மக்களின் குரல்

மட்டக்களப்பு, பதுளை வீதியிலுள்ள மிள்குடியேற்றக் கிராமமான பெரிய புல்லமலையில் 'சோவா' நிறுவனத்தினால் தற்காலிகமாக அமைக்கப்படவுள்ள சந்தைக்கான காணியை வழங்குவதற்கு ஏறாவூர்பற்று பிரதேச சபைத் தவிசாளர் வினோத் உறுதி வழங்கியுள்ளார்.

சோவா நிறுவன பிரதிநிதிகள், கிராம அபிவிருத்தி சங்கத்தினர், பெரிய புல்லுமலை மக்கள் இணைந்து நேற்று வியாழக்கிழமை பிரதேச சபைத் தவிசாளருடன் நடத்திய கலந்துரையாடலில் இந்த முடிவினை தவிசாளர் தெரிவித்தார்.

பெரிய புல்லுமலை பிரதேசத்தில் குடியேறிவரும் மக்களின் வசதிகளை மேம்படுத்தும் வகையில் சோவா நிறுவன பிரதிநிதிகள் அப்பிரதேசத்தில் தங்கியிருந்து அபிவிருத்தி தொடர்பான நடவடிக்கைகளில் ஈடுபட்டு வருகின்றனர்.

இப்பிரதேசத்தில் மீள்க் குடியேறியுள்ள மக்களின் சந்தை வசதிகளை மேம்படுத்தும் வகையில் சோவா நிறுவனம் இந்தத் தற்காலிக சந்தையை அமைக்கவுள்ளது.

இதுவரை 95 குடும்பங்கள் மீளக்குடியேறியுள்ளனர். காடுகள் வளர்ந்து மிக மோசமாக உள்ளதனால் இன்னமும் 500இற்;கும் அதிகமான குடும்பங்கள் இப்பிரதேசத்தில் மீளகுடியேற முடியாத நிலை காணப்படுகிறது.

அத்துடன் இருப்பிட வசதிகள் இன்மையாலும் மக்கள் குடியேறுவதில் தயக்கம் காட்டி வருகின்றனர்.

இக் கலந்துரையாடலின் போது கருத்துத் தெரிவித்த ஏறாவூர் பற்று (செங்கலடி) பிரதேச சபையின் தவிசாளர் வினோத், அரசியலுக்கப்பால் தன்னாலான அனைத்து உதவிகளையும் மீளக்குடியேறும் பெரிய புல்லுமலை மக்களுக்காக செய்து தர நடவடிக்கை எடுப்பதாகத் தெரிவித்தார்.

மட்டக்களப்பு மாவட்டத்தின் களுவாஞ்சிகுடி பிரதேசத்துக்குட்பட்ட பெரியகல்லாறு சூரியா விளையாட்டுக்கழகத்தின் ஏற்பாட்டில் 'கற்பனைக்கும் அப்பால்' எனும் தொனிப்பொருளிலான தொழில்நுட்ப, விஞ்ஞான, கல்வி மற்றும் வர்த்தக கண்காட்சி இன்று ஆரம்பமானது.

மட்டக்களப்பு மாவட்டத்தில் முதன்முறையாக மாணவர்களின் கண்டுபிடிப்புக்களை உள்ளடக்கியதான மாபெரும் கண்காட்சியாக இது நடைபெற்று வருகின்றது.

பெரியகல்லாறு, உதயபுரம் தமிழ் வித்தியாயத்தில் நடைபெறும் இக்கண்காட்சியை பிரதம அதிதியாக கலந்துகொண்ட பட்டிருப்பு வலய கல்விப் பணிப்பாளர் என்.புள்ளநாயகம் திறந்துவைத்தார். 

சிறப்பு அதிதிகளாக கோட்டக்கல்விப் பணிப்பாளர் பி.பாலச்சந்திரன், பெரியகல்லாறு ஸ்ரீசர்வார்த்த சித்திவிநாயகர் ஆலய வண்ணக்கர் பேரின்பராசா, உதயபுரம் தமிழ் வித்தியாலய அதிபர் சி.பேரின்பராசா ஆகியோரும் கலந்து கொண்டனர்.

இந்த கண்காட்சியில் பொறியியல், நில அளவைகள் திணைக்களம், பனைபொருள் திணைக்களம் என்பன தமது காட்சிக்கூடங்களை அமைத்திருந்தன.

இன்று தொடக்கம் ஆரம்பமாகும் இந்த கண்காட்சி 24ஆம் திகதி வரையில் நடத்தப்படவுள்ளதாகவும் மாணவர்களின் எதிர்கால கல்விச்செயற்பாட்டுக்கு மிகவும் உந்துசக்தியாக இந்த கண்காட்சி அமைக்கப்பட்டுள்ளதாக சூரியா விளையாட்டுக் கழகத்தின் தலைவர் கமல்ராஜ் தெரிவித்தார்.

இக்கண்காட்சியை காண்பதற்காக இன்று காலை முதல் கிழக்கு மாகாணத்தின் பல்வேறு பகுதிகளிலும் இருந்து ஆயிரக்கணக்கான மாணவர்கள் வருகைதந்தவண்ணமுள்ளனர்

மட்டக்களப்பு வந்தாறுமூலை ஸ்ரீதேவி பூமாதேவி சமேத ஸ்ரீ மகா விஷ்ணு சந்நிதானத்தின் வருடாந்த மகோற்சவ உற்சவம் நேற்று வியாழக்கிழமை காலை கொடியேற்றத்துடன் ஆரம்பமாகியது.

இவ், உற்சவம் ஜுலை மாதம் 3ஆம் திகதி களுவன்கேணி கடற்கரையில் நடைபெறும் தீர்த்தோற்சவத்துடன் நிறைவடைய உள்ளதுஃ
இரண்டாம் நாள்முதல் சுவாமி உள்வீதி வலம் வருதல், வெளிவீதி வலம் வரதலுடன் நடைபெறும் உற்சவ நாள் விழாக்களில் பத்தாம் நாள் திருவேட்டை, கருட வாகன திருவிழா நடைபெறும்.

எதிர்வரும் 29ஆம் திகதி சயன திருவிழாவும், 2ஆம் திகதி இரவு, பகல் சங்காபிசேகமும், உறியடி உற்சவமும், தீமிதிப்பும் நடைபெறவுள்ளது.

மட்டக்களப்பு - வாழைச்சேனை பிரதான வீதியில், கிண்ணையடிச் சந்தியில் நேற்றுக் காலை இடம்பெற்ற வீதி விபத்தில் ஐந்து பேர் படுகாயமடைந்துள்ளதாக வாழைச்சேனை பொலிஸார் தெரிவித்தனர்.
மட்டக்களப்பில் இருந்து வந்து பேரூந்தும் வீதி வேலையில் ஈடுபடுவதற்காக வேலையாட்களை ஏற்றிவந்த உழவு இயந்திரமும் மோதியதில் ஐந்து பேர் காயப்பட்டுள்ளனர்.

இதில் மூன்று பேரை மேலதிக சிகிச்சைக்காக மட்டக்களப்பு போதனா வைத்தியசாலைக்கு மாற்றியுள்ளதாகவும், மற்றைய இருவரையும் வாழைச்சேனை ஆதார வைத்தியசாலையில் அனுமதிக்கப்பட்டு சிகிச்சை பெற்று வருகின்றனர்.

இவ்விபத்துச் சம்பவம் தொடர்பாக வாழைச்சேனை பொலிஸார் விசாரணைகளை மேற்கொண்டு வருகின்றார்

பொருளாதார அபிவிருத்தி அமைச்சர் பசில் ராஜபக்ஷவின் ஆலோசனைக்கமைய சிவில் விமான சேவைகள் அமைச்சின் அங்கீகாரத்தில் கொழும்பிலிருந்து மட்டக்களப்பு வரை (சீபிளேன்) கடல் விமான சேவையை நடத்த நடவடிக்கைகள் எடுக்கப்பட்டுள்ளன. 

இதன் பொருட்டு கொழும்பு சீதுவைப் பிரதேசத்திலுள்ள தண்டன் ஓயா வாவியிலிருந்து இந்தப் பரீட்சார்த்த விமானம் புறப்பட்டு இன்று மட்டக்களப்பு வாவியில் வந்து தரையிறக்கப்பட்டதாக அரசாங்க தகவல் திணைக்களத்தின் மட்டக்களப்பு மாவட்ட தகவல் ஊடக அதிகாரி பி.ரீ.அப்துல் லத்தீப் தெரிவித்தார். 

கொழும்பிலிருந்து மட்டக்களப்பு வாவியில் வந்திறங்கிய இவ்விமானத்தில் வந்த சிவில் விமான சேவை அதிகார சபை மற்றும் ஸ்ரீலங்கா விமான சேவை அதிகாரிகளை மட்டக்களப்பு மாவட்ட அரசாங்க அதிபர் பீ.எஸ்.எம்.சார்ள்ஸ் வரவேற்றார்.