Tamil Star

ம.தி.மு.க. பொதுச்செயலாளர் வைகோ வெளியிட்டுள்ள அறிக்கையில் கூறியிருப்பதாவது:- காமன்வெல்த் மாநாட்டில் இந்தியா கலந்துகொள்ளக் கூடாது என்று இன்று (24.10.2013), தமிழ்நாடு சட்டமன்றத்தில் முதல் அமைச்சர் ஒரு தீர்மானத்தை முன்மொழிந்து, சட்டமன்றம் முழுமனதாக நிறைவேற்றி இருக்கிறது. முதல் அமைச்சர் உரையையும், தீர்மானத்தையும் மேலோட்டமாகக் கவனித்தால், ஈழத் தமிழர்களுக்கு நீதி கிடைக்க எடுக்கப்படும் நடவடிக்கை போன்ற தோற்றத்தைத் தருவதால், அதனை வரவேற்கத் தோன்றும். ஆனால், தீர்மான வரிகளை ஊடுருவிப் பார்த்தால், 27.3.2013 அன்று தமிழகச் சட்டப்பேரவையில், தமிழக முதல் அமைச்சர் கொண்டு வந்து நிறைவேற்றிய தீர்மானத்துக்கு முரண்பாடாக, இன்றைய தீர்மானம் அமைந்து இருப்பது கவலை தருகிறது. அன்றைய தீர்மானத்தில், 'இலங்கை இனப்போரின்போது நிகழ்த்தப்பட்ட இனப்படுகொலை மற்றும் போர்க்குற்றங்கள் குறித்து, சுதந்திரமான நியாயமான சர்வதேச புலன் விசாரணை நடத்திடவும், இந்த விசாரணையின் அடிப்படையில் போர்க்குற்றம் நிகழ்த்தியவர்கள், சர்வதேச நீதிமன்றம் முன்பு நிறுத்தப்பட்டு, அவர்களுக்கு உரிய தண்டனை பெற்றுத் தந்திடவும், ஈழத்தமிழர்களின் எதிர்கால நலனைக் கருத்தில் கொண்டு, தனி ஈழம் குறித்து, இலங்கை வாழ் தமிழர்களிடமும், இலங்கையில் இருந்து இடம் பெயர்ந்து பிற நாடுகளில் வாழுகின்ற தமிழர்களிடமும், பொது வாக்கெடுப்பு நடத்திடவும், ஐக்கிய நாடுகள் சபையின் பாதுகாப்புக் குழுவில் தீர்மானத்தைக் கொண்டு வர நடவடிக்கை எடுக்க வேண்டும்' என்று நிறைவேற்றப்பட்டது. அத்தீர்மானத்தை வரவேற்றுப் பாராட்டியதோடு, அந்தத் தீர்மானத்துக்காக, தமிழக அரசுக்கு வரலாறு பொன் மகுடம் சூட்டும் என்று மிகவும் சிலாகித்து வாழ்த்தி இருந்தேன். ஆனால், இன்று நிறைவேற்றப்பட்டு இருக்கின்ற தீர்மானத்தில், 'இலங்கைத் தமிழர்கள் சுதந்திரமாகவும், சிங்களர்களுக்கு இணையாகவும் வாழ, இலங்கை அரசு நடவடிக்கை எடுக்கும்வரை, காமன்வெல்த் கூட்டமைப்பில் இருந்து, இலங்கை நாட்டைத் தற்காலிகமாக நீக்கி வைப்பதற்கான நடவடிக்கையை எடுக்க வேண்டும் என்று, இந்தியப் பேரரசை, தமிழ்நாடு சட்டப்பேரவை வலியுறுத்திக் கேட்டுக் கொள்கிறது' என்று தீர்மானம் குறிப்பிடுகிறது. எனவே, சுதந்திரத் தமிழ் ஈழத்துக்கான பொது வாக்கெடுப்பு நடத்த வேண்டும் என்று மார்ச் மாதம் நிறைவேற்றிய தீர்மானத்துக்கு முரணாக இன்றைய தீர்மானம் இருக்கின்றது. சிங்களவர்களுக்கு இணையாக தமிழர்கள் வாழ, இலங்கை அரசு நடவடிக்கை எடுக்கும் வரை, காமன்வெல்த் அமைப்பில் இருந்து நீக்க வேண்டும் என்று குறிப்பிடுவது, கொலை செய்தவனிடமே பரிகாரத்தையும், நீதியையும் எதிர்பார்க்கின்ற செயல் ஆகும். ஏற்கனவே சிங்கள அரசு, எல்எல்ஆர்சி விசாரணை என்று கூறி, ஒரு போலி நாடகத்தை நடத்தி,  உலகத்தை ஏமாற்றி வருகிறது. ஒன்றுபட்ட இலங்கைக்குள், சிங்களவர்களோடு தமிழர்கள் சமமாக வாழ, இலங்கை அரசு வழி செய்ய வேண்டும் என்ற கோரிக்கைதான், இத்தீர்மானத்தில் அடங்கி இருக்கிறது. இது, புண்ணுக்குப் புனுகு பூசுகிற வேலை மட்டும் அல்ல, இனக்கொலைக் குற்றத்திற்கு, சுதந்திரமான பன்னாட்டு நீதி விசாரணை என்ற கோரிக்கையை, நீர்த்துப் போக வைக்கின்ற செயல் ஆகும். காமன்வெல்த் அமைப்பில் இருந்து எந்த நாட்டையும் நிரந்தரமாக நீக்கி வைக்க விதிகள் இல்லை. தற்காலிகமாகத்தான் நீக்கி வைக்க முடியும். எனவே, இனக்கொலைக் குற்றத்திற்காக, இலங்கையை காமன்வெல்த் அமைப்பில் இருந்து தற்காலிகமாக நீக்க வேண்டும் என்று தீர்மானம் நிறைவேற்றப்பட்டு இருந்தால், அது தமிழர்களுக்கான நீதிக்குக் குரல் கொடுக்கும் தீர்மானமாக, வெளிச்சத்திற்கு வழிகாட்டும் தீர்மானமாக அமைந்து இருக்கும். ஆனால், இன்று நிறைவேற்றப்பட்ட தீர்மானம், ஈழத்தமிழர்களின் உரிமைப்போரின் நியாயத்தின் கோரிக்கையை நீர்த்துப் போகச் செய்கின்ற விதத்திலும், மகத்தான தியாகங்கள் செய்து காட்டப்பட்ட இலக்கை, திசை மாற்றம் செய்யும் நோக்கிலும் அமைந்து இருப்பதால், இத்தீர்மானம் மனநிறைவைத் தரவில்லை; ஏமாற்றம் அளிக்கிறது. இவ்வாறு வைகோ கூறியுள்ளார்.

This posting includes an audio/video/photo media file: Download Now

வட-கிழக்கினில் மாவீரர்களின் துயிலும் இல்லங்களை தரைமட்டமாக்கியது சர்வதேச சட்டங்களை மீறிய செயலாகும்.அத்துடன் சர்வதேச சட்டங்களுக்கு அமைய கல்லறைகளை இடிக்க முடியாது. இறுதியுத்தத்தில் கொல்லப்பட்ட மக்களுக்காகவும் போராளிகளுக்காவும் நினைவுச்சின்னம் கட்டப்பட வேண்டியது அவசியமானதாகுமென கூட்டமைப்பின் பேச்சாளரும் நாடாளுமன்ற அங்கத்தவருமான சுரேஸ்பிறேமச்சந்திரன் குறிப்பிட்டுள்ளார்.

பொலிஸ் அதிகாரத்தை பாதுகாப்புச்செயலாளர் கோத்தா தனது கைகளினில் வைத்துக்கொண்டு வட மாகாணத்தில் சட்டம் ஒழுங்கை பாதுகாக்கும் கடமை முதலமைச்சர் விக்கினேஸ்வரனின் பொறுப்பாகும் எனக் கூறுவது நகைப்பிற்குரிய விடயமாகும் எனவும் அவர் மேலும் தெரிவி;த்துள்ளார்.வடக்கினில் சட்டம், ஒழுங்கை முதலமைச்சர்தான் நிலைநாட்ட வேண்டும். அதற்கான பொறுப்பு முதலமைச்சருக்குத் தான் உண்டு என பாதுகாப்பு செயலாளர் கருத்து தெரிவித்துள்ள நிலையிலே அவர் இதனைத் தெரிவித்துள்ளார். இவ் அதிகாரங்களை எழுத்து மூலம் முதலச்சருக்கு வழங்கி அவரது கடமையை செய்ய வழிவிட வேண்டும் எனவும் அவர் கோரியுள்ளார்.

This posting includes an audio/video/photo media file: Download Now

பீகார் மாநிலம் கிழக்கு சாம்பரன் மாவட்டத்தில் மாவோயிஸ்டுகள் பதுங்கியிருப்பதாக கிடைத்த தகவலை தொடர்ந்து நேற்று சிறப்பு பாதுகாப்பு படையினர் அந்த பகுதியில் அதிரடி தேடுதல் வேட்டையில் ஈடுபட்டனர். அப்போது அங்கு பதுங்கியிருந்த 9 மாவோயிஸ்டுகளை பாதுகாப்பு படையினர் கைது செய்தனர். அவர்களிடம் இருந்து ஏராளமான ஆயுதங்களும் பறிமுதல் செய்யப்பட்டது.பிடிபட்டவர்களில் மாவோயிஸ்டுகளின் முக்கிய கமாண்டராக செயல்பட்டவன் ஷகிர் மதாரி. மற்றொரு முக்கிய தீவிரவாதி நன்கத் பஸ்வான் ஆவார். இதில் மதாரி மீது 25-க்கும் மேற்பட்ட கொள்ளை மற்றும் கொலை, தீவிரவாத தாக்குதல் உள்ளிட்ட பல்வேறு வழக்குகளில் போலீசாரால் தேடப்பட்டு வந்தவன். இவன் தலைக்கு ரூ.50 ஆயிரம் பரிசுத்தொகை அறிவிக்கப்பட்டிருந்தது குறிப்பிடத்தக்கது.

This posting includes an audio/video/photo media file: Download Now

 இலங்கையில் நிரந்தர சமாதானம் ஏற்படுத்தப்பட வேண்டுமென ஐக்கிய நாடுகள் அமைப்பு கோரியுள்ளது.

நல்லிணக்கத்தை ஏற்படுத்தல் மற்றும் உண்மையைக் கண்டறியும் ஆணைக்குழுவின் இறுதி அறிக்கைப் பரிந்துரைகளை அமுல்படுத்தல் போன்ற முனைப்புக்களுக்கு பூரண ஆதரவளிக்கப்படும் என ஐக்கிய நாடுகள் அமைப்பு சுட்டிக்காட்டியுள்ளது.

சர்வதேச பிரகடனங்களிலில்  இலங்கை கைச்சாத்திட்டுள்ளதகாவும் இதன் அடிப்படையில் இலங்கையுடன் இணைந்து செயற்பட உள்ளதாகவும் ஐக்கிய நாடுகள் அமைப்பிற்கான இலங்கை வதிவிடப் பணிப்பாளர் சுபினாய் நென்டி தெரிவித்துள்ளார்.

ஐக்கிய நாடுகள் தினத்தை முன்னிட்டு நடைபெற்ற நிகழ்வில் பங்கேற்ற போது அவர் இதனைக் குறிப்பிட்டுள்ளார்.

யுத்தத்தின் பின்னரான மீள்குடியேற்ற நடவடிக்கைகளில் பாரியளவு முன்னேற்றம் ஏற்பட்டுள்ளதாகத் தெரிவித்துள்ளார்.

இலங்கையில் நிரந்தர சமாதானத்தை ஏற்படுத்தி நல்லிணக்கத்தை உருவாக்க பூரண ஒத்துழைப்பு வழங்கப்படும் என அவர் சுட்டிக்காட்டியுள்ளார்.

This posting includes an audio/video/photo media file: Download Now

யாழ்ப்பாணம் நாவற்குழியில் இராணுவம் சிங்களவர்களுக்கு காணிகளை பகிரும் நடவடிக்கையில் ஈடுபட்டுள்ளமை தொடர்பில் நீதிமன்றத்தை நாடவுள்ளதாக வடக்கு முதலமைச்சர் சி வி விக்னேஸ்வரன் தெரிவித்துள்ளார்.

நாவற்குழியில் குடியேற்றப்பட்டுள்ள சிங்களவர்களுக்கு இராணுவம் காணிகளை பகிர்ந்தளித்துள்ளது.

இதனை மறைப்பதற்காக தமிழர்களுக்கும் காணிகளை பகிர்ந்தளிப்பதாக இராணுவத்தினர் கூறியுள்ளனர்.

இந்தநிலையில் காணிப்பகிர்வில் இராணுவத்தினர் ஈடுபடுவது சட்டத்துக்கு புறம்பான செயல் என்ற அடிப்படையில் நீதிமன்றத்தின் தலையீடு இல்லாமல் அதனை தீர்க்கமுடியாது என்று விக்னேஸ்வரன் குறிப்பிட்டுள்ளார்.

வடமாகாணசபையின் முதலாவது செயலமர்வின் போது அவர் இந்த கருத்தை வெளியிட்டார்.

This posting includes an audio/video/photo media file: Download Now

ஆஸ்திரேலியா நாட்டில் நியூ சவுத் வேல்ஸ் பகுதி காட்டில் ஏற்பட்ட தீ ஒரு வாரகாலமாக கோரத்தாண்டவமாடி வருகிறது. இதை கட்டுப்படுத்த தீயணைப்பு வீரர்கள் தீவிரமாக ஈடுபட்டாலும் கூட, பலமாக காற்று வீசுவதால் அணைக்க முடியாமல் திணறுகிறார்கள். இந்த காட்டுத்தீக்கு 200-க்கும் மேற்பட்ட வீடுகள் எரிந்து தரைமட்டமாகி விட்டன. சுமார் 3லட்சம் ஏக்கரில் மரம், செடி-கொடிகள் நாசமாகி விட்டது. இந்நிலையில் சிட்னி நகரின் மேற்கு பகுதியில் புதிதாக 55 இடங்களில் தீப்பிடித்து எரிகின்றன. அங்குள்ள தேசிய பூங்கா பகுதியில் தீயை அணைக்கும் பணியில் ஈடுபட்டிருந்த விமானம் ஒன்று நேற்று விபத்தில் சிக்கி நொறுங்கியது. இதனால் அங்கு பணிகளில் பின்னடைவு ஏற்பட்டது. இந்த இடங்களில் தீ பிடிக்க சிறுவர்களே காரணமாக இருந்ததாக போலீசார் சந்தேகிக்கிறார்கள். இது தொடர்பாக பல சிறுவர்களை பிடித்து விசாரிக்கிறார்கள். மேலும் பல இடங்களில் பலத்த காற்று வீசி மின் வயர்கள் உரசி தீ பிடித்ததாக தெரியவருகிறது.

This posting includes an audio/video/photo media file: Download Now

இலங்கையில் நடந்ததாகக் கூறப்படும் போர்க்குற்றங்கள் குறித்த சர்வதேச சுயாதீன விசாரணை ஒன்றுக்கு தாம் ஒத்துழைக்க மாட்டோம் என்று இலங்கை அரசாங்கத்தின் பாதுகாப்புச் செயலர் கோத்தபாய ராஜபக்ச தெரிவித்துள்ளார்.

This posting includes an audio/video/photo media file: Download Now

வடக்கு மாகாணசபையில் முதலாவது அமர்வு இன்று ஆரம்பமாகவுள்ளது.

கைதடியில் அமைக்கப்பட்டுள்ள வட க்கு மாகாணசபையின் புதிய கட்டடத்தில், இந்த அமர்வு இன்று காலை 9.30 மணியளவில் ஆரம்பமாகவுள்ளது.

முன்னதாக, வடக்கு மாகாணசபைக் கட்டடம் திறந்து வைக்கப்படும்.

அதையடுத்து, புதிய உறுப்பினர்கள் சபைக்கு அனுமதிக்கப்பட்டு, அது தொடர்பான அதிகாரபூர்வ பணிகள் மேற்கொள்ளப்படும்.

அதையடுத்து, வடக்கு மாகாணசபையை ஆரம்பித்து வைத்து, ஆளுனர் மேஜர் ஜெனரல் சந்திரசிறி உரையாற்றவுள்ளார்.

இதன் பின்னர், வடக்கு மாகாணசபையின் சபை முதல்வர், பிரதி முதல்வர் தெரிவுகள் இடம்பெறும்.

38 உறுப்பினர்களைக் கொண்ட வடக்கு மாகாணசபையில், முதலமைச்சர் விக்னேஸ்வரன், உள்ளிட்ட ஐந்து பேரைக் கொண்ட அமைச்சரவை ஏற்கனவே தமது கடமைகளை பொறுப்பேற்றுள்ளது.

வடக்கு மாகாணசபையின் எதிர்க்கட்சித் தலைவராக ஈபிடிபியை சேர்ந்த கந்தசாமி கமலேந்திரன் செயற்படவுள்ளார்.

வடக்கு மாகாணசபையில் ஆளும் தமிழ்த் தேசியக் கூட்டமைப்புக்கு 30 உறுப்பினர்கள் உள்ளனர்.

ஐக்கிய மக்கள் சுதந்திர முன்னணியின் சார்பில் 7 பேரும், சிறிலங்கா முஸ்லிம் காங்கிரஸ் சார்பில் ஒரு உறுப்பினரும் உள்ளனர்.

வடக்கு மாகாணசபையில், அனந்தி சசிதரன் மற்றும் மேரி கமலா குணசீலன் ஆகிய இரண்டு பெண் உறுப்பினர்கள் மட்டும் அங்கம் வகிக்கின்றனர். இவர்கள் இருவரும் தமிழ்த் தேசியக் கூட்டமைப்பின் சார்பில் தெரிவானவர்கள்.

வடக்கு மாகாணசபையில் நான்கு முஸ்லிம் பிரதிநிதிகள் அங்கம் வகிக்கின்றனர்.

இவர்களில், அகில இலங்கை முஸ்லிம் காங்கிரசின் சார்பில் தெரிவான இருவரும், சிறிலங்கா முஸ்லிம் காங்கிரஸ் சார்பில் தெரிவான ஒருவரும், தமிழ்த் தேசியக் கூட்டமைப்பின் நியமன உறுப்பினர் ஒருவரும் அடங்கியுள்ளனர்.

ஐக்கிய மக்கள் சுதந்திர முன்னணியின் சார்பில் வவுனியா மாவட்டத்தில் இருந்து தெரிவு செய்யப்பட்ட இரண்டு சிங்களப் பிரதிநிதிகளும் வடக்கு மாகாணசபையில் அங்கம் வகிக்கின்றனர்.

This posting includes an audio/video/photo media file: Download Now

ஏமன் நாட்டிலுள்ள ஒரு சமூகத்தினர் ஒரு வித்தியாசமான நடைமுறையை பின்பற்றி வருகிறார்கள். திருமணம் ஆகாத ஆணும், பெண்ணும் ரகசியமாக பேசவோ, பழகவோ கூடாது. இந்நிலையில் அங்குள்ள ஷாபாப் கிராமத்தில் 15 வயது பெண்ணுக்கு திருமணம் நிச்சயிக்கப்பட்டது. ஆனால் திருமணம் நடக்கும் முன்பே அவள் தனது வருங்கால கணவருடன் தொலைபேசியில் உரையாடுவதை தந்தை பார்த்து விட்டார். இதன் விளைவு மகள் என்று கூட பார்க்காமல் அவளை எரித்துக்கொன்று விட்டார். 35 வயதாகும் தந்தை இப்போது போலீசில் பிடியில் சிக்கி விட்டார். இதுபோன்ற கவுரவ கொலைகள் அங்கு சர்வசாதாரணமாக நடப்பதால் அதை தடுத்து நிறுத்த மனித உரிமை ஆர்வலர்கள் குரல் கொடுத்து வருகிறார்கள்.

This posting includes an audio/video/photo media file: Download Now

பா.ம.க. நிறுவனர் டாக்டர் ராமதாஸ் வெளியிட்டுள்ள அறிக்கையில் கூறியிருப்பதாவது:- இலங்கையில் அடுத்த மாதம் நடைபெறவிருக்கும் காமன்வெல்த் நாடுகளின் தலைவர்கள் மாநாட்டை இந்தியா முற்றிலுமாக புறக்கணிக்க வேண்டும், இலங்கையில் தமிழர்களுக்கு சம உரிமை வழங்கப்படும் வரை காமன்வெல்த் அமைப்பிலிருந்து இலங்கையை தற்காலிகமாக நீக்க மத்திய அரசு நடவடிக்கை மேற்கொள்ள வேண்டும் என்றும் கோரி சட்டப்பேரவையில் தீர்மானம் நிறைவேற்றப்பட்டிருக்கிறது. ஒட்டுமொத்த தமிழக மக்களின் உணர்வுகளை பிரதிபலிக்கும் வகையில் நிறைவேற்றப்பட்டுள்ள இந்தத் தீர்மானத்தை பாட்டாளி மக்கள் கட்சி வரவேற்கிறது. காமன்வெல்த் அமைப்பிலிருந்து இலங்கை அமைப்பு நீக்கப்பட வேண்டியது காலத்தின் கட்டாயமாகும். மனித உரிமைகள், சர்வதேச மனித உரிமைச்சட்டங்கள் உள்ளிட்ட எதையும் மதிக்காமல் இலங்கை அரசு செயல்பட்டு வருகிறது. ஈழத்தமிழர்களின் நலனுக்காக கடந்த ஆட்சியில் பல தீர்மானங்கள் சட்டப்பேரவையில் நிறைவேற்றப்பட்டன. ஆனால் அவற்றின் மீது மத்திய அரசு எந்த நடவடிக்கையையும் எடுக்கவில்லை. அதன்பின் அ.தி.மு.க. அரசு பதவியேற்ற பின், இலங்கை மீது பொருளாதாரத் தடை விதிக்க வேண்டும்; இலங்கையில் தமிழர்கள் வாழும் பகுதிகளை ஒருங்கிணைத்து தனித்தமிழீழம் அமைக்க ஐ.நா. மூலம் பொதுவாக்கெடுப்பு நடத்துவதற்கான ஏற்பாடுகளை மத்திய அரசு மேற்கொள்ள வேண்டும் என்று வலியுறுத்தி தமிழக சட்டப்பேரவையில் இரு தீர்மானங்கள் நிறைவேற்றப்பட்டன. ஆனால், அவற்றின் மீது மத்திய அரசு இதுவரை எந்த நடவடிக்கையும் எடுக்கவில்லை. இம்முறையும் இந்தத் தீர்மானத்தை நிறைவேற்றியதுடன் தமிழக அரசு நின்றுவிடக்கூடாது. நான் ஏற்கனவே அறிவுறுத்தியதைப்போல, தமிழகத்தின் அனைத்துக் கட்சித்தலைவர்கள் அடங்கிய குழுவுடன் முதல்-அமைச்சர் டெல்லி சென்று பிரதமரை சந்தித்து, தீர்மானத்தில் உள்ள கோரிக்கைகளை நிறைவேற்ற நடவடிக்கை எடுக்கும்படி வலியுறுத்த வேண்டும். அப்போது தான் தீர்மானம் நிறைவேற்றப்பட்டதற்கு ஓரளவாவது பயன் கிடைக்கும். இவ்வாறு அறிக்கையில் டாக்டர் ராமதாஸ் கூறியுள்ளார்.

This posting includes an audio/video/photo media file: Download Now