Tamil Star

 காஷ்மீர் மாநில முதல்வர், ஒமர் அப்துல்லா பயணம் செய்த ஹெலிகாப்டர், வானிலை சரியில்லாததால் அவசரமாக தரையிறங்கியுள்ளது. ஹெலிகாப்டரில் இருந்து இறங்கிய ஒமர், உள்ளூர்வாசிகளுடன் கிரிக்கெட் விளையாடி பொழுதைக் கழித்துள்ளார்.

This posting includes an audio/video/photo media file: Download Now

இளவரசி டயானாவை கொலை செய்தது பிரிட்டன் ராணுவத்தைச் சேர்ந்த ஒருவர் என்று வெளியான புதிய தகவல் குறித்து லண்டனின் ஸ்கார்ட்லாந்து யார்டு போலீசார் விசாரணையைத் தொடங்கியுள்ளனர்.

1997 ஆகஸ்ட் 31-ல் டயானா தனது நண்பர் டோடியுடன் பாரீஸில் காரில் சென்ற போது விபத்துக்குள்ளாகி உயிரிழந்தார்.இத்தகவல் உண்மையானது தானா என்பது குறித்து விசாரணை நடத்த ஸ்காட்லாந்து யார்டு போலீஸ் உயரதிகாரி சர் பெர்னார்ட் ஹோரன்-ஹவ் அனுமதி வழங்கியுள்ளார். இருந்தாலும் இப்போது நடைபெறுவது டயானா மரணம் குறித்த முழுமையான மறுவிசாரணை அல்ல என்று தெரிவிக்கப்பட்டுள்ளது.

This posting includes an audio/video/photo media file: Download Now

"மத்திய அரசால் தேடப்பட்ட பயங்கரவாதி, அப்துல் கரீம் துண்டா, 70, கைது செய்யப்பட்டதன் மூலம், நாங்கள் நிம்மதி அடைந்துள்ளோம்; துண்டா செய்த குற்றங்களுக்காக, அவனை தூக்கிலிட வேண்டும்' என, அவனது குடும்பத்தினரும், அண்டை அயலாரும் ஆவேசமாக கூறிஉள்ளனர். மத்திய அரசால், தேடப்படும் பயங்கரவாதிகள் பட்டியலில் இடம் பெற்றிருந்தவனும், நாட்டில் நிகழ்ந்த, 40க்கும் மேற்பட்ட குண்டு வெடிப்புகளில் தொடர்புடையவனுமான, அப்துல் கரீம் துண்டா, இந்திய - நேபாள எல்லைப் பகுதியில், டில்லி போலீசாரால் கைது செய்யப்பட்டான்.

துண்டாவின் கைது குறித்து, காஜியாபாத் அருகே, ஹபூர் என்ற இடத்திலுள்ள, அவனது வீட்டிற்கு அருகில் வசிப்போரும், உறவினர்களும் கூறுகையில், "பயங்கரவாதி துண்டா, கைது செய்யப்பட்டது வரவேற்கத் தக்கது. அவன் கைதால், நாங்கள் நிம்மதி அடைந்துள்ளோம். துண்டா செய்த குற்றங்களுக்காக, அவனை தூக்கிலிட வேண்டும்' என்றனர்.

துண்டாவின் சகோதரர், அப்துல் மாலிக் கூறியதாவது: துண்டா எங்கிருக்கிறான் என்பதை அறிய, போலீசார் அடிக்கடி என் வீட்டிற்கு வந்து சென்றனர்; விசாரணை நடத்தினர். நான் கடைசியாக, என் சகோதரனை, 1991ல் பார்த்தேன். துண்டாவின் குடும்பத்தினர், ஹபூரில், 1994 மற்றும், 1995ம் ஆண்டிற்கு இடையே, ஒன்றரை ஆண்டு காலம் வசித்தனர். நமது நிர்வாகத்தினரும், அதிகாரிகளும், துண்டா விஷயத்தில், சரியாக செயல்பட்டுள்ளனரா, இல்லையா என்பதை கோர்ட் முடிவு செய்யும். இவ்வாறு, அப்துல் மாலிக் கூறினார். துண்டாவின் மைத்துனி, தகிரா கூறுகையில், ""எங்களது, ஒட்டு மொத்த குடும்பத்தினரும், துயரங் களுக்கும், கொடுமை களுக்கும், ஆளாக காரணமாக இருந்த துண்டா விற்கு, மரண தண்டனை வழங்க வேண்டும். இதற்கு முன், பல முறை துண்டா கைது செய்யப்பட்டதாகத் தெரிவிக்கப்பட்டது. ஆனால், அப்படி ஒன்றும் நடக்கவில்லை. இந்த முறைதான், நல்ல செய்தியை கேட்டுள்ளோம்,'' என்றார். அப்துல் கரீம் துண்டாவின் அண்டை வீட்டுக்காரரான, தேவேந்தர் சர்மா கூறியதாவது: துண்டா கைது செய்யப்பட்டதில், எங்களுக்கு மிக்க மகிழ்ச்சி. அவனிடம் தீவிர விசாரணை நடத்துவதோடு, இந்திய தண்டனை சட்டத்தின்படி, அதிகபட்ச தண்டனையும் வழங்க வேண்டும். எங்கள் பகுதியில் வசிப்பவர்களின், கவுரவத்தையே பாழ்படுத்தியவன் அவன். சுதந்திர தினத்திற்கு பின், அவன் கைது செய்யப்பட்டதாக, செய்தி வெளியாகியுள்ளது, பெருமை அடைய வைக்கிறது. இவ்வாறு, தேவேந்தர் சர்மா கூறினார். கடந்த, 1990ம் ஆண்டுகளில், துண்டா தலைமறைவாகி விட்டாலும், 2000ம் ஆண்டில், அவன் இறந்து விட்டதாக, உளவு நிறுவனங்களுக்கு தகவல் கிடைத்தது. இதனால், அவனை தேடும் வேட்டையில், தொய்வு ஏற்பட்டது. இருந்தாலும், 2005ம் ஆண்டில், லஷ்கர்-இ-தொய்பா பயங்கரவாத அமைப்பின், ஒருங்கிணைப்பாளர், டில்லி போலீசாரால் கைது செய்யப்பட்டு, விசாரணை நடத்திய போது, துண்டா உயிரோடு இருப்பது தெரியவந்தது. இதையடுத்து, மீண்டும் தேடுதல் பணி தொடர்ந்தது.

This posting includes an audio/video/photo media file: Download Now

இலங்கையில், நவம்பர் மாதம் நடைபெறவுள்ள பொதுநலவாய மாநாடுகளின் தலைவர்கள் கூட்டத்தில் பங்கேற்க வருமாறு இந்திய பிரதமர் மன்மோகன்சிங்கிற்கு நேரில் அழைப்பு விடுக்கவிருப்பதாக இந்திய செய்திகள் தெரிவிக்கின்றன.

புதுடில்லிக்கு  ஞாயிற்றுக்கிழமை விஜயம் செய்யவிருக்கின்ற இலங்கை வெளிவிவகார அமைச்சர் ஜி.எல்.பீரிஸே அழைப்பிதழை வழங்கவிருக்கின்றார் என்று இந்திய செய்திகள் தெரிவிக்கின்றன.

இலங்கையில் நடைபெறவிருக்கின்ற பொதுநலவாய மாநாட்டில்  இந்தியா பங்கேற்ககூடாது என்று தமிழக அரசியல் கட்சிகள் வலியுறுத்தி வருகின்றன.  ஆனால், உலக நாடுகள் பங்கேற்கும் இக்கூட்டத்தை அரசியல் காரணங்களைக் கூறி தவிர்க்கக்கூடாது என்று மத்திய அரசு கூறியுள்ளது குறிப்பிடத்தக்கது.

This posting includes an audio/video/photo media file: Download Now

கர்நாடகா மாநிலத்தில் கடந்த மே மாதம் சட்டசபைக்கு தேர்தல் நடந்தது. இந்த தேர்தலில் பெங்களூர் ரூரல் மற்றும் மண்டியா லோக்சபா தொகுதி மதசார்பற்ற ஜனதா தள எம்.பி.க்களாக இருந்த எச்.டி. குமாரசுவாமி, என். செல்லுவராய சுவாமி ஆகியோர் எம்.எல்.ஏ-க்களாக தேர்தலில் வெற்றிப்பெற்றனர். ஆகையால் அவர்கள் தங்களின் எம்.பி.க்கள் பதவியை ராஜினாமா செய்தனர். இதையடுத்து வரும் 21-ம் தேதி அந்த இரு தொகுதிகளுக்கும் இடைத்தேர்தல் நடைபெறவுள்ளது. இங்குள்ள வாக்குகளை பெறும் நோக்கில் கெங்கேரி மற்றும் மண்டியா வாக்களர்களுக்கு பணம் பட்டுவாடா செய்வதற்காக ரூ. 2. 12 கோடி எடுத்துச்செல்லப்பட்டது. 1000 மற்றும் 500 ரூபாய் நோட்டுகளாக கணக்கில் வராத இந்த பணக்கட்டுகள் வாகனங்களில் எடுத்து செல்லப்படுவதாக செய்தி போலீசுக்கு வந்தது. உடனே அதனை எடுத்து சென்ற வாகனங்களை போலீசார் இடைமறித்தனர். அப்போது அந்த வாகனங்களில் இருந்த 2.12 கோடி ரூபாய் பணத்தை போலீசார் கைப்பற்றினர். பணத்தை எடுத்துச்சென்ற ஒன்பது பேரையும் போலீசார் கைதுசெய்து விசாரணை நடத்தி வருகின்றனர். விசாரணைக்கு பிறகே எந்த கட்சியை சேர்ந்தவர்கள் இதில் ஈடுபட்டனர் என்பது தெரியவரும். இத்தொகுதிகளில் எச்.டி. குமாரசுவாமியின் மனைவி அனிதா குமாரசுவாமி, சி.எஸ். புட்டராஜ் ஆகியோர் மதச்சார்பற்ற ஜனதா தளம் சார்பிலும், காங்கிரஸ் சார்பில் டி.கே. சுரேஷ் குமார், கன்னட திரைப்பட நடிகை ரம்யா ஆகியோரும் போட்டியிடுகின்றனர்.

This posting includes an audio/video/photo media file: Download Now

வட மாகாண சபைத்தேர்தலை கண்காணிப்பதற்கு தெற்காசிய நாடுகளின் பிராந்தியக் கூட்டமைப்பு (சார்க்) கண்காணிப்பாளர்கள் 17 பேர் கண்காணிப்பதற்கு வருகை தருவர் என்று தேர்தல்கள் ஆணையாளர் மஹிந்த தேசப்பிரிய தெரிவித்துள்ளார்.

கட்சிகளின் பிரதிநிதிகளுக்கும் தேர்தல்கள் ஆணையாளருக்கும் இடையில் இடம்பெற்ற சந்திப்பின் போதே அவர் மேற்கண்டவாறு தெரிவித்துள்ளார். இந்த சந்திப்பில் கலந்துக்கொண்ட எதிர்க்கட்சிகளின் பிரதிநிதிகள், மூன்று மாகாண சபைகளுக்குமான தேர்தல்களின் போதும் அரசாங்கம், அரச சொத்துக்களை தேர்தல்கள் பிரசாரங்களுக்காக பயன்படுத்துவதாக சுட்டிக்காட்டியுள்ளனர்.

அத்துடன், வடக்கில் இராணுவத்தின் இடையூறுகள் அதிகரித்துள்ளதாகவும் அவர்கள் சுட்டிக்காட்டியுள்ளனர். அதுமட்டுமன்றி கட்சி உறுப்பினர்களின் விபரங்களை இராணுவத்தின் புலனாய்வு பிரிவினர் திரட்டி வருவதாக மக்கள் விடுதலை முன்னணியின் பிரதிநிதி சுட்டிக்காட்டியுள்ளார்.

This posting includes an audio/video/photo media file: Download Now

தமிழ் தேசிய கூட்டமைப்பினால் கூறப்படும் மூன்றாவது போராட்டம் தொடர்பில் அவதானமாக இருக்குமாறு அமைச்சர் மைத்திரிபால சிறிசேன தெரிவித்துள்ளார். குரனாகலையில் இடம்பெற்ற மக்கள் சந்திப்பு ஒன்றில் உரையாற்றும் போது அவர் இதனைத் தெரிவித்துள்ளார்.

வடமாகாண சபைத் தேர்தல் தங்களின் மூன்றாவது போராட்டம் என்று, தமிழ் தேசிய கூட்டமைப்பின் முதலமைச்சு வேட்பாளர் சீ.வி.விக்னேஸ்வரன் தெரிவித்திருந்தார். இது தொடர்பில் கருத்து வெளியிட்ட அமைச்சர், தமிழ் தேசிய கூட்டமைப்புக்கு மூன்றாவது நோக்கம் ஒன்று உள்ளது என்பது, அதன் முதலமைச்சு வேட்பாளரது கருத்தில் புலனாகி உள்ளது.

அதன் உள்நோக்கம் தொடர்பில் அவதானத்துடன் இருக்க வேண்டும் என்று அமைச்சர் தெரிவித்துள்ளார்.

This posting includes an audio/video/photo media file: Download Now

இலங்கைக்கு விஜயம் செய்யவுள்ள ஐநாவின் மனித உரிமைகள் ஆணையாளர் நவி பிள்ளை, தமது விஜயத்தின்போது பலதரப்படட்டவர்களையும் சந்திப்பார் என்று தகவல் வெளியாகியுள்ள நிலையில், அவரைச் சந்தித்துப் பேசுவதற்கான முயற்சிகளில் விடுதலைப்புலிகளின் முன்னாள் திருகோணமலை அரசியல்துறை பெறுப்பாளர் எழிலனின் மனைவி அனந்தி சசிகரன் ஈடுபட்டுள்ளார்.

நவி பிள்ளை அம்மையாரைச் சந்திப்பதற்கு ஏற்பாடு செய்து தருமாறு கோரியிருக்கின்ற போதிலும், அதற்கான நேரம் இன்னும் தனக்கு கிடைக்கவில்லை என்று அனந்தி சசிகரன் பிபிசி தமிழோசையிடம் தெரிவித்தார்.

இறுதிப் போரில் படையினரிடம் சரணடைந்த, காணாமல் போயுள்ளவர்களின் உறவினர்கள் தொடர்பாகவும், தமிழ் அரசியல் கைதிகள் தொடர்பாகவும், பாலியல் துன்புறுத்தல்களுக்கு ஆளாக்கப்பட்டுள்ள பெண்கள் தொடர்பாகவும் ஐநாவின் மனித உரிமைகளுக்கான ஆணையாளரை சந்தித்துப் பேசவுள்ளதாக அவர் கூறினார்.

'மனித உரிமைப் பிரச்சனை'

'பாதிக்கப்பட்டவல்களில் ஒருவர் என்ற வகையிலும், பாதிக்கப்பட்ட பெண்கள் கூட்டத்திற்குத் தலைமை தாங்குபவர் என்றபடியாலும், இந்தப் பிரச்சினைகள் தொடர்பில் நேரில் அவரிடம் தெரிவிப்பதற்காகவே நான் அவரைச் சந்திக்க இருக்கின்றேன். அதற்காகத் தீவிரமாகச் செயற்பட்டு வருகின்றேன்' என்றார் அனந்தி சசிகரன்.

வருகின்ற செப்டெம்பர் மாதம் நடைபெறவுள்ள தேர்தலில் வேட்பாளராக இருக்கின்ற நிலையில் தேர்தல் நலன்களை முன்வைத்தே, நவி பிள்ளையைச் சந்திக்கின்றீர்கள் என்ற விமர்சனம் உங்கள் மீது வைக்கப்படலாம் அல்லவா என்று கேட்கப்பட்டபோது, 'இது மனித உரிமை தொடர்பான விடயம். வெறும் அரசியல் பிரச்சினை அல்ல என்று' அவர் பதிலளித்தார்.

'மனித உரிமைகள் தொடர்பாகவே நவநீதம் பிள்ளையைச் சந்திக்கவுள்ளேன். அவர் மனித உரிமைகள் சம்பந்தப்பட்டவர். அவருடனான சந்திப்பின் போது அரசியல் பேச முடியாது. அவரைச் சந்திப்பதை அரசியல் ரீதியானது என்று சிந்திப்பதே தவறு' என்று அனந்தி சசிகரன் சுட்டிக்காட்டினார்.

'சரணடைந்த, காணாமல் போயுள்ளவர்கள் தொடர்பிலும் பெண்களின் பிரச்சினைகள் தொடர்பாகவும் மாகாண சபைத் தேர்தல் வருவதற்கு முன்பிருந்தே நாங்கள் செயற்பட்டு வருகின்றோம். அது முற்றிலும் மனித உரிமைகள் சம்பந்தப்பட்ட விடயம். அதற்கும் அரசியலுக்கும் எந்தவிதத்திலும் சம்பந்தமில்லை' என்றும் அவர் குறிப்பிட்டார்.

This posting includes an audio/video/photo media file: Download Now

நைஜீரியா நாட்டில் போகோ ஹாரம் என்ற தீவிரவாத இயக்கம் செயல்படுகிறது. இவர்கள் ராணுவம் மற்றும் பொதுமக்களுக்கு எதிராக அடிக்கடி தாக்குதல் நடத்துகிறார்கள். போர்னோ மாகாணத்திலுள்ள டாம்போயா நகருக்கு 50 தீவிரவாதிகள் கார், மோட்டார்சைக்கிள்களில் வந்து திடீர் தாக்குதல் நடத்தினார்கள். கடைகள், வீடுகளுக்கு தீ வைத்தனர். உடனே ராணுவத்தினர் பதிலடி கொடுக்க கடும் சண்டை நடந்தது. இந்த மோதல்களில் ராணுவ வீரர்கள், அப்பாவிகள் உள்பட 11 பேர் செத்தனர். இதேபோல கோம்பி என்ற இடத்தில் ராணுவம், தீவிரவாதிகள் இடையே 2 மணிநேரம் துப்பாக்கி சண்டை நடந்ததில் 7 தீவிரவாதிகள் கொல்லப்பட்டனர். இதனால் அந்த 2 ஊர்களில் வசித்த ஏராளமான மக்கள் உயிருக்கு பயந்து தப்பி ஓடி வயல்வெளியில் தஞ்சம் புகுந்தனர்.

This posting includes an audio/video/photo media file: Download Now

ஜப்பானின் ககோஷிமா நகர் அருகே உள்ள 1117 மீட்டர் உயரமுடைய சகுரஜிமா எரிமலை நேற்று மாலை வெடித்து சிதறியது. சுமார் 5,000 மீட்டர் தூரத்திற்கு மேலே சாம்பலை பீய்ச்சி அடித்தது கண்கவர் ஆட்சியாக அமைந்தது. இருந்தும் எரிமலை சாம்பல் அந்த நகரின் பெரும்பாலான பகுதியில் பறந்ததால் ரயில், பஸ் போக்குவரத்து முற்றிலும் பாதிக்கப்பட்டது. வாகனங்கள் அனைத்தும் லைட் போட்டு சென்றன. இதிலிருந்து வெளியேறிய எரிமலைக்குழம்பானது ஒரு கிலோ மீட்டர் தூரத்திற்கு வழிந்தோடியது. இந்த ஆண்டில் சகுரஜிமா எரிமலை 500-வது முறையாக நேற்று வெடித்து சிதறியது என்று கூறப்படுகிறது.

This posting includes an audio/video/photo media file: Download Now