிலையில், நாளை மறுநாள்- முழுநிலவு நாளில் அமைச்சரவையை அவசரமாக கூட்டியுள்ளார் சிறிலங்கா அதிபர் மகிந்த ராஜபக்ச.

நாளை மறுநாள் காலை 7 மணியளவில் சிறிலங்கா அமைச்சரவைக் கூடம்டம் அதிபர் மகிந்த ராஜபக்ச தலைமையில் நடைபெறவுள்ளது.

இதில், சிறிலங்கா அரசாங்கத்துக்கு நெருக்கடியை ஏற்படுத்தியுள்ள பல முக்கிய விடயங்கள் குறித்து கலந்துரையாடப்படவுள்ளதாக உயர்மட்டத் தகவல்கள் தெரிவிக்கின்றன.

தென்னாபிரிக்கா மற்றும் கென்யாவுக்கான அதிகாரபூர்வ பயணத்தை முடித்துக் கொண்டு திரும்பிய பின்னர் சிறிலங்கா அதிபர் பங்கேற்கும் முதலாவது அதிகாரபூர்வ கடமை இந்த அமைச்சரவைக் கூட்டமாகும்.

ஆளும் ஐக்கிய மக்கள் சுதந்திர முன்னணியின் கட்டுப்பாட்டிலுள்ள உள்ளூராட்சி சபைகளில் வரவுசெலவுத்திட்டங்கள் தொடர்ச்சியாக தோற்கடிக்கப்பட்டு வருவது அரசாங்கத்துக்கு பெரும் நெருக்கடியை ஏற்படுத்தியுள்ளது.

இதுகுறித்த இந்தக் கூட்டத்தில் முக்கியமாக ஆலோசிக்கப்படவுள்ளது.

அத்துடன், போதைப்பொருள் கொள்கலனுக்கு அனுமதிக் கடிதம் கொடுத்த சிறிலங்கா பிரதமருக்கு எதிராக கிளம்பியுள்ள குற்றச்சாட்டுகள் குறித்தும் இதில் ஆராயப்படவுள்ளது.

இதற்கிடையே வரும் 18ம் நாள் சிறிலங்கா சுதந்திரக் கட்சியின் தேசிய சம்மேளனக் கூட்டமும் நடைபெறவுள்ளது.

இந்த நெருக்கடிகளின் காரணமாகவே முழுநிலவு நாள் என்றும் பாராமல் மகிந்த ராஜபக்ச அமைச்சரவையை கூட்டியுள்ளார்.

தற்போதைய அரசாங்கம் பதவிக்கு வந்த பின்னர் முழுநிலவு நாளன்று அமைச்சரவை கூடவுள்ளது இதுவே முதல்முறையாகும்.

This posting includes an audio/video/photo media file: Download Now

தெற்கு மும்பை பகுதியில்உள்ள கெம்ப்ஸ் கார்னர் பகுதியில் 26 மாடிகளை கொண்ட சொகுசு அடுக்ககம் ஒன்று உள்ளது. 'மாண்ட் பிளாங்க்' என்ற பெயர் கொண்ட இந்த அடுக்ககத்தின் 12வது மாடியில் நேற்றிரவு பயங்கர தீ விபத்து ஏற்பட்டது. விபத்து பற்றிய தகவல் அறிந்ததும 14 தீயணைப்பு வாகனங்கள், 7 தண்ணீர் லாரிகள், 4 ஆம்புலன்ஸ்களில் மீட்புப் படையினர் சம்பவ இடத்துக்கு விரைந்து வந்தனர். இன்று அதிகாலை வரை நூற்றுக்கணக்கான வீரர்கள் வெகுதீவிரமாக போராடி தீயை அணைத்தனர். இந்த விபத்தின்போது வீடுகளில் இருந்த கியாஸ் சிலிண்டர்கள் வெடித்து சிதறியதில் அங்கு வசிக்கும் 5 பேர் பரிதாபமாக உயிரிழந்தனர். 2 அதிகாரிகள் உள்பட 5 மீட்புப் படையினரும் தீயில் சிக்கி படுகாயம் அடைந்தனர். விபத்துக்கான காரணம் குறித்து போலீசார் விசாரணையில் ஈடுபட்டுள்ளனர்.

This posting includes an audio/video/photo media file: Download Now

இலங்கையின் வடக்கு மாகாணசபையின் நிர்வாக விடயத்தில் அரசியலமைப்பை மீறும் விதத்தில் மத்திய அரசு செயற்படுவதாக தமிழ்த் தேசியக் கூட்டமைப்பு குற்றஞ்சாட்டுகின்றது.

குறிப்பாக, வடக்கு மாகாண ஆளுநர் அரசியலமைப்பை மீறும் விதத்தில் செயற்படுவதால் அவரை பதவியிலிருந்து நீக்குவதற்கான சட்டமுறையான தீர்மானமொன்றை நிறைவேற்ற மாகாணசபையால் முடியும் என்றும் அக்கட்சியின் நாடாளுமன்ற உறுப்பினரும் மூத்த சட்டத்தரணியுமான எம்.ஏ. சுமந்திரன் பிபிசி தமிழோசையிடம் தெரிவித்தார்.

வடக்கு மாகாணசபையில் அண்மையில் சமர்ப்பிக்கப்பட்ட வரவு செலவுத் திட்ட உரையில், வீட்டுவசதி மற்றும் போக்குவரத்து ஆகிய இரண்டு துறைகளை புதிதாக உருவாக்கப்போவதாக அறிவித்திருந்ததன் மூலம் முதலமைச்சர் விக்னேஸ்வரன் அரசியலமைப்பை மீறியிருப்பதாக ஆளுநர் சந்திரசிறி கூறியிருப்பதை சுமந்திரன் நாடாளுமன்றத்தில் இன்று சுட்டிக்காட்டியிருக்கிறார்.

அப்படி ஆளுநர் சந்திரசிறி கூறியிருப்பதே அரசியலமைப்பை மீறும் செயல் என்றும், அரசாங்கம் தொடர்ச்சியாக இவ்வாறு அரசியலமைப்பை மீறும் நடவடிக்கைகளில் ஈடுபட்டுவருவதாகவும் சுமந்திரன் தெரிவித்தார்.

நல்லெண்ணத்தை வெளிப்படுத்தியதன் பலன்'

வடக்கு மாகாணசபையின் பிரதம செயலர் பதவி முதலைமைச்சருடன் கலந்துரையாடிய பின்னரே நியமிக்கப்பட வேண்டும் என்றும், அவ்வாறான- தமக்குப் பொருத்தமான ஒருவரை பிரதம செயலாளராக முதலமைச்சர் தேர்ந்தெடுத்துள்ளதாக ஜனாதிபதிக்கு அறிவித்துள்ள நிலையிலும், பல வாரங்கள் கடந்தும் இதுவரை அந்த நியமனம் சாத்தியப்படவில்லை என்றும் தமிழ்த் தேசியக் கூட்டமைப்பின் நாடாளுமன்ற உறுப்பினர் கூறினார்.

வடக்கு மாகாணத்துக்கான புதிய காவல்துறை பிரதி பொலிஸ்மா அதிபர் நியமிக்கப்பட்டுள்ளபோதும், அதுபற்றி வடக்கு மாகாண முதலமைச்சருடன் கலந்துரையாடப்படவில்லை என்றும் சுமந்திரன் தமிழோசையிடம் தெரிவித்தார்.

அரசியலமைப்பின் 13-ம் திருத்தப்படியும் மாகாணசபை சட்டத்தின்படியும் மாகாணசபை நிர்வாகத்தின் அதிகாரப் பட்டியலின் கீழுள்ள பல விடயங்களை நிறைவேற்ற முடியாமல் மத்திய அரசு தடையாக இருப்பதாகவும் தமிழ்த் தேசியக் கூட்டமைப்பு தெரிவித்துள்ளது.

போரின் முடிவில் அமைந்த இலங்கையின் முதலாவது வடக்கு மாகாணசபையின் நிர்வாகத்தை பொறுப்பேற்கும்போது, தென்னிலங்கைக்கும் அரசாங்கத்திற்கும் நல்லெண்ணத்தை வெளிப்படுத்தும் முகமாகவே ஜனாதிபதியின் முன்னால் முதலமைச்சர் விக்னேஸ்வரன் பதவிப் பிரமாணம் செய்துகொண்டாலும், அரச தரப்பிலிருந்து அவ்வாறான சாதகமான சமிக்ஞைகள் வெளிப்படுத்தப்பட வில்லை என்பதை சர்வதேச சமூகம் உணர்ந்துகொண்டுள்ளதாகவும் சுமந்திரன் கூறினார்.

This posting includes an audio/video/photo media file: Download Now

ராஜபக்ஷ ஆட்சியாளர்கள் ராஜதந்திர ரீதியிலான செயற்பாடுகளை புறக்கணித்து விட்டு, தொடர்ந்தும் முரண்டுபிடிக்கும் வகையில் செயற்பட்டு வருவதால், இலங்கைக்கு எதிராக பொருளாதார தடைகளை விதிப்பது தொடர்பான முனைப்புகளை அமெரிக்க மேற்கொண்டு வருவதாக தெரியவருகிறது.

This posting includes an audio/video/photo media file: Download Now