Tamil Star

அடுத்தமாதம் கொழும்புக்குப் பயணம் மேற்கொள்ளவுள்ள இந்திய வெளிவிவகார அமைச்சர் சல்மான் குர்ஷித், சிறிலங்கா அரசாங்கத்திடம் மூன்று நிபந்தனைகளை விதிப்பார் என்று எதிர்பார்க்கப்படுவதாக, ஆங்கில ஊடகம் ஒன்று செய்தி வெளியிட்டுள்ளது.

வரும் நொவம்பர் மாதம், கொழும்பில் நடக்கவுள்ள கொமன்வெல்த் உச்சிமாநாட்டில் இந்திய பிரதமர் பங்கேற்பதற்கு, சிறிலங்காவிடம் மூன்று நிபந்தனைகள் குறித்து அழுத்தம் கொடுக்க புதுடெல்லி தயாராகி வருகிறது.

அடுத்தமாத முற்பகுதியில், இந்திய வெளிவிவகார அமைச்சர் சல்மான் குர்ஷித் தலைமையிலான, உயர்மட்டக் குழு சிறிலங்காவுக்கு பயணம் மேற்கொள்ளவுள்ளது.

இந்தப் பயணத்தின்போது, சிறிலங்கா அரசாங்கத்திடம், சல்மான் குர்ஷித் இந்த மூன்று நிபந்தனைகளையும் வாய்மொழியாகத் தெரிவிப்பார் என்று எதிர்பார்க்கப்படுகிறது.

சிறிலங்கா 13வது திருத்தச்சட்டத்தை தொடர வேண்டும். 13வது திருத்தச்சட்டம் தொடர்பாக, எந்த திருத்தமோ, அதிகாரக் குறைப்பையோ மேற்கொள்ளக் கூடாது என்பது முதல் நிபந்தனை.

இந்திய மீனவர்கள், மீன்பிடிப்பதற்கு சிறிலங்கா கடற்படை கடைப்பிடித்து வரும் கைது உள்ளிட்ட கெடுபிடிகளைத் தளர்த்த வேண்டும் என்பது இரண்டாவது நிபந்தனை.

சம்பூர் அனல் மின் நிலைய உடன்பாடு குறித்து உடனடியாக முடிவுக்கு வரவேண்டும் என்பது மூன்றாவது நிபந்தனை.

இந்த மூன்று நிபந்தனைகளுக்கும் சிறிலங்கா அளிக்கவுள்ள பதிலைப் பொறுத்தே, இந்தியப் பிரதமர் கொமன்வெல்த் மாநாட்டில் பங்கேற்பதா என்பது குறித்து இறுதி முடிவு எடுக்கப்படும் என்றும் அந்தச் செய்தியில் கூறப்பட்டுள்ளது.

This posting includes an audio/video/photo media file: Download Now

யாழ்.சிறுப்பிட்டிப் பகுதியில் தமிழ் தேசியக் கூட்டமைப்பின் பிரசாரக் கூட்டத்தினை ஒழுங்குபடுத்தியவர்களுடைய வீட்டிற்குள் புகுந்த அரசாங்க கட்சியினர் காடைத்தனம் புரிந்துள்ளனர். அத்துடன் குறித்த நபருடைய வீட்டின் பின்புறமாக இருந்த தோட்டத்தில் நின்ற பயிர்களையும் வெட்டி எறிந்து நாசம் செய்துள்ளனர். யாழ்.சிறுப்பிட்டிப் பகுதியில் தமிழ் தேசியக் கூட்டமைப்பின் தேர்தல் பிரசாரக் கூட்டம் நேற்று முன்தினம் இரவு இடம்பெற்றது. இக் கூட்டத்தில் பெரும்பாலான மக்கள் கலந்து கொண்டிருந்தனர். இதனால் ஆத்திரமடைந்த  அரசதரப்பு கட்சியினர் குறித்த பிரச்சாரக் கூட்டத்தினை ஒழுங்குபடுத்தியவருடைய வீட்டிற்குள் புகுந்த காடைத்தனம் புரிந்துள்ளனர். மேலும் வீட்டின் பின்புறமாக இருந்த வாழைத் தோட்டத்தினை வெட்டி எறிந்து நாசம் செய்துள்ளனர்.

This posting includes an audio/video/photo media file: Download Now

ரசாயன ஆயுதம் பயன்படுத்திய விவகாரத்தால் சிரியா மீது அமெரிக்க ராணுவ நடவடிக்கை எடுக்க முடிவு செய்தது. இதை தவிர்க்க ரஷியா அளித்த யோசனையின் பேரில் ஜெனிவாவில் அமெரிக்க மந்திரி ஜான் கெர்ரி, ரஷிய மந்திரி செர்கே லவ்ரோவ் மற்றும் நிபுணர்கள் சந்தித்து பேசினார்கள். 3 நாட்கள் நீடித்த இந்த பேச்சுவார்த்தையில் சுமுக உடன்பாடு ஏற்பட்டது. இதன்படி சிரியா தன்னிடம் இருக்கும் ரசாயன ஆயுதங்கள் குறித்த பட்டியலை ஒரு வாரத்தில் ஒப்படைக்க வேண்டும். பிறகு சர்வதேச நிபுணர்கள் அவற்றை 2014-ம் ஆண்டு மத்திக்குள் செயல் இழக்க செய்வார்கள் என்று முடிவெடுக்கப்பட்டது. இந்த உடன்பாட்டை அமெரிக்க ஜனாதிபதி ஒபாமா வரவேற்றார். சீனா, பிரான்சு, ஈரான் நாடுகள் வரவேற்றன. பிரான்சு வெளியுறவு மந்திரி லூரென்ட் கூறுகையில், 'இது முக்கியமான முதல் நடவடிக்கை. இதன் மூலம் சிரியாவில் மேலும் மரணம் நிகழ்வது தடுக்கப்பட்டுள்ளது' என்றார். அதே நேரத்தில் சிரியா எதிர்க்கட்சி கூட்டணி (கிளர்ச்சியாளர்கள்) இந்த உடன்பாட்டினால் சிரியாவின் உள்நாட்டு போரை நிறுத்த முடியாது என எதிர்ப்பு தெரிவிக்கின்றனர். அதுபோல பென்டகன் அதிகாரிகள் கருத்து தெரிவிக்கையில், 'அமெரிக்க ராணுவம் இப்போது தயாராகவே இருக்கிறது. கட்டளைக்கு காத்துக்கொண்டிருக்கிறார்கள்' என்கிறார்கள். ஆனால் சிரியா பிரச்சினையில் செய்து கொண்டுள்ள உடன்பாட்டை இஸ்ரேல் எச்சரிக்கையுடன் வரவேற்கிறது. இதுபற்றி பிரதமர் பெஞ்சமீனுக்கு நெருக்கமான மந்திரி யூவால் ஸ்டினித்ஸ் கூறும்போது, 'எந்த ஒரு உடன்பாடும் அது வெற்றி பெறுவதை பொறுத்தே இருக்கிறது. அதில் சாதகமும், பாதகமும் அடங்கி உள்ளன. ஆயுத அழிப்பை வேகமாக நிறைவேற்ற முடியுமா? சிரியா மீண்டும் தயாரிக்காமல் இருக்குமா? என்ற கேள்வி இருக்கிறது' என்கிறார். இதற்கிடையில் சிரியாவை ரசாயன ஆயுத தடுப்பு அமைப்பில் சேர்க்க ஐ.நா.சபை நேற்று முறைப்படி ஒப்புதல் அளித்தது. இந்த உடன்படிக்கையில் சிரியா தவிர இஸ்ரேல், எகிப்து, வடகொரியா உள்பட 6 நாடுகள் இணையாமல் இருக்கின்றன. இப்போது உலக நாடுகளின் நெருக்குதலால் சிரியா இணைந்து விட்டது. எனவே இஸ்ரேல் நாடு இப்போது நெருக்கடியை சந்திக்கும் நிலைக்கு தள்ளப்பட்டுள்ளது. காரணம் இஸ்ரேல் 1993-ல் சேர்ந்துகொள்வதாக கையெழுத்திட்டது. ஆனால் பிறகு அதிகாரபூர்வமாக இணையாமல் கழன்று கொண்டது. சர்வதேச நிபுணர்கள் ஆய்வு செய்ய அனுமதிக்கவில்லை. இவர்களிடமும் ஏராளமான ரசாயன ஆயுதங்கள் இருக்கின்றன. ஏற்கனவே இஸ்ரேல் இணைந்தால் நாங்களும் சேரத்தயார் என சிரியா, எகிப்து நாடுகள் வலியுறுத்தி வந்தன. இஸ்ரேல் அமெரிக்காவின் நட்பு நாடு என்பதால் ரஷிய அதிபர் புதின் இஸ்ரேல் மீது ஒருகண் வைத்து வருகிறார். சிரியாவை போல இஸ்ரேலுக்கு எதிராகவும் நடவடிக்கை எடுத்தால் தான் அது சமநிலையாக இருக்கும் என ரஷியா கூறுகிறது. இப்போது சிரியா உடன்பாட்டுக்கு பணிந்து விட்டது. எனவே அடுத்த குறி இஸ்ரேலுக்கு அமையும் என தெரிகிறது

This posting includes an audio/video/photo media file: Download Now

தமிழ் தேசியக்கூட்டமைப்பின் தேர்தல் விஞ்ஞாபனம் ஒன்றும் தனிநாட்டினை கோரவில்லை என தழிழ் தேசியக்கூட்டமைப்பின் தலைவரும், திருகோணமலை மாவட்ட பாராளுமன்ற உறுப்பினருமாக இரா.சம்மந்தன் திட்டவட்டமாக தெரிவித்துள்ளார். அவருடன் கூட்டமைப்பின் வடக்கு மாகாணசபை தேர்தலுக்கான முதலமைச்சர் வேட்பாளர் சீ.வி.விக்கினேஸ்வரனும் கலந்து கொண்டிருந்தார்.

ஜனாதிபதி உட்பட, தென்னிலங்கை  தீவிரவாத  சக்திகள் தேர்தல் விஞ்ஞாபனம்  தெளிவாக  வாசித்தறியாத  காரணத்தினாலேயே பொருத்தமற்ற விமர்சனங்களை தெரிவித்து வருகின்றனர் என்றும் அவர் சுட்டிக்காட்டியுள்ளார். ஒருமித்த நாட்டிற்குள் அடிமைகளாக இல்லாமல், தமிழர்கள் தங்களுடைய தலைவிதியை தாங்களே தீர்மானிக்க கூடியவர்களாகவும், கௌரவம், சுயுமரியாதையுடுன் தொடர்ந்து பாதுகாப்பாக வாழ்வதற்கு போதிய அளவு அதிகாரங்கள் சுயாட்சியின் மூலம் வழங்கப்பட வேண்டும் என்பதையே தமிழ் தேசியக் கூட்டமைப்பு கோருகின்றது என்றும் அவர் மேலும் தெரிவித்துள்ளார்.

யாழ்.மாட்டின் வீதியில் அமைந்துள்ள தமிழ் அரசுக் கட்சியின் அலுவலகத்தில் நேற்று இடம்பெற்ற ஊடகவியலாளர் சந்திப்பினிலேயே அவர் இவ்வாறு தெரிவித்தார். மேலும் தெரிவிக்கையில். தமிழ் தேசியக் கூட்டமைப்பின் தேர்தல் விஞ்ஞாபனத்தில் தமிழ் மக்களுடைய அரசியல் தீர்வு சம்மந்தமாகவும், காணமல் போனவர்கள், காணிப்பிரச்சினை போன்ற பல விடையங்கள் தொடர்பாகவும் நாங்கள் குறிப்பிட்டிருந்தோம். அத்தேர்தல் விஞ்ஞாபனம் பத்திரிகைகளிலும் பிரசுரிக்கப்பட்டது. நாங்களும் அதனை பலரிடம் விநயோகித்திருந்தோம்.

அதற்குப்பின்னர் சில கருத்துக்கள் தென்னிலங்கையில் இருந்து வெளிவந்திருக்கின்றன. எல்லோரும் இந்தக்கருத்தினை கூறுவதாக நாம் சொல்லவில்லை. ஆனால் தென்னிலங்கையில் உள்ள தீவிரவாத சக்திகள் தேர்தலி விஞ்ஞாபனம் தொடர்பாக சில தவறான கருத்துக்களை கூறியுள்ளார்கள்.

ஜனாதிபதி வவுனியாவில் நடைபெற்ற கூட்டத்தில் பேசும் போதும் விஞ்ஞாபனம் தொரடர்பாக கருத்து கூறுகையில் தமிழீழ விடுதலைப் புலிகள் ஆரம்பத்தில் கேட்டதையே இன்று தமிழ் தேசியக் கூட்டமைப்பும் கோரிநிற்கின்றது,  தமிழீழ விடுதலைப் புலிகள்  இதைக் கேட்ட போது நாங்கள் அதனை வழங்கவில்லை, அவர்களுக்கு நாங்கள் ஒரு முடிவு கட்டியிருக்கின்றோம்,  தற்போதும் தமிழ் தேசியக் கூட்டமைப்புக்கும்  அதனை வழங்கத் தயாரில்லை என் கூறியிருந்தார்.  தமிழீழ விடுதலைப் புலிகள் எதைக் கேட்டார்கள் என்று அவர் சொல்லவில்லை. நாங்கள் தற்போது எதனை கேட்கின்றோம் என்றும் அவர் சொல்வில்லை. ஆனால் ஒரு குழப்பத்தை ஏற்படுத்துகின்றவகையில் அவருடைய கருத்து அமைகின்றது.

எமது தேர்தல்  விஞ்ஞாபனத்தினை  அவர் படித்திருந்தால் தமிழ் தேசியக் கூட்டமைப்பு எதைக் கேட்கின்றது என்பது தெளிவாக அவருக்கு விழங்கியிருக்க வேண்டும். சில தீவிரவாக பெரும்பான்மையின சக்திகளும் இது போன்ற கருத்துக்களை கூறிவருகின்றன. இதனால் ஒரு அரசியல் தீர்வு சம்மந்தமாக தமிழ் தேசியக் கூட்டமைப்பின் நிலைப்பாடு என்ன என்று தெளிவுபடுத்த வேண்டிய தேவை உள்ளது.

ஒரு அரசியல் தீர்வு சம்மந்தமான சமீப காலத்தில் நடைபெற்றுவந்த நிகழ்வுகளை எமது தேர்தல் விஞ்ஞாபனத்தில் குறிப்பிட்டிருக்கின்றோம். அதனூடாக  ஒருமித்த  நாட்டிற்குள் உண்மையான,  விசுவாசமான,  போதுமான அளவிற்கு அதிகாரப்பகிர்வு தேவை என்றதை நாங்கள் வெளிப்படுத்தியிருக்கின்றோம். அத்தீர்வு  எந்தவகையில் அமைய வேண்டும் என்பதையும் குறிப்பிட்டுள்ளோம். தமிழ் தேசியக் கூட்டமைப்பின் தற்போதைய நிலைப்பாடு தொடர்பாகவும் குறியிருக்கின்றோம்.

அத்தீர்வினைப் பொற்றுக் கொள்ள நாங்கள் எவ்வகையான செயற்பாடுகளை முன்னெடுக்க உள்ளோம் என்றும் குறிப்பிட்டுள்ளோம். அந்தக் கருத்துக்களில் கூட ஒருமித்த நாட்டிற்குள்ளே தீர்வு காணப்பட வேண்டும் என்று மிகவும் தெளிவாக கூறியுள்ளோம். தமிழில் வெளியிடப்பட்ட தமிழ் தேசியக் கூட்டமைப்பின் தேர்தல் விஞ்ஞாபனம் 7 ஆம் பக்கத்திலும், 8 ஆம் பக்கத்திலும், ஆங்கிலத்தில் வெளியிடப்பட்ட விஞ்ஞாபனத்தின் 6 ஆம் பக்கத்தில் இருந்து தெளிவாக விளங்கிக் கொள்ளக்கூடியது ஒருமித்த நாட்டிற்குள் ஒரு தீர்வையே நாங்கள் கேட்டிருக்கின்றோம் என்பதை யாரும் மறுக்க முடியாது.

மேற்குறிப்பிட்ட பந்திகள் தான் அவர்களை குழப்பத்தில் ஏற்படுத்தி இருக்கலாம் என நாங்கள் நினைக்கின்றோம். இவ்விடையம் தொடர்பாக தமிழ் தேசியக் கூட்டமைப்பினராகிய நாங்கள் தெளிவாக கூறவருவது என்னவேன்றால்.

ஜ.நாவினுடைய அரசில் சாசனத்தில் உள்ளடக்கப்பட்டிருக்கின்ற சிவில் அரசியல் உரிமை சம்மந்தமாகவும், பொருளாதார, சமூக, கலாசார உரிமைகள் சம்மந்தமாக உருவாகியுள்ள ஒப்பந்தம் இரண்டிலும் குறிப்பிட்டிருப்பது என்னவேன்றால், ஒரு மக்கள் குழாமிற்கு சுயநிர்ணைய உரிமைக்கு உரித்துண்டு என்று கூறப்பட்டுள்ளது.

அதனையே நாங்களும் கூறுகின்றோம். எமது சிவில் அரசியல், பொருளாதார, சமூக, கலாசார விடையங்கள் சம்மந்தமாக நாம் வாழ்ந்து வருகின்ற பிரதேசங்களில் எங்களுடைய தலைவிதியை நிர்ணையிக்கும் உரிமை எமக்கு உண்டு என்பதை. இதனால் இலங்கையினுடைய அரசியல் சாசனத்தை மீறுவது என்பது பொருளல்ல.

சர்வதேச அளவில் தற்போது சுயநிர்ணைய உரிமை சம்மந்தமாக பல்வேறு முன்னேற்றங்கள் ஏற்பட்டுள்ளன. அதனடிப்படையல் உள்ளகசுயநிர்ணைய உரிமை, வெளியகசுயநிர்ணைய உரிமை என்று இரண்டு வகையாகக் கொள்ளப்படுகின்றது. உள்ளக சுயநிர்ணைய உரிமை என்றால், ஒரு நாட்டின் அரசியல் சாசனத்தின் அடிப்படையில் மக்கள் குழாம் தங்களுடைய சிவில், பொருளாதாக,கலாசரம் சம்மந்தமாக அபிலாசைகளை ஒருமித்த நாட்டிற்குள் நிறைவேற்றுவது. வெளியக சுயநிர்ணைய உரிமை என்றால், முற்றாகப் பிரிந்து செல்வது. அதாவது தனிப்பட்ட இறைமைக்கு உரித்தாவதாகும்.

ஒருமித்த நாட்டிற்குள் பெரும்பான்மை இனத்திற்கு நாங்கள் அடிமையாகப் போகாமல், நாங்கள் எமது நாட்டில் எமது பிரதேசத்தில் கௌரவத்துடன், சுயமரியாதையுடன், பாதுகாப்புடன் தொடர்ந்து வாழ போதிய அளவு அதிகாரங்கள் சுயாட்டி மூலம் வழங்க்பட வேண்டும் என்று கேட்கின்றோம். இதனால் நாங்கள் தனிநாட்டை கோருவதாக அர்த்;தம் இல்லை. ஜனாதிபதியும், வேறு விதமான கருத்துக்களை கூறுகின்றவர்களும் தமிழ் தேசியக் கூட்டமைப்பின் தேர்தல் விஞ்ஞாபனத்தினை கவணமாகப் படிக்க வேண்டும் என்று நாங்கள் இந்த சந்தர்ப்பத்தில் கேட்டுக்கொள்ளுகின்றோம்.

தவறான கருத்துக்களை கூறி மக்கள் மத்தியில் குழப்பதை ஏற்படுத்த கூடாது. நிச்சைமாக தமிழ் மக்கள் குழம்புவார்கள் என்று நினைக்கவில்லை. ஆனால் பெரும்பான்மை இனத்தவர்களும் குழம்பக்கூடாது. ஏன் என்றால் ஒரு அரசியல் தீர்வினை காண்பதற்கு பெரும்பான்மை மக்களுடைய பங்களிப்பும் தேவை என்பதை நாங்கள் உணருகின்றோம்.

ஜனாதிபதி இவ்விதமான ஒரு கருத்தினை முன்வைக்க அவருக்கு பல காரணங்கள் இருக்கலாம். துரதிஸ்ரவசமாக ஒரு அரசியல் தீர்வு இருக்குமாக இருந்தால் அவ்வாறான ஒரு கருத்தினை அவர்கள் இதுவரைக்கும் முன்வைக்கவில்லை.

2006 ஆம் ஆண்டு சர்வகட்சிக் குழு நியமிக்கப்பட்டது. அதே போன்று 2006 ஆம் ஆண்டு பல்லினங்களை சேர்ந்த நிபுணர் குழுவினை நியமித்துள்ளார். இவ்விரு குழுக்களுடைய நியமனங்களும் அரசியல் தீர்வு தொடர்பான அறிக்கை சமர்ப்பிப்பதற்கே உருவாக்கப்பட்டது.

ஆனாலும் சர்வகட்சிக் குழ மிக நீண்ட காலத்திற்குப் பின்னர் அரசாங்கத்திடம் வழங்கிய அறிக்கை இதுவரைக்கும் பகிரங்கப்படுத்தப்படவில்லை. அதே போன்று பல்லின நிபுணர் குழு அறிக்கை சமர்ப்பித்தும் அது இன்றுவரை நடைமுறைப்படடுத்தப்படவில்லை. இதற்கிடையில் சர்வதேச சமூகத்துடன பலவிதமான பேச்சுவார்த்தகைகளும் இடம்பெற்றது. இப்போச்சுவார்தைகள் மூலமும் கூட்டு அறிக்கைகள் வெளியிடப்பட்டது. அதிலும் அரசில் தீர்வு தொடர்பாக கூறப்பட்டிருந்தது. ஆனாலும் இதில் எதனையும் அவர்கள் நிறைவேற்றவில்லை.

தமிழ் தேசியக் கூட்டமைப்பு அரசாங்கத்துடன் நடத்திய பேச்சுவார்த்தை முடிவில் பதில் தருவதாக கூறினால்கள். அதற்கு இன்றுவரைக்கும் பதில் இல்லை. பதில் தரமுடியாத நிலையில் அரசாங்கம் உள்ளது. நல்லிணங்கத்தின் சிபார்சுகளும் இன்னும் நடைமுறைப்படுத்தப்படவில்லை. அரசாங்கத்தினைப் பொறுத்தவரையில் அரசியல் தீர்வு சம்மந்தமாக இன்றுவரைக்கும் எந்தவிதமான நிலைப்பாட்டையும் எடுக்கவில்லை. எடுக்க வேண்டும் என்றும் கோரிக்கை விடுக்கின்றோம்.

தமிழ் தேசியக் கூட்டமைப்பு தேர்தல் விஞ்ஞாபனத்தினை வெளியிட்டது. இந்நிலையில் அரசாங்கத்தின் விஞ்ஞாபனம் எங்கே? விஞ்ஞாபனத்தை மக்கள் மத்தியில் சமர்ப்பிக்காலம் மக்கள் மத்தியில் வாக்குக் கேட்க உங்களுக்கு என்ன உரிமை உள்ளதென அவர் கேள்வி எழுப்பியிருந்தார்.

This posting includes an audio/video/photo media file: Download Now

தமிழ்த் தேசியக் கூட்டமைப்பின் தேர்தல் அறிக்கை அரசியலமைப்புக்கு முரணானது என்று, சிறிலங்கா அதிபர் உள்ளிட்ட, ஆளும் ஐக்கிய மக்கள் சுதந்திர முன்னணியின் தலைவர்கள் தேர்தல் மேடைகளில் பரப்புரை செய்து வருகின்ற போதிலும், இது தொடர்பாக தேர்தல் ஆணையாளரிடம் எந்த முறைப்பாட்டையும் தெரிவிக்கவில்லை.

இதுதொடர்பாக கருத்து வெளியிட்டுள்ள சிறிலங்கா தேரதல் ஆணையாளர் மகிந்த தேசப்பிரிய,

"தமிழ்த் தேசியக் கூட்டமைப்பின் தேர்தல் அறிக்கை தொடர்பாகவோ, கூட்டமைப்பின் முதலமைச்சர் வேட்பாளர் சி.வி.விக்னேஸ்வரன் வெளியிட்ட கருத்துகள் தொடர்பாகவோ, ஐக்கிய மக்கள் சுதந்திர முன்னணி குறிப்பிடத்தக்க எந்த முறைப்பாட்டையும் தெரிவிக்கவில்லை.

தமிழ்த் தேசியக் கூட்டமைப்புக்கு எதிராக, ராவண பலய அமைப்பு மட்டும் தான், கூட்டமைப்பின் தேர்தல் அறிக்கை நாட்டின் அரசியலமைப்புக்கு முருணானது என்று முறைப்பாடு செய்துள்ளது.

அரசியல் கட்சிகள் தேர்தல் சட்டங்களை மீறாத வகையில் பரப்புரைகளை மேற்கொள்ள வேண்டும்." என்றும் தெரிவித்துள்ளார்.

This posting includes an audio/video/photo media file: Download Now

       

This posting includes an audio/video/photo media file: Download Now

     

This posting includes an audio/video/photo media file: Download Now

யுத்தம் முடிவடைந்து நான்கு வருடங்கள் கழிந்துவிட்ட போதிலும், அச்சம் சூழ்ந்த ஒரு நிலையிலேயே வடக்கு மக்கள் வடமாகாண சபைக்கான தேர்தலை எதிர்நோக்கியிருக்கின்றார்கள்.இந்தத் தேர்தலில் தமிழ்த்தேசிய கூட்டமைப்பு, ஐக்கிய மக்கள் சுதந்திர முன்னணி, ஐக்கிய தேசிய கட்சி, சிறிலங்கா முஸ்லிம் காங்கிரஸ் உள்ளிட்ட பல கட்சிகளும் சுயேச்சை குழுக்களும் களமிறங்கியுள்ள போதிலும், இரு முனைப் போட்டியே அங்கு முனைப்பு பெற்றிருக்கின்றது. ஐக்கிய மக்கள் சுதந்திர முன்னணியும், தமிழ்த்தேசிய கூட்டமைப்பும் வாக்காளரின் பேராதரவைப் பெற்று ஆசனங்களைக் கைப்பற்றிவிட வேண்டும் என்று […]

This posting includes an audio/video/photo media file: Download Now

சுபமுகூர்த்தம் மற்றும் ஓணம் பண்டிகையை முன்னிட்டு பூக்களின் விலை அதிரடியாக உயர்ந்துள்ளது. ஒரு கிலோ மல்லிகைப்பூ கிலோ 600க்கு விற்பனை செய்யப்பட்டது. சுபமுகூர்த்தம், ஓணம் பண்டிகையை முன்னிட்டு சேலம் மார்க்கெட்டில் பூக்கள் விலை அதிரடியாக உயர்ந்தது. நாளை 16ம் திகதி சுபமுகூர்த்த தினம். அன்று நாடு முழுவதும் மலையாள மக்கள் ஓணம் பண்டிகையை கொண்டாடுகின்றனர். நேற்று சேலம் வ.உ.சி. பூமார்க்கெட்டில் பூக்கள் வாங்க மக்கள் கூட்டம் அதிகம் காணப்பட்டது. மல்லிகை, முல்லை, பட்டன் ரோஜா, ஜாதிமல்லி, கோழிக்கொண்டை, […]

This posting includes an audio/video/photo media file: Download Now